Connect with us

تازه خبرونه

د سولې له هوکړې پرته به طالبان ګټور ونډوال نه وي –یوناما

Published

 on

(Last Updated On: زمری ۶, ۱۴۰۰)

په افغانستان کې د ملګرو ملتونو ځانګړې استازې ویلي، چې د سولې په خبرو کې له پرمختګ او د بشري حقونو د سرغړونو له مخنیوي پرته به طالبان ګټور ملګري او ونډوال نه وي.

د سپوتنیک د څرګندونو له مخې؛ د چارشنبې پر ورځ د زمري ۶ د جولای ۲۸ د افغانستان په ولسمشرۍ ماڼۍ کې د څارنې او همغږۍ ګډ بورډ ناستې ته د ملګرو ملتونو ځانګړې استازې ډیبرا لاینز ویلي، چې د سولې خبرې باید د افغانستان د پراخې ستونزې د حل لپاره رښتینې او ډاډمنې پیل شي.

ملګرو ملتونو ویلي، چې د څارنې او همغږۍ بورډ د ځانګړې ناستې موخه د نړیوالو مرستندویانو لپاره په افغانستان کې د روان بحران پېژندنه او د دې بحران د مدیریت لپاره د افغان حکومت پر ستراتیژیک لیدلوري ډاډمن کېدل؛ نومولې. لاینز په ګوته کړې، چې د افغانستان د مسلې یوازنی حل پر ډاډمنو خبرو د سولې رښتیني چټک بهیر دی.

نوموړې څرګنده کړې، چې د طالبانو لخوا د تاوتریخوالي او جګړو زیاتوالي دوی تر مسوولیت لاندې راوستي؛ ځکه، چې نړۍ د طالبانو هڅې له نږدې څاري.

هغې ویلي: نړیوال مرستندویان پر ښځو ظلم، د لږکیو پر وړاندې تبعیض، د نجونو د زدکړو نه منل او د یو مستبد حکومت له حکمونو ملاتړ نکوي.

ډیبرا لاینز په دې ناسته کې ویلي، چې ۱۸ میلیون افغانان بشري مرستو ته سخته اړتیا لري او اړتیاوو ته یې باید لومړیتوب ورکړ شي.

دې ټولنې له حکومت او نړیوالو ملاتړ کوونکیو هم غوښتي، چې د دې خلکو د اړتیاوو پوره کولو ته پوه پاملرنه وکړي.

هغې زیاته کړې: ملګري ملتونه د یو بې پرې بنسټ په توګه غواړي د افغانستان د خلکو تر څنګ ولاړ دی او له دې هېواد سره خپلې بشردوستانه مرستې روانې ساتي.

هغې ویلي، چې دغه ناسته په خورا بحراني حالت کې د بنسټیزو لاسته راوړنو د ساتنې لپاره ترسره شوې ده.

تازه خبرونه

نړۍ دې له تروریزم سره په مبارزه کې له افغان حکومته ملاتړ وکړي

Published

on

(Last Updated On: تله ۳, ۱۴۰۱)

د ملګرو ملتونو په ۷۷ عمومي ناسته کې د سعودي عربستان د بهرنیو چارو وزیر څرګنده کړې، چې د تروریزم د ځالې په توګه د افغانستان د جوړیدو د مخنیوي لپاره د ټولو هېوادونو ګډې همکارۍ ته اړتیا ده.

د ملګرو ملتونو په عمومي غونډه کې د سعودي عربستان د بهرنیو چارو د وزیر فرحان بن فیصل د افغانستان له اسلامي امارته غوښتي، چې د ترهګرو ډلو د ودې او فعالیت مخه دې ونیسي او په دې برخه کې یې له نړیوالې ټولنې څخه ورته د همکارۍ غوښتنه وکړه.

د سعودي عربستان د بهرنیو چارو وزیر فرحان بن فیصل وایي: افغانستان باید د تروریستي فعالیتونو او یا د ترهګرو د ودې پر مرکز بدل نشي. مونږ باید له دغه هېواد سره د تلپاتې سولې او ثبات لپاره همکاري وکړو، چې یو هوسا او سوکاله اقتصاد ولري.

دغه راز د چین د بهرنیو چارو وزیر ويلي، چې افغانستان له ګډوډۍ څخه د نظم، اصولو او قانونیت پر لوري روان دی.

