Connect with us

ساینس او ​​ټیکنالوژي

د امریکا پوځي بې پیلوته فضایي الوتکه له ۹۰۸ څېړنیزو ورځو وروسته بیرته راستانه شوه

Published

 on

(Last Updated On: لړم ۲۳, ۱۴۰۱)

د شنبې پر سهار د امریکا د پوځ یوې بې پیلوټه څېړنیزې فضایي الوتکې له ۹۰۸ ورځو تېرولو وروسته خپل شپږم ماموریت بشپړ کړ او بېرته ځمکې ته خوندي راکښته شوه.

دغه پر لمریزې برښنا چلېدونکې فضایي الوتکه، چې کوچنۍ سپوږمکۍ ته ورته ده؛ له خپل مداره د ناسا کنیدي نومي فضایي مرکز ته راکښته شوه، چې په پېنځم ماموریت کې یې ۷۸۰ ورځې تېرې کړې وې.

دا الوتکه بوینګ شرکت جوړه کړې ده.

د دې شرکت د مشر مرستیال جیم کالتن ویلي چې د (X-37B) نومې دې الوتکې د لومړي ځل لپاره په ۲۰۱۰ ز. کال کې فضایي الوت پیل کړ او هر ځل ډېره پاتې شوې ده.

کالتن ویلي، چې دې الوتکې د امریکا د هوایي تکنالوژۍ لپاره بې جوړې وړتیاوې چټکې کړې دي.

دې الوتکې فضا ته یوه وسیله وړې وه، چې د امریکا د بحري ځواکونو د څېړنو لابراتوار، د امریکا د هوایي ځواکونو اکاډمۍ او ځینو نورو ادارو پرې تجربې پیل کړې. دا وسیله په مدار کې له الوتکې جلا شوه او الوتکه په خوندي توګه بېرته ځمکې ته راکښته شوه.

په ۲۰۲۱ ز. کال کې فالکون – ۸ ستلایت، چې د حربي ښوونځي زدکوونکیو د هوایي ځواکونو له څېړنیز لابراتو سره په ګډه دیزان او جوړ کړی و؛ هم تجربه شو، چې تر اوسه په مدار کې دی.

د (X-37B) دې الوتکې تر دې دمه ۱.۳ میلیارد میله پرواز کړی او په فضا کې یې ۳۷۷۴ ورځې تېرې کړې دي.

ساینس او ​​ټیکنالوژي

د ناسا یوه پخوانۍ سپوږمکۍ به ډېر ژر پر ځمکه ولګیږي

Published

on

(Last Updated On: مرغومی ۱۹, ۱۴۰۱)

د ERBS په نوم د ناسا یوه ۳۸ کلنه له کاره لوېدلې سپوږمکۍ به ډېر ژر له آسمانه پر ځمکه ولګیږي.

د راپورونو له مخې؛ شونې ده، چې دغه سپوږمکۍ د یکشنبې پر شپه (د مرغومي ۱۸ ) سقوط وکړي.

ناسا اعلان کړی، چې د دې سپوږمکۍ راغورزېدل به انسانانو ته کوم ګواښ نه رامنځته کوي.

ناسا په خپله خبرپاڼه کې څرګنده کړې، چې پر انسانانو د دې سپوږمکۍ د پاتې شونو د راغورزېدو شونتیا ډېره لږ ده.

د ناسا چارواکو ویلي: ناسا تمه لري، چې د سپوږمکۍ ډېرې برخې به هوا ته له راننوتو سره سمې وسوځیږي؛ خو تمه کیږي، چې د هغې ځینې برخې د پاتې شي. په ځمکه کې د خلکو د ټپي کیدو خطر خورا ټیټ دی. یعنې په ۹۴۰۰ کې یو دی.

د ERBS سپوږمکۍ د ناسا د درې سپوږمکیو د ماموریت یوه برخه وه، چې په ۱۹۸۴ ز. کال کې د ځمکې ټیټ مدار ته استول شوې وه.

له بلې خوا په کالیفورنیا کې میشت فضايي شرکت Aerospace Corp ادعا کوي، چې دا سپوږمکۍ به د دوشنبې پر ورځ (د جدي ۱۹) سهار وختي راوغورځیږي او له آفریقا، آسیا، منځني ختیځ او د شمالي او جنوبي امریکا له لویدیځو سیمو تېریږي.

Continue Reading

ساینس او ​​ټیکنالوژي

په تویتر کې د سیاسي خبرتیاوو بندیز لرې شو

Published

on

(Last Updated On: مرغومی ۱۵, ۱۴۰۱)

تویتر د خپلې پخوانۍ پالیسۍ پر بدلولو څرګنده کړې، چې له دې وروسته تویتر سیاسي اعلاناتو ته اجازه ورکوي.

