د افغانستان اسلامي امارت د ټرا نسپورټ او هوایي چلند وزارت ویلي؛ په نږدې را تلونکي کې به کندهار او کوټې، ننګرهار او پېښو تر منځ د مسافروړونکیو بسونو فعالیت پیل شي.

د ټرا نسپورټ او هوايي  چلند وزارت وا يي  دافغانستان او پاکستان  ترمنځ  به  د مسافر وړو نکو بسونو د فعالیت  لړۍ  په نږ دې راتلونکي  کې پیل شي.

 دوی زیاتوي؛ دا خدمات به د دواړه هېوا دونو مسافرو ته خصوصي  ترا نسپورتي  شرکتونه تر سره کړي.

د ټرانسپورټ او هوايي چلند وزارت ویاند امام الدین احمدي وایي؛ د مسافرو د تګ راتګ لپاره به خدمات پېنځه افغان شرکتونو او پېنځه پاکستانيو شرکتونو لخوا وړاندي شي. مونږ غواړو له نورو ګاونډ هېوادونو سره هم ترانیټي او ټرانسپورتي خدمتونه پراخه کړو.

د افغانستان د خصوصي ټرانسپورټي شرکتونو د ټو لنې غړيو ويلي،  چې افغانستان باید له پاکستان پرته له نورو ګاونډ هېوادونو سره هم  یاد سیسټم  فعال کړي.

د خصوصي ټرانسپورتې شرکتونو ټولني مرستیال محمد نبي افغان وایي: په افغانستان کې د لوړې وړتیا لرونکي ټرانسپورټي شرکتونه شته او په دي برخه کې پوره پانګونه هم شوې ده.

د هېواد ترانسپورتي شرکتو نو مسوولینو  ويلي؛  کولی  شي خپلو مسافرو ته له نړیوال ستندرډ سره سم چوپړ تر سره او له ګاونډ هېوادونو سره د مسافرینو د لېږد په بهیر کې ونډه واخلي.

د خصوصي ټرانسپورټې شرکت مشر محمد نسیم وردګ څرګنده کړې: مونږ هغه معیاري موټر افغانستان ته رالېږدولي، چې په سیمه او ګاونډ هېوادونو کې نشته او مونږ چمتو یوو، چې له ګاونډیانو سره کار وکړو.

د اقتصادي  چارو یوشمېر کار پوهان پدې  باور دي، چې د افغانستان او پاکستان ترمنځ د مسافروړونکیو بسونو تګ راتګ د دواړه هېوادونو ترمنځ اقتصادي  اړیکي هم پرا خې کړي.

د پوهنتون استاد عبادالله درمان وایي: له پاکستان سره د مسافر وړونکیو بسونو فعالیت کولی شي د دواړه هېوادونو ترمنځ اقتصادي اړیکي پراخي او د باور فضا رامنځته کړي.

د ټرانسپورټ وزارت چارواکو ډاډ څرګند کړی؛ هڅې روانې دي، چې له ایران او ازبکستان سره هم نوې ټرانسپورټې او ترا نزیټي تړونونه لاسلیک شي.