Connect with us

نړۍ

د امریکا دفاع وزیر یو ځل بیا په روغتون کې بستر شو

خپور شوی

د

(Last Updated On: سلواغه ۲۳, ۱۴۰۲)

د پنټاګون ویاند څرګنده کړې، چې د امریکا دفاع وزیر لویډ آسټین د یکشنبې پر ورځ (د سلواغې دوه‌ویشتمه ) د مثانې د ستونزې له کبله د واشنګټن په یوه روغتون کې تر درملنې لاندې ونیول شو.

د پنټاګون ویاند پټ رایډر زیاته کړې، چې ۷۰ کلن لویډ آسټین په روغتون کې له بستر کیدو وروسته د دفاع وزارت مسوولیت خپلې مرستیالې کاتلین هیکس ته لېږدولی دی.

د امریکا په کانګرس کې د جمهوري غوښتونکیو او ډیموکراټانو استازو تېره میاشت له هغې وروسته، چې په روغتون کې د لویډ آسټین د بستر کیدو راپورونو خپاره شول؛ تر نیوکې لاندې راغی، چې ولې یې ولسمشر جو بایډن او نورو اړوند چارواکو ته یې د خپلې ناروغۍ په اړه څه ویلي نه‌وه.

د امریکا د پخواني ولسمشر ډونالډ ټرمپ په ګډون ځینو جمهوري غوښتونکيو شخصیتونه ان د لویډ آسټین د لرې کولو غوښتنه کړې وه.

دې انتقادونو آسټین اړ کړ، چې په یوه ټلویزیوني خبري کنفرانس کې بښنه وغواړي.

ټاکل شوې، چې لویډ آسټین د فبرورۍ په وروستیو کې هم د امریکا کانګرس ته حاضر شي.

جو بایډن ویلي؛ سره له‌دې، چې هغه د خپلې ناروغۍ په اړه خبر نه‌و ورکړی؛ خو بیا هم پر لویډ آسټین باور لري.

دا ځل پنټاګون هڅه کړې، چې روغتون ته د دفاع وزیر د بېړنی تګ او د دفاع وزارت مرستیالې ته د  مسوولیت د سپارلو پر اعلانولو د تېرې میاشتې د سیاسي شخړې د تکرار مخه ونیسي.

متقاعد څلور ستوریز جنرال او د امریکا لومړنی تورپوستی دفاع وزیر آسټن تېره میاشت هغه مهال په روغتون کې بستر شو، چې امریکایي ځواکونو په بغداد کې د ایران پر ملاتړ د ملیشې ډلې د یوه مشر پر له کینې ډک برید وکړ.

ټاکل شوې وه، چې هغه د چارشنبې پر ورځ بروکسل ته د «اوکرایین د دفاع لپاره د تماس ډلې» په غونډه کې ګډون وکړي؛ خو اوس داسې ښکاري، چې هغه به بروکسل ته ولاړ شي او که نه.

نړۍ

امريکا د اوکراين د جګړې او نوالني د وژنې له کبله پر روسيې سلګونه بنديزونه ولګول

Published

on

(Last Updated On: کب ۵, ۱۴۰۲)

امریکا جمعې پر ورځ پر روسیې پراخ بندیزونه ولګول، چې له ۵۰۰ حخه ډېر افراد او بنسټونه رانغاړي.

رویټرز راپور ورکړی، چې دا بندیزونه د اوکراین پر خاوره د روسیې د پوځي برید د دوه‌یم کال او د روسیې د حکومت ضد مخالف الکسي نوالني د وژنې له کبله لګول شوي دي.

د امریکا ولسمشر جو بایډن ویلي؛ له دې کړنې یې موخه داده، چې د روسیې د فډراسیون ولسمشر ولادیمیر پوتین به د بهرني یرغل او کورني مخالفت د ځپلیو له کبله ډېر نور څه هم له لاسه ورکړي.

ولسمشر بایډن وایي: دا بندیزونه به هغه کسان، چې د ناولني له زنداني کولو سره تړاو لري او دغه راز د روسیې مالي سکتور، دفاعي صنعتي اډې، د تدارکاتو شبکې او د نړۍ د څو وچو په یو شمېر هېوادونو کې سرغړونکي پر نښه کړي.

