Connect with us

نړۍ

د بریتانیا لومړي وزیر اوکراین ته د مرستې ډاډ څرګند کړ

Published

 on

(Last Updated On: لړم ۲۹, ۱۴۰۱)

د انګلستان لومړي وزیر ریشي سناک ویلي؛ هېواد به یې اوکراین ته د ۵۰ میلیون پاوند (۵۹ میلیون دالرو) پر ارزښت هوایي دفاعي تجهیزات چمتو کړي، چې د دې هېواد اړینې مخبناوې د روسیې له بریدونو خوندئي او وژغورل شي.

بلومبرګ په ډاګه کړې؛ د انګلستان لومړي وزیر د شنبې پر ورځ کیف ته په سفر کې له زیلینسکي سره د لیدنې پر مهال د دفاعي هوایي مرستې ډاډ اعلان کړی دی.

د انګلستان حکومت څرګنده کړې؛ واک ته له رسېدو وروسته کیف ته دا د ریشي سوناک لومړنی سفر دی.

بلومبرګ راپور ورکړی، چې د انګلستان حکومت دا پلان د شنبې پر ورځ د سوناک لخوا کیف ته د مخکیني اعلان شوې لیدنې وروسته اعلان کړ، چې د اکتوبر په میاشت کې د واک اخیستو راپدیخوا دا د هغه لومړنۍ لیدنه ده.

په داسې حال کې، چې د اوکراین وسلوال ځواکونه بریالي شوي، چې روسي ځواکونه له ځمکې څخه پر شا کړي؛ خو ملکي وګړي له هوا څخه وحشیانه بمباردیږي.

مونږ نن ورځ د الوتکې ضد وسلې، رادار او د ډرون ضد تجهیزاتو په ګډون نوې هوایي دفاع چمتو کوو، او د ژمي، سخت ژمي لپاره د بشردوستانه ملاتړ ګام پورته کوو.

بلومبرګ راپور ورکړی، چې پدې ټولګه کې؛ د الوتکو ضد ۱۲۵ ټوپکونه او تکنالوژي شته، چې د ایران لخوا د چمتو شوې بې پیلوته الوتکو سره د مقابله په ګډون لسګونه رادارونه او د ډرون ضد برښنایی جنګي وړتیاوې لري.

د بلومبرګ د څرګندونو له مخې؛ لوړ پوړیو اوکرایني چارواکو په مکرر ډول پر متحدینو غږ کړی، چې له ملت سره د خپل هوایي دفاع په برخه کې مرسته وکړي.

زیلینسکي ویلي؛ د روسیې دا ترهګرۍ یوازې د اوکراینیانو پر وړاندې د بل دښمن ظلم ندی. دا د روسیې د اروپا ضد او د بشر ضد سیاست ښکارندویي کوي.

هغه زیاته کړې، چې اوکراین اروپا ته د نورې ډېرې برښنا صادرولو لپاره چمتووالی نیولی و او د روسیې د بریدونو موخه هم له اروپا سره زمونږ د انرژۍ لېږدولود اړیکو له منځه وړل دي.

هغه ویلي: د اوکراین پر انرژۍ هر برید د ټولې وچې د انرژۍ پر امنیت برید دی.

نړۍ

په لاتينه امريکا کې د چين د څارنې یو بل شکمن بالون ولیدل شو- امريکا

Published

on

(Last Updated On: سلواغه ۱۵, ۱۴۰۱)

پنتاګون د جمعې پر ورځ څرګنده کړې؛ د امریکا په آسمان کې د چین له څارګر بالون له لیدلو یوه ورځ وروسته په لاتینه امریکا کې دوه‌یم چینایي څارګر بالون ولیدل شو.

په امریکا کې د تېرې ورځې د څارګر بالون د لیدو له کبله بیجینګ ته د امریکا د بهرنیو چارو وزیر انتوني بلنکن خپل بې ساری سفر لغو کړی و.

د فرانسې ځبري سرچینې څرګنده کړې؛ پنتاګون ویلي؛ لومړی بالون اوس د مرکزي امریکا ختیځ لوري ته روان دی، چې د خلکو د ژغورنې له کبله نه نسکوریږي.

د جمعې پر ورځ، د پنټاګون ویاند پت رایدر څرګنده کړې: مونږ داسې راپورونه لرو، چې یو بالون لاتینې امریکا ته روان دی.

هغه زیاته کړې: اوس مونږ ارزونه کوو، چې دا یو بل چینایي څارګر بالون دی؛ خو د ځای په اړه یې بشپړ څه نه دي ویلي.

بلنکن له یوه لوړ پوړي چینايي چارواکي وانګ یی سره په تیلیفوني اړیکه کې ویلي؛ د امریکا په فضايي حریم کې د دې څارګر بالون شتون د امریکا له ملي حاکمیت او نړیوال قانون څخه ښکاره سرغړونه ده او دا یو نامسوولانه عمل دی.

