Connect with us

تازه خبرونه

د پاکستان یوه مسافر وړونکې الوتکه د استوګنې په سیمه کې راغورزیدلې

Published

 on

(Last Updated On: غبرګولى ۳, ۱۳۹۹)

نن له غرمې وروسته د کراچۍ هوایی ډګر ته نږدې د پاکستان نړیوال هوایی شرکت (پي آی اې) یوه مسافر وړونکې الوتکه راغورزیدلې ده.

د ایربس ای ـ۳۲۰ ډوله الوتکه له لاهور څخه کراچۍ ته الوتکې وه، چې نن د جمعې پر ورځ د غبرګولي ۲ د ماسپښین ۲:۳۰ راوغورزیده.

پاکستانيو رسنیو څرګنده کړې، چې نږدې د ۱۲ کارکوونکیو په ګډون ۹۷ کسان په کې سپاره ول.

دغې پېښې په اړوند سیمه کې د استوګنې ډېر کورونه زیانمن کړي دي.

د پاکستان د چټک غبرګون ځواکونه د پاتې قربانیانو د ژغورنې لپاره سیمې ته رسیدلي دي.

د جي ای او د څرګندونو له مخې؛ تر دې دمه له ۱۵ څخه تر ۲۰ کسان ژغورل شوي؛ اته کسان روغتون ته لیږدیدلي او د یوه ماشوم او یو بل کس مړي ترې راایسل شوي دي.

د راپورونه له مخې، الوتکه د تخنیکي ستوزې له کبله راغورزیدلې ده.

د پاکستان نړیوال هوایی شرکت خاوند او لوړپوړي مارشال ویلي؛ د دې الوتکې پیلوټ په خپله وروستۍ وینا کې د تخنیکي ستونزو راپور ورکړ. پیلوټ ته د ناستې اجازه ورکړشوې وه؛ خو هغه وغوښتل، چې یو ځل بیا راوګرزي. اړینه ده، چې تخنیکي ستوزه به یې لرله او ژر به پرې وپوهیږو.

ویل کیږي، چې په دې پېښه کې نږدې ۸۰ کسان مړه شوي؛ خو د پاکستان نړیوال هوایي شرکت به ډېر ژر بشپړ معلومات په یوه خبري ناسته کې وړاندې کړي.

تازه خبرونه

د یوناما دفتر مشر په کابل کې د تخنیکي او مسلکي زده‌کړو له رییس سره وکتل

Published

on

(Last Updated On: سلواغه ۱۸, ۱۴۰۱)

په افغانستان کې د ملګرو ملتونو د دفتر (یوناما) مشرې د تخنیکي او مسلکي زدهکړو له رییس غلام حیدر شهامت سره په کتنه کې د ښځو او نجونو پر حرفوي زدهکړو ټینګار څرګند کړ.

په افغانستان کې د ملګرو ملتونو د مرستندویه دفتر یا یوناما مشرې روزا اتونبایوا د اسلامي امارت له مسوولینو سره له لیدنو وروسته دا ځل د تخنیکي او مسلکي زده‌کړو د څانګې له مشر سره وکتل.

روزا اتونبایوا ويلي، حرفوي زده‌کړې د افغانستان د اقتصادي ودې لپاره اړینې دي او باید ښځې او نجونې له اړوند روزنې برخمنې شي.

دغه راز د تخنيکي او مسلکي زده‌کړو رييس ويلي، چې تخنيکي او مسلکي زده‌کړې د بېوزلۍ د له منځه وړلو او د هېواد د اقتصاد د ودې لپاره اغېزمنې دي.

هغه وایي: د تخنيکي او مسلکي زده‌کړو رياست په ټول افغانستان کې ٣٨٣ انستيتيوتونه او عالي لیسې لري، چې په ٢٥٠ ولسواليو کې فعاليت کوي او ٦٨٥٠ کسان لري.

