Connect with us

تازه خبرونه

د سپتمبر د ۱۱ د بریدونو قربانیان د افغانستان د شتمنیو د ترلاسه کولو حق نلري

خپور شوی

د

(Last Updated On: وږی ۵, ۱۴۰۱)

یوې امریکايي قاضۍ سپارښتنه کړې، چې د ۲۰۰۱ زېږدیز کال د سپتمبر د یوولسمې د بریدونو قربانیان د افغانستان بانک له کنګل شویو شتمنیو څخه د میلیاردونو دالرو د ترلاسه کولو حق نلري.

د نیویارک په منهاتن سیمه کې د فدرالي محکمې یوې قاضۍ سارا نتبورن د جمعې پر ورځ (د وږي ۴ ) ویلي، چې د افغانستان بانک د امریکايي محکمو له واکه بهر دی او د دغو شتمنیو ضبطول د افغانستان د دولت په توګه د اسلامي امارت په رسمیت پېژندل دي، چې یوازې د امریکا ولسمشر یې د ترسره کولو واک لري.

میرمن نتبورن څرګنده کړې: د طالبانو (اسلامي امارت) قربانیان له کلونو راپدیخوا د عدالت، حساب ورکولو او جبران لپاره کار کوي. دوی د هیڅ شي مستحق ندي؛ خو قانون هغه خساره محدودوي، چې محکمه یې اجازه کولی شي او دغه محدودیتونه د افغانستان بانک شتمنۍ د محکمې له واک باسي.

د سارا نتبورن حکمونه به د فدرالي محکمې د مشر قاضي جورج دانیلز لخوا وڅېړل شي.

جورج دانیلز د سپتمبر د یوولسمې د قربانیانو دوسیه څاري او واک لري، چې د میرمن نتبورن پر امر حکم وکړي.

د فبرورۍ په میاشت کې د امریکا ولسمشر جو بایدن یو اجرائیوي فرمان لاسلیک کړ، چې په افغانستان کې له بشري او اقتصادي بحران سره د مبارزې لپاره له دې شتمنیو څخه د درې نیم میلیارد دالرو کارولو اجازه ورکوي او له درې نیم میلیارد دالرو ډېرې نورې شتمنۍ به په امریکا کې پاتې وي، چې د ۲۰۰۱ کال د سپټمبر د ۱۱ د بریدونو قربانیانو ته ځانګړې شي.

امریکايي بندیزونو له اسلامي امارت سره مالي تعامل منع کړی؛ خو د افغانستان د خلکو لپاره بشري مرستې له دې څخه مستثنی دي.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!