تازه خبرونه
د پوروړيو ملکیتونه به وپلورل شي – د افغانستان برښنا شرکت

د افغانستان برښنا شرکت څرګنده کړې: که پور ورکوونکي خپل پورونه ادا نکړي، شرکت به اړ شي، چې ملکیتونه یې ضبط او وپلوري.
برښنا شرکت وايي له سیاسیونو او زورواکانو څخه د برښنا د پورونو د ترلاسه کولو میکانیزم یې جوړ کړی او د ریس الوزرا له منظورۍ وروسته عملي کېږي.
د برښنا شرکت مسوولینو ويلي؛ د دوی د ټولو پورونو کچه ۲۶ میلیارد افغانیو ته رسېږي.
د دوی په خبره؛ د برښنا پورونو د راټولولو د کمیتي د کار له پیل راپدیخوا ٣٢٩ کسان، چې سیاسیون او زورواکي هم په کې دي؛ مشخص کړي او ۳۳ یې د خپلو پورونو د ورکړې لپاره چمتووالی ښودلی دی.
د افغانستان برښنا شرکت مسوولینو ويلي؛ په کابل کې ې څه باندې ۶۰۰ میلیون و دوه لکه ۱۴زره افغانۍ پورونه راټولې کړي.
دوی زیاتوي، چې د هېواد په پېنځه لویو زونونو کې، چې صنعتمکارن او زورواکي هم په کې دي؛ تر اوسه ۶۷۵ میلیون افغانۍ پورونه راټول کړي.
د برښنا شرکت ویاند حکمت الله میوندي وایي: مونږ هڅه کوو، چې پر کابل سربېره د افغانستان په نورو ولایتونو کې د پورونو د راټولولو کمیته فعاله کړو، چې وکولی شو هېواد ته د وارېدونکي برښنا پورونه پخپل وخت ادا کړو.
د افغانستان برښنا شرکت مسوولین وايي؛ په راتلونکي ژمي کې هېوادوالو ته د منظمې برښنا رسولو لپاره تدابیر نیول شو او تراوسه پورې د برښنا شرکت کومه نوي تعروفه هم نده وضعه کړې.
د برښنا شرکت د سوداګریز ریاست مرستیال میرویس عطايي وایي: په بېلونو کې بدلونونه راغلي؛ خو په تعروفو کې کوم توپیر ندی راغلي. تعرفي د کټګوريو په بڼه لوړیږي، چې له لګښت سره تړاو لري.
د برښنا شرکت مسوولینو د برښنا له درکه ټولو پوروړیو سیاسیونو او زورواکو ته خبر ورکړی؛ که دوی خپل پورونه ورنکړي اړ دي، چې جایدادونه یې خرڅ او وپلوري.
د برښنا شرکت مسوولینو که څه هم د کوم زورواکي او چارواکي نوم وانخیست؛ خو وایي، چې دوی د پورونو ترلاسه کولو ته پوره لیوالتیا لري.
تازه خبرونه
اوس هم په یو شمېر دولتي ادارو کې چارې ځنډول کیږي – عبدالسلام حنفي

د ریاست الوزرا اداري مرستیال ويلي؛ اوس هم په یو شمېر دولتي ادارو کې چارې چټکې نه تر سره کیږي او خلک پر اوونیو او میاشتو انتظار باسي، چې په دولتي ادارو کې خپل کار پای ته ورسوي.
د اداري اصلاحاتو او ملکي خدمتونو ریاست، شهیدانو او معلولینو وزارت او برښنا شرکت ترمنځ د اداري پړواوونو ساده کولو په موخه تفاهم لیک لاسلیک شو.
په دې غونډه کې د ریاست الوزرا اداري مرستیال ويلي، چې اوس هم په یو شمېر دولتي ادارو کې کاغذ پراني شته او دولتي کارکوونکي د خلکو کارونه په سمه توګه نه ترسره کوي.
