Connect with us

تازه خبرونه

د ننګرهار په ۳ ولسوالیو کې طالبانو یوشمېر پوستې نیولي

خپور شوی

د

(Last Updated On: غبرګولى ۱۲, ۱۴۰۰)

وسلوالو طالبانو تېره شپه د ننګرهار په پچيراګام، هسکه مېنه او سره رود ولسواليو کې د افغان ځواکونو پر پوستو پراخ ډله ییز بريدونه کړي، چې له کبله يې د افغان ځواکونو ۱۰ پوستې نیولي دي.

د پچيراګام ولسوال هجرت الله وايي؛ طالبانو د پېره خېل او بمه خېل په اړوند سيمو کې د سيمه یيزې اردو او ځايي پاڅون کوونکیو پر پو ستو بريدونه کړي، چې له کبله يې دواړو غاړیو ته زیانونه اوښتي؛ خو کره شمېره يې په ډاګه شوې نده.

يوې سیمه ییزې امنيتي سرچينې، چې د نوم له ښودلو یې ډډه کړې وایي؛ ۵ پوستې او يو کوچنى بېز سقوط شوي، چې له کبله يې ۶ سرتېري وژل شوي او ۱۳ سرتېري طالبانو ژوندي بېولي؛ خو د خوشې کولو هڅې یې روانې دي.

دغه راز طالبانو د هسکې مېنې ولسوالۍ د  تړلي کنډو په سيمه کې د سیمه ییز اردو او پاڅونکوونکیو پر پوستو بريدونه کړي.

د ننګرهار ولايتي شورا غړى عبيداالله شينوارى وايي، درې پوستې سقوط شوي، چې په کې ۵ سرتېري وژل شوي او اتلس ټپيان دي او د څلور نورو روغتیایي حالت د اندېښنې وړ دی.

همهاله وسلوالو طالبانو د سره رود ولسوالۍ د ککړک په اړوند سيمه کې د پوليسو پر يوې پوستې بريد کړى، چې له کبله يې پوسته سقوط شوې ده.

د ننګرهار د امنيه قومندانۍ وياند فريد خان ويلي، په دې پوسته کې دوه سرتېري وژل شوي او درې نور ټپیان دي.

د فريد د څرګندونو له مخې؛ په يادو درې واړو ولسواليو په نښتو کې د سرتېرو په ځوابيه بريدونو کې شل طالب وسلوال هم وژل شوي.

طالبان هم خپل لوري ته د مرګ و ژوبلې پخلى کړی؛ خو کره شمېره يې په ډاګه شوې نده.

تازه خبرونه

جاپان د افغانستان له سیلاب ځپلیو سره د بېړنیو مرستو ژمنه وکړه

Published

on

(Last Updated On: غویی ۲۷, ۱۴۰۳)

په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.

د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.

دا مرست خیمې، کمبلې او نور اړین توکي رانغاړي.

په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.

دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.

روسیې هم د اړتیا په صورت کې د مرستې ژمنه کړې ده.

دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.

Continue Reading

تازه خبرونه

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

Published

on

(Last Updated On: غویی ۲۷, ۱۴۰۳)

په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.

د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.

هغه دا ډاډ هم ورکړی، چې افغانستان ته به دا مرستې د اوسپنې‌پټلۍ له لارې د هرات تورغنډۍ بندر ته رادننه شي.

په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.

Continue Reading

تازه خبرونه

ملګري ملتونه غواړي په افغانستان کې د ځمکو خړبولو لپاره سولري پمپونه ولګوي

Published

on

(Last Updated On: غویی ۲۷, ۱۴۰۳)

د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځه‌ویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.

په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.

عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.

ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.

Continue Reading

Trending

Copyright © 2022 Ariana News. All rights reserved!