Connect with us

تازه خبرونه

د ا.ا.ا ټولو ټلویزیونونو ته د خپرونو نوې سپارښتنې وړاندې کړې

خپور شوی

د

د اطلاعاتو او فرهنګ او امر باالمعروف او نهی عن المنکر وزارتونو د رسنیو له مسوولینو سره په مشورتي ناسته کې د هېوادنیو رسنیو د فعالیتونو لپاره نوې سپارښتنې وړاندې کړې.

رسنیو ته د امر باالمعروف او نهی عن المنکر وزارت اته ماده ییزه سپارښتنه:

۱ رسنۍ دې هغه سریالونه نه خپروي، چې ښځو په کې رول لوبولی.

۲ هغه کمیډي او طنزي پروګرامونه منع دي، چې په کې د افرادو سپکاوی کیږي.

۳ د هغو فلمونو او ویډیوګانو خپراوی منع دی، چې د نرینه وو عورت په کې ښکاري.

۴ کورني او بهرني فلمونه، چې د اسلامي شریعت او افغاني اصولو خلاف وي؛ منع دي.

۵ افغان ښځینه خبریالانې باید اسلامي حجاب رعایت کړي.

۶ هغه سریالونه او پروګرامونه منع دي، چې د اصحابو او انبیاوو کرامو رول په کې لوبول شوی.

۷ تلویزیونونه باید د شریعت خلاف فلمونه خپاره نکړي.

۸ رسنۍ دې هغه پروګرامونه او سریالونه، چې په کې دین او انساني کرامت ته سپکاوی شوی وي، نه خپروي.

د امربالمعروف او نهی عن المنکر وزارت چارسمبالي عاکف مهاجر خبرداری ورکوي، چې که دا اته مادې رعایت نه شوې؛ نو وزارت به بیا بله اړینه پرېکړه وکړي.

د اطلاعاتو او فرهنګ وزارت مرستیال ذبیح الله مجاهد هم په دې ناسته کې د رسنیو له مسوولینو غوښتي، چې د رسنیو فعالیت پر دیني او اسلامي ارزښتونو راوڅرخوي او په دې اړه د اسلامي امارت سپارښتنې رعایت کړي.

نوموړی وایي: مونږ د رسنیو له هڅو په دواړو سترګو ملاتړ کوو؛ خو د شریعت په چوکاټ کې.

دا په داسې حال کې ده، چې په څو وروستیو میاشتو کې د ځینو رسنیو فعالیت محدود شوی او ډېري خبریالان له هېواد وتلي؛ خو اسلامي امارت په ځلونو د رسنیو د ملاتړ ډاډ ورکړی دی.

تازه خبرونه

ملګرو ملتونو په افغانستان کې د لږ شمېر ایرانیانو پناه غوښتنه تائید کړه

په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال وايي؛ دا ټولنه چمتو ده، چې د جګړې له کبله افغانستان ته له راغلو ایراني کډوالو سره مرسته وکړي.

Published

on

ملګرو ملتونو اعلان کړی، چې د ایران او اسرائیلو ترمنځ د شخړې له پیل راپدېخوا شاوخوا ۳۰ کورنۍ، چې دوه ګونی ایرانی او افغان تابعیت لري افغانستان ته راغلي، چې تېره ورځ یې یوازې څو پناغوښتونکي له دې ټولنې سره ثبت کړي دي.

په افغانستان کې د ملګرو ملتونو د کډوالو عالي کمیشنرۍ د دفتر رییس عرفات جمال وايي؛ دا ټولنه چمتو ده، چې د جګړې له کبله افغانستان ته له راغلو ایراني کډوالو سره مرسته وکړي.

هغه زیاته کړې: “مونږ په سرحدي دروازو کې یوو او د کډوالو وضعیت څېړو. که ایرانیان غواړي افغانستان ته ننوځي؛ مونږ چمتو یوو، چې د دوی ملاتړ وکړو. مونږ اوسمهال په افغانستان کې د ایراني کډوالو لوی شمېر نلرو؛ خو شاوخوا ۳۰ کورنۍ، چې دوه ګونی ایرانی او افغان تابعیت لري بېرته هېواد ته راستانه شوي دي. یوازې پرون، یو څو تنه ایراني کډوال هم راجستر شوي دي.”

عرفات جمال دا هم ویلي؛ له ۲۰۲۳ راپدېخوا شاوخوا ۳.۵ میلیون افغان کډوال له ایران او پاکستان څخه هېواد ته راستانه شوي، چې ډېری یې تر فشار او جبر لاندې دي.

هغه ټینګار کړی؛ د کډوالو راستنېدل باید له انساني درناوي سره ترسره شي او نړیواله ټولنه باید په دې برخه کې همکاري او پانګونه وکړي، چې په افغانستان کې د سولې، پرمختګ او ثبات لپاره زمینه برابره شي.

