Connect with us

نړۍ

د جرمونو نړیواله محکمه په اوکراین کې د روسیې پر جنګي جرمونو څېړنه کوي

Published

 on

(Last Updated On: کب ۱۲, ۱۴۰۰)

د جرمونو نړیوالې محکمې (ICC) څارنوال د چارشنبې پر ورځ ویلي؛ په اوکراین کې به ډېر ژر د روسیې د احتمالي جنګي جرمونو په اړه  څېړنه پیل شي.

د راپورونو له مخې؛ په اوکرایین کې د روسیې له روان هر یواوونیز اړخیز بریده زرګونه کسانو ته مرګ و ژوبله اوښتې ده.

د اوکراین ولسمشر ولادیمیر زیلینسکي روسیه د جنګي جرمونو پر ترسره کولو تورنه کړې ده.

د جرمونو نړیوالې محکمې څارنوال کریم خان په دې اړه ټویټ کړی، چې  رسمي څېړنې به په اوکراین کې د ۳۹ دولتي بنسټونو د غوښتنو له ترلاسه کولو سره سمې پیل شي.

دا محکمه هغه اشخاص محاکمه کوي او څاري، چې د دولتونو له لاسرسی وتلي او د نړیوالې ټولنې لخوا په خورا جدي جرمونو تورن وي.

د بي بي سي د راپور له مخې؛ اوکرایني چارواکو ویلي، چې د روسیې د یرغل له پیل راپدیخوا له ۲۰۰۰ ډېر ملکي وګړي وژل شوي دي.

نړۍ

د ایف بي آی ځواکونو مې پر کور چاپه اچولې  

Published

on

(Last Updated On: زمری ۱۸, ۱۴۰۱)

د امریکا پخواني ولسمشردونالد ترمپ د دوشنبې پر ورځ د زمري ۱۷ / د اګست ۸ ویلي، چې د فدرالي تحقیقاتو ادارې ځواکونو په فلوریدا ایالت کې د هغه ماڼۍ محاصره کړه، وردننه شول او پلټنې یې پیل کړې.

رویټرز څرګنده کړې، چې ترمپ د دوشنبې پر ورځ ناوخته په ډاګه کړې؛ دا زمونږ د ملت لپاره یو تور پړاو دی؛ په فلوریدا کې زما ښایسته کور همدا اوس د چاپې لاندې دی او د ایف بي آی ځواکونو محاصره کړی دی.

ترمپ همدارنګه ویلي، چې د ایف بي آی ځواکونو  د ده خوندي خزانه هم لټولې او دا کار یې له عدلي سیستم څخه ناوړه ګټه اخیستل او سرغړونه نومولې ده.
تر دې دمه ترمپ او اف بي آی، چې دا کار ولې شوی څه ویل شوي ندي؛ خو یو شمېر امریکایي رسنیو څرګنده کړې، چې د ترمپ د کور دا تالاشي د محکمې د حکم له مخې ترسره شوې او د احتمالي محرمو اسنادو د لټولو لپاره یې دا خوندي ماڼۍ لټولې ده.

رسنیو په ډاګه کړې، چې په فلوریډا کې د ترمپ له دې کوره له اسنادو ډک ۱۲ بکسونه تر لاسه شوي دي، چې ترمپ په ټاکنو کې له ماتې وروسته له ځان سره وړي وه.
امریکا د عدلې وزارت ویلي؛ هیڅوک له قانون څخه پورته ندي.

Continue Reading

نړۍ

چین د تایوان په شاوخوا کې پوځي روزنیزه ننداره روانه ساتلې

Published

on

(Last Updated On: زمری ۱۷, ۱۴۰۱)

د چین پوځ د دوشنبې پر ورځ په ډاګه کړه، چې د تایوان په شاوخوا سمندري او هوایي روزنیزه ننداره روانه ساتلې ده.

رویترز راپور ورکړی، چې د چین د خلکو د آزادۍ اردو ختیځ تیاتر قومندې په ټولنیزو رسنیو کې څرګنده کړې، چې دوی به د اوبتل ضد او سمندري بریدونو د ترسره کولو روزنه وویني.

تېره اوونۍ تایوان ته د امریکا د ولسي جرګې د مشرې نانسي پلوسي له سفر وروسته د چین پوځ دغه تاپو ته نږدې په اړوند سیمو کې د سمندري او هوایي ځواک بې سارې روزنیزې هڅې ترسره کړې دي.

Continue Reading

نړۍ

په کروشیا کې له یوې ترافیکي پېښې ۴۴ پولندي سیلانیانو ته مرګ و ژوبله اوښتې

Published

on

(Last Updated On: زمری ۱۶, ۱۴۰۱)

رویټرز خبري آژانس راپور ورکړی، چې د شنبې پر ورځ په کروشیا کې ۱۲ پولیندي زیارت کوونکي هغه مهال مړه او ۳۲ نور ټپیان شول، چې بس یې له سړکه واوښت.

دغه پېښه سهار مهال پر ځایي وخت ۵:۴۰ د کروشیا په شمال لویدیځ کې د واراژدین او پلازمېنې زاګرب ترمنځ پر لویه لار رامنځته شوې ده.

د کروشیا روغتیا وزیر ویلي بیروس ویلي، چې د ۱۹ ټپیانو روغتیایي حالت د اندېښنې وړ دی.

د رویترز خبري آژانس د څرګندونو له مخې؛ د پولند د بهرنیو چارو وزارت مرستیال مارسین پرزیداچ د شنبې پر ورځ سیمې ته په سفر کې ویلي، چې ټپیان د کروشیا په پېنځه روغتونونو کې تر درملنې لاندې دي.

هغه ویلي، چې په دې بس کې ۴۴ پولندي زیارت کوونکي سپاره او له پولند څخه مدجوګورجي ته، چې د بوسنیا د رومن کاتولیکانو زیارت ته روان ول؛ د دوه چلوونکيو په ګډون ټولو ته مرګ و ژوبله واوښته.

د یاد وزارت یوه ویاند ویلي، چې په دوی کې درې پادریان او شپږ راهبانې هم وې.

پولیسو هغه سیمه پاکه کړې، چې پېښه په کې رامنځته شوې ده. دوی مړي او ټپیان هم روغتونونو ته لېږدولي دي.

پولندي پولیس افسرانو په کرویشیا کې د خوندي سیاحتي چاپېریال پروژې د یوې برخې په توګه مرسته کړې ده.

د پېښې د رامنځته کېدو د لامل په اړه څېړنې پيل شوې دي.

Continue Reading

Trending

Copyright © 2022 Ariana News. All rights reserved!