Connect with us

تازه خبرونه

د امنیتي او دفاعي ځواکونو بیا راټولول د حکومت لومړیتوب دی – غني

Published

 on

(Last Updated On: زمری ۲۳, ۱۴۰۰)

ولسمشرغني نن (شنبه د زمري ۲۳) د افغانستان اوسني وضعیت په اړه په یوه پیغام کې ډاډ څرګند کړ، چې هغه به د هېواد امنیتي او دفاعي ځواکونه له سره تنظیم کړي.

غني زیاته کړې، چې د امنیتي او دفاعي ځواکونو پیاوړتیا د حکومت لومړیتوب دی او په دې برخه کې پراخې هڅې شوې دي.

غني وایي، چې هغه به د بې ثباتۍ او تاوتریخوالي د خپریدو مخه ونیسي.

غني ویلي؛ په داسې حال کې، چې مونږ پوهیږو تاسې د خپل اوسني او راتلونکي په اړه اندېښمن یاست. زه تاسې ته ډاډ درکوم، چې د ولسمشر په توګه زما تمرکز د نورې بې ثباتۍ، تاوتریخوالي او زما د خلکو د بې ځایه کیدو پر مخنیوي راڅرخي.

ولسمشر ویلي، چې هغه به د دې ډاډ ترلاسه کولو لپاره کار وکړي، چې پر افغانانو تحمیل شوې جګړه نوره د بې ګناه خلکو د وژنې، د ۲۰ کلونو لاسته راوړنو له لاسه ورکولو، عامه تاسیساتو ویجاړیدو او دوامداره بې ثباتۍ لامل نشي.

هغه زیاته کړې، چې په ​​حکومت کې دننه له سیاسي مشرانو، د افغانانو بېلابېلو برخو استازیو او نړیوالو ملګرو سره د افغانستان په اړه پراخه مشورې پیل کړې دي.

هغه ویلي: مشورې ګړندۍ پرمخ ځي او پایلې به یې ډېر ژر له تاسې سره شریکې کړم.

غني زیاته کړې، چې هغه تل د افغانانو سوکالي او ویاړ غوښتی او په دې برخه کې یې خپلې هڅې نه دي سپمولي.

دا په داسې حال کې ده، چې پنتاګون یا د امریکا دفاع وزارت ويلي؛ که څه هم د طالبانو له خوا ښارونه چټک نیول کېږي؛ خو کابل تر دې دمه په ګواښوونکي چاپېریال کې ندی.

تازه خبرونه

د بلخ ولایت په شولګره ولسوالۍ کې د ګرځندوی صنعت مخ پر وده روان دی

Published

on

(Last Updated On: زمری ۱۶, ۱۴۰۱)

د سیمه ییزو چارواکو د څرګندونو له مخې؛ په تېره یوه میاشت کې ۳۰ زره کورنیو سیلانیانو د بلخ ولایت له شولګرې ولسوالۍ لیدنه کړې ده.

په هېواد کې د امنیت له ټینګښت وروسته د بلخ ولایت دمه ځیو او تاریخي سیمو ته د سیلانیانو ورتګ ډېر شوی دی.

سیمه ییزو چارواکو په ډاګه کړې؛ د خواجه سکندر چینه د شولګرې ولسوالۍ له زړه راکښونکیو دمه ځیو څخه ده او ډېر خلک د سیل او چکر لپاره ورځي.

د بلخ ولایت اوسیدونکی محمد حسین خوښ دی، چې په دغه ولايت کې د ګرځندوى صنعت پراخه شوى دى.

د شولګرې ولسوالۍ امنيتي مسوولين هم خلکو ته ډاډ ورکوي، چې له کومې وېرې پرته اړوند دمه ځیو ته ورتلی شي.

د شولګرې ولسوالۍ امنيه قومندان مولوي محمد خان فاتح له خلکو غوښتي، چې د دې ولسوالۍ دمه ځیو او تفريحي ځايونو ته په ډاډه زره تګ راتګ وکړي؛ ځکه دوی د خلکو امنيت خوندي کړی دی.

