لوبی
د قطر فوتبال نړیوال جام د پیل وخت یوه ورځ رامخکې شو

ټاکل شوې وه، چې د فوتبال ۲۰۲۲ کال نړیوال جام د غوراوي سیالۍ د هالیند او سینیګال تر منځ پیل شي؛ خو اوس فیفا پرېکړه کړې، چې د تېرو ۴ پړاوونو په څېر به دا سیالۍ د کوربه هېواد قطر او اکوادور د لوبډلو ترمنځ یوه ورځ مخې تر سره شي.
دا بدلون د فیفا د مشر جاني انفانتینو او د فوتبال د ۶ لویو کنفدراسیونونو د مشرانو تر منځ له غونډې وروسته رامنځته شو.
فیفا څرګنده کړې، چې دا بدلون د ټولو حاضرو کسانو د رایو له مخې رامنځته شو. د سیالیو د پرانیستې په مهالوېش کې دا بدلون په داسې حال کې رامنځته شوې، چې د دې سیالیو د تکتونو پلور دمخه پیل شوی دی.
دغه بدلون د فوتبال د مینه والو سفري پلانونه غېزمنولی شي.
ویل کیږي، چې دا بدلون د قطریانو او د سویلي امریکا د فوټبال کنفدراسیون کنمبول پر فشار رامنځته شوی دی.
په دې توګه به د نوامبر پر ۲۰ مه نېټه په ۶۰ زره کسیز لوبغالي کې کوربه هېواد له اکوادور سره مخ شي.
دغه راز د هالیند او سینیګال لوبډلو تر منځ وخت هم ۶ ساعته وځنډول شو او د نومبر پر ۲۱ مه نېټه له غرمې وروسته ۷ بجې ترسره شي.
دغه راز د فوتبال نړيوال جام رسمي پاڼې د دغه سيالۍ له پيل څخه سل ورځې مخکې د فوتبال د نړۍ د سل ستوریو له انځور سره يو پوستر خپور کړ، چې په کې د ايران د ملي لوبډلې له لوري مهدي طارمي، سردار آزمون او عليرضا جهانبخش برخوال دي.
د پوره معلوماتو لپاره دا ځای کېکاږئ
لوبی
له ۱۹ کلنو ټیټ عمره ملي لوبډلې اماراتو ته ماتې ورکړه
په دې لوبه کې افغانستان د ۵۰ اورونو په پای کې یوازې ۴ لوبغاړي پر له لاسه ورکولو ۳۵۹ منډې جوړې کړې.

د افغانستان له ۱۹ کلنو ټیټ عمره کرکټ ملي لوبډلې نن (چارشنبه) متحده عربي اماراتو ته د ۱۸۰ منډو پر توپیر ماتې ورکړه او د آسیا له ۱۹ کلنو ټیټ عمره کرکټ نړیوال جام د غوراوي په سیالیو کې یې خپله د نه ماتې لړۍ خوندي کړه.
په دې لوبه کې افغانستان د ۵۰ اورونو په پای کې یوازې ۴ لوبغاړي پر له لاسه ورکولو ۳۵۹ منډې جوړې کړې.
دا د سیمې په غوراوي سیالیو کې د افغانستان درېیمه بریا ده.
له دې مخکې افغانستان هانګ کانګ او عمان ته پر ۸ ویکټو ماتې ورکړې ده.
ټاکل شوې، چې د هېواد له ۱۹ کلنو ټیټ عمره ملي لوبډله د شنبې پر ورځ (د اپریل نولسمه) د کوربه لوبډلې نیپال سره مخ شي. دا به د ګروپي پړاو وروستۍ لوبه وي.
د وروستۍ لوبې ګټونکی به ډېر احتمال ولري، چې د ۲۰۲۶ کال له ۱۹ کلنو په ټیټ عمره کرکټ نړیوال جام کې خبله ونډه خوندي کړي.
لوبی
د افغانستان الف کرکټ لوبډلې په ټسټ لوبه کې ایرلینډ ته ماتې ورکړه
د متحده عربي اماراتو په دې څلور ورځنۍ لوبه کې، چې نن (پنجشنبه) پای ته ورسېده؛ افغان لوبډلې په خپله لومړۍ پاڼۍ کې ۶۱۲ منډې جوړې کړې، چې په ځواب کې یې سیالې ایرلینډ لوبډلې په خپله لومړۍ پاڼۍ کې ۳۰۹ او په دوهیمه هغې کې یوازې ۱۰۹ مندې جوړې کړې او د یوې پاڼۍ او ۱۹۴ منډو پر توپیر یې دا لوبه افغان لوبډلې ته وبایلله.

