Connect with us

نړۍ

د خپل سیمه ییز شتون خوندي کولو لپاره ان اټومي وسلې کارولی شو- روسیه

Published

 on

(Last Updated On: وری ۳, ۱۴۰۱)

د کرملین یوه ویاند ویلي، چې روسیه به هغه وخت له اټومي وسلو کار واخلي، چې په سیمه کې یې شتون ته خطر رامنځته شي.

دا څرګندونې په داسې حال کې رامنځته کېږي، چې روسیې له تېرې یوې میاشتې راپدیخوا پر اوکراین پوځي یرغل روان ساتلی دی.

لویدیځ هېوادونه اندېښنه لري، چې د اوکراین جګړه کیدی شي پر اټومي جګړې بدله شي.

د کرملین ویاند دیمیتري پیسکوف یوې امریکایي سرچینې CNN ته  په ډاګه کړې: مونږ د داخلي امنیت په اړه عام اند لرو؛ تاسې کولی شئ د اټومي وسلو د کارولو ټول دلیلونه ولولئ. که زمونږ د هېوادني شتون ته کوم ګواښ وي؛ نو شونې دخه، چې (اټومي وسلې) هم وکارول شي.

له دې مخکې د روسیې ولسمشر ولادیمیر پوتین سپارښتنه کړی وه، چې د خپل هېوادني اټمي ځواکونه تیارسۍ وساتي.

د دغه فرمان له مخې، د روسيې دفاع وزارت د فبرورۍ پر ۲۸ نېټه څرګنده کړې وه، چې د ذروي توغنديو ځواکونه او د شمالي او ارام سمندر بېړۍ یې پرمختللي جنګي روزنیزې هڅې کوي.

دا په داسې حال کې ده، چې له دې مخکې د ملګرو ملتونو سرمنشي انټونیو ګوټریش د مارچ پر ۱۴ ویلي وه: د اټومي شخړې شونتیا، چې یو وخت یې فکر هم نشو کېدی؛ اوس یې شونتیا ډېره نږدې شوې ده.

نړۍ

د رښتر پر کچه ۵ اعشاریه ۸ درجې زلزلې اندونیزیا ولړزوله

Published

on

(Last Updated On: ليندۍ ۱۷, ۱۴۰۱)

د ځايي رسنيو د څرګندونو له مخې، نن سهار لس کم اته بجې د اندونيزيا د جاوا جزیره د ريښتر پر کچه پېنځه اعشاریه اته درجې زلزلې ولړزوله.

د امریکا د ځمکپوهنې ټولنې  څرګنده کړې؛ دا زلزله د رښتر پر کچه ۵ اعشاریه ۸ درجې وه، چې  د اندونیزیا په لویدیځ جاوا کې رامنځته شوه.

دغه زلزله د ځمکې په ١٤ کيلومتره ژوروالي کې رامنځته شوې، چې ځاني زیان نلري.

له دې زلزلې وروسته د سونامي له شونتیا څه ویل شوي ندي.

دا په داسې حال کې ده، چې د روان کال د نومبر د میاشتې پر ۲۱ نېټه د اندونیزیا د لویدیځې جاوا ایالت د سرینجانګ ښار په ۱۸ کیلومترۍ کې د ریښتر پر کچه د ۵ اعشاریه ۶ درجې زلزله وشوه، چې له کبله یې لږ تر لږه ۳۳۰ تنه مړه او ۶۰۰ نور ټپیان شول.

Continue Reading

نړۍ

د چین ولسمشر به رياض ته په سفر کې د سعودي او عربي هېوادونو له مشرانو سره وګوري

Published

on

(Last Updated On: ليندۍ ۱۶, ۱۴۰۱)

د چین ولسمشر شي جينپينګ عربي هېوادونو او د چين او خليج همکارۍ شورا په سرمشريزه کې د ګډون لپاره ریاض ته درې ورځنی سفر کړی دي.

چین او سعودي عربستان غواړي، سوداګري زیاته او د سیمه ییز امنیت په اړه خبرې وکړي.

رویترز څرګنده کړې؛ تمه ده، چې د سعودي عربستان ولیعهد شهزاده محمد بن سلمان د چارشنبې پر ورځ د شي جینپینګ له راتګه تود هرکلی وکړ.

په سیمه کې دیپلوماتانو ویلي، چې دا هرکلی د جولای په میاشت کې د امریکا د ولسمشر جو بایدن له هرکلي سره پوره توپیر لري.

