Connect with us

نړۍ

د روسیې د یرغل مخنیوی ټولې نړۍ ته اړین دی

Published

 on

(Last Updated On: غبرګولى ۲۲, ۱۴۰۱)

د اوکراین ولسمشر ولادیمیر زیلینسکي د سینګاپور شانګري غوندې ته په انلاین بڼه ویلي، چې په هېواد یې د روانې جګړې پایلې نه یوازې اوکراین، بلکې د نړیوال راتلونکې نظم هم اغېزمنوي.

زیلینسکي په دې لټه کې دی، چې روسیه له هغو سیمو وباسي، چې د جګړې له پیل راپدیخوا یې تر کنټرول لاندې دي او ځواکونه یې د ختیځ دونیتڅک ښاره د روسیې د وحشي بریدونو پر وړاندې دفاع کوي.

زیلینسکي د لویدیځ او آسیایي متحدینو ملاتړ ته په نغوته کې د اوکراین د پلازمېنې کیف له یو ناڅرګند ځای څخه د ویډیو لینک له لارې غونډې ته ویلي؛ دا ډېره اړینه ده، چې مرستې لیږونکي هېوادونه یې له ملاتړ لاس وانخلي.

هغه څرګندوي: زه ستاسې له ملاتړه مننه کوم … خو تاسې نه یوازې له اوکراینه ملاتړ کوئ، بلکې دا له تاسې ملاتړ هم دی. دا د اوکراین د جګړې ډګر دی، چې د دې نړۍ قوانین او سرحدي راتلونکي یې له احتمالي حدودو سره تر پرېکړې لاندی دی.

هغه د دې یادونه هم وکړه چې روسیه په تور او ازوف سمندرګي کې بندرونه تر خپلې څارنې لاندې ساتي او د نړۍ بازار ته د اوکراین د خوراکي توکو صادرات له خنډ او ځنډ سره مخ کوي، چې دا نه یوازې اوکراینیانو ته، بلکې ټولې نړۍ ته زیان رسوي.

هغه وایي: که د روسیې د بندیزونو له کبله مونږ ونشو کولی خپل خوراکي توکي صادر کړو؛ نړۍ به د آسیا او آفریقا په ډېرو هېوادونو کې له خورا سخت او شدید خوراکي بحران او قحطۍ سره مخ شي.

زیلینسکي د روسیې کړنې د اجناسو د بیو له لوړیدو سره تړلي او وایي، چې لومړی یې د بیو د لوړیدو لپاره انرژي بنده کړه او اوس خپلې هڅې د خوراکي توکو په برخه کې د ټینګار وړ بولي.

نوموړي د ۴۰ هېوادونو ۵۷۵ استازیو ته په وینا کې ویلي؛ ځواکونه یې لیوالتیا نلري، چې د روسیې خاورې ته ورشي. مهرباني وکړئ په یاد ولرئ، چې جګړه زمونږ په خاوره کې روانه ده. په اوکراین کې خلک مړه کیږي… مونږ نه غواړو، چې د روسیې خاورې ته ولاړ شو.

په سینګاپور کې د اوکراین سفیرې کاترینا زیلینکو، د اضافي مرستو بېړنۍ غوښتنه وکړه.

هغې زیاته کړې: مونږ پوهیږو، چې دا به وخت ونیسي؛ خو وخت هغه څه دي، چې مونږ یې نلرو.

روسیه په اوکراین کې خپل بریدونه ځانګړي عملیات بولي او څرګندوي، چې دا بریدونه د سیمې د نیولو لپاره نه، بلکې د خپل جنوب ګاونډ د پوځي وړتیاوو او د نازیزم له شره د خلاصون او مخنیوي لپاره روان ساتل شوي دي.

نړۍ

سعودي عربستان او امریکا ګډو روزنیزو پوځي هڅو ته چمتووالی نیسي

Published

on

(Last Updated On: زمری ۱۹, ۱۴۰۱)

د سعودي خبري آژانس یا SPA  څرګنده کړې، چې د سعودي او امریکا سمندري قول اردو د سې شنبې پر ورځ له روزنیزو دوه اړخیزو هڅو مخکې ینبع ته ورسیدل.

دوی دغه پوځي روزنه دوه ویشت هېوادنۍ غصه نومولې ده.

د یادې سرچینې د څرګندونو له مخې، دغه څو ورځنۍ پوځي روزنه به روانه اوونۍ په ینبع او الخرج کې ترسره شي.

سرچینې دا هم په ډاګه کړې؛ له دغو پوځي روزنیزو هڅو موخه د دوه اړخیزو پلانونو په ترسره کولو کې د سعودي ځواکونو او امریکایي یارانو ترمنځ ملګرتیا ته وده ورکول دي.

Continue Reading

نړۍ

د ایف بي آی ځواکونو مې پر کور چاپه اچولې  

Published

on

(Last Updated On: زمری ۱۸, ۱۴۰۱)

د امریکا پخواني ولسمشردونالد ترمپ د دوشنبې پر ورځ د زمري ۱۷ / د اګست ۸ ویلي، چې د فدرالي تحقیقاتو ادارې ځواکونو په فلوریدا ایالت کې د هغه ماڼۍ محاصره کړه، وردننه شول او پلټنې یې پیل کړې.

رویټرز څرګنده کړې، چې ترمپ د دوشنبې پر ورځ ناوخته په ډاګه کړې؛ دا زمونږ د ملت لپاره یو تور پړاو دی؛ په فلوریدا کې زما ښایسته کور همدا اوس د چاپې لاندې دی او د ایف بي آی ځواکونو محاصره کړی دی.

ترمپ همدارنګه ویلي، چې د ایف بي آی ځواکونو  د ده خوندي خزانه هم لټولې او دا کار یې له عدلي سیستم څخه ناوړه ګټه اخیستل او سرغړونه نومولې ده.
تر دې دمه ترمپ او اف بي آی، چې دا کار ولې شوی څه ویل شوي ندي؛ خو یو شمېر امریکایي رسنیو څرګنده کړې، چې د ترمپ د کور دا تالاشي د محکمې د حکم له مخې ترسره شوې او د احتمالي محرمو اسنادو د لټولو لپاره یې دا خوندي ماڼۍ لټولې ده.

رسنیو په ډاګه کړې، چې په فلوریډا کې د ترمپ له دې کوره له اسنادو ډک ۱۲ بکسونه تر لاسه شوي دي، چې ترمپ په ټاکنو کې له ماتې وروسته له ځان سره وړي وه.
امریکا د عدلې وزارت ویلي؛ هیڅوک له قانون څخه پورته ندي.

Continue Reading

نړۍ

چین د تایوان په شاوخوا کې پوځي روزنیزه ننداره روانه ساتلې

Published

on

(Last Updated On: زمری ۱۷, ۱۴۰۱)

د چین پوځ د دوشنبې پر ورځ په ډاګه کړه، چې د تایوان په شاوخوا سمندري او هوایي روزنیزه ننداره روانه ساتلې ده.

رویترز راپور ورکړی، چې د چین د خلکو د آزادۍ اردو ختیځ تیاتر قومندې په ټولنیزو رسنیو کې څرګنده کړې، چې دوی به د اوبتل ضد او سمندري بریدونو د ترسره کولو روزنه وویني.

تېره اوونۍ تایوان ته د امریکا د ولسي جرګې د مشرې نانسي پلوسي له سفر وروسته د چین پوځ دغه تاپو ته نږدې په اړوند سیمو کې د سمندري او هوایي ځواک بې سارې روزنیزې هڅې ترسره کړې دي.

Continue Reading

Trending

Copyright © 2022 Ariana News. All rights reserved!