Connect with us

تازه خبرونه

د ملګرو ملتونو د بشري حقونو استازي له مولوي متقي سره ولیدل

Published

 on

(Last Updated On: غویی ۲۸, ۱۴۰۱)

د ملګرو ملتونو د بشري حقونو ځانګړي استازي ریچارډ بینیټ کابل ته د خپل لومړي سفر په ترڅ کې د اسلامي امارت د بهرنیو چارو له سرپرست وزیر مولوي امیرخان متقي سره د افغانستان پر بشري وضعیت خبرې وکړې.

د امریکا د بهرنیو چارو وزارت ويلي؛ ریچارډ بینیټ په یوه لس ورځني سفر افغانستان ته رسېدلی؛ د نوموړي د سفر موخه د نړیوالو اصولو له مخې د بشري حقونو د وضعیت ارزونه او د افغانستان د ژمنو د عملي کولو په اړه بحث خبرې دي.

د سرچینې د څرګندونو له مخې؛ د ملګرو ملتونو ځانګړي استازي له متقي سره په کتنه کې افغانستان ته د خپل سفر د موخې، ټاکل شوي ماموریت او کاري پلان په اړه معلومات وړاندې کړل.

متقي له ریچارډ بینیټ څخه وغوښتل، چې باید پر حقایقو ولاړ مستند راپور وړاندي کړي؛ نه دا، چې د رسنیو، مغرضو کړیو او له افغانستان څخه د بهر مخالفو اشخاصو پر اندونو قضاوت وشي.

په دې کتنه کې د بهرنیو چارو وزارت سرپرست د افغانستان د دیني ارزښتونو او خلکو په اړه د ملګرو ملتونو ځانګړي استازي ته د راپور د چمتو کولو او د څېړنې د ترسره کولو په اړه توضیحات ورکړل.

د بهرنیو چارو وزارت همداراز ویلي، چې ریچارډ بینیټ له مولوي متقي څخه د افغانستان د مثبتو پرمختګونو، اوسني وضعیت، بشري حقونو او ټولنې په اړه د مهمو معلوماتو له شریکولو مننه وکړه او ویې ویل، چې دی به خپل راپور د حقایقو پر بنسټ جوړ کړي.

ریچارډ بینیټ شاوخوا دوه میاشتې وړاندې د ملګرو ملتونو د بشري حقونو د شورا لخوا پدې دنده وګمارل شو. د نوموړي د ګمارنې موخه په افغانستان کې د بشري حقونو د وضعیت څارنه، ارزونه او مستند کول دي.

 نوموړی له تېرو څو ورځو راپدیخوا له بېلا بېلو افغان چارواکو سره د بشري حقونو په اړه ډاډمنې ناستې تر سره کړي دي.

 د ا.ا د لومړي وزیر سیاسي مرستیال مولوي عبدالکبیر له نوموړي سره په لیدنه کې ویلي: افغانستان له اوږدې مودې راپدیخوا د ملګرو ملتونو غړی دی او اوس هم د ملګرو ملتونو ټولو کنوانسیونونو ته، چې له اسلام سره په ټکر کې ندي ژمن پاتې دی.

د یادونې ده، چې افغان مشرانو د ملګروملتونو له دغه ځانګړي استازې سره په خپلو خبرو کې ټینګار کړی، چې غواړي نړیوالې له ټولنې سره د نړیوالو اصولو او قوانینو پر بنسټ ولاړې ښې، هر اړخیزې او ډاډمنې اړیکې ولري.

تازه خبرونه

د عالمانو غونډې ته د اسلامي امارت مشرتابه د اسلامي احکامو پر پلي کولو ټینګار څرګند کړ

Published

on

(Last Updated On: چنګاښ ۱۰, ۱۴۰۱)

نن جمعه د چنګاښ لسمه د اسلامي امارت مشر مولوي هبة الله آخوندزاده د لومړي ځل لپاره کابل ته راغی او د عالمانو په لویه غونډه کې یې ګډون او وینا وکړه.

