Connect with us

سوداگري

د ام ډي چورلکو شرکت له افغان هوایي ځواکه د ملاتړ لپاره دوه تړونونه کړي

Published

 on

(Last Updated On: غبرګولى ۲۶, ۱۴۰۰)

د ام ډي چورلکو امریکایي شرکت څرګنده کړې، چې د امریکا اردو له افغان هوایي ځواک سره د مرستې لپاره د ۴۳.۹ میلیون ډالرو پر ارزښت نوی قرارداد ترلاسه کړی.

د یاد شرکت د څرګندونو له مخې؛ په لومړی تړون کې، چې د شپږ میاشتو له غځولو سره د ۱۴.۵ میلیون ډالرو پر ارزښت  دی؛ د پروګرام مدیریت، لوژیستیکي خدمات، توکي او له لرې واټنه د افغان کاروانونو ملاتړ د ټینګار وړ ګرځېدلی دی.

د ایم ډي هیلي کاپټرو شرکت څرګنده کړې، چې دا پروګرام به د امریکا په میسا او آریزونا، په کابل او متحده اماراتو کې پلي شي.

د امریکا اردو د روان  کال  می پر ۲۸ له دې شرکت سره دغه تړون لاسلیک کړی دی.

دوه یم تړون د ۲۹.۴ میلیون ډالرو پر ارزښت د چورلکو د اصلي پرزو د ترمیم او جوړولو لپاره لاسلیک شوی دی.

د تړون پر بنسټ به د آم ډي چورلکو شرکت به د افغان هوایي ځواک چورلکې جوړوي.

د دغه شرکت مرستیال په دې اړه ویلي؛ له افغانستان څخه د امریکایي سرتېرو له وتلو وروسته به له افغان هوایي ځواکه ملاتړ روان وساتل شي او دا به له ثبات رامنځته کولو سره مرسته وکړي.

په اعلامیه کې راغلي: دا (قراردادونه) ښیي، چې زمونږ حکومت او افغان هوایي ځواک ام ډي ۵۳۰ اف چورلکو ته ارزښت ورکوي. دا د ویاړ ځای دی، چې حکومت او متحدینو ته د لوړې کچې ملاتړ وړاندې کوو.

ام ډي ۵۳۰ اف چورلکې د چټک، ځواکمن، ډاډمن او ګړندي بریدونو وړتیا لري.

سوداگري

په کابل کې د افغانستان بانک د عالی شورا دوه ورځنۍ ناسته جوړیږي

Published

on

(Last Updated On: ليندۍ ۱۴, ۱۴۰۱)

آریانا نیوز ته ځینو سرچینو تائید کړې، چې د افغانستان د کنګل شویو شتمنیو د صندوق د څارنې بورډ یو غړی شاه محمد محرابي هېواد ته راغلی، چې د افغانستان بانک د عالي شورا په دوه ورځنۍ غونډه کې ګډون وکړي.

اریانانیوز ته معتبره سرچینو منلي؛  شاه محمد  محرابي،  چې د افغانستان د کنګل شوې شتمنۍ د څارنې د بورد غړی دی؛ افغانستان  ته راغلی.

د افغانستان بانک مسوولین وايي، چې محرابي  به  د افغانستان بانک د عالي شورا په غونډه کې  برخه وا خلي.

دوۍ زیاتوي، چې تر راتلونکیو دوه  ورځو به  د بانک عالي  شورا جوړه شي او د غونډې اجندا هم  د هېواد  په مالي او بانکي  نظام  کې ټیکاو را وستل نومول شوي.

د افغانستان بانک مسوولین وايي، دا اداره د افغانستان بانک د پرېکړې یوه ستره شورا ده، چې غړي یې  د دغه بانک د مهمو پالیسیو د جوړولو او د فعالیتونو د څارنې مسوولیت لري. د افغانستان بانک د عالي شورا د غړیو د کار موده پېنځه کاله ده.

د اقتصادي  چارو  یو شمېر کارپوهان هم  د افغانستان بانک او د افغانستان د کنګل شوې  شتمنۍ د څارنې کمیسیون د غړو ترمنځ  همغږي  اړینه  بولي.

دوی زیاته کړې، چې باید د افغانستان بانک د عالي شورا په راتلونکې ناسته کې هڅه وشي، چې په هېواد کې  د روان  مالي  بحران  د مدیریت  لپاره لازم تدابیر رامنځته کړي.

د اقتصادي چارو شنونکی لعل ځاځی وایي: زه ما له نظره ترهغې، چې غیر پولي اهدافو لپاره کنګل شوې پیسي بندې وي او افغانستان ته ورنکړ شي، نو ښايي دا سفرونه دومره مثبت نوي او اړیکې باید د امریکا د خزانې له وزارت سره زیاتي شي، چې د افغانستان دا بندې پیسې بېرته آزادي شي. که بندې وي، دا د افغانۍ  پر ارزښت منفي اغېزې کوي.