په واشنګټن کې د روسیې سفیر اناتولي انتونوف ویلي: ایا واشنګټن له پامه غورځولې، چې بندیزونه مونږ له منځه وړلی نه‌شي؟!

دغه راز د نړۍ اووه سترو اقتصادونو، اروپايي اتحادیې او استرالیا یو ائتلاف اعلان کړی، چې غواړي د روسیې د خامو تېلو د یو بیلر ۶۰ ډالره بیه نوره هم راکمه کړي.

بایډن ویلي، چې پوتین د ۴۷ کلن ناوالني د مړینې مسوول دی، خو د روسیې حکومت په دې پېښه کې لاس لرل رد کړل.

ولسمشر بایډن د پنجشنبې پر ورځ ویلي وه، چې په کالیفورنیا ایالت کې یې د ناولني له کونډې او لور سره په شخصي توګه لیدنه کړې ده.

په سان فرانسیسکو ښار کې د ناولني له میرمنې یولیا او لور داشا ناولني سره له لیدو وروسته بایډن خبریالانو ته وویل، چې د پوتین مخالف “یو باور نه کیدونکی زړور سړی” و.

د ناولني له مړینې وروسته یو شمېر اروپايي حکومتونو روسي ډیپلوماټان احضار کړل او د کریملین د دغه سخت مخالف د مړینې له کبله یې پر هغوی نیوکې وکړې.

 اروپایي ټولنې، بریټانیا او کاناډا هم پر روسیې لو لړ بندیزونه ولګول.

امریکا او متحدینو یې د جګړې له پیل راپدیخوا د روسیې پر وړاندې یو لړ اقدامات پلي کړي، چې په کې د مالي شتمنیو بندول، د پرمختللي تخنیکي صادراتو محدودول او د روسیې د تېلو صادراتو د پلور بیې ته د رسمي حد ټاکل شامل دي.

د بهرنیو چارو وزارت ۲۵۰ اشخاص، د سوداګرۍ وزارت ۹۰ شرکتونه او خزانې وزارت نږدې ۳۰۰ کسانو او بنسټونه د بندیزونو په نوملړ کې راوستي دي.

د ۲۰۲۲ ز.کال د فبرورۍ پر ۲۴  وسیې پر اوکراین برید وکړ او له همغې ورځې راپدیخوا د روسیې پر ضد د متحدینو کمپپاین روان دی. امریکا او متحدینو یې بېلابېل بنسټونه تر بندیز لاندې راوستي دي.

په دې جګړه کې زرګونه کسان وژل شوي، دوه اعشاریه دوه ټریلونه صادرات خنډیدلي دي.

Continue Reading

نړۍ

اسرائیلو د فلسطیني دولت له یو‌اړخیزې تپنې سره مخالفت څرګند کړ

Published

on

(Last Updated On: سلواغه ۳۰, ۱۴۰۲)

د رویټرز خبري اژانس د راپور له مخې اسرائیلو د یکشنبې پر ورځ د فلسطیني دولت له “یو اړخیزه رسمیت پېژندلو سره خپل مخالفت څرګند کړ او وایي، چې دغه راز هوکړه باید د مخامخ خبرو اترو له لارې رامنځته شي.

د اسرائیلو لومړي وزیر بنیامین نتنیاهو په کابینه کې دا خبرتیایي پرېکړه د رای ورکولو لپاره وړاندې کړه، چې د رایو پر اتفاق یې ومنله.

نتانیاهو د خپلې اوونیزې غونډې په پیل کې ویلي؛ په نړیواله ټولنه کې له هغې وروسته پر اسرائیلو د فلسطیني دولت د یو اړخیزې تپنې پرېکړه وشوه، چې د خبرو اترو په اړه هڅې رامنځته شوې.

په دې راپور کې راغلي، چې د اسرائیلو ترڅنګ  په لویدیځه غاړه کې د یو فلسطیني دولت د رامنځته کولو هڅې له ۲۰۱۴ کال راپدیخوا پر ټپه درېدلې دي.

