Connect with us

تازه خبرونه

د ملګرو ملتونو امنیت شورا د کابل په یوه رسټورانټ کې چاودنه وغندله

د امنیت شورا په خبرپاڼه کې دا برید «یو ناوړه ترهګریز عمل» ګڼل شوی، چې د دوشنبې پر ورځ د مرغومي پر نهه‌ویشتمه د کابل د مرکزي سوداګریزې سیمې شهرنو په یوه رسټورانټ کې ترسره شوی دی.

خپور شوی

د

د ملګرو ملتونو امنیت شورا د چارشنبې پر ورځ هغه برید وغانده، چې د افغانستان په پلازمېنه کابل کې پر یوه رسټورانټ شوی، چې له کبله یې د یوه چینایي په ګدون اووه کسانو خپل ژوند له لاسه ورکړ او څو نور ټپیان شول.

د امنیت شورا په خبرپاڼه کې دا برید «یو ناوړه ترهګریز عمل» ګڼل شوی، چې د دوشنبې پر ورځ د مرغومي پر نهه‌ویشتمه د کابل د مرکزي سوداګریزې سیمې شهرنو په یوه رسټورانټ کې ترسره شوی دی.

د دې برید پړه داعش خراسان ډلې منلی، چې له کبله یې شپږ افغان وګړي او یو چینایي ووژل شول او یو شمېر نور کسان د یوه ماشوم په ګډون ټپیان دي.

امنیت شورا د افغانستان او چین له خلکو او حکومتونو سره خپله ژوره خواخوږي څرګنده کړې؛ د قربانیانو له کورنیو سره یې خواشیني شریکه کړه او ټپیانو ته یې د چټک او بشپړې رغېدا هیله وکړه.

امنیت شورا خپل پخوانی دریځ  بیا تکرار کړ او څرګندوي، چې ترهګري په خپلو ټولو بڼو کې اوس هم د افغانستان او نړۍ سولې او امنیت ته ګواښ دی.

دې شورا ټینګار کړی، چې د ترهګریزو کړنو ټول مسوولان؛ عاملین، تنظیموونکي، تمویلوونکي او ملاتړ کوونکي باید له پېژندلو وروسته د عدالت منګولو ته وسپارل شي.

د دې شورا په خبرپانه کې له ټولو هېوادونو وغوښتل شول، چې د نړیوالو قوانینو او د ملګرو ملتونو د امنیت شورا له پرېکړه‌لیکونو سره سم د ترهګرۍ پر وړاندې له اړوند چارواکو سره همکاري وکړي.

د شورا غړو یو ځل بیا ټینګار وکړ، چې د ترهګرۍ ټول اعمال جنایي او د توجیې وړ ندي. که هر ډول انګېزه یا شرایط ولري. دې شورا د ملګرو ملتونو د منشور، نړیوالو قوانینو، د کډوالو نړیوال قانون او نړیوال بشردوستانه قانون پر بنسټ د نړیوالې سولې او امنیت د ګواښونو د مخنیوي پر اهمیت ټینګار وکړ.

د افغان چارواکو د څرګندونو له مخې؛ دا چاودنه د کابل په یوه چینایي رسټورانټ کې شوې ده. د پولیسو ویاند خالد ځدراڼ ویلي، چې دا چاودنه پر ځايي وخت شاوخوا د مازدیګر پر درې بجو رامنځته شوې او د پېښې د لاملونو په اړه څېړنې اوس هم روانې دي.

تازه خبرونه

چین او قطر د افغانستان د وروستیو بدلونونو په اړه خبرې کړې دي

د قطر بهرنیو چارو وزارت د خبرپاڼې له مخې؛ دا لیدنه د هغو ګډو نړیوالو هڅو د پیاوړتیا پر لارو چارو راوڅرخېده، چې موخه یې په افغانستان کې د امنیت او ثبات ښه کول دي.

Published

on

د افغانستان په چارو کې د چین ځانګړي استازي یو شیائویونګ د خپل سفر پر مهال د قطر د بهرنیو چارو وزارت د دولت له وزیر محمد بن عبدالعزیز بن صالح الخلیفي سره ولیدل او دواړو لوریو د افغانستان پر وروستیو بدلونونو بحث او خبرې وکړې.

د قطر بهرنیو چارو وزارت د خبرپاڼې له مخې؛ دا لیدنه د هغو ګډو نړیوالو هڅو د پیاوړتیا پر لارو چارو راوڅرخېده، چې موخه یې په افغانستان کې د امنیت او ثبات ښه کول دي.

په دې لیدنه کې الخلیفي ټینګار کړی، چې قطر د شخړو د سوله‌ییزو حل لارو ملاتړ کوي او په سیمه او نړۍ کې د سولې او ثبات د پیاوړتیا هڅې هڅوي.

