لوبی
د قطر فوتبال نړیوال جام د پیل وخت یوه ورځ رامخکې شو

ټاکل شوې وه، چې د فوتبال ۲۰۲۲ کال نړیوال جام د غوراوي سیالۍ د هالیند او سینیګال تر منځ پیل شي؛ خو اوس فیفا پرېکړه کړې، چې د تېرو ۴ پړاوونو په څېر به دا سیالۍ د کوربه هېواد قطر او اکوادور د لوبډلو ترمنځ یوه ورځ مخې تر سره شي.
دا بدلون د فیفا د مشر جاني انفانتینو او د فوتبال د ۶ لویو کنفدراسیونونو د مشرانو تر منځ له غونډې وروسته رامنځته شو.
فیفا څرګنده کړې، چې دا بدلون د ټولو حاضرو کسانو د رایو له مخې رامنځته شو. د سیالیو د پرانیستې په مهالوېش کې دا بدلون په داسې حال کې رامنځته شوې، چې د دې سیالیو د تکتونو پلور دمخه پیل شوی دی.
دغه بدلون د فوتبال د مینه والو سفري پلانونه غېزمنولی شي.
ویل کیږي، چې دا بدلون د قطریانو او د سویلي امریکا د فوټبال کنفدراسیون کنمبول پر فشار رامنځته شوی دی.
په دې توګه به د نوامبر پر ۲۰ مه نېټه په ۶۰ زره کسیز لوبغالي کې کوربه هېواد له اکوادور سره مخ شي.
دغه راز د هالیند او سینیګال لوبډلو تر منځ وخت هم ۶ ساعته وځنډول شو او د نومبر پر ۲۱ مه نېټه له غرمې وروسته ۷ بجې ترسره شي.
دغه راز د فوتبال نړيوال جام رسمي پاڼې د دغه سيالۍ له پيل څخه سل ورځې مخکې د فوتبال د نړۍ د سل ستوریو له انځور سره يو پوستر خپور کړ، چې په کې د ايران د ملي لوبډلې له لوري مهدي طارمي، سردار آزمون او عليرضا جهانبخش برخوال دي.
د پوره معلوماتو لپاره دا ځای کېکاږئ
لوبی
نوین الحق د کرکت له پنځوس اوریزو لوبو ګوښه شو

د افغانستان کرکت ملي لوبډلې چټک توپوهونکی نوین الحق وايي، چې د ۲۰۲۳ ز.کال له نړیوال جام وروسته به پنځوس اوریزې لوبې نورې ونهکړي.
د افغانستان د ملي لوبډلې دا ۲۴ کلن لوبغاړی دوه کاله له لوبډلې لرې پاتې کېدو وروسته نړیوال جام ته راستون شوی و.
دغه لوبغاړي د افغانستان کرکت ملي لوبډلې لپاره اووه یو ورځنۍ لوبې کړې دي؛ خو په ۲۰۱۶ ز. کال کې د نړیوال جام له پیل راپدیخوا د ۲۰ اوریزو لوبو یوه اړینه برخه ګرزېدلې ده.
نوین الحق وايي: دا زما لپاره ویاړ و، چې د خپل هېواد استازولي وکړم. اوس غواړم د نړیوال جام په پای کې له یو ورځنیو لوبو څخه ګوښه شم؛ خو زه به په شل اوریزو لوبو کې له نیلي کمیس سره مل وم.
هغه زیاته کړې: دا کومه اسانه پرېکړه نه وه، خو د لوبېدنې د اوږدولو لپاره باید دا سخته پرېکړه وکړم.
دا په داسې حال کې ده، چې د هند نړیوال جام ته د نوین الحق له غوراوي سره افغان لوبډله پیاوړې معرفي شوې ده.
لوبی
امول نومي هندي شرکت په نړیوال جام کې د ګډون لپاره د افغان لوبډلې د مالي ملاتړ ډاډ څرګند کړ

