Connect with us

لوبی

د راتلونکي شل آوریز نړیوال جام لپاره افغان لوبډله په ډاګه شوه

Published

 on

(Last Updated On: وږی ۲۴, ۱۴۰۱)

د افغانستان کرکت بورد غوراوي کمیتې نن پنجشنبهد وږي ۲۴ د راتلونکي ۲۰ آوریز نړیوال جام لپاره ۱۵ کسیزه لوبډله غوره او سربېره پر دې ۴ احتیاطي لوبغاړیو ته هم په کې ځای ورکړ شوی دی.

د افغانستان کرکت بورد د غوراوي کمیتې ویلي؛ یادې سیالۍ د راتلونکي اوکتوبر پر شپاړسمه د آسټرالیا په کوربتوب پیلیږي، چې د نومبر تر ۱۳دیارلسمې به روانې وي.

د افغان اتلانو په ډاګه شوي نوملړ کې محمد نبي لوبډلمشر، نجیب الله ځدراڼ مرستیال لوبډلمشر، رحمان الله ګربز ویکت ساتونکی او حضرت الله ځاځی، ابراهیم ځدراڼ، عثمان غني، درویش رسولي، عظمت الله عمرزی، راشد خان، قیس احمد، مجیب الرحمن، فضل الحق فاروقي، فرید احمد ملک، نوین الحق او سلیم ساپی شامل دي.

همدا راز شرف الدین اشرف، رحمت شاه، ګلبدین نایب او افسر ځاځی د احتیاطي لوبغاړیو په توګه ټاکل شوي دي.

د افغانستان کرکت بورد د غوراوي کمیتې مشر نورالحق ملکزي ویلي: مونږ تل په دې هڅه کې یوو، چې د ټولو نړیوالو سیالیو لپاره یوه تکړه او پياوړې لوبډله غوره کړو، چې وکولی شي د تېر په څېر د افغانستان نوم وځلوي.

نورالحق ملکزي څرګنده کړې: تاسې په آسیا جام کې ولیدل، چې افغان لوبډلې زړه راکښونکې او بریالۍ سیالي ترسره کړې او له افغانستان څخه یې غوره استازیتوب وکړ. په همدې موخه مو یاد نوملړ ته هم ډېر پیاوړي او باتجربه لوبغاړي په پام کې ونیول.

د راتلونکي شل آوریز نړیوال جام په الف ګروپ کې (افغانستان، نیوزیلند، انګلستان او آسټرالیا) لوبډلې راغلي، چې دوه نورې به ورته له لومړي پړاو څخه لار ومومي.

دغه راز د یادو سیالیو په ب ګروپ کې (هندوستان، بنګله دېش، پاکستان او سویلي آفریقا) لوبډلې ځای پر ځای شوي، چې یاد ګروپ ته به هم دوه نورې لوبډلې له لومړي پړاوه لار ومومي.

د یادونې وړ ده، چې یادې سیالۍ به د آسټرالیا په هوبرت، میلبرن، پرت، سیدني، بریسبین او ادلید ښارونو کې ترسره کېږي.

لوبی

په فیفا جام کې د ایران پر وړاندې د امریکا پر بري بایډن خوښي څرګنده کړه

Published

on

(Last Updated On: ليندۍ ۹, ۱۴۰۱)

د سې شنبې پر ورځ په فیفا فوتبال نړیوال جام سیالیو کې د امریکا د بري لومړي مینه وال او ولسمشر جو بایدن خپله لیوالتیا هغه مهال په ډاګه کړه، چې د امریکا ملي لوبډلې ایران ته یو پر صفر ماته ورکړه.

جو بایدن د میشیګان د تکنالوژۍ کارخونې ته تلی و؛ خو د امریکا او ایران تر منځ د لوبې له پای ته رسیدو څو شېبې وروسته بېرته دریځ ته پورته شو او حاضرینو ته یې وویل، چې د امریکا لوبډلې ایران ته د «ب» ګروپ د دوه یمې لوبډلې په توګه یو د صفر پر وړاندې ماته ورکړه او بل پړاو ته یې لار وموندله.

