Connect with us

سوداگري

د خوراکي او نفتي توکو په بیعو کې ټیټوالی راغلی

Published

 on

(Last Updated On: تله ۱۰, ۱۴۰۱)

د سوداګرۍ او پانګونې خونې مسوولینو ويلي، چې د تېرې یوې میاشتې پر پرتله د هېواد په بازارونو کې د سون او لومړنیو توکو په بیعو کې دېرش سلنه کموالی راغلی دی.

د سوداګرۍ او پانګونې  خونې  مسوولینو ويلي؛ د تېرې یوې میاشتې پر پرتله د سون او لومړنیو توکو په بیعو کې دېرش سلنه کموالی راغلی.

د خصوصي سکتورغړي هیله څرګندوي، چې په راتلونکي کې به بیعې نورې هم راټیټې شي.

د سوداګرۍ او پانګونې خونې مرستیال یونس مومند ویلي؛ په ټوله کې بیعې تر دېرش سلنې کمې شوي او علت يي دا ده، چې په نړیوال بازار کې بیعې راټیټې شوي او په منځنۍ آسیا او قزاقستان کې فصلونه هم رسیدلي دي.

په کابل ښار کې د خوراکي توکو پلورونکي وايي؛ که څه هم د خوراکې تو بیعې راټیټې شوي؛ خو  خلک اوس هم  د پېرودلو وس نلري.

هټیوال حاجي ګل محمد وایي: ارازنه شوي؛ خو ورځ تر بلي  هم  ارازنه کیدی شي. که مونږ یې ارزانه واخلو ارازنه يي بېرته پلورو.

هټیوال عبیدالله ویلي؛ د تېرې یوې میاشتې پر پرتله د خواړو توکو بیعې راټیټې شوي، خو وریجي اوس هم ارزانه شوې ندي او خلکو يي پېرلی نشي.

د لومړنیو خوراکي توکو ترڅنګ د سون او نفتي توکو په بیعو کې هم  تر یوه بریده ټیټوالی راغلي دی. پلورونکي یې هیله څرګندوي، چې که د نفتي توکو بیعې راټیټې شي؛ دوی به يي په ټیټه بیعه خلکوته ورکړي.

تېل پلورونکی مهدي وایي: د تېرې یوې میاشتي په پرتله د تېلو بیعې راټیټې شوي؛ یو لیتر ډیزل ۹۷، پترول ۸۷ او اوبلن ګاز ۶۵ افغانې پلورل کیږي.

یو شمېرهېوادوال بیا وايي، چې اوس هم  خلک د لومړنیو توکو د پېرودلو وس نلري. دوی د افغانستان له اسلامي امارته غوښتنه کوي، چې خلکو ته دې د کار د پیدا کولو ترڅنګ د توکو له بازاره هم څارنه پراخه  کړي.

د هېواد یو شمېر اوسیدونکي بیا له بېکارۍ  ځوریږي او څرګندوي، چې خلک اوس هم په اوسنیو قیمتونو د سوند او لومړنیو توکو د رانیولو توان نلري.

تکسي چلوونکی علي احمد وایي: دې اوسنیو بیعو ته په کتو هم زمونږ لګښت نه پوره کیږي؛ کار نشته، چې کار نوي بیا له کومه دومره پیسې پیدا کړو.  

د کابل ښار اوسیدونکي احمد شاه ویلي: خلک کار نلري وختي، چې پیسي نه وي توکي به په څه راونیسو. خلک له بېکارۍ غرق دي؛ حکومت باید د خلکو لپاره کار برابر کړي، چې ستونزې یې  حل شي.

د اقتصادي چارو کار پوهان هم  له صنعت او سوداګرۍ له وزارته غوښتنه کوي،  چې باید د بیعو د څارنې  لپاره له بازار  څارنه ډېره کړي.

د اقتصادي چارو شنونکی: حکیم الله صدیقي وایي؛ زما له نظره که د صنعت او سوداګرۍ وزارت باید له کورني بازاره څارنه زیاته کړي، چې د یوشمېر خپلسريو مخه ونیول شي.

د افغانستان د اسلامي امارت مسوولین ژمنه کوې، چې د بیعو د څارنې لپاره تدابیر لري او هڅه کوي، چې د لومړینو توکو د بیعو د ټیټولو لپاره نورې آسانتیاوې هم رامنځته کړي.

د صنعت او سوداګرۍ وزارت ویاند آخوندزاده عبدالسلام جواد وایي؛ مونږ خپلې کاري ډلې لرو، چي له بازاره څارنه کوي، چې د توکو د انحصار او احتکار مخنیوی وکړي او بیعې هم وڅاري. 

