Connect with us

تازه خبرونه

د نړۍ ځواکمنو هېوادونو افغانستان د خپلو لوبو لپاره کارولی دی- حامد کرزی

Published

 on

(Last Updated On: چنګاښ ۳۰, ۱۴۰۰)

د افغانستان پخواني ولسمشر حامد کرزي د روسیې په والدای کلوب کې ویلي؛ د نړۍ ځواکمنو هېوادونو افغانستان د خپلو لوبو لپاره کارولی دی.

هغه ویلي؛ له یوې مودې راپدیخوا یې په افغانستان کې د امریکا او متحدینو لخوا د یوه کمزوري حکومت پر رامنځته کولو شک لره.، چې په کابل کې یو هسې پر نوم حکومت وي.

حامد کرزي زیاته کړې؛ دا هغه څه ول، چې مونږ یې پر وړاندې مبارزه کوله.

هغه وایي: ځینې وړاندیزونه هغه مهال زما حکومت ته شوي وه، چې طالبانو ته  د ژوند کولو لپاره یو یادوه ولایتونه ورکړ شي او بیا له هغه ځایه د سولې خبرې وشي، چې ما رد کړل.

حامدکرزي زیاته کړې، چې په تېرو دوه میاشتو کې مونږ د همدې حالت پر لوري روان شوي یو او د دې رسمي نښه د امریکا د ولسمشر جو بایډن په وینا کې راغلې ده.

د نوموړي د څرګندونو له مخې؛ که دا رښتیا وي او نښې شتون ولري؛ نو افغانستان به په دې سیمه کې د نړۍ د لویې لوبې لپاره وکارول شي. په داسې حال کې، چې د نړۍ ټول لوی ځواکمن هېوادونه په کې میشت هم دي او شونې ده، چې افغانستان به آسانه اداره شي.دا په حقیقت کې هغه څه دي، چې مونږ یې باید مخنیوی وکړو او اجازه ورنکړو. دا هغه څه دي، چې مونږ یې هیله لرو او زمونږ ملګري او ګاونډ هېواد روسیه او نور لوی قدرتونه به اجازه ورنکړي.

هغه وایي: که امریکا په افغانستان کې د سولې په اړه صادق وي او که دا په رښتیني بڼه سوله غواړي؛ نو مونږ به نه یوازې سوله ولرو، بلکې له یوه باثباته او یو موټی افغانستان څخه هم برخمن کیږو.

دغه راز په افغانستان کې د سولې لپاره د روسیې ځانګړي استازی ټینګار کړی؛ که د پرمختګونو نظامي سناریو د سولې له بهیره بریالۍ شي، نو په افغانستان کې به پراخه جګړه پیل شي او دوه یا درې لکه داعش ترهګریز سازمانونه به سر راپورته کړي.

ضمیر کابلوف دا هم وايي، چې طالبان سیاسي هوکړه لیک ته ژمن دي.

مسکو په هرصورت ، پدې باور دی، چې طالبان د لویو ښارونو په ساتلو کې پاتې راغلي.

کابلوف وایي: تر دې دمه طالبان ندي توانیدلي په ولایتونو کې لوی اداري مرکزونه ونیسي.

دا په داسې حال کې ده، چې ولسمشر غني د طالبانو پر وړاندې افغان ځواکونه جګړې ته هڅولي او ډاډ ورکوي، چې طالبان د سولې نیت او اراده نلري.

تازه خبرونه

د قطر سفیر په کابل کې د اسلامي امارت له چارواکو سره وکتل

Published

on

(Last Updated On: سلواغه ۱۷, ۱۴۰۱)

د یکشنبې پر ورځ د اسلامي امارت یو شمېر استازیو په کابل کې د قطر د بهرنیو چارو د وزیر له ځانګړي استازي مطلق بن ماجد القحطاني او مل پلاوي سره وکتل.

د قطر استازي د اسلامي امارت د بهرنیو چارو له وزیر امیر خان متقي، کورنیو چارو وزیر سراج الدین حقاني؛ د پوهنې وزیر حبیب الله اغا او د استخباراتو عمومي رییس عبدالحق وثیق سره د افغانستان په اړه خبرې وکړې.

د اسلامي امارت د چارواکو د څرګندونو له مخې؛ دواړو لوریو د قطر خيريه بنسټ پر هڅو، سياسي همکاريو، د اړيکو پر پياوړتياوو او بشري مرستو هر اړخیزې خبرې کړې دي.

د قطر د بهرنیو چارو وزارت لخوا په خپره شوې خبرپاڼه کې راغلي؛ القحطاني د افغانستان پر مهمو پرمختګونو په ځانګړي توګه د سیاست، اقتصاد، پراختیا او پوهنې په برخو کې خبرې وکړې.

نوموړي د قطر پر دریځ ټینګار څرګند کړ او د افغانانو له ټولو حقونو په ځانګړي توګه د زده‌کړو او د نجونو د حقونو د ترلاسه کولو او د ښځو د کار کولو له حق او درناوي خپل ملاتړ بیا وړاندې کړ.

