تازه خبرونه
د میدان وردګ په بهسود ولسوالۍ کې پوځي عملیات د ستونزې حل ندی – د ولسي جرګې ځینې غړي

په ولسي جرګه کې د غزني استازیو ویلي؛ بهسود ته د ځواکونو د استولو پرېکړه د ستونزې حل نه، بلکې کولی شي نوره یې هم ژوره کړي.
ویل کیږي، چې د بهسود مسئلې په تړاو ځینې حکومتي چارواکي په ناندریو کې ښکېل شوي؛ خو ملي دفاع وزارت وایي؛ په بهسود کې د عليپور د نیونې هڅې جدي روانې دي.
ویل کیږي، چې د میدان وردګ په بهسود ولسوالۍ کې د سیمه ییزو ځواکونو قومندان عبدالغني علیپور د طالبانو او داعش په وړاندې د حکومت سنګرونه ساتلي او له خلکو دفاع کوي.
په ټولنیزو رسنیو کې خپاره شويو انځورونو او څرګندونو په ډاګه کړې؛ نږدې یوه اوونۍ کیږي، چې د میدان وردګ په بهسود ولسوالۍ کې د عليپور وسلوالو د ملي اردو ۹ کسیزه چورلکه رانسکوره کړې؛ خو اوس یې رد کړې ده.
د قومندان عليپور یوه غږیزه څرګندونه ښيي، چې دی د چورلکې په راغورزېدو کې لاس نلري وایي، چې چورلکه له هوا څخه ویشتل شوې او هغه هوایي ځواک نلري.
علیپور د خپلو تېرو څرګندونو په اړه په ډاګه کړې: ما ندي ویلي، چې مونږ دا چورلکه ویشتلې؛ ما ویلي وه، چې د جګړې په ډګر کې چې یوه الوتکه رانسکوریږي، نو اړینه ده، چې مرمۍ پرې لګېدلې.
په ولسي جرګه کې د غزني استازی قیوم سجادي ویلي؛ بهسود ته د ځواکونو د استولو پرېکړه د ستونزې حل نه، بلکې کولی شي نوره یې هم ژوره کړي.
علي پور د ولسمشر د دوه یم مرستیال پر ضمانت له بند آزاد شوی؛ خو سرور دانش د سرې میاشتې ټولنې د مشر د پېژندنې پر مهال بهسود او عليپور ته هیڅ اشاره نکوي.
پوځي کارپوه عیتق الله امرخېل ویلي، چې د عليپور د وسلوالو لخوا د چورلکې غورزول او په کې د پیلوټانو په ګډون د پېنځه سرتېرو وژنه یو جنایت و او باید دا قومندان ژر د قانون منګولوته وسپارل شي.
د ملي دفاع وزارت د ویاند مرستیال فواد امان وایي، چې د عليپور د نیولو لپاره پوځي هڅې دوام لري.
د ولسي جرګې ځینې غړي وایي، چې په بهسود کې د حکومت لخوا د پوځي عملیاتو له پیلېدو وروسته علي پور او افراد یې تښتېدلي دي.
تازه خبرونه
اسلامي امارت د ثور اتمه د مجاهدینو د بریا او د کمونستانو د ماتې کلیزه ونمانځله
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.

مجاهدينو ۳۳ کاله مخکې د پخواني شوروي تر ملاتړ لاندې حکومت راوپرځاوه؛ خو د اسلامي امارت د چارواکو د څرګندونو له مخې، په هېواد کې واک ته د ځينو مشرانو لېولتیا د کورنيو جګړو لامل شوه او اسلامي نظام رامنځته نشو.
که څه هم په دې مراسمو کې د مجاهدینو له لاسته راوړنو ستاینه وشوه؛ خو کورنۍ جګړې وغندل شوې.
د وسلوال پوځ لوی درستیز فصیح الدین فطرت وايي؛ د یو شمېر جهادي مشرانو واک او تسلط د دې لامل شو، چې هېواد په کورنۍ جګړه کې ښکېل او د اسلامي نظام د جوړېدو مخه ونیول شي.
لوې درتسیز وايي، که څوک د افغانستان د بیا اشغال فکر وکړي؛ نو افغان ولس به زر کاله نور هم جګړه وکړي، چې د چا مستعمره نشي.
فصیح الدین فطرت همدا راز زیاته کړې؛ که څوک له هېواده د تښتېدلو کسانو پر کارولو د افغانستان د اشغال په فکر کې وي؛ نو افغان ولس د نورو زر کلونو لپاره د استعمار پر وړاندې مبارزې ته چمتو دی.
د سرحدونو، قومونو او قبایلو وزارت چارسمبالي(سرپرست) نورالله نوری ويلي؛ افغانستان به ډېر ژر په سیاسي، اقتصادي او امنیتي برخو کې له نورو هېوادونو سره برابر شي.
دغه راز د اطلاعاتو او فرهنګ وزارت چارسمبالي خیرالله خیرخواه د اسلامي امارت له مسوولینو غوښتي، چې له واکغوښتنې تېر شي؛ ځکه د زیات نفوذ هڅه د خلکو ترمنځ د نفاق لامل کیږي.
ویل کیږي، چې د تېرو څلور لسيزو ناورین، چې له کبله يې ميليونونه خلک کډوال شوي او نن په هېوادونو او په ځانګړي توګه ایران او پاکستان کې له سختو شرايطو سره مخ دي. د وسلوال ځواک لوى درستيز د دغو کډوالو پر باعزته راستنېدو ټينګار کوي او وایي، چې د کډوالو سپکاوى ورته د زغم وړ ندى.
تازه خبرونه
د قطر لومړي وزیر له امیر خان متقي سره وکتل
د خلیج ټایمز ورځپاڼې د راپور له مخې، د غونډې په جریان کې دواړو خواوو د افغانستان وروستي سیاسي او بشري بدلونونه وڅېړل او د افغانانو د ملاتړ لپاره د دوه اړخیزو همکاریو د زیاتوالي پر اړتیا یې ټینګار څرګند کړ.

