Connect with us

تازه خبرونه

د نړۍ مشرانو د سولې په بهیر کې د افغان میرمنو له هڅو ملاتړ څرګند کړ

Published

 on

(Last Updated On: وږی ۲۲, ۱۳۹۹)

د نړۍ له ۱۰۰ ډېرو مشرانو د یوه پرانستي لیک پر لاسلیک د دوحې د سولې په ننني پیل شوي بهیر کې د افغان میرمنو د معنا لرونکي شتون غوښتنه راپورته کړه.

دوی ویلي، چې د سولې په خبرو کې د میرمنو بنسټیز ګډون به د دې لامل شي، چې هوکړې او تړونونه رامنځته او تائید شي.

دغه لیک د جورج تاون د ښځو، سولې او امنیت انستیتیوت خپور کړی؛ د امریکا د بهرنیو چارو پخوانۍ وزیرې مادلین البرایت په ګډون د متحده عربي اماراتو د بهرنیو چارو وزیر شیخ عبدالله بن زاید ال نهیان او د امریکا پخوانۍ لومړۍ میرمن لورا بوش، د کډوالۍ د کمیشنرۍ ځانګړې استازې انجلینا جولي، د امریکا د بهرنیو چارو وزارت پخوانۍ وزیرې هیلري رادهام کلنتون، د ملګرو ملتونو پخوانۍ سرمنشي بانکي مون او د بهرنیو چارو پخوانۍ وزیر جان کیري د نړۍ هغه مشران دي، چې پر دغه لیک یې لاسلیک کړی دی.

د نړۍ له ګوټ ګوټ څخه ۱۰۴ مشرانو پر دغه سند لاسلیک وکړ او له ټولو ملي، سیمه ییزو او نړیوالو هڅاندو یې غوښتي، چې د سولې په بهیر کې د میرمنو د بشپړ ګډون په ډاډ د یوه ثبات لرونکي افغانستان په لټه کې شي.

د دوی د څرګندونو له مخې؛ له ۴۰ کلن جنګ وروسته دا دی د سولې لپاره یو فرصت رامنځته شو، چې نړیواله ټولنه ترې د ډاډمنیدو مسؤلیت لري.

په دې لیک کې راغلي: د نړۍ د مشرانو او د بهرني سیاست د کارپوهانو په توګه مونږ تلپاتې سولې ته د رسیدو لپاره د ښځو د روښانه هڅو شاهدان یو.

په لیک کې راغلي: په دې وروستیو کې له کولمبیا څخه تر فیلیپین پورې مونږ د سولې په بهیر کې د ښځو د ځواکمن نفوذ لیدونکي پاتې یو.

د دوی په وینا، په افغانستان کې پرمختګ هغه مهال پیل شو، چې میرمنې په ټولنه کې مدغم شوې وې.

په لیک کې راغلي: میرمنې د طالبانو له واکمنۍ راوتلي؛ پولیس، ښوونکې، دولتي چارواکي، ښاروالان او متشبثین شوې دي.

په ۲۰۱۹ زېږدیزکال کې د افغانستان د پارلمان ۲۸ سلنه کیرمنو پارلمان جوړ کړې و.

په دې لیک کې د نړۍ مشرانو وړاندیز کړی، چې:

  • ښځې باید د سولې بهیر برخه وي، نه د بحث موضوع.
  • ښځې دې د دې بهیر په هر پړاو کې پوره شتون ولري.
  • د ښځو او ځوانانو نظرونه باید هر پړاو راونغاړي.

ښځې باید د دې پروسې په هر پړاو کې برخه واخلي.

د ښځو او ځوانانو لید باید په هر تړون کې منعکس شي.

تازه خبرونه

د بلخ ولایت په شولګره ولسوالۍ کې د ګرځندوی صنعت مخ پر وده روان دی

Published

on

(Last Updated On: زمری ۱۶, ۱۴۰۱)

د سیمه ییزو چارواکو د څرګندونو له مخې؛ په تېره یوه میاشت کې ۳۰ زره کورنیو سیلانیانو د بلخ ولایت له شولګرې ولسوالۍ لیدنه کړې ده.

په هېواد کې د امنیت له ټینګښت وروسته د بلخ ولایت دمه ځیو او تاریخي سیمو ته د سیلانیانو ورتګ ډېر شوی دی.

سیمه ییزو چارواکو په ډاګه کړې؛ د خواجه سکندر چینه د شولګرې ولسوالۍ له زړه راکښونکیو دمه ځیو څخه ده او ډېر خلک د سیل او چکر لپاره ورځي.

