Connect with us

تازه خبرونه

د ماشومانو د دماغ پر وده او پراختیا د یوې ۷ کلنې نجلۍ وینا، رسنیزه شوه

Published

 on

(Last Updated On: زمری ۱۷, ۱۴۰۰)

په ټډ ټاک پروژه کې د یوې اووه کلنې آسټرالیایي نجلۍ بې سارې وینا، چې ټاکل شوې د نړۍ په ګوټ ګوټ کې د ماشومانو د دماغي ودې او پراختیا په اړه د پالونکیو او والدینو د روزنې لیدلوری بدل کړي؛ رسنیزه شوې ده.

په دې وینا کې ځوانانو ته سپارښتنه شوې، چې له ماشومانو سره څه راز چلند وکړي.

د نړۍ په تاریخ کې پر لومړي ځل یوې آسټرالیایي اووه کلنې نجلۍ مولي رایټ د ماشومانو د روزنې او پالنې د سپارښتنو په اړه مور او پلار او پالونکیو ته بې سارې وینا وکړه.

د سترو نندارتونونو او فلمی تولیداتو مشر مایکل ګریسي په دې اړه ویلي؛ دې اووه کلنې ماشومې د ژوند بدلولو ساده لار ښیي، چې مونږ ټول یې د ماشومانو په وده کې د مرسته کولو لپاره کارولی شو.

د افغانستان په روغتیایي مرکزونو کې به د مولي وینا د بیات بنیاد لخوا میندو او پلرونو ته تشریح شي.

په آسټرالیا کې دا څرګندونې د رامسي روغتیایي مرکز لخوا په ډاګه کیږي.

د مینډرو فونډیشن مشرې نیکولا فارسټ ویلي: دغه پروژه ماشومانو ته ډاډ ورکوي، چې په هره سیمه کې زېږېدلي وي؛ د پرمختګ مساوي حقونه  لري.

فارسټ په دې زیاته کړې؛ مونږ باور لرو، چې هر ماشوم کولی شي او باید وکولی شي.

ساینس پوهان وايي، چې د ماشوم د دماغ حجم تر پېنځه کلنۍ پورې ۹۰ سلنه وده کوي.

د مینډرو فاونډیشن مشرې زیاته کې: مولي دغه نړیوال حقیقت په خورا غوره لارښوونه لېږدوي. دا د ماشوم د نن او راتلونکي ژوندانه د بدلون لپاره یو ډېر اړین پړاو دی.

په دې اړه هغې زیاته کړې؛ مونږ غواړو له والدینو سره د ماشومانو په بریالي کېدو او پوهېدنې کې مرسته وکړو.

د ټډتاک پروژې مشر ویلي، چې د مولي پیغام به په ټوله نړۍ کې خپور شي.

هغه په دې اړه ویلي: زه په رښتیا دا وینا خوښوم؛ دا یو لړ اندونه دي، چې له هرې خوا راټول شوي او یوې ماشومې پرې هر اړخیزه وینا کړې ده. حیرانوونکې ده او ډېر لیدونکي به راجلب کړي.

د لومړنۍ آزموینې له مخې؛ د والدینو، پالونکیو، روغتیايي څانګوالو، په آسترالیا کې د ماشومانو د روغتیايي څانګې مشر پروفیسور دزیره سلوا، د بیات بنسټ مشرې مریم بیات او اجرائیه مشر جاسټین ګراهام

(M&C Saatchi AUNZ)  هم خپل مثبت نظریات ورکړل.

نیکولا فورست څرګنده کړې؛ د مولي خبرې  پر لوبو کولو، وینا کولو، روغتیایي کور او ټولنې راڅرخېدلي ، چې د ماشومتوب په لومړیو پېنځه کلونو کې باید ترسره شي. د نوموړي پر اند دا هر څه د دماغ پر ودې او د ماشومانو پر ژوند اغېزه لري.

دغه راز زیاتوي؛ دا معلومات نه یوازې والدینو او پالونکیو ته، بلکې د نړۍ مشرانو ته هم  وړاندې کیږي.

په آسټرالیا کې د ماشومانو د روغتیایي مرکز مشر پروفیسوره دزیره سلوا ویلي؛ مونږ فرصت لرو، چې دا فلم د زیږنتون د برخې ناروغانو ته وړاندې کړو او دا به ښه وي که د والدینو مرکز ترې برخمن شي.

دزیرا سلوا زیاته کړې: له پېنځه کلنو ماشومانو سره د لوبو او چلند څرنګوالی د هغو د دماغ د ودې او ژوندانه  لپاره ډېر اړین دی.

سلوا وایي، چې والدین دغه ویډیو زړه راکښونکې او ښوونیزه بولي.

هغې ویلي؛ د مولي وینا کولی شي په نړیواله کچه د ماشومانو روغتیایي وړتیا لوړه او پراخه کړي.

