Connect with us

تازه خبرونه

د رسنیو ملاتړ بنسټونه له مالي بحران او محدودیتونو اندېښمن شوي

Published

 on

(Last Updated On: تله ۲۰, ۱۴۰۰)

د رسنیو مخکښان وېره څرګندوي، چې که د رسنیو مالي ستونزې اوارې او محدودیتونه لرې نشي؛ په نږدې راتلونکې کې به د ګڼو رسنیو خپرونې ودریږي.

په تېرو دوه میاشتو کې د افغانستان پنځوس سلنه رسنیو د مالي ستونزو له کبله خپرونې درولي دي.

د دغو رسنیو د امتیاز لرونکيو څرګنده کړې؛ مالي مارکیټ یې له لاسه ورکړی او اړ شوي، چې د خپلو رسنیو دروازې وتړي.

د افغانستان د آزادو رسنیو ملاتړ ادارې مسوولین وايي، چې په تېرو دوه میاشتو کې سلګونه خبریالانو او د رسنیو کارکوونکیو خپلې دندې له لاسه ورکړي دي.

د آزدو رسنیو ملاتړ ادارې د عدالت غوښتنې کمیټې مسوول نصیر نوري ویلي: د اسلامي امارت له پیلېدو سره یو شمېر رسنۍ وتړل شوې او ځینې نورې رسنۍ پخپل وخت د معلوماتو له نه رسېدو اندېښمن شوي دي. د خبریالۍ پر مهال مونږ د معلوماتو له ستونزې سره مخ یو؛ خو مونږ له اسلامي امارت څخه غواړو، چې سرچینو ته د لاسرسي زمینه برابره کړي.  

یو شمېر رسنیو له مالی ستونزو سره سره تر دې دمه خپرونې روانې ساتلي؛ خو له مالي ستونزو سره مخ دي.

خبریال نبیل نیایش په دې اړه وایي: په فاریاب ولایت کې ټول خبریالان بېکاره دي او خبریالانو ته کاري هڅې محدودې شوې دي. زمونږ غوښتنه داده، چې له دغه بې برخلیک حالته راووځو.

په تېرو شل کلونو کې د افغانستان رسنیو د پام وړ وده کړې او سلګونه چاپي، غږیزې او تصویري رسنیو خپرونې کولې؛ خو په تېرو دوه میاشتو کې دې برخې د پام وړ زیان لیدلی او د ګڼو رسنیو دروازې تړل شوې دي.

د افغانستان اسلامي امارت مسوولینو ويلي؛ پر یو داسې اوږدمهاله پلان کار کوي، چې له مخې به یې د رسنیو مالي او نورې ستونزې حل شي.

د اسلامي امارت د فرهنګې کمېټې غړي انعام الله سمنګاني ویلي، چې د رسنیو د عوایدو د مارکیټ پیدا کولو هڅې یې پیل کړي دي.

څه موده مخکې د افغانستان د خبریالانو ټولنې ویلي وه، چې د افغانستان اویا په سلو کې رسنۍ تړل شوې دي.

تازه خبرونه

تایوان د افغانستان له زلزله ځپلیو سره یو میلیون ډالري مرسته اعلان کړه

Published

on

(Last Updated On: چنګاښ ۴, ۱۴۰۱)

 د تایوان حکومت په ډاګه کړې، چې د ملګرو ملتونو د غوښتنې له مخې به د افغانستان له زلزله ځپلیو سره خپله یو میلیون ډالري مرسته وکړي.

د تایوان د ولسمشرۍ دفتر څرګنده کړې؛ حکومت د ملي پولو له په پام کې نیولو پرته د طبیعي پېښو له قربانیانو سره بشري مرستې کوي.

دغه راز د چین د بهرنیو چارو وزارت هم ویلي، چې د چین حکومت د نغدو پیسو، خېمو، توشکو، بړستنو او نورو بشري مرستو د رسولو هڅې ګړندۍ کړې دي.

د رسمي څرګندونو له مخې؛ په پکتیکا او خوست ولایتونو کې د چارشنبې د ورځې له زلزلې شاوخوا ۱۰۰۰ کسان مړه شوي او دوه زره نور ټپیان دي.

له دې مخکې اروپايي ټولنې په افغانستان کې له زلزله ځپلیو سره د مرستې لپاره یو میلیون یورو اعلان کړې دي.

Continue Reading

تازه خبرونه

هند په کابل کې خپلې سفارتي چارې بیا پیل کړې

Published

on

(Last Updated On: چنګاښ ۴, ۱۴۰۱)

هندي رسنیو څرګنده کړې، چې هند د پنجشنبې پر ورځ له لس میاشتني ځنډ وروسته د یوې تخنیکي ډلې پر استولو یو ځل بیا خپل سفارت په کابل کې پرانیست.

دا هڅه له هغې څو اوونۍ وروسته ترسره کیږي، چې د هند د بهرنیو چارو وزارت د لوړ پوړي چارواکي جې پي سینګ په مشرۍ یوه پلاوي کابل ته سفر وکړ او د اسلامي امارت له چارواکو سره یې وکتل.

