تازه خبرونه
د پکتیکا زلزله ځبلي د مرستو د وېش له بهیره ناراضه دي

په پکتیکا کې له وروستۍ زلزلې ځپل شوي کسان پر خلکو د مرستو د وېش بهیر ناعادلانه بولي او زیاتوي، چې د راټولو شویو مرستو لږه برخه مستحقو کسانو ته رسېدلې ده.
د پکتیکا ولایت ګيان ولسوالۍ يو شمېر اوسېدونکي، چې شاوخوا درې اوونۍ وړاندې یې د زلزلې له کبله کورونه ويجاړ شوي او د کورنۍ يو شمېر غړي يې له لاسه ورکړي، له دولت څخه غواړي، چې زلزله ځپلیو خلکو ته د مرستو د وېش په بهیر کې روڼتیا رامنځته کړي.
په ګیان ولسوالۍ کې د زیانمنو شویو خلکو لپاره د مرستو د راټولولو د کمپ مسوولین که څه هم د مرستو د وېش په بهیر کې ځینې ستونزې مني؛ خو څرګندوي، چې مرستې باید په سمه توګه تر اړو او زیانمنو کسانو ورسول شي.
که څه هم له زلزلې وروسته د دولت، ملي او نړيوالو مرستندويه موسسو لخوا دغې ولسوالۍ ته ډېرې مرستې رسېدلې؛ خو يو شمېر زيانمن شوي خلک د مرستو د وېش بهير ناعادلانه بولي او وايي، چې د مرستو ډېره لږه برخه خلکو ته وېشل شوې ده.
د دې ولسوالۍ اوسېدونکي له حکومته غواړي، چې د مرستو د وېش بهیر رون کړې.
د ګیان ولسوالۍ اوسېدونکی محمد حسین وايي: دا مرستې هیڅ ګټه نکوي؛ ځکه کله، چې زه یوه کوټه جوړوم، نو پر هرې خونې سل زره افغانۍ لګښت راځي. په دې توګه مونږ پېنځه زره هم ندي ترلاسه کړي او په پېنځه زرو هم هیڅ نکېږي ان د ورځني چای لګښت هم ندی.
د ګیان ولسوالۍ اوسیدونکی عمرخان وايي: زمونږ غږ چا نه دی اورېدلی؛ څو ځله مو مراجعه وکړه، نن هم نغدي مرسته راغله او نوملیکنه یې کوله، خو یوازې هغو کسانو ته ورکول کېږي، چې ملاتړي او واسطه لري. په داسې حال کې، چې زمونږ کورونه له منځه تللي، هېچا مونږ ته پیسې نه دي راکړې.
د ګيان ولسوالۍ يو شمېر نور اوسیونکي وايي، چې په وروستۍ زلزله کې د دې ولسوالۍ خلکو ته د مرګ و ژوبلې تر څنګ ستر مالي زيانونه اوښتي او بايد د کورونو د جوړولو په برخه کې اساسي مرستې وشي.
د ګیان ولسوالۍ د مرستو راټولولو د کمپ مسوولین سید حسن که څه هم زیانمنو ته د مرستو د وېش په برخه کې ځینې ستونزې مني؛ خو وايي، چې مونږ د دې بهیر د شفافیت لپاره د جوماتونو له امامانو او قومي مشرانو څخه همکاري غوښتې ده.
په وروستۍ زلزله کې د پکتيکا په برمل او ګيان ولسواليو کې د استوګنې زرګونه کورونه ويجاړ شوي؛ خو حکومت وايي، هڅه کوي، چې د دغو کورونو د بيارغونې په برخه کې له زيانمنو شويو خلکو سره لومړنۍ مرستې وکړي.
تازه خبرونه
د روسیې سترې محکمې د اسلامي امارت نوم د منع شویو ډلو له نوملړه لرې کړ
د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”