د افغانستان بانک عالي شورا غړي د افغانستان بانک د مهمو پالسیو، د طرحو او د اداري فعالیتونو د څارنې مسوولیت لري. د افغانستان بانک  د عالي  شوراغونډه  په هرو درې میاشتو کې یو ځل جوړیږي. بل لور ته  د افغانستان څه باندې ۳،۵ میلیارد دالرو کنګل شوې شتمني  د صندوق  د څارنې  د بورډ غړی  ډاکترانوار الحق احدي  له  آریانانیوز سره  په  خپله  روستۍ  مرکه  کې ویلي، چې دوی  د افغانستان  بانک او د ماليي له وزارت سره له نږدې غیر رسمي اړیکي لري.

د کنګل شوې شتمنۍ صندوق د څارنې بورد غړی داکتر انوارالحق احدي د نومبر پر ۲۵ له آریانا نیوز سره په ځانګړې مرکه کې ویلي: مونږه کله نا کله د افغانستان د ماليي وزیر او د افغانستان بانک له رییس سره غیر رسمي اړیکي  لرو او پر ځنیو موضوعاتو بحث کوو. مونږ هڅه کوو، چې له کنګل شوې شتمۍ  څخه ساتنه وشي.

د افغانستان څه باندې ۳،۵ میلیارد دالرو کنګل شوې شتمنۍ صندوق د څارنې بورد په خپله لومړۍ ناسته کې پرېکړه کړې، چې دغه پیسې به په کار اچول کېږي او ګټه به ترې واخیستل شي.

د اکسپرس ټرېبیون ورځپاڼې د راپور له مخې؛ د سویس د دولتي سرچینو له قوله خبر ورکړ شوی، چې  یاد بورد خپله لومړۍ ناسته د دغه هېواد په ژنیو ښار کې کړې ده. له دې ناستې وروسته په لومړي ځل شاه محمد محرابي افغانستان ته سفر کوي.

ویل کیږي، چې محرابي د افغانستان بانک لخوا کابل ته راغوښتل شوی، چې د هېواد د بانکي او مالي  نظام  د ټیکا لپاره یوې پایلې ته ورسیږي.

Continue Reading

سوداگري

افغانستان د هند پانګونې ته اړتیا لري

Published

on

(Last Updated On: ليندۍ ۱۴, ۱۴۰۱)

په قطر کې د اسلامي امارت د سیاسي دفتر مشر سهیل شاهین ویلي؛ هند په افغانستان کې د درې میلیارد دالرو پر ارزښت پانګونه کړې او اوس له دې هېواده غواړي، چې خپلې پروژې بشپړې کړي.

سهیل شاهین له یوې هندي رسنۍ سره په مرکه کې د هندي وګړیو د امنیت له خوندیتوبه هم ډاډ ورکړی او زیاتوي، چې دغه هېواد دې په افغانستان کې د خپلو نیمګړیو پروژو چارې بیا پيل کړي.

نوموړي ویلي: په افغانستان کې  هند ته پر بنسټیزو برخو په ځانګړي توګه د ښاري بېخبناوو لپاره د پانګونې زمینه مساعده ده. په افغانستان کې د هند پانګونه درې میلیارد دالره ارزول شوې، چې لویې پروژې یې د سلما بند رغول، د ۴۲ میګاواته اوبیزبرښنا استيشن، د ایران مهم بندرونه لکه چابهار او د افغانستان د پارلمان ودانۍ شاملې دي. هند کولی شي د هغو پروژو چارې بیا پیل کړي، چې په نیمايي کې یې پرې ایښې دي او پر نویو پروژو هم پانګونه وکړي.

دغه راز د افغانستان اسلامي امارت د ښاري پراختیا وزیر حمدالله نعماني په دې وروستیو کې د هند له شارژدافیر بهارت کمار سره لیدلي او وایي، چې هېواد یې د بېخبناوو په بیارغونه او دوام کې د هند مرستې ته اړتیا لري.

همدارنګه د اسلامي امارت یو بل لوړپوړي غړي انس حقاني په عربي متحده اماراتو کې له یو شمېر افغانانو سره د لیدنې پر مهال ویلي، چې افغانستان اوس له جګړه ییز حالته وتلی او امنیت ټینګ شوی دی.

نوموړي همدا راز زیاته کړې، چې اسلامي امارت په افغانستان کې پر اوږدمهاله اقتصادي برنامو کار کوي څو هېواد آبادۍ ته ورسېږي.

اقتصادي شنونکی شبیر بشیري د سیمې هېوادونو له لوري په افغانستان کې د پانګوني راجلبولو پر لیوالتیا خوښي ښيي او وايي، چې په افغانستان کې د هند پانګونه کولی شي هېواد یوه نسبي پایداره اقتصادي پراختیا ته ورسوي.

