Connect with us

تازه خبرونه

 د ا.ا پلاوي په اوسلو کې پر سیاسي او بشري حقونو خبرې وکړې

خپور شوی

 په

(Last Updated On: سلواغه ۵, ۱۴۰۰)

بهرنیو چارو وزارت ویلي؛ د اسلامي امارت پلاوي د دې وزارت د چارسمبالي مولوي امیر خان متقي پر مشرۍ د اوسلو د دوه یمې ورځې په ناسته کې د امریکا، اروپايي ټولنې او یوشمېر نورو هېوادونو له استازیو سره ولیدل.

پر افغانستان له واکمن کېدو پېنځه میاشتې وروسته په یوه اروپايي پلازمېنه کې له لویدیځو چارواکو سره د اسلامي امارت د لومړنیو رسمي خبرو اترو د ستایلو ترڅنګ د بهرنیو چارو وزارت ویاند عبدالقهار بلخي څرګنده کړې؛ د افغانستان اسلامي امارت پلاوي نن په اوسلو کې د دې وزارت د چارسمبالي مولوي امیرخان متقي پر مشرۍ د اته هېوادونو( امریکا، بریټانیا، ناروې، آلمان، ایټالیا، قطر، فرانسه او اروپایي ټولنې ) له ځانګړیو استازیو سره ولیدل.

دواړه لوري هیله من دي، چې دا خبرې به یې موخې ته ورلنډ کړي؛ ځکه، چې د غربیانو موخه د ټولګډونه حکومت جوړول، د ښځو او نجونو بشري حقونو ته درناوی او د انساني ناورین مخنیوی دی؛ خو اسلامي امارت یې تر څنګ د نړیوال مشروعیت او د افغانستان د میلیارډونو ډالرو پانګې آزادېدل هم غواړي.

اسلامي امارت د ناروې له دې نوښته هرکلی کړی او ویلي یې دي، چې مذاکرات یې ګټور ول.

د بهرنیو چارو وزارت چارسمبالی امیر خان متقي وایي: دا ناسته له اهمیته برخمنه ده؛ په دې ناسته کې د سترو هېوادونو ځانګړیو استازیو ګډون کړی، زمونږ هم پیاوړی پلاوی و. هیله لرو، چې نړۍ ته ښه زیری وړاندې کړو او ټوله نړۍ مو له اصولو، پلان او وړاندیزه خبر شي.

د بهرنیو چارو ورازت چارسمبالي له لويدیځو ډيپلوماټانو سره له لیدنې وروسته ویلي، چې خبرې اترې یې ګټورې وې؛ خو داسې ښکاري، چې د ټولګډونه حکومت د پېژندنې پر سر د نظر اختلاف اوس هم پخپل ځای پاتې دی.

مولوي امیر خان متقي په دې اړه وایي: که د ټولګډونه حکومت معنا دا وي، چې ټول قومونه دې په کې وي؛ دا، خو شته. که د اشرف غني حکومت ټولګډونه و، له هغه حکومته مونږ څوک منفک کړي ندي. البته دا مونږ بشپړ نه بولو؛ هڅه کوو، چې حکومت نور هم ټولګډونه او پوره ښه شي.

له دې غونډې مخکې، یو شمېر سیاستوالو او د افغانستان د مدني ټولڼې استازیو نه یوازې له افغان پلاوي سره لیدلي، بلکې  د افغانستان په چارو کې د امریکا له ځانګړي استازي سره یې هم ناسته لرلې ده.

په کابل کې د معترضو ښځو استازیو هم د ښځو د حقونو د فعالانو د نیول شویو غړیو انځورونه له ځان سره ناروې ته وړي…خو اسلامي امارت وايي، دا ښځې د دوی په بند کې ندي.

د ښځو حقونه فعاله محبوبه سراج وایي: مونږ په تمه یوو، چې دوی څه کولی شي؛ ځکه دوی تر دې دمه کوم ځواب ندی راکړی، خو زمونږ خبرې یې اورېدلي او له مونږ هم خبر دي. هیله منه یم، چې همغږي ولرو؛ ځکه دا به د افغانستان او د ولس په ګټه وي.

