Connect with us

تازه خبرونه

د هرات یوه ورکه شوې ۱۹ کلنه نجلۍ په کندهار کې پیدا شوه

خپور شوی

د

(Last Updated On: مرغومی ۱۸, ۱۴۰۱)

له هرات ولایت څخه ورکه شوې ۱۹ کلنه نجلۍ په کندهار کې پيدا او د امرباالمعروف رياست د مسوولينو له لوري خپلې کورنې ته وسپارل شوه.

د سیمه ییزو مسوولینو د څرګندونو له مخې؛ دغه ۱۹ کلنه قدسيه نومې نجلۍ د تېرې اوونې د شنبې پر ورځ دهرات ولايت په انجيل ولسوالۍ کې له خپل کور او کلي ورکه شوه، چې بیا دا موضوع د هېواد ټولو امنيتي ځواکونو ته ابلاغ شوه. امنيتي ځواکونو او د امربالمعروف رياست مسوولينو او سرتېرو له لوري په کندهار ولايت کې پيدا او بیا هغه خپلې کورنې ته وسپارل شوه .

د کندهار د امربالمعروف رياست مسوولين وايي، چې د اسلامي امارت مجاهدين او مسوولين ټول د هېوادوالو د سر او مال د ساتنې ډاډ ورکوي .

د کندهار د امربالمعروف ریيس شيخ مولوي عبدالرحمن طيبي وایي: ګرانو متدينو مسلمانانو! الحمدالله اسلامي امارت يو داسې پاک او سپېحلې امارت دی، چې د هیچا امانت نه ضايع کيږي. حتا يوه ښځه هم، چې له خپله کوره لادرکه شوې وه او قریبان او دوستان پسې پریشانه ول هم د اسلامي امارت پر هلو ځلو نه یوازې هغه، بلکې قريبان يي هم پيدا شول.

له هرات څخه راغلی د ځانګړو ځواکونو د کشف غړی عبدالباري وايي خوښ دي، چې دا عمليات په بريالي توګه پاي ته ورسېدل او ورکه شوې نجلې بېرته کورنې ته وسپارل شوه.

دی په دې برخه کې د کندهار د امنيتي ځواکونو او امربالمعروف رياست له مسوولينو مننه کوي .

د هرات د ځانګړیو ځواکونو د کشف غړی عبدالباري وایي: لله الحمد د کندهار په ولايت کې د امربالمعروف د مجاهدينو لخوا پيدا شوې او بيا يي مونږ ته خبر راکړ. مونږ يي له قريبانو سره راغلو؛ نو دلته اوس شیخ صاحب مبارک او ټولو مجاهدينو، چې دلې ناست دي دغه ښځه مو قريبانو ته وروسپارله او مونږ د کندهار د امربالمعروف له مجاهدينو څخه ډېر خوشحاله يوو او مننه ترې کوو.

د يادونې وړ ده، چې مخکې هم څو ځله په کندهار کې د بېلابېلو ولايتونو څخه ورک شوي ماشومان او ځوانان د امنيتي ځواکونو او امربالمعروف رياست د مسوولينو پر هڅو پيدا او خپلو کورنيوته سپارل شوي دي .

تازه خبرونه

جاپان د افغانستان له سیلاب ځپلیو سره د بېړنیو مرستو ژمنه وکړه

Published

on

(Last Updated On: غویی ۲۷, ۱۴۰۳)

په افغانستان کې د جاپان سفارت د پنجشنبې پر ورځ په ډاګه کړه، چې د افغانستان د شمال له سیلاب ځپلیو خلکو سره به بېړنۍ مرستې وکړي.

د سفارت د خپرې شوې خبرپاڼې له مخې؛ دا مرستې به د جاپان د نړيوالې همکارۍ ادارې (JICA) له لارې د سره صليب او سرې مياشتې ټولنې (IFRC) او افغاني سرې مياشتې ټولنې (ARCS) پر همکارۍ ترسره شي.

دا مرست خیمې، کمبلې او نور اړین توکي رانغاړي.

په یادې خبرپاڼه کې راغلي؛ جاپان پرېکړه کړې، چې ډېر ژر به د افغانستان د سيلاب ځپلیو خلکو د مرستې لپاره بېړنۍ مرستې وکړي. مونږ تل د افغانستان د خلکو تر څنګ ولاړ یوو.

دغه راز د ملګرو ملتونو د بشري چارو د همغږۍ دفتر (OCHA) ویلي، چې په بغلان، بدخشان او تخار ولایتونو کې د سختو بارانونو او سیلابونو له کبله ۸ زره ۹۷۵ کورونه ویجاړ شوي او یا هم زیانمن شوي دي.

روسیې هم د اړتیا په صورت کې د مرستې ژمنه کړې ده.

دا په داسې حال کې، چې د اسلامي همکاریو ټولنې (OIC) هم له اسلامي هېوادونو او مرستندویه ټولونو غوښتي، چې د افغانستان له سیلاب ځپلیو سره مرسته وکړي.

Continue Reading

تازه خبرونه

د ترکیې سفیر د افغانستان سیلاب ځپلیو ته د ۶۷۰ ټنو مرستې اعلان وکړ

Published

on

(Last Updated On: غویی ۲۷, ۱۴۰۳)

په کابل کې د ترکیې سفیر د اقتصاد وزارت له چارسمبالي سره په کتنه کې څرګنده کړې، چې سبا (جمعه د غویی ۲۸ ) ته به د افغانستان د وروستیو سیلاب ځپلیو لپاره د لومړنیو توکو څه باندې۲۰ ټنه مرسته راولېږدول شي.

د اقتصاد وزارت د خبرپاڼې له مخې؛ جنګ اونال له دین محمد حنیف سره په کتنه کې له ترکیې څخه د ۶۵۰ ټنو نورو بشري مرستو له رالېدولو هم خبر ورکړی، چې په کې خیمې، خوراکي توکي، درمل، جامې او نور توکي شامل دي.

هغه دا ډاډ هم ورکړی، چې افغانستان ته به دا مرستې د اوسپنې‌پټلۍ له لارې د هرات تورغنډۍ بندر ته رادننه شي.

په دې کتنه کې دین محمد حنیف له دغو مرستو څخه د هرکلي تر څنګ ویلي، چې د ترکیې هېواد د تاریخ په اوږدو کې د افغانستان یو ښه دوست او همکار پاتې شوی دی.

Continue Reading

تازه خبرونه

ملګري ملتونه غواړي په افغانستان کې د ځمکو خړبولو لپاره سولري پمپونه ولګوي

Published

on

(Last Updated On: غویی ۲۷, ۱۴۰۳)

د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځه‌ویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.

په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.

عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.

ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.

Continue Reading

Trending

Copyright © 2022 Ariana News. All rights reserved!