Connect with us

روغتيا

د روغتیا نړیوالې ټولنې له بیزوګانو څخه انسانانو ته پر رالېږدېدلي چیچک غور پیل کړ

Published

 on

(Last Updated On: غویی ۳۱, ۱۴۰۱)

له بیزوګانو څخه انسانانو ته د رالېږدېدلي چیچک یا مونکي پوکس نښې نښانې تر دې دمه په بلجیم، فرانسې، جرمني، ایټالیا، پرتګال، اسپانیه، سویډن، انګلستان، امریکا، کاناډا او آسترالیا هېوادونو کې لیدل شوې دي.

په اسپانیه کې پرون (جمعه د غویی ۳۰) د دغې ناروغۍ څلیریشت نوې پېښې؛ په ځانګړي توګه د مادرید په اړوند سیمه کې ثبت شوې دي.

سیمه ییزو چارواکو رویټرز ته ویلي، چې د ناروغۍ ډېرې پېښې د بخار یا سونا په یوه دمځي کې پېژندل شوي، چې اوس تړل شوی دی.

د رویټرز د څرګندونو له مخې؛ مونکي پوکس یا د بیزو تڼاکه انساني تڼاکې ته ورته ده. دا ناروغي د کلونو راپدیخوا د نړۍ په ډېرو برخو کې له منځه تللې او کومه نوې پېښه یې ثبت شوې نه وه؛ خو په وروستیو کلونو کې په تېره بیا د کرونا ویروس له خپرېدو وروسته د دغه ویروس د خپرېدو په اړه اندېښنې زیاتې شوې دي.

لابراتوار څېړنې ښیي، چې د چیچک دغه ویروس پر انسانانو سربېره موږکانو او سویو یا خرګوشانو ته خپرېدی شي. د چیچک د دغې نومول شوې ناروغۍ انساني بڼه په لومړي ځل په ۱۹۷۰ کلونو کې لیدل شوې وه. په۲۰۰۳ کال کې د امریکا روغتیایي چارواکو په د دې ویروس یوه پېښه ثبت کړې ده.

د مونکي پوکس یاد د بیزو ګانو د تڼاکې لومړنۍ نښې نښانې تبه، سر درد، د عضلاتو درد، د ملا درد، د لنفاوي غدو پړسوب، رېږدېدنه او ستړیا احساسول دي.

د پوستکي التهاب او پړسوب هم رامنځته کیدی شي. شونې ده، چې لومړی په مخ کې مخکې له دې، چې د بدن نورو برخو ته خپور شي؛ پیلیږي او په پای کې دا یو پوټکی جوړوي او غورزیږي.

تازه خبرونه

په تخار ولایت کې د نس ناستي پېښې مخ پر ډېرېدو دي

Published

on

(Last Updated On: چنګاښ ۶, ۱۴۰۱)

د تخار د عامې روغتیا ریاست چارواکو ويلي، په تېرو دوه میاشتو کې له ۲۰ زره ډېر ناروغان دولتي روغتیايي مرکزونو ته رالېږدول شوي دي.

په تخار ولایت کې د نس ناستي او کولرا ناروغۍ کچه په ماشومانو او لویانو کې لوړه شوې او د روغتیایي چارواکو جدي اندېښنې یې راپورته کړې دي.

د تخار ولايت د عامې روغتيا مشر عبدالقهار احدي وايي: سره له دې، چې ډېري ناروغان شخصي روغتونونو ته ځي؛ خو په تېرو دوه مياشتو کې له ٢٠ زره ډېر ناروغان دولتي روغتيايي مرکزونو ته رالېږدول شوي، چې د تېرو کلونو په پرتله زياتوالى ښيي.

د تخار د دولتي روغتون د چارواکو د معلوماتو له مخې؛ دغه روغتون ته هره ورځ څه باندې دوه زره کسان مراجعه کوي، چې ۳۰ سلنه یې پر نس ناستي اخته ناروغان دي.

په تخار کې د یونیسف د دفتر ټولنیز مسوول قدرت الله پاچا ویلي؛ د دې ناروغۍ د خپرېدو د مخنیوي یوازنۍ لار حفظ الصحه ده.

یو شمېر ډاکټرانو ويلي؛ ټولو افغانانو ته د دولتي خدمتونو وړاندې کولو کچه ټیټه ده، نو د دغه ډول ناروغیو د مخنیوي لپاره باید خلک هم لاس په کار شي او د عامه پوهاوي کمپاینونه پر لار واچول شي.

Continue Reading

روغتيا

اروپايي اتحادیې د بېزوګي تڼاکې د ۱۱۰ زره خوراکه واکسینو د پیرودلو هوکړه کړې

Published

on

(Last Updated On: غبرګولى ۲۵, ۱۴۰۱)

د اروپایي ټولنې د روغتیا کمیسیون مشرې ستیلا کریاکیدز ویلي؛ دا واکسین اروپایي اتحادیې پېرلي او د نفوس په تناسب به د اروپایي هېوادونو ترمنځ ووېشل شي؛ خو لومړیتوب د هغو هېوادونو دی، چې ورته بېړنۍ اړتیا لري.