پرون د ناروې د پلازمېنې اوسلو سوریا موریا نومی هوټل  د دې لیدنې کوربه و او ښځينه پلاوي د لومړي ځل لپاره د اسلامي امارت له چارواکو سره ولیدل او دا بې سارې لیدنه داډمنه هم نومول شوې ده.

تازه خبرونه

په تېرو ۹ میاشتو کې څه باندې ۷۰۰ زره افغان کډوال له ایرانه ایستل شوي

خپور شوی

په

توسط

(Last Updated On: غبرګولى ۷, ۱۴۰۱)

د کډوالو او راستنیدونکیو چارو وزارت د کډوالو او راستنیدونکیو د ستونزو د څېړلو لپاره هرات ته رسېدلی دی.

د کډوالو او راستنیدونکیو چارو وزارت چارسمبالي محمد ارسلا خروټي نن یوې خبري غونډې ته وویل، چې په تېرو ۹ میاشتو کې څه باندې ۷۰۰ زره افغان کډوال له ایران څخه راستانه شوي، چې ډېري یې پر زوره ایستل شوي دي.

د دغه وزارت مرستیال ټینګار کړی، چې په ایران کې له افغان کډوالو سره د ناوړه چلند موضوع څو ځله د ایران له حکومت سره یاده شوې ده.

د مهاجرینو او راستنیدونکیو چارو مرستیال محمد ارسلا خروټی وایي: مونږ د ایران له حکومت سره هم اړیکه ونیوله او د بهرنیو چارو وزارت د ایران سفیر احضار کړ او خپله نارضايتي مو ورته څرګنده کړه. هغه کسان، چې له افغانانو سره پر ناوړه چلند تورن دي، باید محاکمه شي او مجرمین باید مجازات شي.

په دې خبري غونډه کې د امريکا يوې خيريه موسسې هم د کډوالو چارو رياست ته د جامو يوه ستره مرسته وسپارله، چې په پام کې ده د دغو جامو ډېره برخه په ډېرو ولايتونو کې پر اړمنو خلکو ووېشل شي.

د خيريه بنسټ د همغږۍ مسوول فرهاد ساپي ويلي: دوى زيانمن او اړين دي.

نوموړي زیاته کړې، چې دغه لېږد شاوخوا پېنځه میلیون ډالر ارزښت لري؛ نو اړتیا ده، چې د هېواد په ډېرو ولایتونو کې پر ټولو اړمنو کسانو ووېشل شي.

د کډوالو او راستنیدونکیو چارو مرستیال محمد ارسلا خروټي ویلي: مونږ تاسې ته ډاډ درکوو، چې مرسته شوې شتمنۍ به په پوره شفافیت سره مستحقو او اړمنو کسانو ته ورسوو.

دا مرستې په داسې حال کې تر سره کېږي، چې په دې وروستیو کې له ایران څخه د افغانانو د ویستلو لړۍ چټکه شوې او چارواکي وايي، هره ورځ د اسلام کلا له پولې له ۳۰۰۰ ډېر افغانان هرات ته رادننه کیږي.

Continue Reading

تازه خبرونه

اسلامي امارت د واک انحصار نه غواړي – ملا برادر

خپور شوی

په

توسط

(Last Updated On: غبرګولى ۷, ۱۴۰۱)

د لومړي وزیر مرستیال ملا عبدالغني برادر پرون له یو شمېر افغان شیعه عالمانو او مخورو سره په خبرو کې ویلي، چې افغانستان د ټولو افغانانو ګډ کور دی او اسلامي امارت د واک انحصار نغواړي.

ملا عبدالغني برادر زیاته کړې: د افغانستان پرمختګ د دې هېواد د ټولو خلکو ګډ مسوولیت دی او د اسلامي امارت غېږه د ټولو هېوادوالو پر مخ خلاصه ده.