د چین د بهرنیو چارو وزیر وانګ يي ويلي؛ د يو ټول ګډونه سياسي چوکات او منځلارې تګلارې رامنځته کول کولی شي افغانستان سم لوري ته بوځي.

د چین د بهرنیو چارو وزیر، چې د ملګرو ملتونو عمومي اسامبلې ته یې وینا کوله وویل، چې افغانستان له ګډوډۍ څخه د نظم، اصولو او قانونیت پر لوري روان دی.

د چین د بهرنیو چارو وزیر وانګ یي وایي: افغانستان له ګډوډۍ څخه نظم، اصولو او قانونیت ته د لېږد په یوه حساس پړاو کې دی. دا د مخکې تګ یوه سمه لار ده؛ خو د یوه ټولګډونه سیاسي چوکات رامنځته کول او د منځلارو تګلارو عملي کول هم یوه اړتیا ده. موخه او لومړیتوب یې باید اقتصادي وده او د خلکو د ژوند ښه کول، د ترهګرۍ پر وړاندې مبارزه او د سیمه ییزو اړیکو ښه کول وي.  یو اړخیز بندیزونه د افغانستان له پرمختګ سره مرسته نکوي. د دغه هېواد قانوني شتمنۍ باید پرېښودل شي، دا د نه منلو وړ طریقه ده، چې باید سمه شي.

د روسیې د بهرنیو چارو وزیر سرګې لاوروف، چې هېواد یې پر اوکراین د پوځي یرغل له کبله تر نړیوالو بندیزونو لاندې دی؛ په دې باور دی، چې امریکا د هغو هېوادونو د سولې او ثبات په راوستلو کې پاتې راغلې، چې یرغلونه یې پرې کړې دي.

د روسیې د بهرنیو چارو وزیر سرګې لاوروف وایي: امريکا په ځمکه کې د خداى د استازي په توګه عمل کوي او دا خپل مقدس حق ګڼي، چې د هېوادونو په چارو کې لاسوهنه وکړي؛ په هر ځاى او هر وخت کې، چې وغواړي بريدونه کوي؛ خو د امريکا د زړورتيا پايله همداده او بس. آیا له تېرو کلونو راپدیخوا په افغانستان، عراق، سوریه او نورو ځایونو کې د بشري حقونو وضعیت ښه شوی، د قانون حاکمیت ښه شوی، یا د هېوادونو ټولنیز یا اقتصادي وضعیت ښه شوی؟ دا ټول د واشنګتن د پوځي بریدونو پایلې دي.

د هند د بهرنیو چارو وزیر جې شنکر وایي: ترهګریزو فعالیتونو ته هیڅ پاملرنه نکیږي. ملګري ملتونه باید د تروریزم پر وړاندې د هغو پر عاملینو بندیزونه ولګوي. مونږ په نړیوالو اړیکو کې د مشورتي، ټولګډونه تګلارې ملاتړ کوو. مونږ په دې باور یوو، چې یوازې خبرې اترې او دیپلوماسي کولی شي، چې ستونزو ته د پای ټکی کېدي.

اسلامي امارت د نړیوال مشروعیت له ستونزې سره مخ دی او له همدې کبله د ملګرو ملتونو په عمومي اسامبله کې د افغانستان څوکی تشه وه او د سیمې هېوادونو د خپلو لید لوریو له مخې د افغانستان په اړه څرګندونې کولې؛ خو دلته د بهرنیو چارو وزارت د ملګرو ملتونو په عمومي غونډه کې د ځينو هېوادونو د رهبرانو لخوا پر افغانستان لګیدلې تورنه رد کړل او زیاتوي؛ ځينې استخباراتي کړۍ غواړي، چې افغانستان د ترهګرۍ د مرکز په توګه وپېژندل شي.

Continue Reading

تازه خبرونه

ملګري ملتونه د روږدو د درملنې له ۱۷ مرکزونو سره مرسته کوي

Published

on

(Last Updated On: تله ۴, ۱۴۰۱)

په افغانستان کې د ملګرو ملتونو پراختیايي پروګرام (UNDP) څرګنده کړې، چې دغه اداره په افغانستان کې د روږدو د درملنې ۱۷ مرکزونو ته درمل او طبي وسایل ورکوي.