په دې غونډه کې د اسلامي امارت مشر په خپله اوږده وینا کې پر قصاص، عدالت، د ظلم مخنیوي او له اداري او سیاسي فساد سره پر مبارزه ټینګار وکړ.

مولوي آخوندزاده د خپلو خبرو پر مهال د الهي قانون پر پلي کولو په ځانګړي توګه د غچ اخیستنې په اړه وویل، چې د الله باک دغه فرمان تر اوسه ندی عملي شوی او کله، چې پلي شي، ګڼ غبرګونونو به راوپاروي.

په ورته وخت کې مولوي آخوندزاده د اقتصادي ستونزو په برخه کې وايي، چې خلک باید د بهرنیو مرستو انتظار ونکړي؛ ځکه، چې پر بهرنیو مرستو مو هېواد نه جوړېږي.

که څه هم د اسلامي امارت مشر د هېواد پر بېلابېلو مسایلو خبرې وکړې؛ خو د نجونو د ښوونځیو پر پرانیستلو، د کار د حق او تعلیم په اړه څه ونه ویل.

د اسلامي امارت مشرتابه مولوي هبة الله آخوندزاده د عالمانو په لویه غونده کې وویل: خلک په تمه دي، چې د جهاد د مهال شعارونه پلي کړئ.

د اسلامي امارت مشرتابه د عالمانو لویې غونډې ته څرګنده کړه؛ شل کاله مخکې چا نشو کولی د شریعت په اړه خبرې وکړي؛ یابه وهل کېدو ، یابه بندي کېدو او یا به ووژل شو. د جهاد په پایله کې د الله پاک پر لوري دعوت آزاد شو.

مولوي هبة الله اخوندزاده د عالمانو په لویه غونډه کې وویل: نړۍ به په آسانه تاسې ته تسلیم نشي، چې پر اسلامي احکامو حکم وکړئ او یا هغوی ووایي، چې دا کار وکړئ. تر اوسه پورې قصاص او اسلامي حدود ندي نافذ شوي. که مونږ یې پلي کړو، دوی به غبرګون وښيي او مونږ به خپل شرعي قانون پلی کړو.

مولوي هبة الله آخوندزاده د عالمانو په لویه غونډه کې په ډاګه کړه؛ زمونږ موخه د الله پاک رضا ده او د نړۍ هغه غوښتنې، چې الله پاک پرې ناراضه کیږي د منلو ندي.

د ا.ا.ا. مشسرتابه مولوي هبة الله آخوند زاده د عالمانو په لویه غونډه کې وایي: لکه څنګه، چې د عامو مسلمانانو لپاره امنیت اړین دی، دغسې د حکومت په بدنه کې امنیت یهم اړین دی؛ ځکه، چې فساد، رشوت، ځانځاني، زورواکي، قوم پرستی او انډیوالي ختمه شي.

دغه راز مولوي هبة الله اخوندزاده ويلي: که زمونږ په عملياتو کې افغانان او مسلمانان زيانمن شوي وي؛ نو زمونږ بنسټیزه موخه جهاد او د کفارو له منځه وړل ول، چې اوسنی حالت تر لاسه شي. که هغو د کفارو تر څنګ ولاړ ول، زه په ډاډ سره ویلی شم، چې زمونږ موخه د دوی وژل نه ول، دوی کفارو ته ډال شويوه.

سربېره پر دې د اسلامي امارت مشر د هېواد د بهرنۍ تګلارې په اړه څرګنده کړه، چې افغانستان د اسلامي حکومت له پلوه یو خپلواک هېواد دی او زیاتوي، چې له هيڅ هېواد سره د اسلامي مسایلو پر سر خبرې نکوي.

په ورته وخت کې د اسلامي امارت مشر له نړۍ غوښتي، چې د افغانستان په کورنیو چارو کې لاسوهنه ونکړي؛ ځکه دا هېواد نور د هیچا د لاس وسیلې ندي.

نوموړي زیاته کړې، دښمن په نظامي ډګر کې مات شوی؛ خو دوی د فتنې په لټه کې دي او د اسلامي امارت پر ضد تبلیغات کوي، نو اسلامي امارت باید په خپلو صفونو کې د نفاق اچولو اجازه ورنکړي.

