Connect with us

تازه خبرونه

د بهرنیو مرستو د ضایع کیدو مخه به ونیول شي – ا.ا.ا

Published

 on

(Last Updated On: وږی ۳۰, ۱۴۰۰)

د ا.ا.ا چارواکي وايي، چې  بهرنۍ مرستې به اړو کسانو ته پوره او ډاډمنې ووېشل شي.

د حکومت د فرهنګي چارو کمیسیون مرستیال احمدالله وثیق ویلي، چې د بهرنیو چارو وزارت د مرستې راجلبولو لپاره پر تګلاره کار کوي.

د فرهنګي کمیسیون مرستیال احمدالله وثیق وایي: د مرستې وېش به روڼ وي او هغه سیمو ته به ورسیږي، چې ورته ډېره اړتیا لرو. مونږ خلکو او نړۍ ته ډاډ ورکوو، چې مرستې به ځانګړیو جبونو ته نه، بلکې هغو سیمو ته ورسیږي، چې ورته اړتیا لري. مونږ د دې هڅو ستاینه کوو. مونږ له ټولو هغو اړخونو ملاتړ کوو، چې غواړي له افغانانو سره مرسته وکړي او په اوسني وضعیت کې مثبت بدلون رامنځته کړي.

احمد الله وثیق په دې اړه په ډاګه کړې: بهرنۍ اړیکې به د دغه میکانیزم په رامنځته کولو کې له نړۍ سره مرسته کوي. اسلامي امارت له ژمنې وروسته د مرستې مسله تر بحث لاندې نیولې او حکومت د دغو مرستو پر ترلاسه کولو او وېش فکر کوي.

هېواد وال له نوي حکومت څخه غواړي، چې د مالي مرستو د ضایع کیدو مخه ونیسي.

کورني بې ځایه شوي مایل آقا وایي: زمونږ غوښتنه ( له نړیوالې ټولنې ) دا ده، چې د کار چاپېریال برابر  کړي؛ ځکه، چې زمونږ ماشومان خواړو ته اړ دي او مونږ بې وزله خلک یو.

یوې بلې بې ځایه شوې بي بي ګل نومې ویلي: مونږ بې ځایه شوي یو؛ خو هیچا مونږ ته د استوګنې او ډوډۍ  زمینه برابره کړې نده. مونږ په بد وضعیت کې یو، د ماشومانو ته وګورئ پښې یې لوڅې دي، جامې او خیمې نلري.

اوس نوی حکومت له فساد سره د مبارزې په آزموینه کې دی.

د سیاسي چارو کارپوه ویس ناصري ویلي: افغانستان له اقتصادي بحران سره مخ دی او د مرستو لګول ډېر اړین دي.

له دې مخکې د ملګرو ملتونو عمومي منشي په افغانستان کې د بشپړ اقتصادي ځوړ د شونتیا په اړه خبرداری ورکړی او د افغانستان لپاره یې د مالي ملاتړ پر بېړنۍ اړتیا ټینګار کړی و؛ خو مرسته کوونکیو ویلي وه، چې مرستې به نادولتي سازمانونه ورکړي.

دا په داسې حال کې ده، چې د افغانستان پخواني دولت په نړۍ کې د فاسدو حکومت نوم خپل کړی و.

تازه خبرونه

په افغانستان کې سوله او ثبات یوه اړتیا ده – اردوغان

Published

on

(Last Updated On: ليندۍ ۵, ۱۴۰۱)

د ترکیې ولسمشر رجب طیب اردوغان د جمعې پر ورځ په افغانستان کې د سولې او ثبات پر اهمیت رڼا واچوله او ویې ویل، چې د ګواښونو او خطرونو مخنیوی د سیمې لپاره یوه اړتیا ده.

دغه راز د ترکیې ولسمشر رجب طیب اردوغان ویلي، چې په افغانستان کې سوله او ثبات د ګډو ګواښونو او خطرونو په پام کې نیولو سره یوه اړتیا ده.

هغه همدا راز ویلي، چې ترکیه به په افغانستان کې خلکو ته د بشري ناورین د اغېزو د له منځه وړلو لپاره خپلې هڅې روانې وساتي.

نوموړي څرګنده کړې: په افغانستان کې سوله او ثبات د افغانانو وروڼو پر وړاندې زموږ د بشري دندې یوه برخه ده او له ګډو ګواښونو او خطرونو سره د مقابلې په برخه کې حیاتي اهمیت لري. د دواړو هېوادونو ترمنځ د ښو اړیکو او پاکستان ته د افغانانو د غیر قانوني کډوالۍ د مخنیوي لپاره با ثباته افغانستان ته اړتیا لرو او باید په ګډه کار سره وکړو.  

له بلې خوا اردوغان په دې کتنه کې ویلي، چې هېواد به یې په افغانستان کې بشري مرستو ته دوام ورکوي او تر اوسه پورې د خوراکي او لومړنیو مرستو څو جوپې افغانستان ته استول شوي دي.

هغه وایي: بله موضوع په افغانستان کې د بشردوستانه مرستو ده. مونږ دغه هېواد ته د خوراکي او لومړنيو مرستو څو ټولګې، چې خوراکي او لومړني توکي په کې ول؛ لېږلي دي. له دغه هېواد سره به زموږ مرستې روانې وي.    

د پاکستان لومړي وزیر شهباز شریف ترکیې ته په سفر کې له انقرې وغوښتل، چې د چین – پاکستان د اقتصادي دهلیز (CPEC) له څو میلیارد ډالري پروژې سره يو ځای شي.