په خبرپاڼه کې راغلي، چې هغه په افغانستان کې د امنیت او ثبات د ټینګښت پر هراړخیزې ملاتړ او د سیاسي اجماع د رامنځته کولو لپاره د اسانتیاوو پر رامنځته کولو هم ټینګار څرګند کړ.

Continue Reading

تازه خبرونه

د احمدشاه بابا له نړیوال هوايي ډګره نړیوالې الوتنې پیل شوې

Published

on

(Last Updated On: سلواغه ۱۷, ۱۴۰۱)

د احمدشاه بابا نړیوال هوایي ډګر  رییس حافظ عصمت الله څرګنده کړې؛ له کام ایر هوایي شرکت سره مو په ګډه د الوتنو د ترسره کولو هڅي کړي او نن رسماً د کندهار او دوبۍ ترمنځ دوه اړخیز پرازونه پيل شول.

د کندهار زون د کام ایر هوايي شرکت مسوول مولوي نورعلي حیدري ویلي: د کندهار سوداګريزو اړتیاوو اړ کړو، چي د کندهار او دوبۍ ترمنځ کام ایر هوايي شرکت دوه اړخیز پروازونه پيل کړي.

د نوموړي د څرګندونو له مخې؛ له دې وروسته به له کندهار څخه د شنبې پر ماښام دوبۍ ته او د یکشنبې پر سهار له دوبۍ څخه کندهار ته پروازونه ولرو.  

د يادونې ده، چې په نږدې راتلونکي کې به د کندهار- ډيلي او کندهار- چين ترمنځ دوه اړخيزې الوتنې هم پيل شي.

Continue Reading

تازه خبرونه

اسلامي امارت په افغانستان کې د مرستو رسول له خطر سره مخ کوي – د امریکا استازی

Published

on

(Last Updated On: سلواغه ۱۶, ۱۴۰۱)

د افغانستان لپاره د امریکا ځانګړی استازي ويلي؛ په سویس کې د مرستندویه ټولنو استازیو منلې، چې په بهرنیو ادارو کې د ښځو پر کار بندیز میلیونونه خلکو ته د بشري مرستو رسول ستونزمن کړي دي.

نن یکشنبه د افغانستان لپاره د امریکا ځانګړي استازي تام ویست څرګنده کړې، چې په ژنیو کې یې د ملګرو ملتونو له لوړپوړیو چارواکو، د روغتیا نړیوالې ټولنې (WHO) له چارواکو، د مهاجرت نړیوالې ټولنې او نورو مرستندویه موسسو سره، چې له افغانستان سره د مرستې لپاره کار کوي، وکتل او د دغه هېواد د وضعیت په اړه یې تفصیلي خبرې وکړې.

 تام ویست ټینګار کوي، چې د بشري حقونو وضعیت مخ پر خرابېدو دی؛ کار او زد کړو ته د ښځو او نجونو له لاسرسي باید ملاتړ وشي.

ټام ویست وايي؛ په دې غونډه کې ټولو ومنله چې په نړیوالو ادارو کې د ښځو پر کار بندیز میلیونونو خلکو ته د بشري مرستو رسول ستونزمن کړي دي.

تام ویست وایي: له نېکه مرغه مونږ د روغتیا نړیوالې ټولنې او نورو مرستندویه موسسو له مشرتابه سره، چې ټول په افغانستان کې د خلکو د ژوند پر ژغورلو بوخت دي وکتل. دوی ټول پدې باور دي، چې د طالبانو تګلارې په افغانستان کې میلیونونو اړمنو خلکو ته د بشري مرستو رسول له ګواښ سره مخ کړي دي.

له بلې خوا اسلامي امارت د ویاند مرستیال بلال کریمي ويلي، چې د اسلامي اصولو په رڼا کې کوښښ کوو، چې د هېواد ټولې ستونزې حل شي.هېوادونه د فشار د وسیلې په توګه غیر عادلانه او غیر معقولې پلمې لټوي. د اقتصاد کمزورتیا تازه ستونزه نده، بلکې د تېرو کلونو راپدیخوا دې وضعیت دوام موندلی دی.

دغه را زیاته شوې، چې د افغانستان د اقتصاد د ښه والي لپاره یې بېلا بېلې سرچینې په کار اچولي دي.

د اسلامي امارت لخوا د ښځو پر زده‌کړې او کار له بندیزونو وروسته یو شمېر مرستندویه موسسو په هېواد کې خپل فعالیتونه ودرول، چې له کبله یې میلیونونه خلکو ته د بشري مرستو رسول او وېشل ستونزمن شوي دي.

د یادونې ده، چې له دې مخکې تام ویست پاکستان او جرمني ته تللی و او د افغانستان پر حالاتو یې د دې هېوادونو له چارواکو سره خبرې کړې وې.

Continue Reading

Trending

Copyright © 2022 Ariana News. All rights reserved!