هغه د هېواد له ګاونډیانو سره پر نرمۍ خبرې کوي او وايي، چې اسلامي امارت د افغانستان د ګاونډیانو په وړاندې کومه بده اراده نلري او دا هېوادونه باید اندېښمن نه وي.

د اسلامي امارت مشر په داسې حال کې د هېواد د بهرني سیاست لپاره نوې کرښه رسموي، چې د هېواد بهرنیو چارو وزیر اوس هم د نړیوال مشروعیت د ترلاسه کولو لپاره په دوحه کې دی او له غربي چارواکو سره خبرې کوي.

دغه راز د هېواد د نوي حکومت رییس الوزرا د هغو سياسي څېرو په اړه، چې له هېواده بهر ژوند کوي وايي، چې له فتنې او شر څخه دې لاس واخلي او هېواد ته دې د باعزته ژوند لپاره راستانه شي.

Continue Reading

تازه خبرونه

سبا پنجشنبه په کابل کې د دیني عالمانو او مخورو لویه غونډه جوړېدونکې ده

Published

on

(Last Updated On: چنګاښ ۸, ۱۴۰۱)

د ريیس الوزرا اداري مرستیال عبدالسلام حنفي څرګنده کړې، چې سبا پنجشنبه به په کابل کې د دیني عالمانو، مخورو او سوداګرو لویه غونډه  جوړه او د هېواد پر مهمو مسایلو راوڅرخیږي.

د مولوي عبدالسلام حنفي د څرګندونو له مخې، په دې غونډه کې به شاوخوا درې زره کسان ګډون وکړي، چې د ټولنې بېلابېلې بشري پوړۍ به په کې برخه ولري.

ټاکل شوې وه، چې دغه غونډه نن جوړه شوې وه؛ خو د تازه څرګندونو له مخې  غونډه  سباته وځنډېده. ویل کیږي، چې دا مهال د غونډې ګډونوال د غونډې ځای ته راروان دي او ټول ګډونوال به سبا کابل ته راورسيږي.

د اسلامي امارت ویاند ذبیح الله مجاهد ویلي، چې دې درې ورځنۍ غونډې ته کلک امنیتي تدابیر هم نیول شوي دي.

د هغه په وینا د هېواد په مهمو مسایلو د بحث لپاره د ګڼو کمېټو لپاره ټول تخنیکي چمتووالی نیول شوی دی.

د کابل پولیتخنیک پوهنتون په انګړ کې د لویې غونډې خیمه به د پنجشنبې پر ورځ د دیني عالمانو، مخورو او سوداګرو د ۳۰۰۰ استازیو کوربه وي.

د لویې غونډې دغه تالار ته یو شمېر میلمانه وار د مخ را رسیدلي او غونډې ته چمتوالی یې اوس هم روان دی.

د اسلامي امارت لوړ پوړیو چارواکو په یوه خبري کنفرانس کې ګډون وکړ او د غونډې په اړه یې خبریالانو ته اړوند معلومات وړاندې کړل.

د رییس الوزرا اداري مرستيال مولوي عبدالسلام حنفي وایي، چې دې غونډې ته ديني عالمان، مخور شخصيتونه او سوداګر رابلل شوي او پر مهمو موضوعاتو به خبرې وشي.

مولوي حنفي هیله من دی، چې دغه ناسته به د افغانستان د خلکو په ګټه پایلې ولري.

دا په تېرو لس میاشتو کې د اسلامي امارت تر ټولو لویه غونډه ده، چې په کې به د هېواد پر اړینو مسایلو بحث او خبرې وشي.

ویل کیږي، چې پدې غونډه کې به د اسلامي امارت مشرتابه هم ګډون وکړي.

 د غونډې جریان به د خبري رسنیو له لارې په ژوندۍ بڼه نه خپریږي او د غونډې جزئیات به پخپل وخت د اسلامي امارت د ویاندویانو لخوا له رسنیو سره شریک شي.