د بلخ ولایت اوسیدونکی محمد حسین خوښ دی، چې په دغه ولايت کې د ګرځندوى صنعت پراخه شوى دى.

د شولګرې ولسوالۍ امنيتي مسوولين هم خلکو ته ډاډ ورکوي، چې له کومې وېرې پرته اړوند دمه ځیو ته ورتلی شي.

د شولګرې ولسوالۍ امنيه قومندان مولوي محمد خان فاتح له خلکو غوښتي، چې د دې ولسوالۍ دمه ځیو او تفريحي ځايونو ته په ډاډه زره تګ راتګ وکړي؛ ځکه دوی د خلکو امنيت خوندي کړی دی.

د يادونې ده، چې په هېواد کې د وروستيو پرمختګونو او د نسبي امنيت له رامنځته کېدو سره په ډېرو برخو کې د ګرځندوى صنعت ښه شوی او مخ پر وده او پراختیا روان دی.

Continue Reading

تازه خبرونه

په تخار کې ۱۰۰۰ ډېر کسان د نس ناستي پر ناروغۍ اخته دي

Published

on

(Last Updated On: زمری ۱۶, ۱۴۰۱)

د تخار ولایت د عامې روغتیا ریاست نن یکشنبه د زمري پر ۱۶ څرګنده کړې؛ له تېرو درې ورځو راپدیخوا په تخار ولایت کې له زر ډېر کسان د نس ناستي پر ناروغۍ اخته شوي دي.

د یادې سرچینې د څرګندونو له مخې؛ سیمې ته ګرځند روغتیايي ډلې استول شوي دي.

په تخار ولایت کې د موسمي ناروغیو پراخې خپرېدا جدي اندېښنې راپارولي دي.

یوازې په تېرو درې ورځو کې د تخار ولایت په دوه ولسوالیو کې ۱۳۰۰ کسان د نس ناستي یا اسهال پر ناروغۍ اخته شوي دي.

د دې ولایت د عامې روغتیا مشر عبدالقهار احمدي ويلي، چې د ناروغانو د ژر تر ژره درملنې لپاره یې هڅې کړي او سیمې ته یې ګرځند روغتیایي ډلې استولي دي.

د ځاني زیان د مخنیوي لپاره په تخار کې د ادا بنسټ همغږي کوونکی احسان الله تلاش هم د دغې ناروغۍ د خپرېدو د مخنیوي لپاره کار پیل کړی دی.

د اشکمش ولسوالۍ اوسیدونکی محمد صفر وايي، چې د دغه ولایت په لریو پرتو سیمو کې روغتیايي مرکزونه نشته او له حکومته غوښتنه کوو، چې په دغو سیمو کې ګرځند روغتیايي مرکزونه جوړ کړي.

ویل کیږي، چې د حفظ الصحې نه مراعات، ګرمه هوا او د ناپاکو اوبو کارول د دې ناروغۍ د خپرېدو لاملونه بلل کېږي.

Continue Reading

تازه خبرونه

د وزير محمد اکبر خان او شيرپور تر منځ  د سړک جوړولو چارې پيل شوې

Published

on

(Last Updated On: زمری ۱۶, ۱۴۰۱)

کابل ښاروالۍ د کابل ښار د وزیر محمد اکبر خان له سیمې څخه تر شېرپور پورې د نښلوونکي سړک د جوړولو چارې پیل کړې.

د کابل ښاروالۍ د څرګندونو له مخې، دغه سړک د ٣٩١ مترو پر اوږدوالي او ٢٢،٥ مترو پر سور د کابل ښاروالۍ د کار، ساتنې او مراقبت رياست لخوا سږ کال د ١٥ ميليون افغانيو پر لګښت جوړوي، چې پلې لارې او څنډې هم په کې دي؛ جوړوي.

دغه نښلوونکی سړک د وزیر محمد اکبر خان پېنځلسم سړک د شیرپور له دوه یم سړک سره نښلوي.

د کابل ښاروالۍ د معلوماتو له مخې؛ د دغه سړک په اوږدو کې شپږ ملکیتونه تر استملاک لاندې دي، د نړولو او پاکولو چارې هم پيل شوې دي.

د دغه سړک له جوړېدو سره به د ترافیکو ګڼه ګوڼه ووېشل شي او د اړوند سیمو د چاپېریال ستونزې به هم ورسره اوارې شي.

Continue Reading

Trending

Copyright © 2022 Ariana News. All rights reserved!