Connect with us

روغتيا

د ماشومانو د تور زیړي ۶۵۰ احتمالي پېښې ثبت شوي

Published

 on

(Last Updated On: غبرګولى ۸, ۱۴۰۱)

د روغتیا نړیوالې ټولنې یا ډبلیو اچ او د جمعې پر ورځ ویلي؛ دوی په ماشومانو کې د تورزیړي د ۶۵۰ احتمالي حادو پېښو راپور ترلاسه کړی، چې لاملونه یې ناڅرګند او تر څېړنې لاندې دي.

د یاد بنسټ د څېړنو له مخې، د غبرګولي تر ۵ / د می تر ۲۶ پورې له ۳۳ هېوادونو څخه ډبلیو اچ او ته د ۶۵۰ احتمالي پېښو راپور راغلي، چې د ۹۹ نورې هغه تر درجې ټاکلو لاندې دي.

په ټوله نړۍ کې روغتیایي چارواکي په تنکیو ماشومانو کې د تورزیړي او د یېنې پړسوب د شکمنو ناروغیو پلټنه کوي، چې تر دې دمه ترې لږ تر لږه ۹ مړینې رامنځته شوې دي.

د امریکا روغتیایي چارواکو تېره اوونۍ ویلي وه، چې آډنوویرس انفیکشن د ماشومتوب یو عام ویروس دی، چې په کې د تورزیړي ناڅرګنده فرضیه بې لامله پاتې شوې ده.

غه تورزیړی، چې د آډنو ویروس له دې بڼې سره تړاو لري؛ په ځانګړي توګه له خوارو ماشومانو سره تړاو لري.

د امریکا د ناروغیو د څار او مخنیوي مرکز دا هم ویلي؛ څېړنې روانې دي، چې آیا د کرونا ویروس په ګډون نورې ویروسي ناروغۍ به د دغې رامنځته شوې ناروغۍ اغېز ولري او که نه.

بلخ @ps

د بلخ په مرکزي روغتون کې د کانګو ناروغۍ له کبله دوه کسان مړه شول

Published

on

(Last Updated On: غبرګولى ۷, ۱۴۰۲)

 د بلخ ولایت روغتیايي مسوولین وايي، له تېرې یوې اوونۍ راپدیخوا په دې ولایت کې د کانګو پر ناروغۍ دوه کسان مړه شوي دي.

د بلخ د عامې روغتیا رییس په خلکو کې د دغې ناروغۍ د خپرېدو په اړه د اندېښنې پر څرګندولو ويلي، چې په تېره یوه اوونۍ کې د دغې ناروغۍ لس مثبتې پېښې ثبت شوې دي.

د دې ولایت د عامې روغتیا رییس نجيب الله توانا د کانګو تبې پر وړاندې د همغږۍ په غونډه کې وويل، چې تر اوسه په‌دې ناروغۍ دوه کسان مړه شوي دي.

د بلخ ولایت د پېنځه سوه بستریز روغتون رییس داکتر نبی الله امیري ویلي؛ دغه ناروغي خطرناکه او وژونکې ده او له هېوادوالو یې غوښتي، چې له څارویو سره له اړیکو ډډه وکړي.

دغه راز د بلخ سیمه‌ییزو چارواکو له رسنیو او د دغه ولایت د حج او اوقافو له ریاست څخه غوښتي، چې له عامې روغتیا ریاست سره دې د خبرتیا په برخه کې مرسته او همکاري وکړي.

د بلخ ولایت د کورنیو غړي، چې خپلوان یې په‌دې ناروغۍ اخته شوي، له نورو ښاریانو غوښتنه کوي، چې د داکترانو لارښوونې دې جدي ونیسي.

د بلخ ولایت د اطلاعاتو او فرهنګ ریيس مولوي ذبيح الله نوراني له رسنيو وغوښتل، چې د دغې ناروغۍ د مخنيوي په اړه خلکو ته معلومات ورکړي، چې د دغې وژونکې ناروغۍ له زيانونو ځانونه خبر کړي.