په افغانستان کې د ملګرو ملتونو د کډوالو عالي کمیشنرۍ د دفتر رییس یادونه کړې، چې دا اداره د حکومتي ادارو او شریکو بنسټونو سره په همکارۍ کې د کډوالو د راستنېدو او په ټولنه کې د هغوی د بیا یوځای کېدو د بهیر د ښه مدیریت لپاره د پروګرامونو د پراختیا او پلي کولو لپاره کار کوي. له ګاونډ هېوادونو هم غوښتل شوي، چې د افغان کډوالو انساني کوربتوب روان وساتي.

Continue Reading

تازه خبرونه

د ایران رهبر د ترور له وېرې خپلې برښنایي اړیکې  پرې کړي

دې ورځپاڼې لیکلي: ” د ایران رهبر علي خامنه‌یی ځمکې په یوه تلخونه کې پټ شوی او د ترهګرۍ د ویرې له کبله یې خپل ټول برښنایي مخابرات قطع کړي دي.”

Published

on

نیویارک ټایمز راپور ورکړی، چې د ایران رهبر د ترور له وېرې خپلې ټولې برښنایي اړیکې پرې کړې دي.

دې ورځپاڼې لیکلي: ” د ایران رهبر علي خامنه‌یی ځمکې په یوه تلخونه کې پټ شوی او د ترهګرۍ د ویرې له کبله یې خپل ټول برښنایي مخابرات قطع کړي دي.”

د ورځپاڼې د څرګندونو له مخې: لکه څنګه، چې پر ایران د اسرائیلو بریدونه دوه‌یمې اوونۍ ته ننوځي؛ د ایران رهبر علي خامنه‌یی هېواد د ځمکني پټنځای څخه اداره کوي او د بدترین حالت سناریوګانو لپاره چمتووالی نیسي.

په راپور کې راغلي: “د ایران رهبر اوس له خپلو پوځي قومندانانو سره ډېری وخت د یو باوري مرستیال له لارې اړیکه نیسي.”

راپور دا هم څرګنده کړې، چې خامنه‌یی د کودتا په صورت کې روسیې ته د تېښتې لپاره چمتووالی پیل کړی دی.

د ورځپاڼې پر وینا، ۸۶ کلن ایرانی رهبر، چې په یوه ځمکني پټنځای کې دی؛ نه یوازې د مهمو قومندانانو د مړینې په صورت کې د خپلو پوځي ځای ناستو په اړه پرېکړه کړې، بلکې په یوه بې ساري اقدام کې یې درې لوړ پوړي عالمان د خپلو ځای ناستو په توګه ټاکلي دي.

Continue Reading

تازه خبرونه

ترکیه د اسلامي امارت په بهرني سیاست کې ځانګړی ځای لري – امیر خان متقي

په دې لیدنه کې دواړو لوریو د افغانستان او ترکیې ترمنځ د دوه اړخیزو اړیکو او مهمو سیمه‌ییزو مسلو په اړه نظرونه وړاندې کړل.

Published

on

په استانبول کې د اسلامي همکارۍ ټولنې د بهرنیو چارو وزیرانو د یوپنځوسمې غونډې په څنډه کې د اسلامي امارت بهرنیو چارو وزارت چارسمبالي امیر خان متقي د ترکیې له بهرنیو چارو وزیر هاکان فیدان سره پر دوه اړخیزو اړیکو خبرې کړې دي.

په دې لیدنه کې دواړو لوریو د افغانستان او ترکیې ترمنځ د دوه اړخیزو اړیکو او مهمو سیمه‌ییزو مسلو په اړه نظرونه وړاندې کړل.

د غونډې په پیل کې د افغانستان بهرنیو چارو وزیر د دواړو هېوادونو ترمنځ تاریخي او کلتوري اړیکو ته په نغوته(اشاره) کې ویلي، چې ترکیه د اسلامي امارت په بهرني سیاست کې ځانګړی ځای لري او د کابل او انقرې ترمنځ د اړیکو د کچې په ښه کولو کې یې د دوه اړخیزو همکاریو پر پراختیا ټینګار وکړ.

دغه راز د ترکیې بهرنیو چارو وزیر هم له افغانستان سره اړیکې د خپل هېواد لپاره مهمې او سټراټیژیکې وبللې او د دواړو هېوادونو ترمنځ یې په بېلابېلو برخو کې د همکارۍ د پراختیا غوښتنه وکړه.

دا غونډه پوره همغږې ترسره شوه، چې په کې د دوستانه اړیکو پر پراختیا او دواړو خواوو له ګډو ګټو سره سم د رغنده خبرو اترو او همکاریو پر دوام ټینګار وشو.

Continue Reading
Advertisement

Trending

Copyright © 2025 Ariana News. All rights reserved!