د رویترز د څرګندونو له مخې؛ د نړۍ دغه ترټولو لوی د نفتو صادرونکی هېواد به د نړیوال ځواک د نویو واقعیتونو د ځلولو لپاره خپله بهرنۍ پالیسي هم بدله کړي.

د چین ولسمشر ته د هرکلي لپاره سرې غالۍ وغوړول شوې او سربېره پردې د سعودي واکمن به د عربي خلیجي هېوادونو د سرمشریزې لپاره ورته زمینه هم برابره کړي.

امریکا، چې له لسیزو راپدیخوا د سعودي عربستان اصلي امنیتي ضامن او ساتونکی پاتې شوی؛ په خلیج کې د چین د مخ پر ودې ښکېلتیا په اړه اندېښنه ښیي.

د SPA د راپور له مخې؛ چینایي پلاوی به په روانه اوونۍ کې له سعودي عربستان سره د ۳۰ میلیارد دالرو پر ارزښت تړونونه لاسلیک کړي.

چین سعودي عربستان ته په منځني ختیځ کې د خپل مهم متحد په توګه نه یوازې د تېلو د صادراتو له کبله ، بلکې د بشري حقونو په مسله کې په ځانګړي توګه د لویدیځ لاسوهنې ته هم د ګډ شک په توګه وګوري.

د چین بهرنیو چارو وزیر وانګ یی له دې مخکې ویلي وه، چې چین ته سعودي عربستان په ټولیزه او سیمه ییزه دیپلوماتیکه ستراتیژۍ کې لومړیتوب ورکوي.

سره له دې، چې چين په نړيوال سياست کې ښکېل شوی؛ خو له سعودي عربستان سره يې اړيکې په سوداګرۍ کې ټينګې دي.

د تېلو د خرڅلاو ترڅنګ، د سعودي او چین دولتي شرکتونه د تېلو د چاڼ او پیتروشیمۍ په برخو کې ګډ شرکتونه لري او ریاض د بهرنۍ پانګونې په لټه کې دی، چې د موټرو او وسلو په ګډون له بېلابېلو ملي تولیداتو برخمن شي.

په شمال لویدیځ کې د NEOM د ۵۰۰ میلیارد دالرو پر ارزښت د بېخبنایي پروژو د پراختیا لپاره پلانونه کولی شي چینایي ساختماني شرکتونو ته نوي فرصتونه رامنځته او په خلیج کې ډېرې نورې هڅې هم ولري.

Continue Reading

نړۍ

د پاکستان د پوځ نوي مشر د قومندانۍ لښته ترلاسه کړه

Published

on

(Last Updated On: ليندۍ ۹, ۱۴۰۱)

د پاکستان د پوځ لوی درستیز جنرال قمر جاوېد باجوه د سې شنبې پر ورځ له خپلې دندې استعفا وکړه او د دغه هېواد د پوځ پخواني مشر جنرال عاصم منیر ته یې د شپږ کلونو لپاره د پوځي مشرۍ لښته وسپارله.

پوځ، چې په پاکستان کې پراخ نفوذ لري، په خپله خاوره کې د ځايي او بهرنیو وسلوالو پر وړاندې د جګړې روان ساتل یوه اړتیا بولي.

شنونکيو په ډاګه کړې؛ هغه یوه اړینه ننګونه، چې منیر ورسره مخ دی؛ د تحریک طالبان پاکستان وروستی ګواښ دی.

تي تي پي TTP د دوشنبې پر ورځ خپلو جنګیالیو ته امر وکړ، چې اوربند پای ته ورسوي او په ټول هېواد کې پر پوځ بریدونه بیا پیل کړي.

باجوه د خپلې دورې پر مهال د تي تي پي خلاف د یو لړ عملیاتو منظوري ورکړې وه.

باجوه د دې کال په سر کې له سره د سولې خبرې هم پیل کړې.

TTP د می په میاشت کې د افغانستان په پلازمېنه کابل کې د پاکستان له حکومت او پوځي چارواکو سره له خبرو اترو وروسته د نامعلومې مودې لپاره اوربند ته غاړه کیښوده؛ خو د دوشنبې پر ورځ یې د نویو بریدونو له اعلانولو سره اوربند پای ته ورساوه.

دا په داسې حال کې، چې د افغانستان د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو تر منځ پر سیاسي او اقتصادي اړیکو یوه ناسته ترسره شوې ده.

Continue Reading

Trending

Copyright © 2022 Ariana News. All rights reserved!