د راپورونو له مخې تویتر ویلي، چې دوی به په امریکا کې د هیله بښونکیو خبرتیاوو لپاره خپله خبرتیایي پالیسي نرمه او دغه راز به له تلویزیوني او نورو رسنیزو خبرتیاوو سره د سیالۍ ډګر ته راودانګي.

تویتر په ۲۰۱۹ کال کې پر سیاسي اعلاناتو بندیز ولګاوه او له هغه وروسته یې د ټولنیزو شبکو اړوند اعلانونه محدود کړل او د فیسبوک په څېر نورې ټولنیزې رسنۍ هم د امریکا د ولسمشریزو ټاکنو په اړه په خپلو پالیسیو کې د ناسمو معلوماتو د خپرولو له کبله تر نیوکې لاندې راغلې.

د تویترد هغه وخت اجرائیوي مدیر جیک دورسي د دې پرېکړې د اعلان په وخت کې ویلي وه: مونږ باور لرو، چې سیاسي پیغام باید پخپله د اوریدونکیو د نظرونو د جذبولو وړتیا ولري، نه دا، چې هغه واخیستل شي.

له هغه وخته، چې ایلان ماسک تویتر اخیستی؛ یو لړ ډېر محدودیتونه یې لرې کړي او اړوند هڅې ورسره پراخه شوې دي.

Continue Reading

ساینس او ​​ټیکنالوژي

د ناسا ‘اوریون’ خلایي بېړۍ سپوږمۍ ته له تاریخې ماموریت وروسته ځمکې ته خوندي راستنه شوه

Published

on

(Last Updated On: ليندۍ ۲۴, ۱۴۰۱)

د امریکا فضايي ادارې (ناسا) “اوریون” نومې فضايي بېړۍ د سپوږمۍ پر شاوخوا له چورلېدو وروسته خپل ۲۵ ورځنی سفر بشپړ کړ او د یکشنبې پر ورځ د لیندۍ ۲۰ بېرته ځمکې ته بریالۍ راستنه شوه.

دغې پرمختللې اوریون بېړۍ په ګړۍ کې د ۴۰۰۰۰ کیلومترو پر چټکتیا د سره او نارنجي فراشوتونو پر ملتیا آرام سمندر ته راکښته شوه.

یاده بېړۍ د ځمکې فضا ته له رادننه کېدو سره د انګار پر یوه پنډوسکي بدله شوې وه .‌

دا ځل په دې کپسول کې کوم انسان نه و،‌ځکه چې ماموریت یې ازمېښتي و؛ خو په بل ماموریت کې به یې بدلون راځي.

د ناسا مدیر بلنلسون ویلي: په زرګونه خلکو په دې ماموریت کې د کلونو په اوږدو کې ونډه اخیستې؛ نړۍ یې هڅولې، چې د فضا اصلي ساحلونو ته د رسیدو لپاره یوځای کار وکړي. نن د ناسا، امریکا، زموږ د نړیوالو شریکانو او ټول انسانیت لپاره یوه لویه بریا ده.

ناسا د ارتمیس پر پروګرام لسګونه میلیارد دالر پانګونه کړې، چې سپوږمۍ ته خلک ولېږدوي او یوه ورځ د مریخ سفر ته چمتو شي.

د دې سپوږمکۍ لومړنۍ ازموینه په ۲۰۱۴ زږ کال کې تر سره شوه؛ خو هغه مهال د ځمکې په مدار کې پاتې شوه او په ساعت کې د ۳۲۳۰۰ کیلومترو پر چټکتیا د ځمکې هوا ته راستانه شوه.

یوازې ۱۲ کسانو، چې ټول یې سپین پوستي دي؛ پر سپوږمۍ پښه کیښوده. له ۱۹۷۲ ز. کال راپدیخوا، ناسا سپوږمۍ ته انساني ماموریت نه درلود.

ناسا هیله لري، چې د سپوږمۍ پر سطحه د یوې اډې او همدارنګه د یو خلایي مدار ولري، چې له لارې یې په سپوږمۍ کې د دایمي انسان شتون ته خنډونه لرې کړي. دا به له انجنیرانو سره مرسته وکړي، چې مریخ ته د څو کلن سفر لپاره تکنالوژي رامنځته کړي. دا کار به په ۲۰۳۰ په وروستیو کلونو کې پراختیا ومومي.

Continue Reading

Trending

Copyright © 2022 Ariana News. All rights reserved!