Connect with us

لوبی

د سريلانکا کرکت ملي لوبډلې د آسيايي سياليو اتلولي له پاکستان وګټله

Published

 on

(Last Updated On: وږی ۲۱, ۱۴۰۱)

د سریلانکا کرکت ملي لوبډلې د پاکستان لوبډلې ته له ماتې ورکولو سره د آسیا شل آوریز کرکت جام شپږمه اتلولي هم خپله کړه.

دغه لوبه د یکشنبې پر شپه (د وږې شلمه) د عربي متحده اماراتو په لوبغالي کې ترسره او سریلانکا له پاکستان څخه د ۲۳ منډو پر توپیر د اړوند سیالیو اتلولي وګټله.

په دې لوبه کې د سریلانکا کرکت لوبډلې لومړی توپ وهنه پیل کړه او پاکستان ته یې د ۱۷۱ منډو هدف وټاکه.

د سریلانکا لوبډلې لپاره بهنوکا راجاپاکسا تر ټولو ډېرې منډې وکړې. ده پر ۴۵ توپونو ۷۱ منډې جوړې کړې.

په دغو سياليو کې د پاکستان کرکت لوبډلې په اړوند شل آورونو کې بریالی نشو، چې ټاکلې موخې ته ځان ورسوي او خپله ماتې یې ومنله.

له دغې بریا سره سریلانکا د آسیا کرکت شپږم جام وګاټه.

په دې جام کې د سریلانکا لوبډلې یوازې یو ځل له افغانستان سره په لوبه کې خپله ماتې منلې ده.

له دې مخکې هم  سریلانکا په ۱۹۸۶، ۱۹۹۷، ۲۰۰۴، ۲۰۰۸ او ۲۰۱۴ کلونو کې د دې جام د ګټلو ویاړ لري.

د آسيا جام کرکت سيالۍ د سريلانکا پر کوربتوب په عربي متحده اماراتو کې پيل شوې او د آسيا شپږ لوبډلو په کې ګډون کړى و؛ افغانستان، هندوستان، پاکستان، سريلانکا، بنګله دېش او هانګ کانګ لوبؤلې سره ولوبېدې او سریلانکا ترې اتلولي بیا هم خپله کړه.

دا سیالۍ د آریانا نړیوال تلویزیون له لارې پر ژوندۍ بڼه خپرې شوې او په هېواد کې یې د دغو سیالیو مینوال د آسیایي ملتونو د سیالیو له لیدو برخمن کړل.

لوبی

په فیفا جام کې د ایران پر وړاندې د امریکا پر بري بایډن خوښي څرګنده کړه

Published

on

(Last Updated On: ليندۍ ۹, ۱۴۰۱)

د سې شنبې پر ورځ په فیفا فوتبال نړیوال جام سیالیو کې د امریکا د بري لومړي مینه وال او ولسمشر جو بایدن خپله لیوالتیا هغه مهال په ډاګه کړه، چې د امریکا ملي لوبډلې ایران ته یو پر صفر ماته ورکړه.

جو بایدن د میشیګان د تکنالوژۍ کارخونې ته تلی و؛ خو د امریکا او ایران تر منځ د لوبې له پای ته رسیدو څو شېبې وروسته بېرته دریځ ته پورته شو او حاضرینو ته یې وویل، چې د امریکا لوبډلې ایران ته د «ب» ګروپ د دوه یمې لوبډلې په توګه یو د صفر پر وړاندې ماته ورکړه او بل پړاو ته یې لار وموندله.

بایډن زیاته کړه: امریکا؛ یو، ایران صفر. لوبه پای ته ورسېده!

جو بایډن وایي: دا یوه لویه لوبه ده، کله، چې ما له روزونکيو او لوبغاړیو سره خبرې وکړې؛ ما وویل، چې تاسې یې ګټلی شئ؛ دوی دا وکړه.

نیویارک پوست راپور ورکړی؛ ۸۰ کلن بایدن د ښه خبر رسولو لپاره دومره لیواله و، چې هغه په ​​​​لومړيو کې د ټنګ تکور د غږولو یوې ډلې په ځان کې ښه ډوب کړ.

امریکا  یو، ایران صفر؛ لوبه پای ته ورسیده!

ولسمشر په پای کې دا خوشالي نوره هم وستایله او د U-S-A! امریکا! د خوښۍ؛ امریکا! امریکا! غږ یې  پورته کړ.

هغه ویلي: دوی دا وکړل، خدای دوی سره مینه لري!

امریکا په ګروپي لوبه کې ماتی نده خوړلې؛ د نومبر پر ۲۱ له ویلز سره یو د یو پر وړاندې او د جمعې پر ورځ له انګلستان سره صفر د صفر پر وړاندې مساوي شوه. مخکې له دې، چې ایران د کریستین پولیسیچ لخوا په لومړۍ نیمایي کې ګول وکړي.

امریکا به هڅه وکړي، چې خپله سیالي د شنبې پر ورځ د هالیند پر وړاندې بریالۍ ترسره کړي.

Continue Reading

لوبی

د فیفا نړیوال جام د یوې ورځ په سیالیو کې څوارلس ګولونه ووهل شول

Published

on

(Last Updated On: ليندۍ ۹, ۱۴۰۱)

د دوشنبې ورځ د نومبر ۲۸ د فوتبال نړیوال جام مینه والو ته یوه پر زړه پورې ورځ وه؛ ځکه، چې په ۴ لوبو کې څوارلس ګولونه ووهل شول.

د ورځې په لومړۍ لوبه کې کامرون له صربیا سره ۳-۳ مساوي شول. ګانا بیا دوه یمه لوبه د سویلي کوریا پر وړاندې ۳-۲ وګټله او د لومړي ځل لپاره یې په ټورنمنت کې نمرې ترلاسه کړې.