نوموړي همداراز زیاته کړې، چې د خلکو هوساینه او اقتصادي ثبات د اسلامي امارت اړین لومړیتوبونه دي.

سیعه عالمانو او مخورو ویلي، چې تل یې د اسلامي نظام او اسلامي امارت ملاتړ کړی او هغه کړنې او هڅې غندي، چې روان اسلامي نظام کمزوري کوي.

دوی همدارنګه اسلامي امارت په افغانستان کې د میشتو قومونو د یووالي او پیوستون مرکز وباله او څرګندوي: عالمانو تل د شیعه ګانو په سیمو کې د هر ډول بغاوت او ناامنۍ مخه نیولې ده.

دوی دا ټینګار هم وړاندې کړی؛ د بن سند کنفرانس د اشغال، توکمیزو او سیمه ییزو تعصبونو زېږنده و او د دوحې تړون برعکس، د ملتونو ترمنځ د آزادۍ، یووالي او ورورولۍ سند دی.

د لومړي وزیر د مرستیال دفتر ویلي؛ دغه پلاوي له ملا برادر سره په لیکلې بڼه خپل وړاندیزونه شریک کړي دي.

ملا برادر دا هم ویلي، چې د اسلامي امارت دروازې د ټولو افغانانو پر مخ خلاصې دي. مونږ له هر هغه چا هرکلی کوو، چې افغانستان او د افغانستان خلکو ته خدمت کوي.

هغه د خلکو هوساینه او اقتصادي ثبات د حکومت له مهمو پروګرامونو بولي او وایي، چې موخه یې په لنډ مهال کې د اقتصادي وضعیت ښه کول، خلکو ته د کار زمینه برابرول او د هېواد د ملي عوایدو لوړول دي.

Continue Reading

تازه خبرونه

د ښځو د حقونو په اړه د امنیت شورا اندېښنه بې ځایه ده – اسلامي امارت

خپور شوی

په

توسط

(Last Updated On: غبرګولى ۷, ۱۴۰۱)

اسلامي امارت د ښځو د حقونو په اړه د ملګرو ملتونو اعلامیه رد کړې او څرګندوي، چې پر افغان میرمنو د محدودیتونو لګولو په اړه د امنیت شورا اندېښنه بې بنسټه او د ټولنې له واقعیتونو سره اړخ نه لګوي.

د اسلامي امارت د بهرنیو چارو وزارت د جمعې پر ورځ د غبرګولې شپږمه د ښځو د حجاب او اړوند حقونو په اړه د ملګرو ملتونو څرګند شوی راپور رد کړ او په ډاګه کوي، چې د افغان ښځو د حقوقو په اړه د امنيت شورا په اعلاميې کې ذکر شوې اندېښنې له واقعيته لرې دي او د افغانانو د منل شویو دیني او کلتوري لارښوونو په چوکاټ کې د ښځو، ماشومانو او لږکیو د بشپړو حقوقو د تأمین په برخه کې پخپله ژمنه یو ځل بیا ټینګار کوي.

دا په داسې حال کې ده، چې د ملګرو ملتونو امنیت شورا د سې شنبې پر ورځ د غبرګولي درېیمه) د رایو پر اکثریت له طالبانو وغوښتل، چې په افغانستان کې د بشري حقونو او افغان میرمنو پر وړاندې محدود کوونکي سیاستونه سمدستي ودروي.

اسلامي امارت له نړۍ ووغوښتي، چې د افغانستان د خلکو دیني او فرهنګي ارزښتونو ته دې درناوی وکړي.

دا په داسې حال کې ده، چې د افغانستان لپاره د ملګروملتونو ځانګړي راپورورکوونکی ریچارد بینیټ په افغانستان کې خپل ۱۱ ورځنی سفر پای ته رسولی او له نږدې یې له بشري حقونو سرغړونې لېدلې دي.

Continue Reading

Trending

Copyright © 2022 Ariana News. All rights reserved!