تازه خبرونه
د نوي لمریز کال په تله کې به د غزني پارلماني ټاکنې تر سره شي

د ټاکنو خپلواک کمیسیون په ډاګه کړې؛ د غزني ولایت د ولسي جرګې او د ټول هېواد د ولایتي، ولسوالیو شوراګانو او ښاروالیو ټاکنو طرحه وروستۍ شوې او ټاکل شوې، چې دا ټاکنې به د ۱۴۰۰ لمریز هجرې کال د تلې په میاشت کې تر سره شي.
دوی غواړي، چې ولایتي شوراګانې قانوني شي.
کمیسیون له حکومته غواړي، چې د امنیت او بودجې په برخو کې له دوی سره همکاري وکړي.
د ټاکنو خپلواک کمیسیون مشره حوا علم نورستانۍ وايي؛ د غزني او ولایتي شوراګانو د ټاکنو عملیاتي طرحه وروستۍ او ولسمشرۍ ته لېږل شوې ده.
د نوموړې د څرګندونو له مخې؛ د ټاکنې د ترسره کولو لپاره د ۱۴۰۰ لمریز د تلې میاشت غوره شوې او د دې پروزې سند له یوناما لاسلیک شوی دی.
د ټاکنو خپلواک کمیسیون غړی مولانا محمد عبدالله ټینګار کوي، چې دا ټاکنې دوه یم پړاو نلري او لګښت به یې له تېرو ټاکنو کم وي.
د ټاکنو خپلواک کمیسیون د دارالانشا مشر حبیب رحمان ننګ ویلي؛ ۱۹ میلیون ډالر د غزني لپاره په پام کې نیول شوي او اتیا میلیون ډالر د ولایتي او ولسوالیو شوراګانو ته؛ خو دا بودجه وروستۍ نده او د بدلون وړ ګڼل شوې. مونږ د خپلو ونډوالو حکومت او یوناما ملاتړ خپل کړی او ناستې مو روانې دي.
کمیسیون دا ټینګار هم کړی، چې د دې ټاکنو د امنیت ساتنه او د لګښتونو برابرول د حکومت مسوولیت دی او ژر به له امنیتي بنسټونو سره د ټاکنو د امنیت په اړه غونډه ولري.
تازه خبرونه
په فاریاب کې یوې مور د نوي کال څلور ماشومان وزېږول

د فاریاب ولایت سیمه ییزو چارواکو تائید کړې، چې یوې سیمه ییزې میرمنې له روغتیا برخمن څلور ماشومان زېږولي دي.
د فارياب ٢٠ بستريز نسايي ولادي روغتون داکتر ستار سليمي ويلي، مريم نومې مور د فاریاب ولایت د غورماچ ولسوالۍ اوسېدونکې ده، چې د ۱۴۰۴ لمریز لېږدیز کال د وري پر لومړۍ شپه يې خپله کورنۍ له درې هلکانو او يوې نجلۍ برخمنه کړه.
داکترانو ویلي، چې مور او ماشومان یې ټول ښه او له روغتیا برخمن دي.
د تېر کال د وروستۍ میاشتې په وروستیو ورځو کې هم په دغه ولایت کې یوې بلې میرمنې څلور اولادونه زېږولي وه.
تازه خبرونه
د داعش پر یوه پټنځي د برید پر مهال درې مهم داعشیان ووژل شول: مجاهد

د اسلامي امارت ویاند ذبیح الله مجاهد ویلي؛ د سې شنبې پر شپه په کابل کې د یو لړعملیاتو پر مهال د داعش درې مهم غړي وژل شوي دي.
د اسلامي امارت ویاند ذبیح الله مجاهد تویت کړې؛ تېره شپه د کابل ښار د ۱۲ حوزې د بتخاک څلورلاري په اړوند سیمه کې د داعش پر پټنځي عمليات وشول؛ د داعشيانو درې مهم غړي وژل شوي؛ وسلې، لاسي بمونه، چاودېدونکي توکي، ډېر شمېر ريموت او د ماين جوړونې وسايل ونیول شول.
د مجاهد په وینا؛ داعش له دغه پټنځي څخه په کابل ښار کې د بریدونو لپاره کار اخیستی او پلان یې درلود، چې د روژې په مبارکه میاشت کې مقدس ځایونه او ملکي وګړي ووژني.
مجاهد وايي، په دې عملیاتو کې ملکي وګړیو او مجاهدینو ته کوم ځاني زیان ندی اوښتی.
دا په داسې حال کې ده، چې د افغانستان اسلامي امارت د بهرنیو چارو وزیر مولوي امیرخان متقي په دې وروستیو کې له دولتي تلویزون RTA سره په مرکه کې ویلي وه، چې داعش په هېواد کې د پښې ایښودو نه لري او دا، چې په افغانستان کې د دغې ډلې لخوا کوم برید ترسره کیږي؛ له بهره واردیږي.
د نوموړي د څرګندونو له مخې؛ دا د ویاړ خبره ده، چې افغانان په خپلو کې کومه ستونزه نلري.
تازه خبرونه
د تېرې شپې زلزلې لږ تر لږه ۱۳ کسان مړه کړي، چې څلور یې په افغانستان کې دي

