Connect with us

تازه خبرونه

د هېواد د اقتصادي ودې لپاره کان کېندنې ته اړتیا لرو

Published

 on

(Last Updated On: لړم ۸, ۱۴۰۱)

د کانونو او پترولیم وزیر ویلي؛ اسلامي امارت هڅه کوي پانګوال په هېواد کې د ننه د کاني توکو کېندنې، پروسس او ګټې اخیستنې ته وهڅوي او په دې برخه کې پانګوالو ته ځانګړی امتیاز په پام کې نیولی دی.

د کانونو او پتروليم وزارت سرپرست شهاب الدين دلاور، چې کندهار او هلمند ولايتونو ته يي د کانونو د استخراجي شرکتونو له مشرانو سره د کتنې په موخه سفر کړی او وايي؛ په افغانستان کې اوس د بل هر هېواد په پرتله د کانونو د استخراج په برخه کې د پانګونې لپاره زمينه برابره ده.

شهاب الدین دلاور زياتوي؛ په دې اړه ځینې ستونزې په ډېرو پرمختللیو هېوادونو کې هم شته، چې پانګوال بايد هغه په نظر کې ونه نيسي .

د کانونو او پتروليم وزیر شهاب الدين دلاور وایي: دوی هڅه کوي، چې هېوادوالو ته د کار پيدا کولو لپاره په هېواد کې دننه پانګوال د کانونو پروسس ته وهڅوي او په دې برخه کې يي ځانګړي امتيازات هم ورته په پام کې نيولي .

د کانونو او پترليم وزیر شهاب الدين دلاور وایي: مونږ په قرار داد کې هم دا ورته ليکو؛ دلته زموږ څو شرکتونه ناست دي په قرار داد کې يوه ماده دا ورته ليکلې ده، چې تاسې به د کال په دننه دننه داخل کې پروسس پیلوئ، دوه یمه ماده مو دا هم ورته ليکلې؛ که هر چا په داخل د افغانستان کې پروسس پیل کړ، لس سلنه به مونږ دوی ته بیع راټیټوو. که چا پر يولک افغانیو نيولی وي؛ هغه ته به نوي زره کيږي. دا لس زره اتومات مونږ دوی ته راکوزوو، چې چا دلته پروسس پیل کړ. يو ستونزه زمونږ د برښنا ده؛ د برښنا مساله که حل شي ان شاالله؛ نو ټول پروسس او هرڅه به په افغانستان کې کيږي.

د کانونو او پطروليم وزير څرګندوي؛ دوی اوس د کانونو د استخراج په برخه کې د قرارداد کولو پر مهال د استخراجي شرکتونو لپاره مناسبه بیع ټاکي، چې په هغه کې د پانګوال لګښت او ګټه ټول په نظر کې نيول شوي وي.

د کانونو او پتروليم وزیر شهاب الدين دلاور وایي: دوی له مونږه شکايت لري، مونږ له دوی. دا لوړ قیمتونه دوی ورکوي. ما مخکې وويل؛ مونږ اوس يو اقدام کړی، چې مونږ يو قیمت ورته پت کیږدو. که له دې جګ و، هغه لغو دی. دا اوس هم، چې چا وړی دی مثلا: يو چا وړی دی؛ په لس زره ټن هغه بل سړي په پېنځه لس زره ليکلی؛ خو مونږ هلته ليکلي، چې تر لس زره لوړ به نه ورکول کيږي هغه لغوه شوي کیږي.

د يادونې وړ ده، چې مخکې به د کانونو د استخراج په برخه کې تر ټولو لوړ قیمت په پام کې نيول کیده، چې وروسته به د پانګوال لپاره ستونزې راولاړیدې او دکانونو د استخراج د خنډ او ځنډ بسبب به ګرزېدل.

تازه خبرونه

د ځانګړیو ځواکونو لومړۍ دوره د ملي دفاع د وزیر په حضور کې فارغه شوه

Published

on

(Last Updated On: وری ۳, ۱۴۰۲)

د افغانستان اسلامي امارت د ملي دفاع وزارت چارواکو نن (پنجشنبه د وري درېیمه) خبر ورکړ، چې د ملي دفاع وزارت اړوند ځانګړیو ځواکونو قومندانۍ له لومړۍ دورې څخه ۴۸۵ تنه مجاهدین له درې میاشتني عقیدوي، نظامي او مسلکي زده‌کړو وروسته په یو لړ شانداره مراسمو کې فارغ شول.

د فراغت دغه مراسم د ملي دفاع د وزیر مولوي محمد یعقوب مجاهد په شتون کې ترسره شول.

د ملي دفاع وزیر مجاهدینو ته په خطاب کې ویلي: ستاسې دغه ستړیاوې او تکلیفونه د یو لوی مقصد لپاره دي. هغه دا، چې د ګران هېواد پر پاکه خاوره شرعي نظام نافذ کړو او د اسلامي نظام پر وړاندې، چې هرڅوک بغاوت کوي؛ تاسې به یې مقابله کوئ.

محمد یعقوب د خپلو څرګندونو په یوه برخه کې داسې ډاډ څرګند کړ: ولس ته وایم، چې دغه ځانګړي ځواکونه ستاسو د سر، مال او عزت ساتنه کوي او مونږ هېچاته اجازه نه ورکوو، چې ستاسې خوشحالي در څخه واخلي. تر هغې، چې ژوندي یوو د ولس ساتنه به کوو.

دغه راز د ځانګړې قطعې مرستيال مولوي مختار احمد عمري هم له مسوولينو څخه د مننې ترڅنګ ډاډ ورکړ، چې په راتلونکي کې به له دې هم پیاوړی او قوي ځواک د اسلامي نظام او د هېواد د ملي حاکمیت د ساتنې لپاره وروزو.

