Connect with us

کوید۱۹

د اومیکرون له کبله د نړۍ هوایي شرکتونو زرګونه الوتنې ودرولې

خپور شوی

 په

(Last Updated On: مرغومی ۴, ۱۴۰۰)

رویټرز راپور ورکړی، چې د کرسمس له رخصتیو سره همهاله سوداګریزو هوایي شرکتونو د کرونا ویروس د اومیکرون بڼې د خپریدو د مخنیوي لپاره زرګونه الوتنې درولي او یا هم ځنډولې دي.

راپور زیاته کړې؛ د اومیکرون څپې د نړۍ په کچه سوداګریز هوايي شرکتونه اړ کړي، چې د کرسمس د رخصتیو د بوختو ورځو په وروستۍ اوونۍ کې له ۴۵۰۰ څخه ډېرې الوتنې وځنډوي.

رویټرز زیاته کړې، چې په ټوله نړۍ کې هوایي شرکتونو پرون (جمعه د مرغومي ۳) شاوخوا ۲۴۰۱ الوتنې لغو کړې او نږدې ۱۰۰۰۰ نورې یې وځنډولې.

په امریکا کې درې هوایي شرکتونو د کرسمس پر ماښام له ۳۰۰ څخه ډېرې الوتنې لغو کړې دي.

یونایټیډ ایرلاین د جمعې له سهار راپدیخوا ۱۶۹ الوتنې لغو کړې او څرګندوي، چې د اومیکرون په پېښو کې زیاتوالي د الوتنې عملې کمښت رذامنځته کړی دی.

امریکا یو شمېر ګرځندوي ځایونه لکه هسپانیه، فرانسه، جرمني، یونان، ایټالیا او بریتانیا هم د اومیکرون د لوړ خطر د لرونکیو هېوادونو په توګه نوملړ کې شمېرلي دي.

پر الوتنو سربېره د اومیکرون خپریدو د نوي کال پلانونه هم له خنډ سره مخ کړي دي.

په نیویارک کې د نوي کال د ټایمز سکویر جشن، چې په کې لږ تر لږه ۵۸۰۰۰ خلکو ګډون کاوه؛ سږکال ۱۵۰۰۰ ته راټیټ شوي. دغه راز باید ټول ګډونوال، چې عمرونه یې له ۵ کلونو پورته وي؛ باید د واکسین کولو اسناد له ځان سره ولري.

د راپور له مخې، په امریکا کې د کرونا ویروس خپریدل مخ ډېر شوي دي.

له بلې خوا په اروپا، ایټالیا، هسپانیه او یونان کې د ماسک کارول لازمي شوي دي.

راپور زیاتوي، چې په هالنډ کې د قرنطین سخت بندیزونه لګول شوي دي.

کوید۱۹

د نیوزیلینډ لومړۍ وزیره پر کرونا ویروس اخته شوه

خپور شوی

په

توسط

(Last Updated On: غویی ۲۴, ۱۴۰۱)

د نیوزیلینډ د لومړي وزیرې دفتر په ډاګه کړې، چې د جسینډا آرډرن کتنه ښیي، چې د کرونا ویروس له نښو برخمنه شوې ده.

د نیوزیلینډ د لومړۍ وزیرې له دفتره په ډاګه شوې، چې جسینډا آرډرن به د کرونا ویروس له کبله د دوشنبې او سې شنبې په ورځو کې له پارلماني ناستو بې برخې وي؛ خو هغه به امریکا ته ټاکل شوی سوداګریز سفر ونځنډوي.

د نیوزیلینډ لومړۍ وزیرې د جمعې له ماښام راپدیخوا د کرونا ویروس لږې نښې درلودې او نن سهار یې د ویروس لپاره مثبته کتنه تر سره کړه، چې پایله یې مثبته وه؛ د مې تر ۳۱ مې نېټې به په قرنطین کې وي او خپل رسمي مسوولیتونه له لرې ترسره کوي.

د لومړۍ وزیرې مرستیال ګرانټ رابرټسون نن په رسنیو کې تر ټاکل شوې نېټې د نوي لومړي وزیر په توګه اعلان شوی دی.