د سوداګرۍ او پانګونې خونې مسوولینو ویلي، په نړۍ کې د خوراکي توکو او تېلو د بیو ټیټېدو، په افغانستان کې د خوراکي توکو په تېره بیا اوړو، وریجو او غوړیو پر بیو مثبته اغېزه کړې ده. افغانستان تر ډېره خوراکي او د اړتیا وړ تېل د منځنۍ آسیا له هېوادونو، روسیې او ایران واردوي.

سوداگري

افغانستان قزاقستان ته بیسکویت صادر کړل

Published

on

(Last Updated On: ليندۍ ۷, ۱۴۰۱)

نن دوشنبه د حيرتان بندر له لارې د افغانستان د بیسکویت لومړۍ جوپه، چې د بلخ ولایت د یوې خصوصي فابریکې تولید دی؛ قزاقستان هېواد ته صادر شول.

د الله شکور قناعت بخش تولیدي شرکت مشر الله شکور قناعت بخش ویلي: د دوی په لومړۍ صادراتي ټولګه کې څلور بڼې بسکیتونه د فزاقتستان هېواد ته صادر شوي دي.

هغه ويلي، چې دوى هڅه کوي، چې خپل توليدات نورو هېوادونو ته هم صادر کړي.

د الله شکور شرکت د بسکیتو د تولید فابریکه، چې د مزارشریف ښار په صنعتي پارکونو کې موقعیت لري؛ هره ورځ د لسګونه ټنه بسکیتو د تولید له وړتیا برخمنه ده.

د دغې توليدي فابريکې د مسوولينو د معلوماتو له مخې؛ اوسمهال په دوه وختونو کې شپږ سوه کارکوونکي  کار کوي.

د صنایعو او سوداګرۍ وزارت ویاند ویلي، چې هند ته د افغانستان د سوداګریزو توکو صادرات د واګې بندر له لارې دوام لري او په تېر کال کې افغانستان له دې بندره څه باندې څوارلس میلیارد افغانیو توکي صادرې کړې دي.

د دغه وزارت ویاند عبدالسلام جواد وايي: له هند سره زمونږ سوداګري د واګې بندر له لارې په عادي توګه روانه ده. تېر کال مو له ۱۴ میلیارد افغانیو ډېر صادرات لرل، چې ټول وزن یې ۳۰ زره ټنو ته رسېدلی دی.

د اقتصادي چارو کارپوهانو ويلي، چې د هوا له لارې د توکو صادرات د افغانستان پر اقتصاد ډېر اغېز لري.

دا په داسې حال کې ده، چې د افغانستان د صنایعو او سوداګرۍ وزارت وايي، چې په دې وروستیو کې د هند او افغانستان ترمنځ د هوايي دهلېز تړون هم لاسلیک شوی او له دې وروسته به د افغانستان سوداګریز توکي د هوا له لارې هند ته صادرېږي.

Continue Reading

سوداگري

افغان استازیو د لوګر ولایت د مس عینک له پروژې لیدنه وکړه

Published

on

(Last Updated On: ليندۍ ۶, ۱۴۰۱)

د رییس الوزرا اقتصادي مرستیال او یو شمېر وزیرانو د جمعې پر ورځ د لوګر د مس عینک له پروژې لیدنه وکړه او هلته یې د چین د MCC شرکت له هغه پلاوي سره وکتل، چې څو کاله وړاندې یې د اړوند کان د استخراج قرارداد اخیستی و.

د جمعې د ورځې په لیدنه کې د مسو د استخراج پر ژر تر ژره د پیل پر اړتیاوو خبرې شوې دي.

چینايي شرکت څه باندې لس کاله مخکې د یاد کان قرارداد تر لاسه کړی او په داسې حال کې، چې په لومړي سر کې یې کار پیل شوی و؛ خو په هغه وخت کې د ناامنیو له کبله یې چارې څه موده وروسته بندې شوې.

ملا عبدالغني برادر له چینایي پلاوي سره د لیدنې پر مهال ویلي؛ د مس عینک د استخراج په بهير کې تاريخي او فرهنګي آثارو ته د زيان رامنځته کېدو مخه باید ونيول شي.

د سوداګرۍ او صنایعو وزیر نورالدین عزیزي، چې د دغه پلاوي غړی دی وایي: اوسنی وضعیت د مس عینک پروژې د عملي کار د پیل لپاره یو ښه فرصت دی او د دې وخت رارسېدلی، چې د افغانستان پر کانونو پانګونه وشي او دغه هېواد له اقتصادي بحرانه وژغورل شي.