اسلامي امارت داسې مهال په افغانستان کې د هند د نیمګړیو پروژو د بشپړېدو غوښتنه کوي، چې د یو شمېر څرګندونو له مخې؛ دا مهال د دې هېواد د ۴۰۰ پروژو چارې نیمګړې پاتې دي.

Continue Reading

سوداگري

 په کابل کې لومړنی ملي او نړیوال نندارتون جوړ شو

Published

on

(Last Updated On: ليندۍ ۱۰, ۱۴۰۱)

د افغانستان په پلازمېنه کابل کې د هېواد د تولیداتو، خدمتونو او سوداګریزو محصولاتو د پوره پېژندنې لپاره امام ابو حنیفه “رح” نومی ملي او نړیوال نندارتون جوړ شو.

دغه نندارتون د امام ابوحنيفه رحمة الله په نامه اووه ورځې دوام لري، چې له شپږ سوه څخه د ډېرو کورنيو او نړيوالو شرکتونو توليدات په کې نندارې ته ايښودل شوي دي.

دې  نندارتون ته د اسلامي امارت مشرتابه مولوي هبة الله آخوندزاده په یوه غږیز پیغام کې ویلي، چې افغان پانګوال باید په هېواد کې پانګونه وکړي او هېواد باید د اقتصادي ودې لپاره پر بهرنیو مرستو تکیه ونکړي.

د نوموړي د څرګندونو له مخې: د یو هېواد اقتصاد هغه وخت جوړیږيو چې خپل خلک یې متې راونغاړي، د یو او بل لاسنیوی وکړي او د بهرنیانو پر مرستو تاکیه ونکړي.

د رییس الوزرا اداري مرستیال عبدالسلام حنفي ویلي، چې اسلامي امارت د ملي امنیت د خوندیتوب او اقتصادي فرصتونو د برابرولو لپاره کار کوي او د کورنیو تولیداتو ملاتړ یې لومړیتوب دی.

عبدالسلام حنفي زیاته کړې، که ملي سوداګر په دولتي ادارو کې له رشوت سره مخ شي؛ د شکایت حق لري او زر به یې ستونزه حل کړي.

د رییس الوزار اداري مرستیال عبدالسلام حنفي وایي: هغه وويل: هيڅوک نشي کولى، چې په دولتي ادارو کې له يو ملي سوداګرڅخه د رشوت غوښتنه وکړي. مونږ چمتو یوو، چې هر هغه دولتي چارواکی، چې له یوه ملي سوداګر څخه رشوت وغواړي لبه اسلامي اصولو سره سم تعقیب کړو.

په دغه نندارتون کې د اسلامي امارت یو شمېر نورو چارواکو هم ویلي، چې په افغانستان کې د پانګونې لپاره ښه زمینه برابره شوې ده.

د صنعت او سوداګرۍ وزارت سرپرست نورالدین عزیزي وایی: له کورنی تولید ملاتړ مو د خپل ملي اقتصاد ملا تړل دي؛ باید ټول له کورنيو تولیداتو ملاتړ وکړو.  

د اسلامي امارت ویاند هم ويلي، چې افغانستان تازه د ځان بسیاینې پر لوري یو ګام پورته کړی او د اسلامي امارت موخه دا ده، چې د امریکايي پوځي حضور له پای ته رسیدو وروسته د افغانستان اقتصاد وده وکړي.

ذبیح الله مجاهد د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو د جلبولو په برخه کې اغېزناک بولي.

داسلامي امارت ویاند ذبیح الله مجاهد وایي: دمګړۍ ملي او نړیوالو سوداګرو ته د پانګونې ښه زمینه برابره ده. را دې شي او په افغانستان کې دې پر بېلابېلو برخو کې پانګونه وکړي.

دغه راز د کانونو او پترولیم وزارت سرپرست شهاب الدین دلاور وايي؛ د کوچنیو کانونو استخراج هیڅکله بهرنیو شرکتونو ته نه ورکول کیږي.

نوموړی وایي: د کانونو د استخراج په اصولو کې له افغانانو پرته بل چا ته کوچني کانونه نه ورکول کېږي او په ټول هېواد کې د ۱۷۸ کوچنیو کانونو قراردادونه افغانانو ته ورکړ شوي دي.

دوی د سوداګرو، پانګوالو او د سوداګرۍ خونې فعالیت په افغانستان کې د کورنیو او نړیوالو پانګوالو په جلبولو کې اغېزناک ګڼي.

د سوداګرۍ او پانګونې خونې مرستیال محمد یونس مومند وايي، دغه نندارتون یې له بهرنیو مرستو پرته جوړ کړی دی.

مسوولین تمه لري، چې دغه نندارتون به افغان سوداګرو ته له بهرنیو سوداګرو سره اړیکو برابرولو ته ډاډمنه زمینه هم برابره کړي.

Continue Reading

Trending

Copyright © 2022 Ariana News. All rights reserved!