د بلخ د عامې روغتیا ریاست چارواکي د کانګو تبې د خپرېدو په اړه اندېښنه څرګندوي او وايي، د لوی اختر له رارسېدو سره به د څارویو د پیر او پلور په بازارونو کې نوره ګڼه ګوڼه هم پیدا شي.

Continue Reading

روغتيا

د افغانستان د روغتیايي خدمتونو لپاره نږدې ۵۰۰ میلیون دالرو ته اړتیا ده – اوچا

Published

on

(Last Updated On: غبرګولى ۴, ۱۴۰۲)

د ملګرو ملتونو د بشري چارو د همغږۍ دفتر (اوچا) څرګنده کړې؛ په افغانستان کې سږ کال د روغتیايي خدمتونو د وړاندې کولو لپاره شاوخوا ۵۰۰ میلیون دالرو ته اړتیا ده.

دغې ادارې د پنجشنبې پر ورځ ( د غبرګولي څلورمه ) په ډاګه کړې، چې څو بېلابېلو پېښو د افغانستان روغتیايي اړتیاوې رامنځته کړې دي.

د ملګروملتونو دغې ادارې ټینګار کړی، چې د ژوند ژغورونکیو روغتیايي خدمتونو په برخه کې د پانګونې کمښت به په دغه هېواد کې د ډېرو زیانمنونکیو کسانو د مړینې د زیاتېدو سبب شي.

اوچا لیکلي؛ سږ کال ۱۵ اعشاریه ۶ میلیون خلکو ته د روغتیا پاملرنې د وړاندې کولو او مرستې رسولو لپاره ۴۴۹ اعشاریه ۹ میلیون دالرو ته اړتیا ده.

د دغې ادارې د اټکل له مخې؛ په افغانستان کې د هغو کسانو شمېر، چې روغتیايي خدمتونو ته اړتیا لري ۱۷ اعشاریه ۶ میلیون کسانو ته رسېږي.

په همدې حال کې د روغتیا نړیوالې ټولنې له دې مخکې ویلي وه، چې افغانستان په آسیا کې د میندو د مړینې تر ټولو لوړه کچه لري، چې په هرو سل زره زیږونونو کې ۶۳۸ مړینې رامنځته شوې دي.

Continue Reading

روغتيا

اروپايي ټولنې له افغانستان سره د ۹۸ ټنو درملو او طبي توکو مرسته وکړه

Published

on

(Last Updated On: غبرګولى ۴, ۱۴۰۲)

په افغانستان کې د اروپايي ټولنې سیاسي استزولۍ څرګنده کړې، چې له افغانستان سره یې د ۹۸ ټنو درملو او طبي توکي مرسته کړې ده.

په افغانستان کې د اروپايي ټولنې د سياسي استازي مرستيالې رافيلا لوديک د چارشنبې پر ورځ ( د غبرګولي درېيمه) تویت کړی، چې دغه اندازه درمل او طبي وسايل د اروپايي ټولنې د بشري مرستو د هوايي پله له لارې افغانستان ته رالېږدول شوي دي.

میرمن لودیک څرګنده کړې، چې نن نږدې سل ټنه طبي توکي او درمل د اروپايي ټولنې د بشردوستانه هوايي پل له لارې افغانستان ته راورسېدل.

هغه زیاته کړې، چې د مرستې دا لېږد له افغانستان سره د اروپايي ټولنې د بشري مرستو یوه روښانه بېلګه ده. اروپايي ټولنه د افغانستان له خلکو سره خپلې مرستې روانې ساتي.

په ورته وخت کې د اروپايي ټولنې د ملکي وګړیو د خوندیتوب او بشري مرستو دفتر هم اعلان کړی، چې له ۲۰۲۱ ز.کال څخه تر دې دمه افغانستان ته د هوايي پله له لارې ۲۸ کارګو الوتنې شوي دي.

ویل کیږي، چې دا مرستې په افغانستان کې له اړمنو خلکو سره د اروپايي ټولنې د ژمنتیا څرګندونه کوي.

Continue Reading

Trending

Copyright © 2022 Ariana News. All rights reserved!