د قطر لومړي وزیر او د بهرنیو چارو وزیر شیخ محمد بن عبدالرحمن بن جاسم آل ثاني د افغانستان د بهرنیو چارو وزارت له چارسمبالي(سرپرست) امیر خان متقي سره، چې پرون (یکشنبه د غویی اوومه) د قطر پر بلنه یې دغه هېواد ته سفر کړی؛ وکتل او پر دوه اړخیزو همکاریو ټینګار وشو.
د خلیج ټایمز ورځپاڼې د راپور له مخې، د غونډې په جریان کې دواړو خواوو د افغانستان وروستي سیاسي او بشري بدلونونه وڅېړل او د افغانانو د ملاتړ لپاره د دوه اړخیزو همکاریو د زیاتوالي پر اړتیا یې ټینګار څرګند کړ.
په دې غونډه کې شیخ محمد بن عبدالرحمن آل ثاني د قطر حکومت د افغانانو د ټولو برخو لپاره پر دوامداره او هر اړخیز ملاتړ ټینګار وکړ، چې د افغانانو لپاره امنیت، ثبات، سوکالي او باعزته ژوند ډاډمن کړي.
د افغانستان بهرنیو چارو وزارت ویلي، چې امیر خان متقي د افغانستان او نړیوالې ټولنې ترمنځ د اړیکو په پراختیا کې د قطر رول د ستاینې وړ وباله او څرګندوي، چې د دواړو هېوادونو ترمنځ د دیپلوماټیکو اړیکو د کچې له لوړېدو سره به دوه اړخیزې اړیکې نورې هم پیاوړې شي.
ویل کیږي، چې د هېواد بهرنیو چارو وزارت چارسمبالي وړاندیز کړی، چې قطر په افغانستان کې په پراختیايي او سوداګریزو فرصتونو کې پانګونه وکړي او د دوه اړخیزې سوداګرۍ د کچې د لوړولو پر لارو چارو کار وکړي.
تازه خبرونه
د افغانستان لرې پرتو سیمو ته د ډبلیوافپي هوايي مرستې د خنډېدو په حال کې دي
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.

د خوړو نړیوال پروګرام (WFP) د افغانستان لرې پرتو سیمو ته د الوتنو پر مټ د مرستو رسولو د ځنډېدو له احتمال خبر ورکړی دی.
دې بنسټ پرون (یکشنبه د غویی اوومه) په ایکس پاڼه کې لیکلي، چې د افغانستان لرې پرتو سیمو ته د مرستو رسولو لپاره د الوتکو کارولو ته د اړتیا وړ بودجه نلري.
د دې بنسټ د څرګندونو له مخې؛ په ۲۰۲۵ کال کې د مرستو رسولو د الوتنو لپاره نږدې ۱۰ میلیون ډالرو بېړنۍ بدجې ته اړتیا ده.
تېره اوونۍ د خوړو نړیوال پروګرام اعلان کړی و، چې د روان کال تر پایه پورې هېواد ته د راستنېدونکو افغان کډوالو د ملاتړ لپاره ۲۵ میلیون ډالرو بېړنۍ مرستې ته اړتیا لري.
ډبلیوافپي افغانستان ته د امریکا د بشري مرستو له ځنډولو وروسته د بدجې له کمښت څخه شکایت کوي.
-
سوداگري4 days ago
د پاکستان او ازبکستان استازو پر افغان – ټرانس پروژې خبرې وکړې
-
سوداگري3 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
تازه خبرونه5 days ago
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
-
تازه خبرونه5 days ago
طارق علي بخیت د افغانستان په اړه له جاپاني چارواکو سره وکتل
-
سوداگري1 day ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
-
ساینس او ټیکنالوژي5 days ago
چین او روسیه ممکن په سپوږمۍ کې د اټومي انرژۍ بټۍ جوړه کړي
-
تازه خبرونه15 hours ago
ایران او افغانستان په ملک پوله کې بندیان تبادله کړل
-
تازه خبرونه1 day ago
د غبرګولي پر اوومه د ۱۴۰۴ کال د کانکور ازموینه اخیستل کیږي