عبدالسلام حنفي وايي؛ اسلامي امارت برښنايي حکومتدارۍ ته ژمن دی او هڅه کوي، چې دولتي ادارې سره ونښلوي او کارونه چټک ترسره او د فساد مخه ونیول شي.
د ریاست الوزرا اداري مرستیال دا هم ويلي، چې د بل هر بنسټ پر پرتله د شهیدانو او معلولینو په وزارت کې د پروسې ساده کول اړین دي؛ ځکه زیانمن کسان همدې ادارې ته مراجعه کوي.
د اسلامي امارت دغه لوړپوړي چارواکی وایي، چې د قوشتېپې ملي کانال د دوهیم فاز کار هم پیلیږي؛ ځکه، چې د لومړي فاز کار مخ پر بشپړېدو دی.
عبدالسلام حنفي ویلي، چې اسلامي امارت د خلکو خدمت او د هېواد پرمختګ ته ژمن دی.
دغه راز د اداري اصلاحاتو او ملکي خدمتونو عمومي رییس عبدالحنان عارف الله ویلي: په دولتي ادارو کې د متخصصو او مسلکي کسانو د جذبولو په لټه کې دي او غواړي، چې چارې مسلکي کسانو ته وسپارل شي.
د برشنا شرکت سوداګریز رییس عبدالرحمن رحماني وايي، چې تر اوسه یې له زورواکو څخه ۱۱۸ میلیون افغانۍ پور راټول کړی دی.
ویل کیږي، چې په روان کال کې د شهيدانو لپاره ١٣،٥ ميليارد افغانۍ بودجه ځانګړې شوې ده. د معلولینو او یتیمانو په ډله کې ټول معلولین او د شهیدانو کورنۍ شاملې دي او په دې برخه کې یې هیڅ ډول توپیر نهدی کړی.
تازه خبرونه
په هند کې د افغانستان سفارت رسماً خپل فعالیتونه وځنډول

په هند کې د افغانستان سفارت اعلان کړی، چې د کوربه حکومت د نه ملاتړ له کبله به له یکشنبې ( د تلې ۹ / د اکتوبر لومړۍ) څخه د دغه سفارت فعالیتونه ودرول شي.
یاد سفارت د شنبې پر ورځ په یوه اعلامیه کې څرګنده کړې، چې دوی د افغانستان او خپلو اتباعو د ګټو د خوندي کولو لپاره د اړتیاوو او غوښتنو په پوره کولو کې خپلې نیمګړتیاوې مني، چې لامل یې په هند کې د دیپلوماټیک ملاتړ او په کابل کې د قانوني فعال حکومت نهشتوالی دی.
سربېره پر دې دا سفارت د پرسونل او منابعو کمښت د تړل کیدو لامل بولي.
په هند کې د افغانستان سفارت ویلي، چې افغان وګړیو ته به د قونسلګرۍ عاجل خدمتونه تر هغې روان وي، چې استازیتوب یې کوربه هېواد ته نه وي سپارل شوی.
سفارت هم د دیپلوماتیکو کارکوونکیو تر منځ د شخړو یا داخلي شخړو تورونه رد کړي دي.
د دغه سفارت په اعلاميه کې دا هم راغلي، چې په هند کې د افغانستان د کونسلګرۍ فعاليتونه، چې په خپلواکه توګه ترسره کېږي، د ديپلوماتيک ماموريت له اصولو سره په ټکر کې دي.
تازه خبرونه
افغان میرمنو ته د زدهکړو او کار امکانات برابر کړئ – رینا امیري

د افغانستان د ښځو او بشري حقونو لپاره د امریکا ځانګړې استازې رینا امیري ټینګار کړی، چې نړیواله ټولنه باید د اسلامي امارت د محدودیتونو د مخنیوي لپاره ښځو ته د زدهکړو، تحصیلي بورسونو او کار زمینه برابره کړي.