د اسلامي امارت په پلاوي کې د کانونو او پترولیم وزیر شهاب الدین دلاور هم و.

د صنعت او سوداګرۍ وزیر نورالدین عزیزي، د اقتصاد وزیر قاري دین محمد حنیف، د مخابراتو وزیر نجیب الله حقاني د چارو ادارې عمومي رییس نورالحق انور؛ ضیاءالرحمن، د پلان او پالیسۍ وزیر او د کانونو او پټرولیم وزارت مالي او اداري مرستیال حسام الدین صابري هم ګډون کړی و.

Continue Reading

سوداگري

د افغانستان د تولیداتو لویه ټولګه اروپا ته واستول شوه

Published

on

(Last Updated On: ليندۍ ۵, ۱۴۰۱)

د اسلامي امارت د صنایعو او سوداګرۍ وزارت ويلي، چې د شنبې پر ورځ د افغانستان د صادراتو تر ټولو لویه ټولګه اروپا ته واستول شوه.

د منځنۍ آسیا هېوادونو له لارې اروپایي هېوادونو ته د افغانستان تر ټولو لویې صادراتي  ټولګې اورپايي  مارکیتټونو ته حرکت وکړ.

د صنعت او سوداګرۍ  وزارت مسوولینو ويلي؛ په نړیوالو مارکیتونو کې د افغانستان کرنیزو محصولاتو ته اړتیا زیاته شوې او هڅه کوي، چې خصوصي سکتور نور هم د صادراتو پراختیا ته وهڅوي.

دا هغه لویه سوداګریزه ټولګه ده، چې له افغانستان څخه به د منځنۍ آسیا هېوادونو له لارې په یوه میاشت کې اروپايي مارکیتونو، آلمان، آسترلیا او  کانادا ته ورسیږي.

دا سوداګریز توکې، چې ۱۲۰ ټنوته يي وزن رسیږي نږدې ۷ ټنه  په کې زعفران او نور د هېواد بېلابېلې وچې موې او کرنیز محصولات شته، چې مالي ارزښت يي دوه میلیون امریکايي دالرو ته رسیږي.

 د خصوصي سکتور غړيو ويلي؛ په هېواد کې د پخوا پر پرتله سوداګرۍ  ته آسا نتیاوي زیاتې شوي، نو له همدې کبله ورځ تربلي صادرات د پراختیا په حال کې دي.

د خصوصي سکتور غړيو هو څرګنده کړې، چې تر دې  دمه يي  نږدې یو نیم ميلیارد دالر صادرات کړي او د روان کال تر پایه  به دا کچه  تر دوه میلیارد دالرو ورسیږي.

دوی د صنعت او سوداګرۍ له وزارته غوښتنه کوي، چې له ګاونډ هېوادونو سره د هېواد د ترازنیتي  ستونزو د اوارۍ لپاره هڅي پراخی کړي.

د سوداګرۍ او پانګونې غړي خان جان الکوزيویلي؛ مونږ کولی شو د خپل هېواد صادرات نور هم  پراخ کړو. له صنعت او سوداګرۍ  وزارته غوښتنه کوو، چې له ځینو ګاونډ هېوادونو سره زمونږ د ترانزیت ستونزه اواره کړي.

د صنعت او سوداګرۍ وزارت مسوولین وايي؛ هڅه کوي د سوداګرو ټولې هغه ستونزې، چې د دوی په وس کې دي ورته حل کړي.

دوی زیاته وي، چې اسلامي امارت د خپل هېواد ټولو اقتصادي  فعالیت کوونکیو څخه که هغه په سوداګرۍ او یا د صنعت په برخو کې بوخت وي؛  دوی  ترې خپل ملاتړ کوي.

د صنعت او سوداګرۍ وزارت مرستیال قدرت الله جمال وایي: مونږ تل له خپل خصوصي سکتور څخه ملاتړ کړی او ژمنه کوم، چې مونږ به نور هم له خصوصي سکتوره ملاتړ پراخ کړو، چې هېواد مو ورسره اقتصادي ځان بسیاینې ته ورسیږي.

د اقتصادي چارو کارپوهان هم له اسلامي امارته غواړي، چې د خصوصي سکتور ملاتړ ته نوره هم  پراختیا ورکړي، چې په هېواد کې د روان اقتصادي بحران د مدیریت لپاره لار اواره شي.

Continue Reading

Trending

Copyright © 2022 Ariana News. All rights reserved!