د افغانستان معاصر تاریخ د لسګونه لویو غونډو او جرګو د جوړېدو شاهد دی، چې په کې ځانګړې او مهمې سیاسي پرېکړې شوې دي.

لویه غونډه یا جرګه د افغانستان په سیاسي بهیر کې تاریخي او مهم ځای لري او تل د شخړو د اوارۍ، د ټولنیزو اصلاحاتو او د اساسي قانون د تصویب، د نظام جوړولو، ارزښتونو او ملي ویاړونو د خوندي کولو لپاره جوړې شوې دي.

لویې غونډې او جرګې له ۱۱۶۰ هجري سپوږمیز کال راپدیخوا پر بېلابېلو بڼو جوړې شوې دي.

د شخړو د حل لپاره د ځينو پرېکړو د تصويب په اړه د لویو غونډو او جرګو لاندې بېلګې لرو:

لومړۍ لویه غونډه یا جرګه پر ۱۱۶۰ هجري سپوږمیز کال په کندهار ولایت کې جوړه شوې؛ خو دمګړۍ د هغو جرګو په اړه خبرې څرګندونې لرو، چې په تېرو پېنځه لسیزو او د افغانستان د بې ثباتۍ په پېر کې جوړې شوې دي.

په ۱۳۵۲ هجري لمریز کال کې د سردار محمد داوودخان د جمهوريت له راتګ سره یوه غونډ یا جرګه راوبلل شوه، چې موخه یې د نوي اساسي قانون تصویب، د ولسمشر ټاکل او د ملي مشروعیت ترلاسه کول ول.

په ۱۳۶۴،۱۳۶۶ او ۱۳۶۸ لمریزو کلونو کې هم د خلق دیموکراتیک ګوند لخوا لویې غونډې یا جرګې جوړې شوي، چې موخه یې د سولې لپاره د خلکو د ملاتړ او د ملي پخلاینې د حکومت د بهرنیو او کورنیو سیاستونو تر لاسه کول، له مجاهدینو سره پخلاینه او د افغانستان د ستونزې سیاسي حل و.

سیاسي شنونکي نجیب الله جامع ویلي؛ د یادو غونډو او جرګو موخه د سولې لپاره د خلکو ملاتړ، د حکومت بهرنی او کورنی سیاست، ملي پخلاینه، او د افغانستان د ستونزې سیاسي حل و.

دغه راز بېړنۍ لویه غونډه یا جرګه هم د خلق دیموکراتیک ګوند او د هېواد له کورنیو جګړو لس کاله وروسته جوړه شوه.

د کابل بېړنۍ لویه غونډه یا جرګه په ۱۳۸۱ لمریز هجري کال کې جوړه شوه، چې یو زر و شپږ سوه غړي یې لرل او حامد کرزی یې د انتقالي ادارې د مشر په توګه وټاکه. دې نوي سیاسي جوړښت د هېواد په سیاسي بهیر کې ستر بدلون رامنځته کړ.

له هغه وروسته په ۱۳۸۲ امریز کال کې د اساسي قانون لویه غونډه یا جرګه جوړه شوه او وروستۍ لویه غوږنډه یا جرګه هم د ۱۳۹۹ لمرذیز کال د زمري په میاشت کې د سولې مشورتي غونډه یا جرګه وه.

په کابل کې د اسلامي امارت له واکمن کېدو راپدیخوا د نړیوالې ټولنې تر منځ د اړیکو د نشتوالي د اسلامي امارت لنډمهالی حکومت اړ کړ، چې د لویې غونډې یا جرګې له رابللو  سره د افغانستان د راتلونکي سیاسي جوړښت د طرحې او جوړولو لپاره لاره اواره کړي.

وګورو، چې د دیني عالمانو، مخورو او سوداګرو د استازیو دا لویه غونډه یا جرګه به اوسنیو هېوادنیو اړتیاوو ته څه ځواب ولري.