د رویتر د څرګندونو له مخې؛ په افغانستان او پاکستان کې د سې شنبې پر شپه ۶.۵ درجې زلزلې له کبله لږ تر لږه ۱۳ کسان مړه شوي او له ۹۰ ډېر نور ټپیان دي.
رویترز fI nH’I کړې؛ د پاکستان په شمال لویدیځ کې لږ تر لږه ۹ کسان مړه شوي او ۴۴ نور ټپیان دي.
د پاکستان یوه حکومتي چارواکي ویلي، د خیبر پښتونخوا ایالت په شمالي روغتونونو کې بېړنی حالت اعلان شوی دی.
د افغانستان د روغتیا وزارت چارواکي وايي، لږ تر لږه څلور کسان په افغانستان کې وژل شوي او ۷۰ نور ټپیان دي.
د اسلامي امارت د ویاند مرستیال بلال کریمي د عامې روغتیا وزارت د څرګندونو له مخې په ډاګه کړې، چې د تېرې شپې د زلزلې له کبله په ټول هېواد کې لږ تر لږه ۷۰ کسان ټپیان شوي او ۴ نور مړه دي.
چارواکو ویلي، په دواړو هېوادونو کې کورونو او ودانیو ته هم زیان اوښتی دی.
د اروپا د مدیترانې د زلزلې ثبتولو مرکز ویلي؛ دا زلزله د ۱۰۰۰ کیلومترو پر پراخوالي د پاکستان، هند، ازبکستان، تاجکستان، قزاقستان، قرغزستان، افغانستان او ترکمنستان شاوخوا ۲۸۵ میلیون وګړیو احساس کړې ده.
د امریکا د ځمکپوهنې ادارې د څرګندونو له مخې؛ د زلزلې مرکز د هندوکش د غرونو شمال ختیځ بدخشان ولایت د جرم کلي جنوب ختیځ ته په ۴۰ کیلومترۍ کې ښودل شوی، چې ژوروالی یې ۱۸۷ کیلومتره اټکل شوی دی.
د پاکستان په خېبر پښتونخوا ایالت کې لوړپوړي چارواکي عبدالباسط ویلي، پر مړو او ټپیانو سربېره لږ تر لږه ۱۹ کورونه هم زیانمن شوي دي.
د افغانستان د طبیعي پېښو پر وړاندې د مبارزې وزارت ویاند شفیع الله رحیمي د سې شنبې پر ورځ ناوخته ویلي، چې په ختیځ ولایت لغمان کې د سېلابونو له کبله دوه کسان مړه شوي دي.
تېر کال د افغانستان په ختیځ کې د رښتر پر کچه ۶.۱ درجې زلزلې له ۱۰۰۰ ډېر کسان مړه کړل.
پر ۲۰۰۵ ز. کال د پاکستان په شمال کې ۷.۶ درجې زلزلې لږ تر لږه ۷۳۰۰۰ کسان مړه کړي دي.
د لومړنیو معلوماتو له مخې؛ د پاکستان په سوات سمه کې زلزلې سخت مالي او ځاني زیانونه اړولي دي .
ویل کیږي، چې د آسیا د جنوبي برخې د زلزلو لړۍ د یوریشیا پر لوري د غزېدو په حال کې ده.
-
لوبی2 days ago
له پاکستان سره د افغانستان کرکت ملي لوبډلې د سیالیو لوبغاړي په ډاګه شول
-
روغتيا5 days ago
شونې ده، چې کرونا ویروس له کاونده سپيو رامنځته شوی وي
-
تازه خبرونه3 days ago
یو آسترالیایي پخوانی سرتېری د جنګي جنایت پر تور ونیول شو
-
سوداگري4 days ago
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی
-
نړۍ4 days ago
په اکوادور کې زلزلې ۳۹۴ کسانو ته مرګ و ژوبله اړولې
-
نړۍ3 days ago
د شمالي کوریا مشر کیم اتومي برید ته د چمتووالي سپارښتنه وکړه
-
تازه خبرونه2 days ago
په تېر یونیم کال کې له ۵۰ څخه د ډېرو لرغونو آثارو د قاچاق مخنیوی شوی
-
لوبی5 days ago
افغانستان په لومړۍ لوبه کې بنګله دېش پر ۷ ویکټو مات کړ