د افغانستان الف کرکټ لوبډلې د ایرلینډ الف کرکټ لوبډلې ته د یوې پاڼۍ او ۱۹۴ منډو پر توپیر ماتې ورکړه.
د متحده عربي اماراتو په دې څلور ورځنۍ لوبه کې، چې نن (پنجشنبه) پای ته ورسېده؛ افغان لوبډلې په خپله لومړۍ پاڼۍ کې ۶۱۲ منډې جوړې کړې، چې په ځواب کې یې سیالې ایرلینډ لوبډلې په خپله لومړۍ پاڼۍ کې ۳۰۹ او په دوهیمه هغې کې یوازې ۱۰۹ مندې جوړې کړې او د یوې پاڼۍ او ۱۹۴ منډو پر توپیر یې دا لوبه افغان لوبډلې ته وبایلله.
په ابوظبي کې د پچې له ګټلو وروسته افغان لوبدلې لومړی د توپوهنې پرېکړه وکړه. د افغانستان الف لوبډلې په خپلې لومړۍ پاڼۍ کې د اوووه ویکټو پر زیان سره ۶۱۲ منډې جوړې کړې.
بهیر شاه ۱۸۷، ریاض حسن ۹۴، عمران ۸۵، شمس الرحمن ۸۴، افسر ځاځي ۵۵ او دروېش رسولي ۵۳ مهم ونډه وال ول.
په دې لوبه کې عرب ګل مومند د لوبې غوره لوبغاړی ونومول شو.
دې تکړه ښي لاسي ورو توپ اچوونکي عرب ګل مومند د ایرلینډ پر وړاندې د یوازنۍ څلور ورځنۍ لوبې په دواړو پاڼیو کې غوره توپ اچونه وکړه او لس ویکټې یې ترلاسه کړې.
نوموړي د لوبې په لومړۍ پاڼۍ کې څلور او د لوبې په وروستۍ پاڼۍ کې ۶ ویکټې ترلاسه کړې، چې پرمټ یې د لوبې غوره لوبغاړی ونومول شو.
ضیا الرحمن هم پنېځه ویکټې واخیستې.
لوبی
د افغانستان له ۱۹ کلنو ټیټ عمره کرکټ لوبډلې د نیپال پر وړاندې د ۵۰ آوریزو لوبو لړۍ وګټله
دا لوبه، چې په مولپاني کرکټ لوبغالي کې ترسره شوه؛ نیپال لومړی بیټینګ وکړ او په ۴۴.۵ آورونو کې یې د ۱۹۱ منډو پر جوړولو ټول لوبغاړي وسوځېدل.

د هېواد له ۱۹ کلنو ټیټ عمره کرکټ ملي لوبډلې د چارشنبې پر ورځ د پنځوس آوریزو سیالیو په وروستۍ لوبه کې له نیپال څخه ماتې وخوړه؛ خو د لومړۍ او دوهیمې لوبې د ګټلو له کبله یې دا لړۍ وګټله.
دا لوبه، چې په مولپاني کرکټ لوبغالي کې ترسره شوه؛ نیپال لومړی بیټینګ وکړ او په ۴۴.۵ آورونو کې یې د ۱۹۱ منډو پر جوړولو ټول لوبغاړي وسوځېدل.
په ځواب کې افغانستان په ۲۰.۱ آورونو کې د شپږو لوبغاړو پر سوځېدو ۴۶ منډې جوړې کړې وې، چې لوبه د باران له کبله ودرول شوه. کله، چې وضعیت نور هم خراب شو؛ نو لوبڅارونکو د پایلې ټاکلو لپاره د DLS میټود څخه کار واخیست، چې له مخې یې نیپال د ۸۵ منډو پر توپیر د لوبې ګټونکی اعلان شو.
تېره اوونۍ د دې لوبلړ په لومړۍ لوبه کې افغانستان نیپال ته د ۱۳۰ منډو پر توپیر ماتې ورکړې وه.
په دوهیمه لوبه کې، چې د دې اوونۍ د یکشنبې پر ورځ ترسره شوه؛ افغانستان نیپال ته د یوې منډې پر توپیر ماتې ورکړې وه.
-
تازه خبرونه1 day ago
اروپايي ټولنې د کډوالو د ایستلو لپاره د خوندي هېوادونو نوملړ اعلان کړ
-
نړۍ4 days ago
اروپايي ټولنه د فلسطین له ادارې سره مالي ملاتړ زیاتوي
-
تازه خبرونه4 days ago
په تورخم کې راستنېدونکو ته منظم، چټک او معیاري خدمتونه وړاندې کېږي
-
سیمه ییز خبرونه1 day ago
ټرمپ د ایران پر اټومي تاسیساتو د اسرائیلو د پلان شوي برید مخه ونیوله
-
تازه خبرونه2 days ago
د پاکستان ځانګړی استازی کابل ته راغی
-
تازه خبرونه4 days ago
د افغانستان او ازبکستان د کرنې په سکټور کې به همکاري پراخه شي
-
تازه خبرونه1 day ago
اسلامآباد له بل څه ناراضه دی خو له افغان کډوالو غچ اخلي – مولانا فضل الرحمن
-
سیمه ییز خبرونه2 days ago
د بل اړخ په اړه ډېر خوشبین نهیم – آیتالله خامنهیي