د رویټرز د څرګندونو له مخې؛ د اروپايي ټولنې د روغتیا کمیسیون زیاته کړې، چې د بېزوګي تڼاکې یا چیچک شاوخوا ۹۰۰ پېښې د اروپايي ټولنې په ۱۹ هېوادونو او همدارنګه په ناروې او آیسلینډ کې ثبت شوې دي.

د باویریانوردیک واکسین، چې اروپایان یې ایموانکس Imwanax او امریکایان یې جینئوس Gineus یادوي؛ په امریکا کې د بېزوګي تڼاکې لپاره منل شوی دی؛ خو د اروپا د درملو ادارې لخوا لا تر اوسه منل شوی ندی.

د اروپايي اتحادیې ځینو هېوادونو لکه آلمان او اسپانیه پخپله په دې اړه سپارښتنې تر لاسه کړې دي.

Continue Reading

روغتيا

کیمیاوي ککړتیاوو د نرینه وو د سپرم شمېر کم کړی – څېړنه

Published

on

(Last Updated On: غبرګولى ۲۳, ۱۴۰۱)

د یورونیوز د څرګندونو له مخې؛ ساینس پوهانو په ډاګه کړې؛ د نرینه وو د ادرار په اړه څېړنې ښیي، چې د کیمیاوي ککړتیاوو په کچه کې د پام وړ ډېروالي په نرینه وو کې د سپرم شمېر کم کړی دی.

په هغه څېړنه کې، چې اینوایرومنت نړیوالې مجلې د نرینه وو د سپرم د کمېدو د اغېزو په اړه خپره کړې؛ ښیي، چې د نږدې ۱۰۰ رضاکارو د ادرار له نمونو څېړلو موندلې، چې د نرینه وو انډروکرین غدې خطرناکې کچې ته رسیدلي او په انسانانو کې یې د زیږون کچه راټیټه کړې ده.

له دې کتنې او څېړنې څرګنده شوې، چې د کیمیاوي موادو ککړونکي لکه بیسفینول او ډای اکسین د سپرم کیفیت او څرنګوالی اغېزمنوي او له ۱۰۰ ډېر ښيي. د دې مقالې لیکوالانو ويلي، چې د دې کیمیاوي کوکتلونو شتون د نرینه وو پر سپرم د پام وړ منفي اغېزه لري.

دا څېړنه د ۱۸ او ۳۰ کلونو ترمنځ د ۹۸ ډنمارکي نرینه وو د متیازو یا ادارار پر بېلګو ترسره شوې ده.

د دې مقالې لیکوالان، چې مشري یې په لندن کې د برونل پوهنتون پروفیسور اندریاس کورټینکمپ کوي وايي، چې دوی په کتل شویو بېلګو کې د دغو کیمیاوي مرکباتو د پام وړ کچې حیران کړي دي.

دغه راز په آزمول شویو بېلګو کې د بیسفینول له کچې هم حیران شوي، چې د سپرم د روغتیا لپاره خورا جدي خطر رامنځته کوي.

څېړونکيو منلې، چې د دوی څېړنې یو لړ محدودیتونه هم لري؛ د بېلګې په توګه، هغه معلومات، چې د اروپا د خواړو د سټنډرډ ادارې لخوا کارول شوي د ۲۰۰۹ او ۲۰۱۰ کلونو دي او د کیمیاوي موادو کچه کېدی شي په نویو بېلګو کې زیاته شوې وي. یو بل ابهام هم دا دی، چې آیا د زیږون د عمر میرمنې هم د نرینه وو په څېر د کیمیاوي توکو له له زیانونو سره مخ دي او کنه؟

په وروستیو لسیزو کې د لویدیځوالو د سپرم کچه او کیفیت بېساری کم شوی دی. څېړنې ښيي، چې په تېرو څلویښت کلونو کې د نرینه د سپرمونو شمېر سم نیمایي شوی دی. سربېره پر دې د تناسلي روغتیا نور اختلالات لکه د بیضو نابرابر حال او سرطان مخ پر ډېریدو دی.

په ټوله نړۍ کې ساینس پوهانو د سپرم د شمېر د کمیدو یو شمېر نور احتمالي لاملونه هم پر ګوته کړي؛ لکه د ژوندانه  طرزالعملونه، سګرټ څکول او د هوا ککړتیا.

که څه هم دا څېړنه د سپرم روغتیایي اندېښنې راپورته کوي، چې په بېلابېلو ټولنو کې به د نورو څېړنو لامل شي او سپرم  ته د پېښو ګواښونو د مخنیوي هڅې پراخه کړي.

Continue Reading

Trending

Copyright © 2022 Ariana News. All rights reserved!