د روسیې سترې محکمې په هېواد کې له ۲۰۰۳ کال راپدېخوا د اسلامي امارت پر فعالیتونو بندیز لګولی و، چې اوس یې نوم د ممنوعه ډلو له نوملړ څخه وویست.
د روسیې د سترې محکمې قاضي اولیګ نیفیدوف په یوه حکم کې اعلان وکړ: “هغه بندیز، چې پخوا د طالبانو (اسلامي امارت) پر فعالیتونو لګول شوی و او د ممنوعه ډلو په فډرالي نوملړ کې راغلي وه، چې اوس وځنډول شو.”
د نوموړي د څرګندونو له مخې، دا پرېکړه سمدلاسه نافذه ده.
د روسیې د ممنوعه ډلو له نوملړ څخه د اسلامي امارت د لرې کولو غوښتنه تېره میاشت د دې هېواد د لوی څارنوال لخوا وړاندې شوه.
د اسلامي امارت ویاند ذبیح الله مجاهد مخکې د روسیې دولتي خبري سرچینې تاس ته ویلي وه، چې دا اقدام به د دواړو هېوادونو ترمنځ د اړیکو په پیاوړتیا کې مرسته وکړي او “زمونږ په نظر خورا ارزښتناک دی.”
له دې مخکې د تېر کال په می میاشت کې د روسیې بهرنیو چارو او عدلیې وزارتونو ولسمشر پوتین ته د منع شویو ډلو له نوملړ څخه د اسلامي امارت د لرې کولو په اړه د وړاندیزونو یو نوملړ وړاندې کړی و. دیادونې دهو چې اسلامي امارت د روسیې له دې پرېکړې هرکلی کړی او څرګندوي، چې دا کار به د اړیکو په پیاوړتیا کې رغنده رول ولوبوي.
تازه خبرونه
د قطر د دولت وزیر له امیر خان متقي سره ټیلیفوني خبرې وکړې

په بهرنیو چارو کې د دولت وزیر محمد بن عبدالعزیز الخلیفي د افغانستان د بهرنیو چارو وزارت له چارسمبالي امیر خان متقي سره ټیلیفوني خبرې وکړې.
د بهرنیو چارو وزارت د عامه اړیکو رییس ضیا احمد تکل په یوه رسنیزه خبرپاڼه کې لیکلي، چې په دې ټیلیفوني خبرو کې د ډیپلوماټیکو اړیکو د ودې، د دواړو هېوادونو ترمنځ د همکارۍ د پراختیا او دوحې ته د امیرخان متقي د راتلونکي سفر په اړه هم خبرې شوې دي.
تازه خبرونه
د افغانستان او پاکستان استازو په اسلام آباد کې پر سوداګرۍ خبرې وکړې
په اسلامآباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.

د صنعت او سوداګرۍ وزارت چارسمبالي(سرپرست) نورالدین عزیزي له خپل پاکستاني سیال سره وکتل او دواړو خواوو د سوداګرۍ، ټرانزیټي همکارۍ، شته ننګونو، ممکنه حل لارو او د دواړو هېوادونو لپاره د نورو مهمو مسایلو په اړه خبرې وکړې.
په اسلامآباد کې د افغانستان سفارت ویلي؛ د دواړو خواوو ترمنځ به بېلابېلې تخنیکي غونډې ترسره شي، چې د شته ننګونو په اړه بشپړ بحث وشي او د دوه اړخیزې سوداګرۍ د ودې لپاره مناسبې حل لارې ولټول شي.
د صنعت او سوداګرۍ وزارت دا هم ویلي، چې په دې ناسته کې د افغانستان او پاکستان ترمنځ د ورورګلوۍ او دوستۍ، متقابلو ګټو او د تاریخي او اوږدمهاله سوداګریزو اړیکو پر ټینګار د اپټا تړون د غځولو، د ټرانزیټ اسانتیاوو او د توکو د قاچاق مخنیوي، پاکستان ته د افغانستان د ډبرو سکرو صادراتو، د تورخم بندر د ۲۴ ساعته فعالیت، د غلام خان بندر له لارې دوه اړخیزه سوداګري، د دواړو حکومتونو د خاورې له لارې د بار وړونکو موټرو د لېږد، بانکي تضمین او د بندرونو د تنظیم لپاره د جامع میکانیزم د تنظیم په اړه بحثونه او خبرې وشوې.
-
تازه خبرونه3 days ago
اروپايي ټولنې د کډوالو د ایستلو لپاره د خوندي هېوادونو نوملړ اعلان کړ
-
سیمه ییز خبرونه3 days ago
ټرمپ د ایران پر اټومي تاسیساتو د اسرائیلو د پلان شوي برید مخه ونیوله
-
تازه خبرونه3 days ago
اسلامآباد له بل څه ناراضه دی خو له افغان کډوالو غچ اخلي – مولانا فضل الرحمن
-
تازه خبرونه4 days ago
د پاکستان ځانګړی استازی کابل ته راغی
-
سیمه ییز خبرونه4 days ago
د بل اړخ په اړه ډېر خوشبین نهیم – آیتالله خامنهیي
-
لوبی3 days ago
له ۱۹ کلنو ټیټ عمره ملي لوبډلې اماراتو ته ماتې ورکړه
-
سیمه ییز خبرونه5 days ago
د افغانستان لپاره د متحده عربي اماراتو ځانګړي استازي له خپل پاکستاني سیال سره وکتل
-
نړۍ5 days ago
که ایران د اټومي وسلو د لرلو له خوب تېر نشي له سخت غبرګون سره به مخ شي – ډونالډ ټرمپ