نوموړي ګډې  خبري ناستې ته ویلي؛ سیمه به د درې واړو هېوادونو د همکاریو له برکته له پرمختګ او سوکالۍ برخمنه شي.

شهباز شریف ویلي: دا کار به د بېوزلۍ او بېکارۍ له منځه وړلو کې مرسته وکړي. دا به د ښوونې او روزنې د پرمختګ لامل شي او دا هغه لار ده، چې مونږ کولی شو د نن ورځې ننګونې پرې حل کړو.

کارپوهان په دې باور دي، که د افغانستان په اړه د پاکستان او ترکیې ترمنځ همکاري رښتیني وي، نو اغېزمنه تمامېدای شي؛ ځکه، چې دا دواړه هېوادونه له واکمنو چارواکو سره نږدې اړیکې لري.

په کابل کې د ملګرو ملتونو د سیاسي استازولۍ دفتر یا یوناما ویلي، چې له افغانستان سره د اړیکو د ټینګولو لپاره له ازبکستاني او تاجکستاني چارواکو سره د دغه سازمان د مرستیال خبرې پای ته رسېدلي دي.

د ازبکستان د بهرنیو چارو وزیر ویلي، چې له مارکس پوتزل سره یې د افغانستان د مسئلې د حل لپاره د یوې نړیوالې ډلې د جوړولو په اړه خبرې کړي دي.

Continue Reading

تازه خبرونه

له اسلامي امارت سره د خبرو لپاره د یوې نړیوالې ډلې پر جوړولو ټینګار څرګند شو

Published

on

(Last Updated On: ليندۍ ۵, ۱۴۰۱)

د ازبکستان د بهرنیو چارو وزیر د افغانستان لپاره د ملګرو ملتونو د استازې له مرستیال سره په لیدنه کې له اسلامي امارت سره د خبرو لپاره د یوې نړیوالې ډلې پر جوړولو خبرې کړې دي.

د ازبکستان د بهرنیو چارو وزیر ولادیمیر نوروف تویت کړی، چې د افغانستان له اوسني حکومت سره د دغې نړیوالې ډلې د خبرو موخه به د ښکېلو خواوو د ژمنو د پوره کولو پر لارو چارو هوکړه وشي.

یوناما یا د ملګرو ملتونو د سرمنشي دفتر نن (شنبه) څرګنده کړې، چې د دغه سازمان مرستیال مارکس پوتزل د تاجکستان او ازبکستان له حکومتي چارواکو سره د افغانستان د خلکو په اړه پر سیمه ییز ملاتړ خبرې کړې دي.

یوناما له سیمه ییزو لوبغاړیو سره کار روان ساتلی، چې په افغانستان کې د باثباته سولې لپاره له هڅو سره مرسته وکړي.

Continue Reading

تازه خبرونه

د درو وهلو په اړه د م. م د بشري حقونو د دفتر د ویاندې څرګندونې اسلام ته سپکاوی دی

Published

on

(Last Updated On: ليندۍ ۵, ۱۴۰۱)

د افغانستان اسلامي امارت ویاند د جمعې پر ورځ د درو وهلو په اړه د ملګرو ملتونو د بشري حقونو د دفتر د ویاند څرګندونې په کلکه وغندلې او وایي، چې په دې اړه څرګندونې یې اسلام ته سپکاوی دی.

د ملګرو ملتونو د بشري حقونو د دفتر ویاندې روینا شمداساني د جمعې پر ورځ په یوه بیان کې ویلي، چې دا اداره د چارشنبې پر ورځ په لوی ډګر کې د لوګر ولایت د ۱۴ کسانو پر دورو وهلو خواشینې کړې او د دې غوني ځیږوونکې سزا د سمدلاسه درولو غوښتنه کوي.

په بیان کې زیاته شوې؛ د بدني وهلو جزا د ظالمانه، غیر انساني له سپکاوي ډکې یا شرموونکي چلند یا مجازاتو یوه بڼه ده، چې د ځورونې او نورو ظالمانه، غیر انساني یا سپکاوي چلند یا مجازاتو او د مدني او سیاسي حقونو د نړیوال میثاق له مخې منع شوي دي.

د اسلامي امارت ویاند ذبیح الله مجاهد د دغه بنست د څرګندونو په غبرګون کې په ډاګه کړې، چې دا څرګندونې اسلام ته سپکاوی او له نړیوالو اصولو سرغړونه ده.

مجاهد تویت کړی: د افغانستان اسلامي امارت د اسلام مبارک دين د جزا قانون د تطبيق په اړه د ملګرو ملتونو د بشر حقونو د عالي کمیشنرۍ د وياندې او د نورو غربي هېوادونو نمایندګانو څرګندونې، چې د دُرو وهلو مجازات يې په کې غير انساني، ظالمانه او توهينوونکي بللي؛ د اسلام مبارک دين  بې احترامي او د نړيوالو صولو مخالفت بولي.

نوموړي زیاته کړې: هېوادونه او سازمانونه بايد اجازه ور نکړي، چې د دوی له ادرس څخه مغرض اشخاص د اسلام مبارک دين يا احکامو په اړه غيرمسوولانه او پاروونکې څرګندونې وکړي.

د یادونې ده، چې افغانستان د دغو دواړو بنسټونو غړیتوب لري.

Continue Reading

Trending

Copyright © 2022 Ariana News. All rights reserved!