تازه خبرونه
د روغتیا نړیوالې ټولنې د افغانستان روغتیايي برخې ته د همکاریو ډاډ ورکړ
د بهرنیو چارو وزارت د خبرپاڼې له مخې، ډاکټر حنان بلخي دا څرګندونې د بهرنیو چارو وزیر امیرخان متقي سره په کتنه کې وکړې، چې د ګیټس بنسټ رییس، د سعودي پاچا سلمان د بشري بنسټ مسوول، د یونیسف د سیمهییز دفتر رییس او د متحده عربي اماراتو او قطر سفیرانو هم په کې ګډون درلود.
د روغتیا نړیوالې ټولنې(WHO) سیمهییز دفتر مشرې حنان بلخي، د افغانستان له روغتیايي سکټور سره د دې ټولنې د پرلهپسې همکاریو ډاډ ورکړ.
د بهرنیو چارو وزارت د خبرپاڼې له مخې، ډاکټر حنان بلخي دا څرګندونې د بهرنیو چارو وزیر امیرخان متقي سره په کتنه کې وکړې، چې د ګیټس بنسټ رییس، د سعودي پاچا سلمان د بشري بنسټ مسوول، د یونیسف د سیمهییز دفتر رییس او د متحده عربي اماراتو او قطر سفیرانو هم په کې ګډون درلود.
ډاکټر حنان بلخي پولیو یوه نړیواله اندېښنه وبلله او د دغې ناروغۍ د له منځه وړلو لپاره یې د پولیو ضد کمپاینونو په بریالي پلي کېدا کې د اسلامي امارت د ملاتړ غوښتنه وکړه.
دغه راز د بهرنیو چارو وزیر مولوي امیرخان متقي له روغتیايي همکاریو هرکلی وکړ او له پولیو ضد کمپاینونو څخه یې خپل بشپړ ملاتړ اعلان کړ.
هغه د عامې روغتیا د نظام پر پیاوړتیا د سرطان ناروغانو لپاره د تشخیص او درملنې د پرمختللو مرکزونو پر جوړېدا، د روغتیايي مرکزونو پر تجهیز او د طبي پرسونل د ظرفیت پر لوړولو ټینګار وکړ.
متقي ویلي، چې روغتیا، سوداګري او بشري چارې باید له سیاسي ملاحظاتو جلا وساتل شي، چې نړیوالې مرستې او روغتیايي خدمتونه په عادلانه او اغېزمن ډول اړمنو خلکو ته ورسېږي.