ساینس او ټیکنالوژي
د امریکا ولسمشرۍ پر ۶ چینايي بنسټونو بندیزونه ولګول
(Last Updated On: سلواغه ۲۳, ۱۴۰۱)
د امریکا د ولسمشر جو بایدن دفتر د هغو شپږ چینایي شرکتونو نومونه د صادراتي بندیزونو په نوملړ کې ونیول، چې د نسکور شوي څارګر بالون پر سر یې د چین او امریکا تر منځ ناندرې راپورته کړي دي.
د راپورونو پر بنسټ د امریکا ولسمشرۍ ادعا کړې، چې په دې نوملړ کې د راغليو بنسټونو هڅې د چینایي پروګرام پر بنست له څارګرو بالونونو سره تړلې دي.
د سرچینې د څرګندونو له مخې؛ پېنځه شرکتونه او یو څېړنیز بنسټ د امریکا د صادراتي محدودیتونو په نومولړ کې ورزیات شوي، چې د چین د اردو د فضايي پروګرامونو د عصري کولو لپاره یې د بیجینګ له هڅو ملاتړ کړی دی.
څو ورځې وړاندې امريکا په ډاګه کړې وه، چې د چين د پوځ اړوند د هغو بنسټونو پر ضد يې هڅې پیل کړي، چې د امريکا هوايي قلمرو ته یې د چينایي څارګر بالون په الوت کې لاس لري.