د متحده ایالاتو ولسمشر جو بایډن په منځني ختیځ کې د یوې پراخې هوکړې د ترلاسه کولو هڅه کوي او غواړي، چې د سعودي عربستان او نورو عربي هېوادونو اړیکې نه یوازې له اسرائیلو سره عادي کړي، بلکې یو فلسطیني دولت هم رامنځته شي.

د نتانیاهو د دفتر د څرګندونو له مخې؛ د اسرائیلو رسمي بیان دا حقیقت رابرسېره کوي، چې: اسرائیل له فلسطین سره د دایمي تړون په اړه نړیوال فرمانونه پر کلکه ردوي؛ خو که له شرط پرته د اړخونو ترمنځ د مخامخ خبرو اترو له لارې رامنځته شي.

د غزې روانه جګړه د اکتوبر پر اوومه پر اسرائیلي ټولنې د حماس له برید پیل شوې؛ خو د اسرائیلو او فلسطینیانو تر منځ جګړه له تېرو اووه لسیزو راپدیخوا روانه ده، چې اوس یې منځنی ختیځ هم بې ثباته کړی دی.

Continue Reading

نړۍ

د ملګرو ملتونو امنیت شورا به سې شنبه په غزه کې د اوربند په اړه رای ورکړي

Published

on

(Last Updated On: سلواغه ۲۹, ۱۴۰۲)

ډیپلوماټانو راپور ورکړی؛ شونې ده، چې د ملګرو ملتونو امنیت شورا به د سې شنبې پر ورځ د اسرائیل او حماس ترمنځ د بشري اوربند لپاره د الجزایر د غوښتنې په اړه رای ورکړي.

د رویټرز د څرګندونو له مخې: الجزایر څه باندې دوه اوونۍ مخکې د پرېکړه لیک لومړنۍ مسوده وړاندې کړې وه؛ خو په ملګرو ملتونو کې د امریکا سفیرې لینډا ټووماس ګرین فیلډ ویلي، د پرېکړه لیک متن کولی شي “حساس مذاکرات” له خطر سره مخ کړي، چې موخه یې د جګړې د درولو لپاره منځګړیتوب دی.

دیپلوماتانو ویلي؛ الجزایر د شنبې پر ورځ وغوښتل، چې د سې شنبې پر ورځ دې امنیت شورا رای ورکړي. د ملګرو ملتونو د امنیت شورا د پرېکړه لیک د تصویب لپاره لږ تر لږه نهه رایو ته اړتیا ده او د امریکا، بریټانیا، فرانسې، چین او روسیې له خوا ویټو ته اړتیا نشته.

ټوماس ګرین فیلډ په یوه خبرپاڼه کې ویلي: امریکا د دې مسودې پر پریکړو د عمل ملاتړ نه‌کوي. که دا مسوده د رایې ورکولو لپاره راشي؛ دا به تصویب نه‌شي.

واشنګټن تل د ملګرو ملتونو د اقداماتو پر وړاندې د خپل متحد اسرائیل دفاع کړې او د اوکتوبر له اوومې راپدیخوا یې دوه ځله د امنیت شورا پرېکړه لیک ویټو کړی دی.

د امریکا، مصر، اسرائیلو او قطر ترمنځ د جګړې د بندولو او د حماس د بندیانو د خوشې کولو په اړه خبرې روانې دي.

د غزې جګړه د اکټوبر پر اوومه، چې حماس پر اسرائیلو برید وکړ؛ پیل شوه، چې د اسرائیلو د څرګندونو له مخې؛ په دې برید کې ۱۲۰۰ کسان وژل شوي او ۲۵۳ یې ونیول.

د دې برید په ځواب کې اسرائیلو پر غزې برید وکړ.

روغتیايي چارواکي وايي، له ۲۸ زره ډېر فلسطینیان وژل شوي او د زرګونه نورو جسدونه ښايي تر خاورو لاندې وي.

دا په داسې حال کې ده ، چې اسرائیلو د غزې پر سویلي رفح ښار بریدونه کړي، چې له یو میلیون ډېرو فلسطینیانو په کې پناه اخیستې او بشري بحران نور هم ورسره غځېدلی دی.

Continue Reading

Trending

Copyright © 2022 Ariana News. All rights reserved!