Connect with us

تازه خبرونه

د امریکا ولسمشر جوبایډن نن د ځواکونو پر وتلو او د افغانستان پر راتلونکي خبرې کوي

خپور شوی

 په

(Last Updated On: چنګاښ ۱۷, ۱۴۰۰)

ټاکل شوې د امریکا ولسمشر به پنجشنبه د چنګاښ پر ۱۷ په راتلونکیو څو ګړیو کې له افغانستان څخه د امریکایي ځواکونو د وتلو او په راتلونکي کې د دغه هېواد د وضعیت په اړه وغږیږي.

رويټرز څرګنده کړې؛ ولسمشر جو بایډن نن له افغانستان څخه د امریکایي ځواکونو د وتلو په اړه خپل ترټولو پراخ او هراړخیز اندونه وړاندې کوي، چې ورسره به د کورنۍ جګړې د پېښېدو په اړه د جمهوري غوښتونکیو اندېښنې او نیوکې راوپاروي.

د رویټرز په راپور کې راغلي؛ امریکا به له طالبانو سره د هوکړې له مخې د دوبي تر پایه خپل ټول ځواکونه له افغانستان څخه وباسي.

دې کار د افغانستان په ډېرو برخو کې د واک تشه رامنځته کړې او طالبانو د تاجکستان سره د پولو په ګډون د هېواد پراخې سیمې ونیولې.

د سپینې ماڼۍ ویاندې ویلي، چې جوبایډن به د پنجشنبې پر ورځ خپلو خلکو ته په خطاب کې د افغانستان په اړه د خپلې ادارې پر تګلاره معلومات وړاندې کړي اوټاکل شوې، چې د ځواکونو د وتلو په اړه بدلونونه هم ورسره مل وي.

دغه راز د امریکا دفاع وزارت ویلي، چې له افغانستان څخه د امریکایي ځواکونو د وتلو بهیر ۹۰ سلنه بشپړ شوی دی.

له بلې خوا ډېريو کارپوهانو د دغه راز وتلو په اړه له کورنۍ جګړې خبرداری ورکړی دی.

ترټولو مهم خبرداری په افغانستان کې د امریکايي ځواکونو نوي غوره شوي قومندان جنرال آسټین میلر خپور کړی، چې د ځواکونو له بشپړ وتلو سره به په افغانستان کې کورنۍ جګړه رامنځته شي.

د امریکا استخباراتي سرچینې هم دې پایلې ته رسیدلي، چې د افغانستان حکومت او اردو د کابل ساتنه نشي کولی او روانه شل کلنه جګړه هم پوځي حل نلري.

دا په داسې حال کې ده، چې جوبایډن د ډونالډ ټرمپ سیاسي هوکړه وننګوله او د نظامي مشرانو پر مشرۍ یې وغوښتل، چې د افغانستان له امنیتي ځواکونو سره د مرستې لپاره باید خپل حضور د سپټمبر تر ۱۱ خوندي او د زور له لارې د طالبانو د بیا واکمنېدو مخه ونیسي، چې دې کار د سولې خبرې وځنډولې او جګړې هم په هېواد کې پراخې شوې.

تازه خبرونه

اسلامي امارت له رسنیو خپل ملاتړ روان ساتي – مجاهد

خپور شوی

په

توسط

(Last Updated On: غویی ۲۹, ۱۴۰۱)

د اسلامي امارت ویاند ویلي، چې حکومت له رسنیو او خبریالانو سره همکاري کوي او رسنۍ دې هم په خپلو خپرونو کې اسلامي ارزښتونه، د رسنیو اصول او ملي ګټې په پام کې ونیسي.

د اسلامي امارت ویاند ذبیح الله مجاهد نن پنجشنبه د غويي ۲۹ د مطبوعاتو د آزادۍ د نړیوالې ورځې په نمانځغونډه کې څرګنده کړې چې د رسنیو د سرغړونو کمیسیون نن خپل کار پیل کړی او اطلاعاتو ته د لاسرسي هغه به هم په نږدې راتلونکي کې خپل کار پیل کړي.

د ذبیح الله مجاهد د څرګندونو له مخې؛ اسلامي امارت د اسلامي شریعت په چوکاټ کې د رسنیو ملاتړ ته ژمن دی. نوموړي پر رسنيو غږ وکړ، چې په خپلو خپرونو کې ملي ګټې او اسلامي ارزښتونه پام ونيسي.

نوموړی وایي: حکومت له رسنیو سره اقتصادي ملاتړ ته دوام ورکوي او مونږ غواړو، چې د رسنیو ستونزې صفر ته راکښته کړو.

هغه له رسنیو وغوښتل، چې د اسلامي اصولو پر بنسټ د رسنیو فعالیت تروان وساتل شي.

د اطلاعاتو او فرهنګ وزارت د معلوماتو له مخې، د تېر حکومت له نسکورېدو وروسته اوسمهال په هېواد کې ۱۹۸ چاپي او غږیزې رسنۍ شته، چې ۱۷۰ رسنۍ له اقتصادي ستونزو له کبله تړل شوې دي.

د اطلاعاتو او فرهنګ وزارت د خپرونو مشر عبدالحق حماد ويلي: ډېري رسنۍ، چې بندې دي؛ مسوولين يې له افغانستان څخه وتلي او نورې يې د بهرنيانو په ملاتړ پورې تړلې وې، چې اوس فعالې ندي.

په افغانستان کې وروستیو سیاسي پرمختګونو د رسنیو پر وضعیت هم اغېز کړی، چې د راپورونو له مخې د یو شمېر رسنیو د تړل کېدو له کبله د رسنیو شاوخوا ۶۰۰۰ کارکوونکطو خپلې دندې له لاسه ورکړې دي.

Continue Reading

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

Trending

Copyright © 2022 Ariana News. All rights reserved!