ټولنیزو رسنیو یوه ویډیو خپره کړې، چې ښیي ې په ساحلي سیمه القدراحه کې وسلوال د حافظ الاسد د سوځېدلي قبر په شاوخوا کې ګرځي او شعارونه ورکوي.

د هیئت التحریر الشام د روانې اوونۍ په بیل کې د بشارالاسد ۵۴ کلنه واکمني پای ته ورسوله او نوموړی روسیې ته وتښېد او هلته یې له کورنۍ سره یو ځای پناه ترلاسه کړه.

د بشار الاسد حکومت له نړېدو وروسته د سوریې خلکو د بشار او د ده د پلارحافظ الاسد پژې ونړولې، چې ورسره د شیعه علوي فرقې واک او ځواک هم پای ته ورسېدو.

د رویټرز خبري سرچینې د وسلوالو د مشر ابو محمد الجولاني له قوله ویلي، چې نوموړي د بشار الاسد د حکومت امنیتي ځواکونه منحل کوي.

 هئیت تحریر الشام سرتېرو ته عمومي بښنه اعلان کړې ده.

د الجولاني تر مشرۍ لاندې انتقالي حکومت به د ۲۰۲۵ کال تر مارچ میاشتې پورې (څلور میاشتې) فعالیت وکړي.

رویټرز خبري خبري سرچینې راپور ورکړی، چې د "سوریې د ژغورنې حکومت" جوړښت مشر محمد البشیر په رسمي بڼه د دغه هېواد د لنډمهالي حکومت د مشر په توګه ټاکل شوی دی.

البشیر په یوه ټلویزیوني وینا کې ویلي، چې هغه ته د انتقال په دوره کې د حکومت د چارو د سمبالولو دنده سپارل شوې ده.

له ټاکل کېدو وروسته هغه ویلي، چې په سوریه کې د واک انتقالي دوره به غالباً د ۲۰۲۵ کال د مارچ پر لومړۍ پای ته ورسیږي.

په دمشق کې د ۱۲ ورځني چټک برید مخکې هغه د سوریې د اپوزیسیون پر مشرۍ د ژغورنې حکومت اداره کاوه.

د تایوان دفاع وزارت د سې‌شنبې پر ورځ ویلي؛ چین په سیمه‌ییزو اوبو کې خپله ترټولو لویه سمندري بیړۍ ځای پرځای کوي، چې د پخوانیو جنګي لوبو په پرتله دا هڅه تایوان ته ستر ګواښ دی.

د تایوان دفاع وزارت وياند سان لي په تایپه کې د وینا پر مهال ویلي، د جاپان له جنوبي ټاپوګانو څخه د جنوبي چين تر سمندره پورې دا د تېرو پر پرتله د تايوان په شاوخوا کې د جنګي لوبو تر ټولو لويه لوبه ده.

رویټرز راپور ورکړی، چې د چین پوځ تر اوسه پدې اړه څه ندي ویلي او نه یې د پوځي روزنې کومه هڅه تائید کړې، چې دوی کومې پوځي روزنیزې هڅې کوي.

چین ډیموکراتیک  تایوان د خپلې خاورې برخه بولي او شونې ده، چې دا هڅه یې  آرام سمندر ته د ولسمشر لای چینګ د سفر په غبرګون کې کړې وي.

د تایوان پوځ د دوشنبې پر ورځ له هغې وروسته، چې چین سمندري او ساحلي ځواکونه نندارې ته وړاندې کړل؛ د ګواښ غږ پورته کړ.