په همدې حال کې یو شمېر کارپوهانو هم ويلي، چې افغانستان د ټولو په ځانګړي توګه ښځو او نجونو ته د کار زمینه برابرولو او پراختیا ته اړتیا لري او ټول نړیوال بنسټونه د افغانستان د پرمختګ لپاره رغنده رول لوبوي.

په دې کتنه کې د ملګرو ملتونو د فرهنګي او علمي سازمان (يونسکو) مشر هم حضور درلود او د هوکړه ليک پر لاسليکولو او د دواړو بنسټونو ترمنځ د ګډې کاري ډلې پر رامنځته کولو يې ټينګار څرګند کړ.

Continue Reading

تازه خبرونه

روسیه په افغانستان کې د خپل سفارت د تړلو کوم پلان نلري – کابلوف

Published

on

(Last Updated On: سلواغه ۱۸, ۱۴۰۱)

د افغانستان لپاره د روسیې استازي د دوشنبې پر ورځ ( د سلواغې ۱۷ ) تاس نیوز ته په ډاګه کړې، چې روسیه په کابل کې د خپل دیپلوماتیک ماموریت د تړلو کوم پلان نلري.

ضمیر کابلوف، چې د ولسمشر پوتین ځانګړی استازی او د روسیې د بهرنیو چارو وزارت د آسیا د دوه‌یمې څانګې مشر دی؛ د یادې سرچینې د دې پوښتنې په ځواب کې، چې آیا روسیه داسې پلانونه لري که نه، ویلي: داسې فکر هم ندی شوی.

له دې مخکې العربیه تلویزیون راپور ورکړی و، چې د یو شمېر عربي او غربي هېوادونو چارواکو پرېکړه کړې، چې د امنیتي دلایلو له مخې په کابل کې خپل سفارتونه وتړي.

Continue Reading

تازه خبرونه

د قطر سفیر په کابل کې د اسلامي امارت له چارواکو سره وکتل

Published

on

(Last Updated On: سلواغه ۱۷, ۱۴۰۱)

د یکشنبې پر ورځ د اسلامي امارت یو شمېر استازیو په کابل کې د قطر د بهرنیو چارو د وزیر له ځانګړي استازي مطلق بن ماجد القحطاني او مل پلاوي سره وکتل.

د قطر استازي د اسلامي امارت د بهرنیو چارو له وزیر امیر خان متقي، کورنیو چارو وزیر سراج الدین حقاني؛ د پوهنې وزیر حبیب الله اغا او د استخباراتو عمومي رییس عبدالحق وثیق سره د افغانستان په اړه خبرې وکړې.

د اسلامي امارت د چارواکو د څرګندونو له مخې؛ دواړو لوریو د قطر خيريه بنسټ پر هڅو، سياسي همکاريو، د اړيکو پر پياوړتياوو او بشري مرستو هر اړخیزې خبرې کړې دي.

د قطر د بهرنیو چارو وزارت لخوا په خپره شوې خبرپاڼه کې راغلي؛ القحطاني د افغانستان پر مهمو پرمختګونو په ځانګړي توګه د سیاست، اقتصاد، پراختیا او پوهنې په برخو کې خبرې وکړې.

نوموړي د قطر پر دریځ ټینګار څرګند کړ او د افغانانو له ټولو حقونو په ځانګړي توګه د زده‌کړو او د نجونو د حقونو د ترلاسه کولو او د ښځو د کار کولو له حق او درناوي خپل ملاتړ بیا وړاندې کړ.

په خبرپاڼه کې راغلي، چې هغه په افغانستان کې د امنیت او ثبات د ټینګښت پر هراړخیزې ملاتړ او د سیاسي اجماع د رامنځته کولو لپاره د اسانتیاوو پر رامنځته کولو هم ټینګار څرګند کړ.

Continue Reading

Trending

Copyright © 2022 Ariana News. All rights reserved!