Continue Reading

کوید۱۹

نیویارک ښار له کرونا ویروس څخه ورپېښ ګواښ منځنۍ کچې ته لوړوي

خپور شوی

په

توسط

(Last Updated On: غویی ۱۳, ۱۴۰۱)

په نیویارک ښار کې د دوشنبې پر ورځ له کرونا ویروسه د ورپېښ ګواښ کچه له ټیټې څخه منخنۍ ته لوړه کړه او د عامې روغتیا ځینې سپارښتنې د بیا پلي کیدو وضعیت ته راغلې دي.

د نیویارک پوسټ د څرګندونو له مخې؛ نیویارک ښار روغتیایي کمیشنر اشون واسان د دوشنبې پر ورځ په یوه خبري کنفرانس کې وویل: د خطر کچه؛ ځکه لوړه شوې، چې اوس په منځنۍ کچه په هرو ۱۰۰۰۰۰ خلکو کې هره ورځ له ۲۰۰ ډېرې نوې پېښې رامنځته کیږي.

نوموړي زیاته کړې، د نویو پېښو له زیاتېدو سره د نیویارک ښار خلک باید د تېرو څو اوونیو پر پرتله خورا ډېر پام وکړي.

نیویارک ټایمز راپور ورکړی، چې ښار په تېره اوونۍ کې لږ تر لږه هره ورځ ۲۴۸۹ نوې پېښې لرلې، چې د مارچ له پیل راپدیخوا په ورځني شمېر کې ۶۰۰ ډېروالی ښیي؛ خو د تېرې میاشتې پر پرتله په روغتون کې بستر کیدل او د مړینې پېښې لږ څه کمې شوې دي.

منځنۍ ​​​​یا ژیړه کچه پدې معنی ده، چې خلک باید په عامه ځایونو کې ماسک اغوستل په پام کې ونیسي او د لوړ کیفیت ماسکونو ته وده ورکړي.

Continue Reading

کوید۱۹

له نیمایي ډېر امریکایان پر کرونا ویروس اخته دي

خپور شوی

په

توسط

(Last Updated On: غویی ۷, ۱۴۰۱)

په ټوله امریکا کې شاوخوا ۵۸ سلنه وګړي او له ۷۵ سلنې ډېر لږ عمر لرونکي ماشومان پدې ناروغۍ اخته شوي دي.

د امریکا د ناروغیو د څارنې او مخنیوي مرکزونو لخوا ترسره شوې څېړنه ښيي، چې په دې هېواد کې له نیمایي ډېر وګړي لږ تر لږه یو ځل پر SARS-CoV-2 ویروس باندې اخته شوي دي.

د ۲۰۲۱ زېږدیز کال په ډسمبر کې د اومیکرون له رارسیدو مخکې د امریکا یو پر درېیمه برخه وګړيو د پخواني SARS-CoV-2 انفیکشن نښې لرلې.

د نویو معلوماتو له مخې، پر اومیکرون د هر عمر ګروپ اخته شوی؛ خو ماشومان او تنکي ځوانان، چې ډېري یې واکسین شوي ندي، د انفیکشن لوړه کچه لري. په داسې حال کې چې د ۶۵ کلنو او له دې پورته عمر لرونکي خلک، چې پوره واکسین شوي؛ لږ پر کروانا اخته دي.

د متحده ایالاتو د ناروغیو د کنټرول او مخنیوي مرکزونو مشر ډاکټر روچیل والنسکي خبریالانو ته ویلي، چې په امریکا کې پر کرونا ویروس د اخته کسانو شمېر مخ پر ډېرېدو دی، چې یوازې تېره اوونۍ ۲۲ اعشاریه ۷ سلنه ډېر شوي، چې په ورځ کې ۴۴۰۰۰ ته لوړیږي. دغه راز په روغتون کې د دویمې اوونۍ لپاره په بستر کې پاتې کېدل ۶ اعشاریه ۶ سلنه ډېر شوي دي.

دغه راز د مړینې کچه په یوه اوونۍ کې ۱۳ اعشاریه ۲ سلنې ته راکښته شوې؛ خو ټولشمېر یې یو میلیون ته نږدې کیږي.

د راپورونو له مخې د امریکا له ۶۶ سلنې څخه ډېر وګړي د کرونا پر وړاندې بشپړ واکسین شوی او نږدې ۴۶ سلنه خلکو تقویتي واکسین تر لاسه کړی.

Continue Reading

Trending

Copyright © 2022 Ariana News. All rights reserved!