Connect with us

سیمه ییز خبرونه

د يوې تازه نظر پوښتنې پاېله ښيي، چې ۵۲ په سلو كې افغانان خپلې راتلونكې ته هيله من دي

Published

 on

(Last Updated On: لړم ۳, ۱۴۰۱)

دا نظر پوښتنه په روان زېږديز كال كې د اېشيا فونډيشن له خوا تر سره شوې او پايلې يې پرون د چهار شنبې په ورځ ( د لړم ۲۴ ) په كابل كې خپرې شوې. په نظر پوښتنه كې ناامني، اداري فساد او بي كاري په ملي كچه له سترو ننگونو بلل شوي دي.

دا نظر پوښتنه، چې د روان ۲۰۱۲ كال د جون په مياشت كې تر سره شوې، د افغانستان په ۳۴ ولايتونو كې له ۶۲۹۰ كسانو څخه د مركو په ذريعه چمتو شوې ده، چې د ټولو پوښتل شويو ۵۶ په سلو كې نارينه دي.

په دې نظر پوښتنه كې له مركه كوونكو څخه د ملي حالت، امنيت، خبرو او روغې جوړې، اقتصاد، پراختيايي چارو، د خدمتونو د وړاندې كولو، حكومت دارۍ، اداري فساد، په سياست كې د ونډې  اخيستو، عدلي او قضايي نظام  ښځې او ټولنې او معلوماتو ته د لاس رسي په باب پوښتنې شوې دي.

د دې نظر پوښتنې موندنې ښيي، چې ۵۲ په سلو كې مركه كوونكي خپلې راتلونكې ته هيله من دي.

دوى ويلي هېواد يې په سم لوري روان دى.

همدارنگه دوى زياتوي، په پرتليزه توگه  امنيت ښه شوى او د هېواد په ځينو سيمو كې بيا رغاونه شوې نو ځكه دوى خپلې راتلونكې ته هيله من دي، خو څوك، چې خپلې راتلونكې ته نا هيلي دي، د خپلې ناهيلي لامل ناامني بللې ده.

په افغانستان كې د اېشيا فونډېشن مرستيال عبدالله احمدزي په وېنا ډېرو مركه كوونكو  د سولې او پخلاېنې له بهير ملاتړ كړى، يو اتيا په سلو كې پوښتل شويو له وسله والو مخالفينو سره د دولت د خبرو اترو او پخلاېنې له پروگرام ملاتړ كړى او ټاكنې يې د خپل راتلونكي مشر د ټاكلو لپاره تر ټولو ښه او غوره لار بللې ده.

په دې سروې كې  ۵۳ په سلو كې پوښتل شويو په تېر كال كې د كورنيو له هوساېنې او ښونځيو ته پر لاس رسي خوشبيني ښكاره كړې ده، خو اته څلوېښت په سلو كې بيا خپله شخصي او كورني خونديتوب د اندېښنې وړ بللې ده.

دا نظر پوښتنه ښيي، چې پر ملي پوليسو او پوځ د خلكو باور ډېر شوى او ۷۵ په سلو كې د دولت اجراات مثبت بللي دي.

اووه اتيا په سلو كې په يوه خوله دي، چې ښځې او نارينه بايد له كاري فرصتونو څخه په مساوي توگه گټه پورته كړي.

د اېشېا فونډېشن د ۲۰۱۲ كال دا نظر پوښتنه د امريكا د پرمختيا د نړيوالې ادارې، د آستراليا د پرمختيا د نړيوالې ادارې او د بريتانيا د بهرنيو چارو وزارت له خوا تر سره شوي او له ۲۰۰۴ كال را په دېخوا  دا اتمه نظر پوښتنه ده، چې د دې بنسټ له خوا تر سره كېږي.

Advertisement

سیمه ییز خبرونه

په ننګرهار ولايت کې د ليتيم ډبرو د قاچاق پر تور پېنځه کسان ونيول شول

Published

on

(Last Updated On: سلواغه ۲, ۱۴۰۱)

د افغانستان د کانونو او پترولیم وزارت ویلي؛ تېره ورځ (شنبه د سلواغې لومړۍ ) د شاوخوا زر ټنو تخته پت یا لیتیم ډبرو د قاچاق مخه ونیول شوه، چې له نورستان او کونړ ولایتونو څخه ننګرهار ولایت ته قاچاق کېدې.