د دې ټولنې د څرګندونو له مخې؛ دوی په دې اړه له نشه يي توکو سره د مبارزې له اړوند دفتر سره يو هوکړه ليک لاسليک کړى دى.

د هوکړه لیک پر بنسټ به دغه دواړه ادارې به د روږدو د درملنې په ۱۷ مرکزونو کې درمل، طبي وسایل او د اړتیا وړ روغتیايي توکي چمتو کړي.

سرچینې زياته کړې؛ د افغانستان په شمال، لويديځ، ختيځ او مرکزي سيمو کې د روږدو کسانو ٩٣٠ مرکزونه به له دوه ميليون دالرو ډېر لګښت ولري.

په افغانستان کې د ملګرو ملتونو د پراختيايي پروګرام د دفتر استازي عبدالله الدرداري ويلي، چې دغه هېواد اوس هم په نړۍ کې د کوکنارو له سترو توليدوونکیو هېوادونو څخه دى، چې په تېرو کلونو کې يې زرګونه افغانان پر نشه يي توکو روږدي شوي دي.

عبدالله الدرداری زیاته کړې؛ په افغانستان کې د ملګرو ملتونو د پراختیايي پروګرام دفتر ژمن دی، چې په دغه هېواد کې د روږدو کسانو د درملنې لپاره نوره ډېره همکاري هم وکړي.

همدارنګه په افغانستان کې د ملګرو ملتونو له نشه يي توکو او جرمونو سره د مبارزې د دفتر استازې انوبه سعود هم د ملګرو ملتونو د دغو دوه ادارو هڅې پر نشه يي توکو د روږدو کسانو د درملنې د مرکزونو د فعاليت د دوام لپاره اړینې وښودلې او وایي، چې د اسلامي امارت له واکمنۍ وروسته په ټول افغانستان کې، ډېري دا مرکزونه مالي ملاتړ ته اړتیا لري.

په کابل کې د اسلامي امارت له بیا واکمنېدو سره روږدو کسانو ته د بهرنیو هېوادونو مالي مرستې په بشپړه توګه بندې شوې او ډېرۍ هغه بهرنۍ موسسې، چې د روږدو په درملنه کې فعالې وې، هم له افغانستان څخه ووتلې.

Continue Reading

تازه خبرونه

د قطر تخنیکي ډلې په کابل نړیوال هوايي ډګر کې خپل کار پای ته ورساوه

Published

on

(Last Updated On: تله ۳, ۱۴۰۱)

په کابل کې د قطر سفارت څرګنده کړې؛ د قطر ځانګړې څانګوالې تخنیکي ډلې د کابل په نړیوال هوايي ډګر کې خپله دنده بریالۍ تر سره کړې ده.

د بهرنیو چارو وزارت د شنبې پر ورځ په ډاګه کړې؛ د قطر تخنیکي ډلې له نړیوالو معیارونو سره سم د کابل د هوايي ډګر په بیارغونه او ترافیکي بهیر کې کار کړې، چې د افغانستان خلکو ته د بشري او پرمختیایي مرستو په رسولو او بیا کار پیلولو کې اړین رول لرلی.

په کابل کې د قطر سفارت په خبرپاڼه کې راغلي، چې د افغانانو د هوساینې لپاره قطر خپلې ژمنې روانې ساتي.

اسلامي امارت د روانې میاشتې په پیل کې اعلان وکړ، چې دوی په ابوظبي کې له میشت شرکت GAAC سره د الوتنې د خدماتو چمتوکولو لپاره یو داسې تړون لاسلیک کړی، چې د افغانستان په اړینو هوایي ډګرونو کې د الوتکو کښته کول او الوتنې اداره کړي.

د الوتنې د لارښوونو د خدمتونو په تړون کې به د کابل په ګډون د هېواد په درې لویو هوايي ډګرونو کې افغان کارکوونکیو ته د آسانتیاوو، تجهیزاتو او روزنې برابرول هم په پام کې نیول شوي دي.

دوه نور هوايي ډګرونه، چې له دې تړون سره تړاو لري؛ د هرات او کندهار هوایي ډګرونه دي.

د غه شرکت په مارچ  میاشت کې د کابل هوایي ډګرونو د ځمکني سمبالتیا د ادارې لپاره یې خپل لومړنی تړون لاسلیک کړی.

Continue Reading

Trending

Copyright © 2022 Ariana News. All rights reserved!