د يادونې ده، چې په هېواد کې د وروستيو پرمختګونو او د نسبي امنيت له رامنځته کېدو سره په ډېرو برخو کې د ګرځندوى صنعت ښه شوی او مخ پر وده او پراختیا روان دی.

Continue Reading

تازه خبرونه

په تخار کې ۱۰۰۰ ډېر کسان د نس ناستي پر ناروغۍ اخته دي

Published

on

(Last Updated On: زمری ۱۶, ۱۴۰۱)

د تخار ولایت د عامې روغتیا ریاست نن یکشنبه د زمري پر ۱۶ څرګنده کړې؛ له تېرو درې ورځو راپدیخوا په تخار ولایت کې له زر ډېر کسان د نس ناستي پر ناروغۍ اخته شوي دي.

د یادې سرچینې د څرګندونو له مخې؛ سیمې ته ګرځند روغتیايي ډلې استول شوي دي.

په تخار ولایت کې د موسمي ناروغیو پراخې خپرېدا جدي اندېښنې راپارولي دي.

یوازې په تېرو درې ورځو کې د تخار ولایت په دوه ولسوالیو کې ۱۳۰۰ کسان د نس ناستي یا اسهال پر ناروغۍ اخته شوي دي.

د دې ولایت د عامې روغتیا مشر عبدالقهار احمدي ويلي، چې د ناروغانو د ژر تر ژره درملنې لپاره یې هڅې کړي او سیمې ته یې ګرځند روغتیایي ډلې استولي دي.

د ځاني زیان د مخنیوي لپاره په تخار کې د ادا بنسټ همغږي کوونکی احسان الله تلاش هم د دغې ناروغۍ د خپرېدو د مخنیوي لپاره کار پیل کړی دی.

د اشکمش ولسوالۍ اوسیدونکی محمد صفر وايي، چې د دغه ولایت په لریو پرتو سیمو کې روغتیايي مرکزونه نشته او له حکومته غوښتنه کوو، چې په دغو سیمو کې ګرځند روغتیايي مرکزونه جوړ کړي.

ویل کیږي، چې د حفظ الصحې نه مراعات، ګرمه هوا او د ناپاکو اوبو کارول د دې ناروغۍ د خپرېدو لاملونه بلل کېږي.

Continue Reading

تازه خبرونه

د وزير محمد اکبر خان او شيرپور تر منځ  د سړک جوړولو چارې پيل شوې

Published

on

(Last Updated On: زمری ۱۶, ۱۴۰۱)

کابل ښاروالۍ د کابل ښار د وزیر محمد اکبر خان له سیمې څخه تر شېرپور پورې د نښلوونکي سړک د جوړولو چارې پیل کړې.

د کابل ښاروالۍ د څرګندونو له مخې، دغه سړک د ٣٩١ مترو پر اوږدوالي او ٢٢،٥ مترو پر سور د کابل ښاروالۍ د کار، ساتنې او مراقبت رياست لخوا سږ کال د ١٥ ميليون افغانيو پر لګښت جوړوي، چې پلې لارې او څنډې هم په کې دي؛ جوړوي.

دغه نښلوونکی سړک د وزیر محمد اکبر خان پېنځلسم سړک د شیرپور له دوه یم سړک سره نښلوي.

د کابل ښاروالۍ د معلوماتو له مخې؛ د دغه سړک په اوږدو کې شپږ ملکیتونه تر استملاک لاندې دي، د نړولو او پاکولو چارې هم پيل شوې دي.

د دغه سړک له جوړېدو سره به د ترافیکو ګڼه ګوڼه ووېشل شي او د اړوند سیمو د چاپېریال ستونزې به هم ورسره اوارې شي.

Continue Reading

Trending

Copyright © 2022 Ariana News. All rights reserved!