Connect with us

کوید۱۹

د جرمني لومړی وزیر شولز پر کرونا وایرس اخته شو

Published

 on

(Last Updated On: تله ۴, ۱۴۰۱)

رویترز د دوشنبې پر ورځ د یوه حکومتي ویاند د څرګندونو له مخې په ډاګه کړې، چې د آلمان لومړی وزیر اولاف شولز د کرونا ویروس مثبته آزموینه کړې او د زکام لږې نښې ښیي.

د شولز د بریښنالیک له مخې؛ هغه ځان ګوښه کړی او په دې اوونۍ کې به خپلې ټولې عامه څرګندونې لغو او په ټاکل شويو اړینو غونډو کې به له لرې برخه واخلي.

آلمان د ژمي په راروان موسم کې ډېر عمرو ته، چې له کلینیکي پلوه زیان منونکي دي؛ تقویتي واکسین پلي کوي.

د روغتیا نړیوالې ټولنې تېره اوونۍ ویلي وه، چې کروناویرس یو نړیوال اضطراري حالت پاتې دی؛ خو که هېوادونه ورسره ډاډمنه مبارزه وکړي؛ شونې ده، چې پای ته ورسیږي.

کوید۱۹

کرونا ویروس اوس هم یو نړیوال روغتیایي بېړنی حالت دی

Published

on

(Last Updated On: تله ۲۸, ۱۴۰۱)

د روغتیا نړیوالې ټولنې د چارشنبې پر ورځ ( د تلې ۲۷) په ډاګه کړې: درې کاله مخکې کله، چې کرونا ویروس د لومړي ځل لپاره د بیړني حالت په توګه اعلان شو؛ اوس هم یو نړیوال بېړنی حالت پاتې دی.

د روغتیا نړیوالې ټولنې بېړنۍ کمیټې د لومړي ځل لپاره د ۲۰۲۰ کال د جنورۍ پر ۳۰ د کرونا ویروس د بېړني حالت اعلامیه خپره کړه. دې ډول پرېکړې وکولی شو، چې د دې ویروس د څېړنې، بودجې او د عامې روغتیا نړیوالې هڅې ګړندۍ کړي.

د ملګرو ملتونو ټولنې په دې وروستیو میاشتو کې ویلي، چې که څه هم د نړۍ په ځینو برخو کې پېښې په کمېدو دي؛ خو هېوادونه اوس هم باید خپله هوښیارتیا وساتي او د خپل ټول زیان منونکي نفوس واکسین کولو ته ملا وتړي.

د روغتیا نړیوالې ټولنې اړوند کمیتې ویلي: که څه هم عامه انګېرنه دا ده، چې د نړۍ په ځینو برخو کې د کرونا ویروس پای ته رسیدلی؛ خو دا د عامې روغتیا پېښه پاتې ده، چې د نړۍ د وګړیو پر روغتیا پراخ او قوي اغېزه کوي.

دوی ټینګار کړی، چې که څه هم د اوونۍ د مړینې شمېر د ویروس له پیل راپدیخوا ترټولو ټیټ دی؛ خو اوس هم د نورو ویروسونو په پرتله لوړ پاتې دی.

د روغتیا نړیوالې ټولنې عمومي رییس تدروس ادهانوم ګیبریسوس خبریالانو ته څرګنده کړې: دې وبا مونږ مخکې هم حیران کړي وو او ښایي بیا هم راوګرځي.

Continue Reading

کوید۱۹

په چین کې له ترافیکي پېښې ۴۷ کرونایي ناروغانو ته مرګ و ژوبله اوښتې

Published

on

(Last Updated On: وږی ۲۷, ۱۴۰۱)

د اسوسیتید پرس د راپورونو له مخې؛ د یکشنبې پر ورځ سهار مهال یو بس، چې د چین سویل لویدیز ته یې ۴۷ کرونایي ناروغان لېږدولي وه، د یوې ترافیکي پېښې له کبله یې ۲۷ ناروغان مړه او ۲۰ نور ټپیان دي.

د ساندو د ښار پولیسو پرته له دې ، چې د کرونایي ناروغانو څخه یادونه وکړي څرګنده کړې؛ یو بس د ګوئیژو ولایت پر لویه لار چپه شوی او وی شوي، چې ټپیان تر درملنې لاندې دي.

د چین د سوداګرۍ خبري رسنۍ کایکسین د ساندو د چارواکو د څرګندونو له مخې په ډاګه کړې، چې  مسافرین پر کرونا اخته ناروغان ول، چې د ولایت له مرکز ګوئیانګ څخه لیدو لېږدول شوي دي.

