نړۍ
د پېښور په جومات کې د چاودنې د قربانیانو شمېر ۸۷ کسانو ته ورسېد
رویترز راپور ورکړی، چې د پېښور په یوه جومات کې له ځانمرګه بریده د مړو شمېره ۸۷ ته لوړه شوې ده.
دا برید د پېښور ښار په شمال لویدیځه سیمه کې رامنځته شوی، چې د پولیسو او ترهګرۍ ضد څانګو دفترونه یې له نږدې څاري.
د رویترز د څرګندونو له مخې، بریدګر هغه وخت ځانته چاودنه ورکړه، چې په سلګونو لمونځ کوونکي د ماسپښین د لمانځه د ادا کولو لپاره ودرېدل.
په دې برید کې ډېرو پولیسو ته مرګ و ژوبله اوښتې ده.
د روغتون مشر محمد عاصم ویلي، ۸۷ کسان وژل شوي او د ۵۷ ټپیانو درملنه روانه ده، چې د ۷ کسانو روغتیايي حالت د اندېښنې وړ دی.
د پېښې پړه تر دې دمه چا پر غاړه نده اخيستې.
تحریک طالبان پاکستان (TTP) د دغې چاودنې مسوولیت رد کړی دی.