بلنکن وانګ ته څرګنده کړې؛ امریکا له چین سره دیپلوماتیکو اړیکو ته ژمن دی او زه اراده لرم، چې د فرصت په وخت کې له بیجینګ څخه لیدنه وکړم.

هغه زیاته کړه: لومړی ګام زمونږ له فضا څخه د څارنې توکي لرې کول دي. دا هغه څه دي، چې مونږ پرې تمرکز کوو.

د سينهوا آژانس د خبر له مخې؛ وانګ بلنکن ته وويل: چين يو مسوول هېواد دی او تل يې نړيوال قوانين په کلکه مراعت کړي دي.

هغه وايي، چې چین هیڅ بې بنسټه اټکل او شور ماشور نه مني او له دواړو خواو یې وغوښتل، چې له ناسمو قضاوتونو څخه ډډه وکړي او اختلافات اداره کړي.

Continue Reading

نړۍ

په ۲۰۲۵ ز. کال کې د امریکا او چین د جګړې شونتیا ډېره ده ـ امریکایي جنرال

Published

on

(Last Updated On: سلواغه ۱۱, ۱۴۰۱)

د ۱۱۰ زره سرتېرو د یو امریکایي جنرال د یوه یادښت له مخې امریکا به په راتلونکیو دوه کلونو کې له چین سره جګړې ته ورودانګي.

دغه امریکايي څلور ستوریز جنرال، چې د هوايي څانګې مسوول دی او د الوتکو د تېلو څارنه کوي؛ په خپل یوه یادښت کې تر خپلې قومندې لاندې ۱۱۰ زره پوځیانو ته خبرداری ورکوي، چې امریکا به په راتلونکیو دوه کلونو کې له چین سره جګړې ته ولاړه شي.

دا یادښت لومړی په ټولنیزو رسنیو کې خپور او بیا د پنتاګون لخوا تائید شو، چې بنسټیزه موخه یې د جګړې مخنیوی او د اړتیا په صورت کې د چین ماتول دي.

  د دغه امریکايي جنرال د استدلال پر بنسټ، امریکا او تایوان په ۲۰۲۴ ز. کال کې د ولسمشرۍ ټاکنې ترسره کوي، چې په کې د واشنګتن د چارواکو د وېشلو شونتیا هم لیدل کیږي او په پایله کې به یې چین ته دا فرصت رامنځته شي، چې پوځي هڅې وکړي او تایوان له خپلې خاورې سره بېرته ونښلوي.

چينايي چارواکو تل د امريکا او تايوان د اړيکو نږدیوالی په ځانګړي توګه د دواړو خواوو ترمنځ پراخې پوځي همکارۍ پاروونکې او د دوی د ملي امنيت پر ضد ګڼلي.

تايوان ۲۴ میليون وګړي لري او د بیجنګ د څرګندونو له مخې د چين يوه برخه ده، چې له ۱۹۴۹ ز. کال راپدیخوا له خپلې اصلي ځمکې څخه بېل شوی دی.

د چين او امريکا ترمنځ اړيکې په تېرو کلونو کې د بېلا بېلو مسايلو لکه تايوان، جنوبي چين سمندرګي، شمالي کوريا او اقتصادي مسايلو له کبله ترينګلې پاتې دي؛ خو تایوان ته د امريکا د ولسي جرګې د ریيسې نانسي پلوسي له سفر وروسته د دواړو هېودونو ترمنځ لفظي او ديپلوماتيکه ترينګلتيا په بې ساري توګه زياته شوې ده.

Continue Reading

نړۍ

د پېښور په جومات کې د چاودنې د قربانیانو شمېر ۸۷ کسانو ته ورسېد

Published

on

(Last Updated On: سلواغه ۱۱, ۱۴۰۱)

رویترز راپور ورکړی، چې د پېښور په یوه جومات کې له ځانمرګه بریده د مړو شمېره ۸۷ ته لوړه شوې ده.

دا برید د پېښور ښار په شمال لویدیځه سیمه کې رامنځته شوی، چې د پولیسو او ترهګرۍ ضد څانګو دفترونه یې له نږدې څاري.

د رویترز د څرګندونو له مخې، بریدګر هغه وخت ځانته چاودنه ورکړه، چې په سلګونو لمونځ کوونکي د ماسپښین د لمانځه د ادا کولو لپاره ودرېدل.

په دې برید کې ډېرو پولیسو ته مرګ و ژوبله اوښتې ده.

د روغتون مشر محمد عاصم ویلي، ۸۷ کسان وژل شوي او د ۵۷ ټپیانو درملنه روانه ده، چې د ۷ کسانو روغتیايي حالت د اندېښنې وړ دی.

د پېښې پړه تر دې دمه چا پر غاړه نده اخيستې.

تحریک طالبان پاکستان (TTP) د دغې چاودنې مسوولیت رد کړی دی.

Continue Reading

Trending

Copyright © 2022 Ariana News. All rights reserved!