د افغانستان فوټسال غوره لیګ څلورم پړاو د پنجشنبې پر ورځ له دوه پر زړه پورې سیالیو سره ولوبېدل؛ ځکه، چې په دیارلسمه لوبه کې  پیروزي پنجشېر میهن لوبډلې ته ۴ پر ۲ د پام وړ ماتې ورکړه او اتحاد لوبډلې څوارلسمه لوبه له نورزاد لوبډلې ۳ پر ۰ وګټله.

د سیالیو مینه‌وال د دې زړه‌راکښونکي فصل د راتلونکو سیالیو د لیدو پر تمه دي.

پېنځلسمې او شپارلسمې دوه نورې لوبې به د جمعې پر ورځ ترسره شي. په پېنځلسمه لوبه کې به  ۱:۳۰ زیتون او امید سره مخ شي او په شپاړلسمه لوبه کې  ۳:۴۵ د غزني دیار سنايي لوبډله له صداقت سره سیالي کوي.

د دې سیالیو مینه‌وال کولی شي ټولې لوبې پر ژوندۍ بڼه له آریانا ټلویزیون  ATN  څخه وګوري.

په افغانستان فوټسال غوره لیګ کې د صداقت اف‌سي لوبډلې د چارشنبې پر ورځ یوولسمه لوبه ظاهر اسد لوبډلې ته ۱۰ پر ۲ زړه‌راکښونکې ماتې ورکړه.

دغه راز په دولسمه لوبه کې د آریا فورج لوبډلې لوبغاړي وتوانېدل، چې د غزني دیارسنايي لوبډلې ته ۴ پر ۲ ماتې ورکړي.

دا سیالۍ د افغانستان فوټبال فډراسیون فوټسال کمیټې په جمنازیم کې ترسره شوې دي.

د دې لیګ په دیارلسمه لوبه کې به سبا (پنجشنبه) د پیروزي پنجشېر او جوانان میهن لوبډلې سره مخامخ شي.

په څوارلسمه لوبه کې به نورزاد فوټسال لوبډله له اتحاد لوبډلې سره مخامخ شي.

د فوټسال مینه‌وال کولی شي په ټول هېواد کې دا سیالۍ پر ژوندۍ او ځانګړې بڼه په آریانا ټلویزیون ATN کې وګوري.