بایډن زیاته کړه: امریکا؛ یو، ایران صفر. لوبه پای ته ورسېده!

جو بایډن وایي: دا یوه لویه لوبه ده، کله، چې ما له روزونکيو او لوبغاړیو سره خبرې وکړې؛ ما وویل، چې تاسې یې ګټلی شئ؛ دوی دا وکړه.

نیویارک پوست راپور ورکړی؛ ۸۰ کلن بایدن د ښه خبر رسولو لپاره دومره لیواله و، چې هغه په ​​​​لومړيو کې د ټنګ تکور د غږولو یوې ډلې په ځان کې ښه ډوب کړ.

امریکا  یو، ایران صفر؛ لوبه پای ته ورسیده!

ولسمشر په پای کې دا خوشالي نوره هم وستایله او د U-S-A! امریکا! د خوښۍ؛ امریکا! امریکا! غږ یې  پورته کړ.

هغه ویلي: دوی دا وکړل، خدای دوی سره مینه لري!

امریکا په ګروپي لوبه کې ماتی نده خوړلې؛ د نومبر پر ۲۱ له ویلز سره یو د یو پر وړاندې او د جمعې پر ورځ له انګلستان سره صفر د صفر پر وړاندې مساوي شوه. مخکې له دې، چې ایران د کریستین پولیسیچ لخوا په لومړۍ نیمایي کې ګول وکړي.

امریکا به هڅه وکړي، چې خپله سیالي د شنبې پر ورځ د هالیند پر وړاندې بریالۍ ترسره کړي.

Continue Reading

لوبی

د فیفا نړیوال جام د یوې ورځ په سیالیو کې څوارلس ګولونه ووهل شول

Published

on

(Last Updated On: ليندۍ ۹, ۱۴۰۱)

د دوشنبې ورځ د نومبر ۲۸ د فوتبال نړیوال جام مینه والو ته یوه پر زړه پورې ورځ وه؛ ځکه، چې په ۴ لوبو کې څوارلس ګولونه ووهل شول.

د ورځې په لومړۍ لوبه کې کامرون له صربیا سره ۳-۳ مساوي شول. ګانا بیا دوه یمه لوبه د سویلي کوریا پر وړاندې ۳-۲ وګټله او د لومړي ځل لپاره یې په ټورنمنت کې نمرې ترلاسه کړې.

دا په درې لسیزو کې لومړی ځل و، چې د نړیوال جام د یوې ورځې په لوبو کې له ۵ ډېر ګولونه ترسره کیږي. له دې مخکې د ۱۹۹۰ ز.کال په نړیوال جام کې چک جمهوریت او سلواکیا امریکا ته ۵-۱ ماتې ورکړې وه او د همدې کال د جون پر لسمه جرمني یوګوسلاویا ته ۴-۱ ماتې ورکړې وه.

د دوشنبې پر ورځ په درېیمه لوبه کې برازیل سویس ته ۱-۰ پر توپیر ماتې ورکړه او په دې ورځ یې د ګولونو شمېر ۱۲ ګولونو ته لوړ کړ. د دې لوبې یوازنی ګول کاسمیرو وواهه.

د نن ورځې په وروستۍ لوبه کې پرتګال ۲-۰ یوروګوای ته ماتې ورکړه. په دې لوبه کې برونو فرناندز دوه ګولونه وکړل.

چارواکي او مینه وال په قطر کې د دې پېښو لیدلو ته لیواله ول.

یو مینه وال تویت کړی: د فوتبال څومره یوهلیونۍ ورځ!

یو بل لیکلي: نن په نړیوال جام کې څه تېریږي، زما ورځو!

درېیم لیکلي: فوتبال نن رښتینی نه و.

د نړیوال جام سیالۍ څنګه کتلی شئ؟

د فوتبال مینه وال کولی شي د نړیوال جام سیالۍ له آریانا تلویزیون څخه په ژوندۍ بڼه وګوري.