د افغانستان د کانونو او پټرولیم وزارت ويلي، چې له قاچاق وړونکیو څخه یې ۳۰۰ ټنه لیتیم په رسمي ډول د کانونو او پترولیم وزارت ته سپارلي او شاوخوا ۷۰۰ ټنه یې په کونړ ولایت کې له لاسوهنې لرې وساتل.

دغه وزارت زیاته کړې، چې د دې قضیې په تړاو یو شمېر کورني او بهرني قاچاق کوونکي د کشفي او امنیتي ادارو لخوا نیول شوي هم دي.

د ملي امنيت د اوپراتيفي چارو ریيس داکتر بشير پرون په ننګرهار ولايت کې يوې خبري ناستې ته څرګنده کړې، چې له دغو قيمتي ډبرو څخه شاوخوا درې سوه ټنه په ننګرهار او پاتې نور يې په کونړ کې کشف او ترلاسه شوي دي.

هغه په ​​دې اړه ويلي: مونږ ته معلومه شوه، چې د دغو قيمتي ډبرو د قاچاق پلان شته، چې تړون نلري او په پټه استخراج کېږي. له همدې کبله مو د اصلي عاملينو د نيولو په موخه جلال‌آباد ښار ته د رسېدو چانس ورکړ. پېنځه کسان نيول شوي؛ دوه چینایي قاچاق وړونکي او درې نور افغانان دي، چې د دوی همکاران ول او پېرودل یې ترسره کول.

لیتیم یو نادر فلز دی، چې ډېري وختونه په عصري تیکنالوژیو؛ د سمارت فون بیتریو، برښنایي موټرو، کمپیوټرونو او ډرونونو کې کارول کیږي.

چارواکي زیاتوي، چې د اسلامي امارت د مشرتابه د فرمان له مخې د هېواد د قیمتي ډبرو قاچاق او غیر قانوني لېږد منع شوی دی.

Continue Reading

سوداگري

د تېر پر پرتله د ننګرهار ګمرک عواید ۳۰ سلنه ډېر شوي – چارواکي

Published

on

(Last Updated On: مرغومی ۲۸, ۱۴۰۱)

په  ننګرهارولایت کې د ګمرک او سوداګرۍ ریاست مسوولینو ولس ته د حساب ورکونې په خبرې ناسته څرګنده کړې، چې د تېر پر پرتله يي په عوايدو کې ۳۰ سلنه ډېروالی راغلي دي.

د ننګرهار اطلاعات او فرهنګ ریاست پر نوښت جوړه شوې دوه‌یمه خبري ناسته کې د ګمرک او صنعت او سوداګرۍ ریاست په دې ناسته کې د ننګرهار ګمرک ریيس ولس ته د څرګندونو پر مهال څرګنده کړه؛ د تېر پر پرتله يې اوسني عواید اووه سوه پېنځه اتیا ميلیون افغانیو ته رسېدلي، چې کابو دېرش سلنه لوړ شوي دي.

نوموړي يې لامل د فساد، عوایدو د تېښتې مخنیوی او له پخوا د صادراتو او وارداتو د کچه زیاتوالي بولي.

د ننګرهار ګمرک رییس مولوي عبدالهادي ابرار وايي: عواید يې د تېر پر پرتله دېرش سلنه زیات شوي او د فساد د مخنيوي ترڅنګ يې سوداګرو ته بېلابېلې اسانتیاوې رامنځته کړي دي.

نوموړي همدراز په ګمرک او تورخم کې سوداګرو ته د تېر پر پرتله د اسنتیاوي د رامنځته کیدو خبره هم وکړه او زیاته کړې یې ده، چې د تېر پر څير یو ځل بیا د سوداګرۍ له اړخه د ننګرهار ګمرک لومړي مقام ته ورسوي.