Continue Reading

تازه خبرونه

د افغانستان یو پلاوي له امریکايي پلاوي سره د خبرو لپاره دوحې ته ولاړ

Published

on

(Last Updated On: چنګاښ ۸, ۱۴۰۱)

نن چارشنبه د چنګاښ ۸ د افغانستان اسلامي امارت د بهرنیو چارو وزارت د چارسمبالي مولوي امیر خان متقي پر مشرۍ یو کاري پلاوی له امریکايي چارواکو سره د خبرو لپاره د دوحې پر لوري روان شو.

له متقي سره په دې سفر کې د مالیې وزارت او د افغانستان بانک چارواکي هم مل دي.

د افغانستان د بهرنیو چارو وزارت د ویاند مرستیال حافظ ضیا احمد ويلي، دغه پلاوی به د افغانستان لپاره د امریکا له ځانګړي استازي او د امریکا د خزانې وزارت له چارواکو سره وګوري.

نوموړي زیاته کړې؛ په دې غونډه کې به پر سياسي، اقتصادي او بانکي مسايلو خبرې وشي.

د واشنګټن پوست لخوا د افغانستان د درې اعشاریه پېنځه میلیارد دالرو پانګې آزادولو ته د امریکا د لیوالتیا د راپور له خپرېدو وروسته د افغان چارواکو لوړپوړی پلاوی قطر ته روان شو.

واشنګټن پوست ویلي، چې امریکا غواړي دا درې اعشاریه پېنځه میلیارد دالر داسې آزاد کړي، چې د اسلامي امارت چارواکي پرې کنټرول ونلري.

د افغانستان بانک د کنګل شوې شتمنۍ له آزادېدو هرکلی کوي او زیاتوي، چې په دې اړه مو له امریکا سره خبرې روانې پاتې دي.

د افغانستان بانک ویاند محمد صابر مومند وایي: مونږ له ټولو هغو اقداماتو هرکلی کوو، چې پر بنسټ يې د افغانستان کنګل شوې پانګه آزاد یږي. په دې اړه مونږ له امریکا سره پخوا هم خبرې کړې وي.

د افغانستان د خصوصي  سکتور غړي او اقتصادي شنونکي د افغانستان د کنګل شوې شتمنۍ آزادیدو ته هیله مند دي او وايي، چې د هېواد په اقتصادي حالت کې به مثبت اغېز ولري.

د صنایعو او کانونو خونې عمومي مشر شېرباز کمین زاده وایي: مونږ د امریکا او افغانستان اسلامي امارت له دې هڅې هرکلی کوو او دا به د افغانستان د اقتصاد لپاره خورا ښه او  ګټوره پایله ولري او په هېواد کې به مو اقتصادي خوځښت رامنځته کړي.

اقتصادي شنونکی تاج محمد تلاش وایي: مونږ ګورو، چې د افغانستان د دغو پیسو د بندیو له کبله د افغانستان ولس له ګڼو اقتصادي ستونزو سره مخ شوی او ټول اقتصادي او پراختیایي پروګرامونه پر ټپه ولاړ دي.

افغانستان، چې نه یوازې د تېر حکومت پر مهال  په اقتصادي بحران کې ډوب و، بلکې د اسلامي امارت له بیا واکمنېدو سره امریکا د افغانستان څه باندې نهه میلیارد دالر پانګه هم کنګل کړه او دا دی په پکتیکا او خوست کې وروستیو زلزلو یو بل ناورین رامنځته کړ او امریکا اړ شوه، چې د افغانستان له زلزلې خپلو سره د ۵۵ میلیونه ډالرمرسته اعلان کړي.

دا په داسې حال کې ده، چې واشنګټن پوسټ د سې شنبې پر ورځ څرګنده کړه؛ امریکایي چارواکي د اسلامي امارت له مشرتابه سره پر یوه داسې میکانیزم کار کوي، چې حکومت د افغانستان بانک د زیرمو سرور د لوږې له ناورین سره د مبارزې لپاره وکاروي او د بشري ناورین له اغېزو پرې مخنیوی وکړي.

Continue Reading

Trending

Copyright © 2022 Ariana News. All rights reserved!