د سیالیو د مهالوېش د لیدلو لپاره دا ځای کېکاږئ.

Continue Reading

لوبی

افغانستان د ۲۰۲۳ کرکت نړيوال جام ته لار وموندله

Published

on

(Last Updated On: ليندۍ ۷, ۱۴۰۱)

د یکشنبې پر ورځ د سریلانکا پر وړاندې د یو ورځنیو لوبو له توپ وهنې او توپ اچونې وروسته افغانستان د راتلونکي کال د کرکت نړیوال جام ته لار وموندله.

د غوراوي په دې سیالیو کې د افغانستان او سریلانکن ترمنځ‌ په لوبه کې افغان لوبډلې ته پېنځه امتیازونه ورکړ شول، چې د ټولو هغو شمېر یې ۱۱۵ ته ورسېد.‌ 

د کریکټ‌ نړیوالې شورا له دغې لوبې وروسته په خبرپاڼه کې څرګنده کړې؛ افغانستان په هند کې د یوه ورځنیو لوبو په نړیوال جام کې خپل ځای ځای خپل کړ.

د افغانستان او سریلانکا ترمنځ د يو ورځنيو لوبو د لړۍ دوه يمه هغه د باران له کبله بې پايلې اعلان شوه؛ خو دواړو لوبډلو ته پېنځه-‌پېنځه نومرې ورکړ شوې. 

دا د کرکت د نړیوالې شورا د سوپر لیګ سیالۍ دي، چې له هر بري سره لوبډلو ته ۱۰ نومرې ورکول کېږي او که لوبه مساوي کېږي او یا بې نتیجې پای ته رسېږي؛ دا ۱۰ نومرې مساوي وېشل کېږي.

له سري لانکا سره د باران له کبله د لوبې د بې نتیجې پای ته رسېدو وروسته افغانستان او سري لانکا ۵-۵ نومرې ترلاسه کړې او په دې سره افغانستان نړیوال جام ته لار وموندله.

افغانستان د سوپرلیګ په سیالیو کې تر دې دمه ۱۴ لوبې کړي، چې لس یې ګټلې، یوه یې مساوي ده او دوه یې بایللې دي. په دې ترتیب سره افغانستان ۱۱۵ نومرې لري او په لښتیلیک کې اووم ځای لري او نړیوال جام ته وتلی دی.

افغانستان اوس د ۱۳ هېوادونو؛ هند، آسترالیا، انګلیند، بنګله دېش، نیوزلیند، پاکستان، ویست اندیز، سريلانکا، جنوبي آفریقا، زمبابوې، ایرلیند او هالیند تر منځ دا مهال په اووم مقام دی او له پاکستان او هند سره پر درې-درې لوبو سربېره یې ځینې نورې لوبې هم پاتې دي.

له افغانستان وروسته، ویست اندیز، سريلانکا، جنوبي آفریقا، زمبابوې، ایرلیند او هالیند به د خپلو پاتې لوبو له ترسره کولو وروسته مستقیم نړیوال جام ته ځي.

دا به درېیم ځل وي، چې افغانستان د ۲۰۲۳ د یوې ورځینو لوبو په نړیوال جام کې لوبېږي. په وروستي ځل د ۲۰۱۹ په نړیوال جام کې ولوبېده، چې نهه لوبې یې وکړې او ټولې یې وبایللې. په را روان نړیوال جام کې به ۱۰ لوبډلې لوبېږي.

سريلانکا به په دې فيصله کوونکي لوبه کې له خپلو لوبغاړیو څخه د يوې بلې پياوړې نندارې هيله ولري.

افغانستان د یو ورځنۍ لوبو په دوه یمه لوبه کې پچه وګټله؛ توپ وهنه یې پیل او ۲۲۹ مندې یې جوړې کړې، چې د توپ اچوونې پر وخت یې د باران له کبله پاتې لوبه لغو شوه.

Continue Reading

Trending

Copyright © 2022 Ariana News. All rights reserved!