Connect with us

تازه خبرونه

د بغلان او غزني د دوه ولسوالیو د امنیه قومندانانو په ګډون ۸ سرتېري وژل شوي

خپور شوی

د

(Last Updated On: )

امنیتي سرچینو منلې، چې د جمعې پر شپه د بغلان او غزني د دوه ولسوالیو د امنیه قومندانانو په ګډون د امنیتي ځواکونو لس سرتېري د وسلوال طالبانو په بریدونو کې وژل شوي دي.

د سرچینې د څرګندونو له مخې، طالبانو تېره نیمه شپه له بېلابېلو خواوو پر جیلګه ولسوالۍ برید پیل کړ. سرچینې وي، چې نښتې د شنبې تر سهاره روانې وې.

په دې نښتو کې د جیلګې ولسوالۍ د پولیسو مشر ګلبدین غفوري او د بغلان د بورکه ولسوالۍ د پولیسو مشر لطف الحق وژل شوي دي.

سرچینې زیاته کړې، د بورکې پولیسو مشر لطف الحق  جیلګې ولسوالۍ ته د امنیتي ځواکونو د مرستې لپآره تللی و، چې د وسلوالو د پرمختګ مخه ونیسي.

دغه چارواکي دا هم ویلي، چې که ژر تر ژره د امنیتي ځواکونو مرستې ته تازه دمي ځواکونه ونه  لېږل شي؛ دا ولسوالي به طالبان ونیسي.

په دې نښتو کې یو شمېر نور امنیتي ځواکونه هم وژل شوي دي.

د ځایی سرچینو د څرګندونو له مخې، نږدې ۴۵ حکومتي سرتېري ورک دي.

سرچینې دا هم ویلی، چې ګلبدین او لطف الحق نږدې خپلوان ول او دواړه د جلګې ولسوالۍ د پنجشېریانو په کلي کې اوسېدل.

په ورته وخت کې د غزني د ولایتي شورا غړي امان الله کامران ویلي؛ د جمعې پر شپه په ده یک ولسوالۍ کې سخته جګړه وشوه، چې په کې د ملي اردو دوه سرتېري وژل شوي او درې نور ټپیان دي.

ولایتي چارواکو تر دې دمه د دې پېښې په اړه څه ندي ویلي.

تازه خبرونه

طارق علي بخیت د افغانستان په اړه له جاپاني چارواکو سره وکتل

د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

Published

on

(Last Updated On: )

د افغانستان د چارو لپاره د اسلامي همکاریو ټولنې ځانګړي استازي طارق علي بخیت د افغانستان په اړه د جاپان د بهرنیو چارو وزارت د مرستیال کامډا ماسایوکي پر مشرۍ له جاپاني پلاوي سره خبرې اترې کړې دي.

د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.

د دې خبرپاڼې له مخې؛ دواړو خواوو د افغانانو د بېړنیو اړتیاوو د پوره کولو لپاره د پرله‌پسې همکارۍ پر اړتیا ټینګار وکړ.

په دې رسنیزې خبرپانه کې راغلي، چې په جده کې د جاپان جنرال قونسل او د هغه مرستیال هم په پلاوي کې برخه لرله.

دا په داسې حال کې ده، چې دا ناسته د سعودي عربستان په جده ښار کې د افغانستان د چارو لپاره د اسلامي همکاریو ټولنې د ځانګړي استازي په دفتر کې شوې ده.

Continue Reading

تازه خبرونه

افغان بېسیم د ننګرهار په کوزکوڼر ولسوالۍ کې یو نوی سایټ فعال کړ

د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

Published

on

(Last Updated On: )

د افغان بېسیم مخابراتي شرکت چارواکو ويلي، چې د ننګرهار ولایت په کوزکوڼر ولسوالۍ کې یې یو نوی سایټ فعال کړی دی.

د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.

دوی زیاته کړې، چې افغان بېسیم به ډېر ژر په دې سیمو کې د ۴‌جي 4G انټرنیټي خدمتونه هم فعال کړي.

دغه راز د ننګرهار مخابراتو او معلوماتي ټکنالوژۍ ریاست چارواکو ويلي، چې د دې ولایت لرې پرتو سیمو ته د مخابراتي خدمتونو د غځولو لپاره هڅې روانې دي.

له بلې خوا په ننګرهار کې د اټرا ادارې مشر رحیم الله شینواري ویلي، چې د افغان بېسیم د نوي سایټ له فعالیدو سره به ۲۵ زره کورنیو ته مخابراتي او انټرنیټي خدمتونه وړاندې شي.

د کوزکوڼر ولسوالۍ اوسېدونکو د مخابراتي او انټرنیټي خدمتونو ته د لاسرسي له کبله خپله خوښي څرګنده کړې او په ننګرهار کې یې د مخابراتي خدمتونو د نورې پراختیا غوښتنه کړې ده.

دا په داسې حال کې ده، چې په دې وروستیو کلونو کې د افغان بېسیم مخابراتي شبکې خپل مخابراتي او انټرنیټي خدمتونه د هېواد ډېرو لرې پرتو سیمو ته غځولي دي.

Continue Reading

تازه خبرونه

د خوست نړیوال هوایي ډګر ریاست دوبۍ ته په اوونۍ کې له ۳ الوتنو خبر ورکړ

د خوست ولایت د رسنیو دفتر د خبرپاڼې له مخې؛ له دې وروسته به د کام ایر هوایي شرکت له خوست نړیوال هوایي ډګر څخه د متحده عربي اماراتو دوبۍ ښار ته هره اوونۍ درې الوتنې ترسره کوي.

Published

on

(Last Updated On: )

د خوست نړیوال هوایي ډګر ریاست ویلي، چې پخوا کام ایر هوایي شرکت له خوست نړیوال هوایي ډګر څخه د متحده عربي امارات دوبۍ ښار ته هره اوونۍ دوه الوتنې کولې؛ خو اوس ياد هوایي شرکت یوه بله الوتنه هم د خپلو الوتنو په مهالوېش کې اضافه کړې ده.

د خوست ولایت د رسنیو دفتر د خبرپاڼې له مخې؛ له دې وروسته به د کام ایر هوایي شرکت له خوست نړیوال هوایي ډګر څخه د متحده عربي اماراتو دوبۍ ښار ته هره اوونۍ درې الوتنې ترسره کوي.

په دې خبرپاڼه کې راغلي: هره یکشنبه، سې‌شنبه او پنجشنبه له خوست څخه دوبی ته او هره دوشنبه، چارشنبه او جمعه به له دوبۍ څخه خوست ولایت ته الوتنې ترسره کيږي.

ویل کیږي، چې په نږدې راتلونکې کې به خوست ته له یو څو نورو هېوادونو سره هم د الوتنو شاهدان واوسو.

Continue Reading
Advertisement

Trending

Copyright © 2025 Ariana News. All rights reserved!