دا په درې لسیزو کې لومړی ځل و، چې د نړیوال جام د یوې ورځې په لوبو کې له ۵ ډېر ګولونه ترسره کیږي. له دې مخکې د ۱۹۹۰ ز.کال په نړیوال جام کې چک جمهوریت او سلواکیا امریکا ته ۵-۱ ماتې ورکړې وه او د همدې کال د جون پر لسمه جرمني یوګوسلاویا ته ۴-۱ ماتې ورکړې وه.

د دوشنبې پر ورځ په درېیمه لوبه کې برازیل سویس ته ۱-۰ پر توپیر ماتې ورکړه او په دې ورځ یې د ګولونو شمېر ۱۲ ګولونو ته لوړ کړ. د دې لوبې یوازنی ګول کاسمیرو وواهه.

د نن ورځې په وروستۍ لوبه کې پرتګال ۲-۰ یوروګوای ته ماتې ورکړه. په دې لوبه کې برونو فرناندز دوه ګولونه وکړل.

چارواکي او مینه وال په قطر کې د دې پېښو لیدلو ته لیواله ول.

یو مینه وال تویت کړی: د فوتبال څومره یوهلیونۍ ورځ!

یو بل لیکلي: نن په نړیوال جام کې څه تېریږي، زما ورځو!

درېیم لیکلي: فوتبال نن رښتینی نه و.

د نړیوال جام سیالۍ څنګه کتلی شئ؟

د فوتبال مینه وال کولی شي د نړیوال جام سیالۍ له آریانا تلویزیون څخه په ژوندۍ بڼه وګوري.

د سیالیو د مهالوېش د لیدلو لپاره دا ځای کېکاږئ.

Continue Reading

لوبی

افغانستان د ۲۰۲۳ کرکت نړيوال جام ته لار وموندله

Published

on

(Last Updated On: ليندۍ ۷, ۱۴۰۱)

د یکشنبې پر ورځ د سریلانکا پر وړاندې د یو ورځنیو لوبو له توپ وهنې او توپ اچونې وروسته افغانستان د راتلونکي کال د کرکت نړیوال جام ته لار وموندله.

د غوراوي په دې سیالیو کې د افغانستان او سریلانکن ترمنځ‌ په لوبه کې افغان لوبډلې ته پېنځه امتیازونه ورکړ شول، چې د ټولو هغو شمېر یې ۱۱۵ ته ورسېد.‌ 

د کریکټ‌ نړیوالې شورا له دغې لوبې وروسته په خبرپاڼه کې څرګنده کړې؛ افغانستان په هند کې د یوه ورځنیو لوبو په نړیوال جام کې خپل ځای ځای خپل کړ.

د افغانستان او سریلانکا ترمنځ د يو ورځنيو لوبو د لړۍ دوه يمه هغه د باران له کبله بې پايلې اعلان شوه؛ خو دواړو لوبډلو ته پېنځه-‌پېنځه نومرې ورکړ شوې. 

دا د کرکت د نړیوالې شورا د سوپر لیګ سیالۍ دي، چې له هر بري سره لوبډلو ته ۱۰ نومرې ورکول کېږي او که لوبه مساوي کېږي او یا بې نتیجې پای ته رسېږي؛ دا ۱۰ نومرې مساوي وېشل کېږي.

له سري لانکا سره د باران له کبله د لوبې د بې نتیجې پای ته رسېدو وروسته افغانستان او سري لانکا ۵-۵ نومرې ترلاسه کړې او په دې سره افغانستان نړیوال جام ته لار وموندله.

افغانستان د سوپرلیګ په سیالیو کې تر دې دمه ۱۴ لوبې کړي، چې لس یې ګټلې، یوه یې مساوي ده او دوه یې بایللې دي. په دې ترتیب سره افغانستان ۱۱۵ نومرې لري او په لښتیلیک کې اووم ځای لري او نړیوال جام ته وتلی دی.

افغانستان اوس د ۱۳ هېوادونو؛ هند، آسترالیا، انګلیند، بنګله دېش، نیوزلیند، پاکستان، ویست اندیز، سريلانکا، جنوبي آفریقا، زمبابوې، ایرلیند او هالیند تر منځ دا مهال په اووم مقام دی او له پاکستان او هند سره پر درې-درې لوبو سربېره یې ځینې نورې لوبې هم پاتې دي.

له افغانستان وروسته، ویست اندیز، سريلانکا، جنوبي آفریقا، زمبابوې، ایرلیند او هالیند به د خپلو پاتې لوبو له ترسره کولو وروسته مستقیم نړیوال جام ته ځي.

دا به درېیم ځل وي، چې افغانستان د ۲۰۲۳ د یوې ورځینو لوبو په نړیوال جام کې لوبېږي. په وروستي ځل د ۲۰۱۹ په نړیوال جام کې ولوبېده، چې نهه لوبې یې وکړې او ټولې یې وبایللې. په را روان نړیوال جام کې به ۱۰ لوبډلې لوبېږي.

سريلانکا به په دې فيصله کوونکي لوبه کې له خپلو لوبغاړیو څخه د يوې بلې پياوړې نندارې هيله ولري.

افغانستان د یو ورځنۍ لوبو په دوه یمه لوبه کې پچه وګټله؛ توپ وهنه یې پیل او ۲۲۹ مندې یې جوړې کړې، چې د توپ اچوونې پر وخت یې د باران له کبله پاتې لوبه لغو شوه.

Continue Reading

Trending

Copyright © 2022 Ariana News. All rights reserved!