د بیات بنیاد مشرې مریم بیات په ډاګه کړې: بیات بنیاد د خپل کار له پیله د میندو او ماشومانو روغتیا ته پاملرنه کړې او د ماشومتوب پېر او پړاو ته یې لومړیتوب ورکړی دی. په افغانستان کې به له مینډرو بنسټ سره د مولي د وینا په اړه، چې ښوونیز او روزنیز اړخونه لري؛ همکاري رامنځته کړې، چې دا یو ځانګړی امتیاز او په هېواد کې یوه اړینه اړتیا ده.

مریم بیات زیاته کړې: د ژوندانه په لومړنیو کلونو کې د مور او ماشوم د مثبت او دوه اړخیزه عمل په اړه د مولي د خبرو اترو او اړینو درسونو وړاندې کول؛ د افغانستان له میندو، پلرونو او کورنیو سره په انتقادي فکر، ولولیزې پوهې او د ستونزې د حل مهارتونو رامنځته کولو کې مرسته کوي.

مریم بیات ويلي، چې د مولي دا وینا به په افغانستان کې د زرګونه ماشومانو د ودې او پراختیا لپاره ډېره ګتوره شي.

هغه وایي: مونږ ډاډه یو، چې په افغانستان کې به د مولي دغه وینا په زرګونه افغان مولي راپیدا کړي؛ دوی به تکړه، ډاډمن، زړه سوانده، مثبت او د ولولو له مخې د هېواد راتلونکي ډاکټران، پروفیسران، حقوقدانان، مشران او د افغانستان یوه ستره زیرمه شي، چې د افغان ـ آسترالیا  په زړه پورې خیریه اغېزې به رامنځته کړي. د دې وینا له برکته زمونږ ماشومان کولی شي په نږدې او منځنۍ موده کې پر ننګونو بریالي شي.

اجرائیوي مشر جوسټین ګراهام (M&C Saatchi AUNZ) ویلي؛ زه ویاړم، چې په آسترالیا کې د مادرینو له بریالي شرکت سره همکار یم.

هغه په دې اړه ویلي؛ مادرینو یوه ټولنه ده، چې نړیوال بدلون رامنځته کوي او مونږ خوښ یو، چې ورسره ونډه واخلو او د تخلیقي فکر کولو له لارې به مو خوبونه رښتیني او پلي شي.

تازه خبرونه

په کندهار کې د عالمانو، مخورو او چارواکو ګډه غونډه جوړه شوه

Published

on

(Last Updated On: زمری ۲۸, ۱۴۰۱)

د پنجشنبې پر ورځ په کندهار کې شاوخوا ۳۰۰۰ دیني عالمان، دولتي چارواکي، قومي مخور او د مدني ټولنو غړي د یوې پراخې ولسي غونډې برخوال شول.

په دې ولسي غونډه کې د افغانستان اسلامي امارت مشرتابه ملا هبة الله آخوندزاده هم ګډون او وینا کړې؛ خو رسنۍ د آخوندزاده د وینا ثبتولو یا فلم کولو څخه منع شوي دي.

د بهرنیو چارو وزارت سرپرست امیر خان متقي پدې غونډه کې ویلي، چې د افغانستان اسلامي امارت له نړۍ سره ښې اړیکې غواړي؛ خو بهرنۍ ټولنې باید دا تمه ونلري، چې له ۲۰ کلنې جګړې وروسته دې اړیکې سمدستي عادي شي.

متقي ویلي، په داسې حال کې، چې اسلامي امارت له نړیوالې ټولنې سره ښې اړیکې غواړي او له نړۍ هیله لري، چې افغانان پرېږدي، چې د خپلو عقایدو او دودونو له مخې ژوند وکړي.

هغه دا هم وويل، چې دوى د سيمې له هېوادونو سره د سوداګريزو اړيکو په ټينګولو کې ډېرې لاسته راوړنې لري او دا مهال د افغان سوداګرو پر مخ پولې خلاصې دي او اوس خپل توکي صادروي.

دغه راز د بهرنیو چارو وزارت چارسمبالي ټینګار کړی، چې د افغانستان د اشغال د پای ه رسولو او په افغانستان کې د اسلامي نظام د رامنځته کولو لپاره بې شمېره قربانۍ ورکړي دي.

هېوادوال هیله من دي، چې د دې غونډې یوه پایله به له شپږم ټولګي څخه پورته د نجونو لپاره د ښوونځیو د بیا پرانیستلو پرېکړه وي.؛ خو دا اوس هم څرګنده نده، چې په دې غونډه کې به پر دې موضوع بحث شوی او  که نه!

دا په څو میاشتو کې دوه یمه دا لویه غونډه ده؛ لومړی یې دوه میاشتې مخکې د کابل د لویې جرګې په تالار کې ترسره شوې ده.

Continue Reading

تازه خبرونه

په کابل کې پرونۍ چاودنې ۵۴ کسانو ته مرګ و ژوبله اړولې

Published

on

(Last Updated On: زمری ۲۷, ۱۴۰۱)

د کابل ښار امنیه قومندانې څرګنده کړې، چې پرون ماښام د اووه لسمې امنیتي حوزې اړوند په یو جومات کې د لمانځه پر مهال د چاودنې له کبله ۲۱ هېوادوال وژل شوي او ۳۳ نور ټپیان دي.