رینا امیري د شنبې پر ورځ په ایکس چینل کې له خپلو همکارانو او افغان فعالانو سره د تېرې میاشتې د لیدنو په اړه څرګنده کړې، چې ښايي په افغانستان کې د “ویجاړونکي” وضعیت د ښه کولو لپاره لارې چارې توپیر ولري؛ خو هغه کسان، چې د بشري حقونو د خوندیتوب په لټه کې دي باید مدني فضا رامنځته کړي. خبرې اترې او زغم، چې دوی یې هیله لري په افغانستان کې رامنځته او وځلوي.
هغې څرګنده کړې: مونږ باید په ټولیزه توګه طالبانو (اسلامي امارت) ته دا روښانه کړو، چې که څه هم مونږ د ویجاړونکي وضعیت د ښه کولو هڅه کوو؛ خو د روان حالت په ښه کېدو کې به پرمختګ تر هغې رانهشي، چې هغوی د افغانانو حقونو ته درناوی ونهکړي.
نوموړې زیاته کړې: مونږ باید د افغانانو په ځانګړي توګه له ښځو څخه د ملاتړ په برخه کې خپل بیانونه د طالبانو (اسلامي امارت) له افراطي او ظالمانه کړنو سره د مقابلې لپاره د زدهکړو، تحصیلي بورسونو، کار او نورو وسایلو د برابرولو لپاره، چې له زمونږ له غوښتنو سره مطابقت ولري؛ پخپلو سرچینو سمبال کړو.
رینا اميري ويلي، چې د ملګرو ملتونو په عمومي ناسته کې څو لوړپوړې ناستې ترسره شوې، چې يوه يې په افغانستان کې د ښځو د حقونو په اړه د وزيرانو پر کچه غونډه وه.
هغه وایي؛ پیغام مو روښانه دی: که طالبان (اسلامي امارت) د افغانانو حقونو ته درناوی ونهکړي او د ټولنې نیمايي وګړي حذف کړي؛ د نړیوالې ټولنې د یوې برخې کیدو تمه هم نهشي کولی.
دغه راز څرګندوي، چې د ملګرو ملتونو د عمومي ناستې په څنډه کې یې د مسلمانو هېوادونو له استازو سره په کتنه کې هوکړه کړې، چې د طالبانو (اسلامي امارت) ظالمانه تګلارې په ځانګړي توګه د ښځو او نجونو پر وړاندې؛ د افغانستان او نړۍ لپاره ویجاړوونکې او ښې نهدي.
هغې زیاته کړې: مونږ هوکړه وکړه، چې باید د افغانستان د ښځو او نجونو په اړه نړیوال پیوستون وساتو او د دیپلوماتیکو او کوټلو هڅو له لارې په افغانستان کې دننه او بهر له افغان میرمنو او نجونو ملاتړ روان وساتو.
دا په داسې حال کې ده، چې اسلامي امارت د شریعت په چوکاټ کې د ښځو د تعلیم او کار کولو د حقونو په ګډون د بشري حقونو درناوي ته خپله ژمنتیا تل ښکاره کړې ده.
-
روغتيا1 day ago
تېر کال په افغانستان کې دوه زره کسان د زړه د ناروغۍ له کبله مړه شوي
-
لوبی4 days ago
نوین الحق د کرکت له پنځوس اوریزو لوبو ګوښه شو
-
تازه خبرونه4 days ago
د افغانستان د خواړو او درملو ملي ادارې چارسمبالی ایران ته ولاړ
-
تازه خبرونه4 days ago
په نیمروز ګمرک کې د دوه ټنو ایراني پلاستیکي بوجیو د قاچاق مخه ونیول شوه
-
لوبی8 hours ago
اجی جدیجا د نړیوال جام لپاره د افغانستان کرکت ملي لوبډلې د سلاکار روزونکي په توګه وټاکل شو
-
روغتيا6 hours ago
د ۲۰۲۳ کال د نوبل روغتیايي جایزه د کرونا ویروس د دوه واکسین جوړوونکیو پر برخه شوه
-
څار4 days ago
څار: د افغانستان د اوسني امنیتي وضعیت ارزونه
-
تحول4 days ago
تحول: له روزا اتونبایوا سره د افغانستان په چارو کې د امریکا د ځانګړي استازي لیدنه