Connect with us

تازه خبرونه

د بهرنیو ځواکونو له وتلو وروسته به په افغانستان کې لوی ښارونه هم وګواښل شي ـ راپور

خپور شوی

د

(Last Updated On: کب ۲۵, ۱۳۹۹)

لاس انجلس ټایمز د دوه امریکایي قومندانانو د څرګندونو له مخې څرګنده کړې، چې د واشنګټن روان فشار باید په راتلونکیو دوه میاشتو کې شل کلنه شخړه پایلې ته ورسوي او که نه جګړه به په افغانستان کې  زور واخلي او وسلوال طالبان کولی شي لوی ښارونه هم وګواښي.

د امریکا د مرکزي قومندانۍ قومندان جنرال کنټ مک کنزي ویلي؛ که مونږ وتلو او له طالبانو سره کومه هوکړه ونه شوه؛ زه فکر کوم، چې د افغانستان حکومت به د ښارونو د ساتنې لپاره په سختو جګړو کې ښکېل شي.

دا خبرې له هغې وروسته راپورته کیږي، چې جنرال مک کینزي اوړمه ورځ په کابل کې له ولسمشر اشرف غني سره وکتل.

د ولسمشرۍ په خبرپاڼه کې راغلي: دواړو لوریو د سولې بهیر، اوسنی امنیتي وضعیت او د افغانستان له ملي امنیتي او دفاعي ځواکونو څخه پر ملاتړ خبرې کړې دي.

دواړو لوریو په ټول هېواد کې پر روان تاوتریخوالي هم اندېښنه څرګنده کړې ده.

دغه راز د پرېکنده ملاتړ ځواکونو قومندان جنرال سکاټ میلر خبرداری ورکړی، چې د امریکا وتل دا معنا لري، چې د افغانستان وسلوال ځواکونه په ځانګړي توګه هوایي ځواک به له ستونزو سره مخ شي.

میلر ویلي، چې طالبان د امریکایي پر وتلو ټینګار کوي.

میلر په دې اړه وایي؛ هغوی تاوتریخوالی کاروي او غواړي هر څه د ځان پر ګټه راوڅرخوي.

د جنرال میلر د څرګندونو له مخې؛ طالبان پدې ټینګار کوي، چې امریکا د می د لومړۍ نېټې پرېکړې ته غاړه کېدي او ووځي.

د متحده ایالاتو د ولسمشر جو بایډن ادارې تر دې دمه پرېکړه نده کړې، چې آیا په افغانستان کې د سرتېرو شتون وغزوي او که په له ټاکلې نېټې سره سم ووځي.

د هوکړې له مخې؛ امریکا خپل سرتېري ۲۵۰۰ ته راکم کړي؛ خو د یکشنبې پر ورځ نیویارک ټایمز راپور ورکړ، چې امریکا په افغانستان کې ۱۰۰۰ نور سرتېري هم لري.

نیویارک ټایمز د متحده ایالاتو او افغان چارواکو د څرګندونو له مخې څرګنده کړې، چې په افغانستان کې د امریکا ځواکونو شمېر د تېر ورکړ شوي راپور په پرتله ډېر دي.

راپور په ډاګه کړې، چې دا مهال په افغانستان کې ۳۵۰۰ امریکايي سرتېري میشت دي. پداسې حال کې، چې امریکا د دوحې د تړون له مخې په افغانستان کې د خپلو سرتېرو شمېر ۲۵۰۰ ته رارسولی و.

نیویارک ټایمز په ډاګه کړې؛ په افغانستان کې د امریکايي ځواکونو په شمېر کې د دې هېواد ځانګړي ځواکونه شامل ندي.

یو لوړ پوړي امریکايي چارواکي ویلي، د امریکا ځینې لنډمهالي واحدونه په ۲۵۰۰ سرتېرو کې حساب شوي ندي.

یوه بل چارواکي نیویارک ټایمز ته ویلي؛ په دې ځواک کې د ځانګړيو عملیاتو قومندې واحدونه شامل دي، چې ځینې یې د پنټاګون او سي آی اې تر څارنې لاندې د اردو ځانګړي ځواکونه دي.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!