د هند سفارت په کابل کې د اسلامي امارت له بیا واکمنېدو وروسته د روسیې، چین، پاکستان، ایران، ترکیې، قطر، سعودي عربستان، اندونیزیا، اروپايي ټولنې او د منځنۍ آسیا د څلور هېوادونو په ګډون پېنځلسم سفرت دی، چې په افغانستان کې پرانیستل کیږي.

هند په ډاګه کړې؛ د بشردوستانه مرستو د اغېزمنو رسولو، د بېلابېلو اړخونو د هڅو د نږدې څارنې او همغږي کولو او له افغانانو سره زمونږ د ښکېلتیا لپاره زمونږ یوه تخنیکي ډله نن کابل ته رسیدلې او په سفارت کې ځای پرځای شوې ده.

د بهرنیو چارو وزارت په دې ځرګندونه کې د دې پرېکړې لامل له افغانانو سره د هند تاریخي او مدني اړیکې ښودل شوې دي.

د افغانستان اسلامي امارت په کابل کې د خپل سفارت د بیا پرانستلو لپاره د هند له دې هڅې هرکلی کړی دی.

د افغانستان د بهرنیو چارو وزارت د ویاند مرستیال حافظ ضیا احمد له هند غوښتي، چې له افغانانو سره بشري مرستې روانې وساتي.

هند په داسې حال کې افغانستان ته د زلزله ځپلیو لپاره د مرستو لومړۍ ټولګه رالېږلې، چې ترې په خوست او پکتیکا له رامنځته شوي ناورینه له ۱۰۰۰ ډېر کسان وژل شوي او له زرګونه ډېر نور ټپیان دي.

د هند د بهرنیو چارو وزارت ویلي، چې دا مرسته د هندي ډلې لخوا، چې د هند د هوایي ځواک ایلیوشین ـ۷۶ په الوتکه کې سفر کوي؛ له تېر کال راپدیخوا لومړنۍ الوتنه ده.

دغه راز د افغانستان د کورنیو چارو وزارت په هند او نورو هېوادونو کې له روزل شویو افغان پوځيانو وغوښتل، چې هېواد ته راستانه شي او د خپلو خلکو خدمت وکړي.

د کورنیو چارو وزارت ټویټ کړی: په هند او نورو هېوادونو کې روزل شوي افغان زدکوونکي زمونږ د ملي ځواک کدرونه دي. د اسلامي امارت د کورنیو چارو وزارت چمتو دی، چې دغه فارغان د دوی د زدکړ او څانګې له مخې استخدام کړي. هیله ده، چې هېواد ته راستانه شي او خپلو خلکو ته خدمت وکړي.

Continue Reading

تازه خبرونه

د پکتیکا او خوست ولایتونو زلزله ځپلي د بیات بنیاد له مرستو برخمن شول

Published

on

(Last Updated On: چنګاښ ۴, ۱۴۰۱)

د پکتیکا او خوست ولایتونو زلزله ځپلیو ته د بیات بنیاد د خوراکي توکو، خېمو، کمبلو او درملو د مرستو رسېدلې ټولګې د دغه بنسټ د مسوولینو لخوا پر زیانمنو خلکو ووېشل شوې.

بیات بنیاد د مرستو د وېش تر څنګ د پکتیکا ګیان او د خوست سپیرې ولسوالیو اړوند سيمې ته خپل روغتيايي کارکوونکي لېږلي او له تېرو دوه ورځو راپدیخوا د  ټپيانو او ناروغانو درملنه کوي.

د بیات بنیاد د روغتیايي ډلې مسوول سمیع رحیمي وایي:  د بيات روغتيايي ټيم په خپل وخت راغلى او له دوه ورځو را پدیخوا د زرګونه ناروغانو درملنه کوو.

دغه راز د بیات بنیاد مرستندویه ډلې د خوست ولایت زلزله ځپلیو او زیانمنو کسانو ته د وریجې. اوړه، غوړي او د بېړنۍ سرپنا د وسایلو وېش پیل کړی دی.

د خوست د زلزلې یو ټپي عبدالسلام وایي: مونږ د بیات بنیاد له دغو مرستو مننه کوو، چې سپېرې ولسوالۍ ته راغلي او له مونږ سره یې مرسته وکړه. هیله من یوو، چې دغه راز مرستې روانې وساتل شي؛ ځکه د سیمې خلک پوره وځپل شول.

همدارنګه د افغان بېسیم مخابراتي شرکت تخنیکي ډلې هم زلزله ځپلیو سیمو ته رسېدلي، چې  زیانمنو سیمو ته بېړني مخابراتي خدمات ورسوي.

په خوست کې د بیات بنیاد مسوولینو په راتلونکیو ورځو کې د خوست او پکتیکا ولایتونو له زلزله ځپلیو سره د نورو مرستو ډاډ هم څرګند کړی دی.

بیات بنیاد له یوې لسیزې راپدیخوا په ټول هېواد کې د روغتیا، ښوونې او روزنې په برخو کې پر بنسټيزو چارو سر بېره په طبیعي پېښو کې له زیانمنو کسانو سره هم مرستې کوي.

Continue Reading

Trending

Copyright © 2022 Ariana News. All rights reserved!