د چین ګوئیانګ ښار د جمعې پر ورځ د کرونا ویروس شاوخوا ۱۸۰ نوې پېښې ثبت کړي دي. چین د صفر کرونا سخته پالیسي خوندي کړې، چې د ناروغۍ د خپرېدو د مخنیوي لپاره په ناروغۍ اخته خلک او ورسره نږدې اړیکې بېلوي.

د ګوئیژو انلاین رسنیز ګروپ د څانګې د آنلاین راپور له مخې؛ بس د سهار شاوخوا ۲:۴۰ بجې چپه شوی او د پیښې په اړه نورې څېړنې روانې دي.

Continue Reading

کوید۱۹

په کندهار کې يو ځل بيا د کرونا ناروغي زياته شوې

Published

on

(Last Updated On: وږی ۲۶, ۱۴۰۱)

روغتيایي مسوولين وایي په کندهار ولایت کې له تېرې يوې مياشتې راپدیخوا يو ځل بيا د هغو کسانو شمېر زيات شوی، چې پر کرونا اخته دي.

 د کندهار ولایت د عینو مېني په کرونا سل بستريز روغتون کې د تازه بستر شويو ځوانانو، سپين ږیرو او میرمنو شمېر ډېر شوی دی، چې ډېري یې د نازک روغتيائي وضعیت له کبله اوس تر روغتيایي څارني لاندي دي.

د کندهار د کرونا ناروغانو د درملني د ځانګړي روغتون داکتران وایي؛ دا ځل پر کرونا د اخته کسانو تر منځ د ځوانانو شمېر ډېر دی.

د کندهار عینو مېنې د کرونا روغتون داکتر عبدالباقي پناه وایي: مونږ ته په او پي دي کې دېر مریضان مراجعه کوي او ډېري یې کلينيکي اعراض او علايم لري، چې ټول کرونا وي. ډېري يي ځوانان وي او د دې ترڅنګ زمونږ د بستر د ناروغانو شمېر هم زيات شوي او هره ورځ څلور- پېنځه مریضان د بستر لپاره مراجعه کوي.

په سويلي حوزه کې د کرونا د بېړني مرکز چارواکي وایي، په کندهار کې له لږ څه ځنډ وروسته يو ځل بيا پر کرونا د اخته کسانو شمېر د زياتېدو په حال کې دی.

دوی وایي يوازي له تېرو څو اوونيو راپدیخوا ۱۶ کسان پر کرونا اخته ناروغان له دوی سره بستر شوي؛ خو په خبره يې د هغو ناروغانو شمېر هم لسګونه ته رسيږي، چې د کرونا عادي نښي لري او د درملني له لپاره په ورځني ډول دوی ته مراجعه کوي.

په سویلي حوزه کې د کرونا د بېړني مرکز مشر داکتر جناح ابراهيمي وایي: کرونا په دې تېر يوه کال کې یعنې په لس مياشتو کې دهغې اندازه يا کوم پيک جې دي هغه ډېر کښته روان و. اوس بيا بدبختانه دغه دوه مياشتې کيږي، چې شمېر یې ډېر شوی دی.

که څه هم پر کرونا اخته کسان د دغې ناروغۍ د مخنیوي لپاره د روغتيایي سپارښتونو د مراعت غوښتنه کوی؛ خو په کندهار کې د کرونا واکسين د پېل شوي کمپاين غړي بيا له خلکو غواړي، چې له کرونا څخه د ځان ژغور‍نی لپاره د کرونا واکسین باید ولګوي.

ناروغ بسم الله وایي: هغه بله ورځ، چې مې ساه بنده شوه؛ نو ډېر په تکليف شوم؛ نوروغتون ته راغلم، چې پېچکاريانې يي راولګولې. بس څه نا څه یوه ګړۍ په تکليف وم؛ بيا ښه شوم.

د کرونا ویروس واکسیناتور عطامحمد وایي: ټول کندهار ته په ځانګړي توګه ښاري سيمو ته مونږ روغتیایي ډلې ګومارلي دي او د ښار په بېلابېلو ساحو کې هغه کسان، چې عمرونه يي له اته لس څخه لوړ وي او کرونا واکسين يي نه وي پلی کړی؛ هغو ته مونږ د کرونا واکسين لګوو.

د روغتيایي چارواکو د معلوماتو له مخې؛ په کندهار کې د تېر يو کال راپدیخوا د کرونا له درې زره زياتي مثبتي پېښي ثبت شوي، چې له کبله یې ۵۷ کسانو خپل ژوند هم له لاسه ورکړی.

مسوولين وایي د کرونا وبا له پېل يې په کندهار کې ولایت کې ۴۶۶ زره ډوزه د کرونا ضد واکسين عملي کړی او اوس هم ۱۷۶۰۰ ډوزه د کرونا واکسين په واک کې لرو.

Continue Reading

Trending

Copyright © 2022 Ariana News. All rights reserved!