د چاودنې مسوولیت سمدستي چا پر غاړه ندی اخیستی؛ خو په کابل کې د ډېرو چاودنو او بریدونو پړه داعش ډلې منلې ده.

د افغانستان اسلامي امارت د امنیت ټینګولو ډاډ ورکوي او وایي، چې د تېر حکومت له نسکورېدو وروسته په ټولیز ډول تاوتریخوالی کم شوی دی.

رویترز د ایمرجنسي روغتون د یو ایتالیاوي نادولتي بنسټ د څرګندونو له مخې، چې د جګړې د قربانیانو په درملنه کې تخصص لري؛ څرګنده کړې، چې دوی ته د پېنځه ماشومانو په ګډون ۲۷ کسان د درملنې لپاره ورلېږدول شوي دي.

Continue Reading

تازه خبرونه

له افغانستان څخه د امریکايي ځواکونو وتل ستراتیژیکه ناکامي نومول شوې

Published

on

(Last Updated On: زمری ۲۷, ۱۴۰۱)

د امریکا د ولسي جرګې د بهرنیو اړیکو جرګه ګۍ له افغانستان څخه د امریکايي ځواکونو وتل یوه ستراتیژیکه ناکامي ونوموله.

د امریکا د ولسي جرګې د بهرنیو اړیکو د جرګه ګۍ جمهوريت غوښتونکیو غړیو یو راپور خپور کړی او له افغانستان څخه یې د امریکا وتل یوه ستراتیژیکه ناکامي بللې.

د امریکا د ولسي جرګې د بهرنیو اړیکو د جرګه ګۍ مایکل مک‌کال پدې باور دي، چې له افغانستان څخه د امریکا وتل د چین، روسیې او ایران  په ګډون د امریکا دښمنان ډېر زړور کړل.

په دې راپور کې ویل شوي، چې د دوحې تړون ولسمشر بایډن دې ته اړ نکړ، چې له افغانستان څخه ووځي، بلکې هغه د خپلو جګپوړیو پوځي سلاکارانو، استخباراتي ټولنې او د امریکا د متحدینو مشورې بابیزه وګڼلې.

په دې راپور کې راغلي، چې د بایډن ادارې د خپلو پوځي سلاکارانو د مشورو پر خلاف له افغانستان څخه بې قید او شرطه وتل غوره کړل. که څه هم د بایډن اداره وايي، چې د دوحې تړون عملي شوی دی.

د امریکا د ولسي جرګې د بهرنیو اړیکو د کمیټې د راپور په یوه برخه کې راغلي: د دوحې تړون ولسمشر بایدن دې ته اړ نکړ، چې له افغانستان څخه ووځي؛ بلکې هغه د خپلو جګپوړیو پوځي سلاکارانو، استخباراتي ټولنې او د امریکا د متحدینو د مشورو پر خلاف دا کار وکړ.

راپور زیاتوي؛ د دوحې هوکړه د شرطونو پر بنسټ شوې، چې تر اوسه دغه شرطونه پوره شوي ندي.

د امریکا د ولسي جرګې د بهرنیو اړیکو په جرګه ګۍ کې جمهوريت غوښتونکیو د بایدن د سلاکارانو د څرګندونو له مخې اعتراف کړی، چې حتی که د دوحې تړون هم نه وای، له افغانستان څخه به یې خپل ځواکونه ایستل.

په راپور کې راغلي؛ د ناتو لویو متحدینو، د بریتانیا او جرمني په ګډون د بایدن له حکومته په کلکه غوښتي وه، چې له افغانستان څخه دې خپل پوځیان له قید او شرط پرته نه وباسي.

دې راپور د امریکا د دفاع وزارت، د استخباراتو او د بریتانیا د استخباراتو د ادارو په حواله لیکلي، چې له افغانستان څخه وتل یوازې د امریکا د دښمنانو په ګټه ول.

د دغه راپور په یوه برخه کې راغلي، چې په ایران کې د پام وړ شمېر افغان ځانګړیو ځواکونو پناه اخیستې ده.

د امریکا د ولسي جرګې د بهرنیو اړیکو د کمیټې د راپور له مخې؛ تر اوسه پورې، د بایدن ادارې له ځانګړیو ځواکونو سره د معاملې کوم پلان نه درلود. که د ایران، روسیې یا چین لخوا ونیول شي؛ نو دوی د امریکا ملي امنیت ته جدي ګواښ پېښولی شي.

د دغه راپور د څرګندونو له مخې؛ افغان ځانګړي ځواکونه د امریکا لخوا روزل شوي او نه یوازې د امریکا د پوځ پر تکتیکونو پوهیږي، بلکې پدې هم پوهیږي، چې دغه لوړپوړي پوځي چارواکي څوک دي.

دا په داسې حال کې ده، چې د امریکایي او ناتو ځواکونو په شتون کې د اسلامي امارت ځواکونو د هېواد ټولې سیمې په ۱۱ ورځو کې ونیولې او د کابل حکومت یې نسکور کړ.

Continue Reading

Trending

Copyright © 2022 Ariana News. All rights reserved!