Continue Reading

تازه خبرونه

افغان او ازبکستاني پلاوي د اړیکو پر پیاوړتیا ټینګار څرګند کړ

Published

on

(Last Updated On: وری ۳, ۱۴۰۲)

کابل ته د ازبکستان هېواد راغلي لوړپوړي پلاوي د اسلامي امارت له چارواکو سره پر اقتصادي او سیاسي وضعیت خبرې کړې دي.

د ریاست‌الوزرا اقتصادي مرستیالۍ دفتر څرګنده کړې، چې ملا عبدالغني برادر له ازبکستانيو چارواکو سره د افغانستان او ازبکستان ترمنځ پر سیاسي، اقتصادي، سوداګریزو، ترانزيتي، اوسپنې  پټلۍ او برښنایي پروژو په اړه هر اړخیزې خبرې کړې دي.

د ریاست الوزرا د اقتصادي مرستیالۍ د دفتر په خبرپاڼه کې راغلي؛ ازبکستان چمتو دی، چې د نړیوالو فورمونو پر مراعاتولو او له پرمختللې تکنالوژۍ کارولو له آمو سیند څخه د اوبو حق اخیستلو او په بشپړ ډول د افغانستان امتیازاتو او حقوقو ته په پاملرنه له اسلامي امارت سره د قوش‌تېپې کانال د بشپړولو په اړه کار وکړي.

ریاست الوزرا اقتصادي مرستیال ملا عبدالغني برادر د ازبکستان هېواد له دې پلاوي سره بیا د افغانستان او ازبکستان ترمنځ د سیاسي، اقتصادي، ترانزیت او اوسپنې پټلۍ په اړه خبرې کړې دي.

ملا برادر په دې ناسته کې ازبک لوري ته ډاډ ورکړ، چې قوشتېپې کانال به د افغانستان او ازبکستان تر منځ دوه اړخیزې اړیکې پیاوړې او دغه دوه ګاونډ هېوادونه به نور هم سره نږدې کړي.

دغه راز په یاده خبرپاڼه کې راغلي؛ د  قوشتېپې کانال به د افغانستان او ازبکستان تر منځ دوه اړخیزې اړیکې پیاوړې او دغه دوه ګاونډ هېوادونه نور هم  نږدې کړي. اسلامي امارت چمتو دی، چې د یوې ګډې هوکړې له لارې دغه حیاتي پروژه سرته ورسوي.

له دې سره بیا یاد ازبکستاني پلاوي د بهرنیو چارو وزارت له سرپرست سره د دواړو هېوادونو ترمنځ په سیاسي، تجارتي، اقتصادي او زراعتي مسایلو خبرې کړي دي.

ازبکستاني پلاوي هم ویلي، چې د نړیوالو فورمونو پر مراعاتولو او له پرمختللې تکنالوژۍ پر کارولو له آمو سیند څخه د اوبو حق اخیستلو او په بشپړ ډول د افغانستان امتیازاتو او حقوقو ته په پاملرنې له اسلامي امارت سره د قوشتېپې کانال د بشپړولو په اړه کار وکړي.

یاد پلاوي د افغانستان د بهرنیو چارو وزارت له سرپرست امیرخان متقي سره هم د افغانستان او ازبکستان ترمنځ د سیاسي او اقتصادي اړیکو پر پیاوړیتا خبرې کړي دي. د بهرنیو چارو وزارت ويلي، چې په دې لیدنه کې د سیاسي او اقتصادي وضعیت ترڅنګ پر کرنه هم خبرې شوې دي.

د سیاسي چار کارپوهانو هم د دواړه هېوادونو اړیکي اړینې بولي.

سیاسي  شنونکی سید مقدم امین وایي: د افغانستان او ازبکستان ترمنځ سیاسي، اقتصادي، امینتي اړیکې او همکاري کولی شي پر دواړو هېوادونو سر بېره د سیمي  پر اقتصاد، امنیت او سیاست هم مثبت اغېز وکړي.

دغه راز ازبکستاني پلاوي تېره ورځ د ملي دفاع وزارت له سرپرست ملا یعقوب مجاهد سره پر سرحدي مسایلو، امنیتي موضوعاتو او د افغانستان او ازبکستان ترمنځ د اړیکو پر پیاوړتیا ټینګار څرګند کړ.

Continue Reading

تازه خبرونه

په فاریاب کې یوې مور د نوي کال څلور ماشومان وزېږول

Published

on

(Last Updated On: وری ۳, ۱۴۰۲)

د فاریاب ولایت سیمه ییزو چارواکو تائید کړې، چې یوې سیمه ییزې میرمنې له روغتیا برخمن څلور ماشومان زېږولي دي.

د فارياب ٢٠ بستريز نسايي ولادي روغتون داکتر ستار سليمي ويلي، مريم نومې مور د فاریاب ولایت د غورماچ ولسوالۍ اوسېدونکې ده، چې د ۱۴۰۴ لمریز لېږدیز کال د وري پر لومړۍ شپه يې خپله کورنۍ له درې هلکانو او يوې نجلۍ برخمنه کړه.

داکترانو ویلي، چې مور او ماشومان یې ټول ښه او له روغتیا برخمن دي.

د تېر کال د وروستۍ میاشتې په وروستیو ورځو کې هم په دغه ولایت کې یوې بلې میرمنې څلور اولادونه زېږولي وه.

Continue Reading

Trending

Copyright © 2022 Ariana News. All rights reserved!