قطر په وروستیو کلونو کې د افغانستان په چارو کې فعاله ډیپلوماټیکه ونډه لرلې، چې په کې د افغان چارواکو او بهرنیو هېوادونو د استازو په ګډون د خبرو اترو کوربه‌توب هم رانغاړي.

Continue Reading

تازه خبرونه

له اسلامي امارت سره د «بشپړې ملګرتیا» د رامنځته کولو په حال یوو – روسیه

Published

on

د روسیې یوه لوړپوړي امنیتي چارواکي ویلي؛ مسکو له اسلامي امارت سره د «بشپړې ملګرتیا» د رامنځته کولو په حال کې دی او د سیمې له نورو هېوادونو غواړي، چې له کابل سره خپلې همکارۍ پراخې کړي.

د اینټرفاکس خبري آژانس د راپور له مخې؛ د روسیې د امنیت شورا منشي سرګې شویګو په قرغزستان کې د شانګهای همکاریو ټولنې ناستې ته ټینګار کړی، چې مسکو له کابل سره همکاري د سیمه‌ییز امنیت او پرمختګ لپاره مهمه ګڼي.

شویګو زیاته کړې؛ روسیه د اسلامي امارت له چارواکو سره «عمل‌پاله خبرې اترې» لري، چې د امنیت، سوداګرۍ، کلتوري تبادلو او بشري مرستو برخې رانغاړي.

هغه همداراز د افغانستان په اړه د شانګهای همکاریو ټولنې د تماس ډلې د بیا فعالولو وړاندیز کړی، چې د افغانستان د اړوند مسایلو لپاره ورسره سیمه‌ییزه همغږي پیاوړې شي.

روسي چارواکي د امنیتي اندېښنو له کبله له افغانستان سره نږدې همکاري اړینه بولي.

د یادونې ده، چې روسیې د یوازني هېواد په توګه اسلامي امارت پر رسمیت پېژندلی دی.

Continue Reading

تازه خبرونه

د برښنا شرکت مسوولانو او په کابل کې د ایران سفارت چارسمبالي د همکاریو پر پراختیا خبرې وکړې

د برښنا شرکت د خبرپاڼې له مخې؛ په دې لیدنه کې د ۵۰۰ کیلوولټ برښنالېږد مزي پر طرحې، نوي کېدونکې انرژۍ پراختیا او د افغانستان انرژۍ پراخو پانګیزو فرصتونو بحث وشو او دواړو لوریو د ګډو همکاریو پر پیاوړتیا ټینګار وکړ.

Published

on

په کابل کې د ایران سفارت چارسمبالي علي‌رضا بیکدلي د افغانستان برښنا شرکت له اجرائیوي رییس عبدالحق همکار سره د لیدنې پر مهال د برښنا او انرژۍ په اړه د همکاریو پر پراختیا، پانګونې، فرصتونو او ګډو پروژو خبرې وکړې.

د برښنا شرکت د خبرپاڼې له مخې؛ په دې لیدنه کې د ۵۰۰ کیلوولټ برښنالېږد مزي پر طرحې، نوي کېدونکې انرژۍ پراختیا او د افغانستان انرژۍ پراخو پانګیزو فرصتونو بحث وشو او دواړو لوریو د ګډو همکاریو پر پیاوړتیا ټینګار وکړ.

عبدالحق همکار ویلي؛ افغانستان د انرژۍ په بېلابېلو برخو کې د پانګونې اړین ظرفیتونه لري او د کابل او تهران ترمنځ د همکاریو پراختیا کولی شي د دې سکټور له دوامدار پرمختګ سره مرسته وکړي. هغه همداراز د ۵۰۰ کیلوولټ برښنا مزي پروژه د دواړو هېوادونو ترمنځ د انرژۍ د تبادلې د آسانتیا لپاره یو اړین ګام وباله.

دغه راز په کابل کې د ایران د سفارت سرپرست ویلي؛ هېواد یې له افغانستان سره د اقتصاد، سوداګرۍ او انرژۍ په برخو کې د همکاریو پراختیا ته لېوالتیا لري. هغه زیاته کړې، د نوي کېدونکې انرژۍ په برخه کې د همکاریو لپاره ښه فرصتونه شته، چې کولی شي سیمه‌ییزې همکاري نوره هم پیاوړې کړي.

هغه د افغانستان برښنا شرکت اجرائیوي رییس ته بلنه ورکړه، چې د تخنیکي خبرو د پرمخ بېولو او د عملي اقداماتو د چټکتیا لپاره ایران ته سفر وکړي.

د دې لیدنې په پای کې د افغانستان برښنا شرکت د بدخشان له لاجوردو جوړ شوی سوغات د ایران د سفارت چارسمبالي ته ډالۍ کړ او دواړو لوریو د همکاریو د پیاوړتیا لپاره د ناستو پر دوام او نږدې همغږۍ ټینګار وکړ.

Continue Reading
Advertisement

Trending

Copyright © 2025 Ariana News. All rights reserved!