نوموړي زیاته کړې؛ د سردارمحمد داود خان د پلان له مخې به د تورخم ښارګوټی به د ډکې اړوند سیمې ته راولیږدوي او په تورخم کې به هم د سوداګرۍ د پرمختګ لپاره تاسیسات جوړکړي.

د ننګرهار د صنعت او سوداګرۍ رییس مولوي عبدالبصیر پاچا هم د تېر کال پر پرتله د سږني کال په نهو میاشتو کې د عوایدو د دوه برابره زیاتوالي خبره کوي او وایي، چې روان کال کې د سوداګرو ګڼو ستونزو ته رسیدنه شوې ده.

نوموړي زیاته کړې؛ د اسلامي امارت له حاکمیت راوروسته په دې ولایت کې اته نویو کارخونو فعالیت پیل کړی او تردې دمه پنځوس اعشاریه درې میلون و اووه سوه دېرش زره اته سوه افغانۍ راڼه عواید راټول شوي، چې د تېر کال پر پرته د سږني کال عواید يي په نهو میاشتو کې دوه برابره زیات شوي دي.

د صنعت او سوداګرۍ ریاست د څرګندونو له مخې؛ دمګړۍ د دې ولایت په صعنتي ښارګوټي او ښار کې ۳۵۰ وړې او غټي تولیدي کارخونې فعاله دي، چې اته  زره کسان په کې کار کوي. د صنعت او سوداګرۍ ریاست مسوولینو همدراز څرګنده کړې، چې په روان کال کې د ګڼو پانګوالو جوازونه ثبت او راجستر شوي هم دي.

Continue Reading

سیمه ییز خبرونه

په ننګرهار ولایت کې د یوې ۹ کلنې نجلۍ د پلور مخه ونیول شوه

Published

on

(Last Updated On: مرغومی ۲۵, ۱۴۰۱)

د امربالمعرف او نهی عن المنکر وزارت ویاند محمد صادق عاکف څرګنده کړې: پرون شنبه د مرغومي ۲۴ د ننګرهار ولایت په اچین ولسوالۍ کې یوه پلار غوښتل خپله ماشومه لور د قرض په بدل کې وپلوري.

نوموړي ویلي، چې دغه ۹ کلنه نجلۍ د ننګرهار په اچین ولسوالۍ کې پر ۲۲۰ زره پاکستانيو کلدارو پلورل شوې وه او د پور ورکوونکيو پیسې ورکړ شوې دي.

د دغه وزارت د ویاند د څرګندونو له مخې، د دغې نجلۍ نوم فوزیه ده او ټاکل شوې وه، چې دغه نجلۍ پر رحمان ولي نومي د شخصي پور په بدل کې وپلورل شي.

ښاغلی عاکف وايي، څو ورځې وړاندې یو شمېر متعصبو کړیو داسې راپورونه خپاره کړل، چې یو پلار د پور په بدل کې خپله لور پلوري.

د اسلامي امارت مسوولینو د دې قضیې له خبرېدو او د حقایقو له څېړلو او ترلاسه کولو وروسته ځانونه مسوول وبلل؛ معلومه شوه، چې یو شمېر کړۍ د پیسو په ترلاسه کولو سره د اسلامي امارت د بدنامولو هڅې کوي.

د هغه په ​​وينا، د موضوع له روښانه کېدو وروسته د دغه وزارت وزير او مسوولينو دې موضوع ته جدي پاملرنه وکړه او په دې برخه کې يې ښکېل کسان کابل ته وبلل.

صادق عاکف زیاتوي؛ د موضوع د روښانه کېدو لپاره دواړه لوري کابل ته راوغوښتل شول او د امر بالمعروف نهی عن المنکر وزارت له لوري یې قرض ورکړ شو.

نوموړي دا خبرداری هم ورکړ، چې که په راتلونکي کې دا ډول پېښې رامنځته شي؛ د دواړو خواوو پر وړاندې به قانوني چلند ترسره شي.

Continue Reading

Trending

Copyright © 2022 Ariana News. All rights reserved!