د افغانستان کرکت بورد نړیوال جام لپاره د افغانستان کرکت ملي لوبډلې د مالي ملاتړ حق هندي شرکت امول (Amul) ته ورکړ، چې له مخې به یې یاد شرکت په راتلونکو سترو سیالیو کې له افغان لوبډلې مالي ملاتړ کوي.
کرکت بورد څرګنده کړې؛ دغه تړون د فایربرد سپورتي مدیریتي شرکت، چې د راروان نړیوال جام د افغانستان کرکت بورد همکار دی، لاسلیک شو. امول د لبنیاتو په برخه کې نوموتی هندي شرکت دی، چې له دې مخکې په ۲۰۱۹ ز. کال نړیوال جام سیالیو کې هم د افغان لوبډلې د مالي ملاتړي په توګه له افغانستان کرکت بورد سره همکار پاتې شوی دی.
د افغانستان کرکت بورد اجرائیوي رییس نصیب خان د دغه تړون له لاسلیکولو خوښي وښوده او څرګندوي: امول شرکت له دې مخکې هم د افغانستان کرکت بورد همکار پاتې شوی او خوښ یوو، چې د سږکال سترو سیالیو لپاره یې هم د مالي ملاتړي په توګه له ځان سره لرو. دا د افغانستان کرکت بورد او زمونږ د همکار، فایربرد سپورتي مدیریتي شرکت لپاره مثبت ګام دی او هیله من یوو، چې په راتلونکي کې هم له نورو شرکتونو سره دغه ډول تړونونه لاسلیک کړو.
دغه راز د یاد تړون په اړه د امول شرکت مدیر ښاغلي جیین مهتا ویلي: سپورت د امول شرکت لپاره له نوي نسل سره د یوځای کېدو یوه اړینه وسیله ده. شیدې د نړۍ اصلي انرژي لرونکي خواړه دي، چې ټول لوبغاړي یې کاروي. امول شرکت له افغانستان سره پخوانۍ اړیکه لري؛ خان عبدالغفار خان، چې په ګاندي هم مشهور و، په ۱۹۶۹ ز. کال کې له امول شرکت لیدنه کړې وه او له داکتر کورین سره یې هم لیدلي وه، چې په یاده لیدنه کې یې زمونږ د شرکت فعالیتونه هم ارزولي وه.
نوموړي ویلي؛ دغه راز په بېلابېلو وختونو کې له افغانستان څخه د شیدو تولیدونکیو څو پلاويو هم له امول شرکته لیدنه کړې ده. امول له تېرو دوه لسیزو راپدیخوا افغانستان ته پودري شیدې او د ماشومانو خواړه صادروي. مونږ ویاړو، چې د افغانستان کرکت ملي لوبډلې د مالي ملاتړ حقوق له ځان سره لرو او په راتلونکي نړیوال جام کې ورته د بریاوو هیله لرو.
د فایربرد سپورتي مدیریتي شرکت استازی سنیل منوچا هم د یاد تړون له لاسلیکولو خوښي څرګنده کړه او وایي: دا زمونږ لپاره د ویاړ ځای دی، چې د افغانستان کرکت بورد او امول شرکت ترمنځ د افغانستان کرکت ملي لوبډلې د مالي ملاتړ تړون په لاسلیکولو کې اړینه ونډه لرو. دا به نه یوازې دا، چې د افغانستان کرکت په ګټه وي، بلکې د دواړو هېوادونو ترمنځ به د اړیکو په ټینګښت او پراختیا کې هم ښه رول ولوبوي.
دا په داسې حال کې ده، چې د افغانستان کرکت ملي لوبډله د اړوند لوبو د ترسره کولو لپاره هند ته رسېدلې او هلته به د یادو سترو سیالیو لپاره خپلې روزنیزې لوبې لومړی له سویلي آفریقا او سریلانکا سره ترسره کړي او له هغه وروسته به د تلې پر ۱۵ / د اکتوبر پر اوومه نېټه په نړیوال جام کې خپله لومړۍ رسمي سیالۍ په درمشاله کرکت لوبغالي کې د بنګله دېش پر وړاندې ترسره کړي.
لوبی
افغانستان د ۲۰۲۳ کال اسیايي لوبو کې د برونزو مدال وګاټه

د هېواد د تکواندو د ملي لوبډلې لوبډلمشر محسن رضايي د یکشنبې پر ورځ په نیمه پایلوبه کې د جنوبي کوریا د جانګ جون له ماتې وروسته د برونزو مډال وګاټه.
رضايي په لومړي پړاو کې د نړۍ د اتل جانګ جون پر وړاندې ۷-۵ بریا خپله کړه؛ خو په دوهیم پړاو کې یې ۱۴-۱۲ ماتې وخوړه او د برونزو تاریخي او ارزښتناک مدال یې خپل کړ.
د راپورونو له مخې؛ د رضايي لاس د سیالیو په لومړي پړاو کې مات شو؛ خو بیا هم وتوانید، چې د سږ کال په لوبو کې د افغانستان لپاره لومړی ماال ثبت کړي.
د تکواندو فدراسیون چارواکو څرګنده کړې؛ افغانستان خپلو سیالانو( تاجکستان، جاپان، قزاقستان او جنوبي کوریا ) ته له ماتې ورکولو وروسته د برونز مدال وګاټه.
دغه رزاز د ورځې په پیل کې د افغانستان رګبي ملي لوبډلې په خپله وروستۍ لوبه کې ماتې وخوړه.
دې لوبډلې د نیپال لوبډلې له ماتولو وروسته بل پړاو ته لار پیدا کړه او له عربي متحده اماراتو سره مخ شوه. په هر حال دې لوبډلې له هڅو سره – سره ماته وخوړله.
د دوشنبې پر ورځ نورو افغانانو هم ښه چانس نهدرلود؛ لامبووهونکي فهیم انوري، چې په ۵۰ متره فری ستایل او ۱۰۰ متره بریستستروک کې یې برخه اخیستې وه؛ راتلونکو پړاوونو ته له رسېدو پاتې شو.
افغان سوکوهونکی محمد خیبر نورستانی هم د ۷۱ کیلو ګرامه وزن په برخه کې د خپل منګولیایي سیال پر وړاندې د مسابقې پر مهال د ټپ له کبله له لوبې ووت.
-
روغتيا5 days ago
په ټول افغانستان کې د ګوزڼ واکسین کمپاین پیل شو
-
لوبی5 days ago
چين د اسيايي لوبو په لومړۍ ورځ د سرو زرو مډالونه وګټل
-
سوداگري4 days ago
د نړیوالې ټولنې میلیاردونو دالرو مرستې د افغانیو په ارزښت ساتلو کې مرسته کړې – بلومبرګ
-
لوبی4 days ago
امول نومي هندي شرکت په نړیوال جام کې د ګډون لپاره د افغان لوبډلې د مالي ملاتړ ډاډ څرګند کړ
-
نړۍ5 days ago
په نایجریا کې وسلهوالو ۱۴ کسان وژلي او ۶۰ نور تښتولي
-
لوبی4 days ago
افغانستان د ۲۰۲۳ کال اسیايي لوبو کې د برونزو مدال وګاټه
-
تازه خبرونه3 days ago
TTP په افغانستان کې میشت ده او روزنیز کمپونه لري – د پاکستان لومړی وزیر
-
لوبی2 days ago
نوین الحق د کرکت له پنځوس اوریزو لوبو ګوښه شو