Connect with us

نړۍ

د چین ولسمشر به رياض ته په سفر کې د سعودي او عربي هېوادونو له مشرانو سره وګوري

خپور شوی

د

(Last Updated On: ليندۍ ۱۶, ۱۴۰۱)

د چین ولسمشر شي جينپينګ عربي هېوادونو او د چين او خليج همکارۍ شورا په سرمشريزه کې د ګډون لپاره ریاض ته درې ورځنی سفر کړی دي.

چین او سعودي عربستان غواړي، سوداګري زیاته او د سیمه ییز امنیت په اړه خبرې وکړي.

رویترز څرګنده کړې؛ تمه ده، چې د سعودي عربستان ولیعهد شهزاده محمد بن سلمان د چارشنبې پر ورځ د شي جینپینګ له راتګه تود هرکلی وکړ.

په سیمه کې دیپلوماتانو ویلي، چې دا هرکلی د جولای په میاشت کې د امریکا د ولسمشر جو بایدن له هرکلي سره پوره توپیر لري.

د رویترز د څرګندونو له مخې؛ د نړۍ دغه ترټولو لوی د نفتو صادرونکی هېواد به د نړیوال ځواک د نویو واقعیتونو د ځلولو لپاره خپله بهرنۍ پالیسي هم بدله کړي.

د چین ولسمشر ته د هرکلي لپاره سرې غالۍ وغوړول شوې او سربېره پردې د سعودي واکمن به د عربي خلیجي هېوادونو د سرمشریزې لپاره ورته زمینه هم برابره کړي.

امریکا، چې له لسیزو راپدیخوا د سعودي عربستان اصلي امنیتي ضامن او ساتونکی پاتې شوی؛ په خلیج کې د چین د مخ پر ودې ښکېلتیا په اړه اندېښنه ښیي.

د SPA د راپور له مخې؛ چینایي پلاوی به په روانه اوونۍ کې له سعودي عربستان سره د ۳۰ میلیارد دالرو پر ارزښت تړونونه لاسلیک کړي.

چین سعودي عربستان ته په منځني ختیځ کې د خپل مهم متحد په توګه نه یوازې د تېلو د صادراتو له کبله ، بلکې د بشري حقونو په مسله کې په ځانګړي توګه د لویدیځ لاسوهنې ته هم د ګډ شک په توګه وګوري.

د چین بهرنیو چارو وزیر وانګ یی له دې مخکې ویلي وه، چې چین ته سعودي عربستان په ټولیزه او سیمه ییزه دیپلوماتیکه ستراتیژۍ کې لومړیتوب ورکوي.

سره له دې، چې چين په نړيوال سياست کې ښکېل شوی؛ خو له سعودي عربستان سره يې اړيکې په سوداګرۍ کې ټينګې دي.

د تېلو د خرڅلاو ترڅنګ، د سعودي او چین دولتي شرکتونه د تېلو د چاڼ او پیتروشیمۍ په برخو کې ګډ شرکتونه لري او ریاض د بهرنۍ پانګونې په لټه کې دی، چې د موټرو او وسلو په ګډون له بېلابېلو ملي تولیداتو برخمن شي.

په شمال لویدیځ کې د NEOM د ۵۰۰ میلیارد دالرو پر ارزښت د بېخبنایي پروژو د پراختیا لپاره پلانونه کولی شي چینایي ساختماني شرکتونو ته نوي فرصتونه رامنځته او په خلیج کې ډېرې نورې هڅې هم ولري.

نړۍ

امریکا او بریټانیا په یمن کې د حوثيانو پر ضد بریدونه وکړل

Published

on

(Last Updated On: کب ۶, ۱۴۰۲)

د امریکا او بریټانیا ځواکونو د شنبې پر ورځ په یمن کې د حوثيانو پر ۱۸ مرکزونو بریدونه وکړل.

د رویټرز د څرګندونو له مخې؛ امریکا د حوثیانو پر وړاندې نږدې هره ورځ د کښتیو پر نښه کولو له کبله بریدونه کوي. حوثيانو ويلي، چې پر کښتیو بریدونه یې د اسرائیلو تر برید لاندې له فلسطینیانو سره د خواخوږۍ شکارندویي کوي.

تر اوسه دغو عملیاتو د حوثيانو د بریدونو مخه نه‌ده نیولې.

د هغو هېوادونو په ګډه اعلامیه کې، چې یا په دغو عملیاتو کې برخه لري او یا یې ملاتړ کړی ویل شوي؛ د یمن په اته بېلابېلو سیمو کې د حوثيانو د ۱۸ پوستو په ګډون د وسلو او توغندیو سیسټمونه، د ځمکې لاندې تاسیسات، د هوايي دفاع سیسټمونه، رادارونه او یوه چورلکه  ویشتل شوي دي.

د امریکا دفاع وزیر لویډ آسټین ویلي، چې د دې بریدونو موخه د ایران د ملاتړو حوثي ملیشو د ظرفیتونو ګډوډول او کمزوري کول دي.

آسټین زیاته کړې: مونږ به حوثیانو ته روښانه کړو، چې که دوی خپل غیرقانوني بریدونه بند نه‌کړي او د منځني ختیځ اقتصاد، چاپېریال او یمن او نورو هېوادونو ته د بشري مرستو رسولو ته زیان رسول روان وساتي؛ پایلې به یې هم زغمي.

استرالیا، بحرین، کاناډا، ډنمارک، نډرلنډ او نیوزیلنډ د امریکا او بریټانیا له عملیاتو ملاتړ کړی دی.

د یمني حوثيانو المسیره ټلویزیوني شبکې د شنبې پر ورځ تائید کړې، چې د امریکا او بریټانيا ځواکونو د دغه هېواد په پلازمېنه صنعا کې یو لړ بریدونه کړي دي.

د دې اوونۍ په پیل کې حوثيانو د بریټانیا پر کارګو کښتۍ د برید او په یوه امریکایي کښتۍ د بې پیلوټه الوتکې د برید مسوولیت پر غاړه واخیست، چې له بالستیک توغندیو او ډرونونو سره یې د اسرائیلو بندر او ایلات ښار دمه‌ځی پر نښه کړ.

Continue Reading

نړۍ

د چین په ختیځ کې د اور لګیدو ۵۹ کسانو ته مرګ و ژوبله اړولې

Published

on

(Last Updated On: کب ۶, ۱۴۰۲)

چارواکو ویلي، چې د جمعې پر ورځ ( د کب څلورمه) د چین د ختیځ په نانجینګ ښار کې د اور لګیدو په پېښه کې لږ تر لږه ۱۵ کسان مړه شوي او ۴۵ نور ټپیان دي.

چینایي رسنیو څرګنده کړې؛ د لومړنیو څېړنو له مخې اور د شپې ناوخته د یوې ودانۍ په لومړي پوړ کې ولګید، چې په کې برښنایي بایسکیلونه ځای پر ځای شوي وه.

چارواکو ویلي، چې اور پر سیمه‌ییز وخت د سهار پر ۶ بجو مړ شو؛ خو د ژغورنې او لټون عملیات د ماسپښین تر دوه بجو روان ول.

نانجینګ ښار د شانګهای له ښاره څه نا څه ۲۶۰ کیلو مټره شمال ختیځ لوري ته پروت دی او په کې څه باندې ۸ میلیون وګړي استوګن دي.

په ټولنیزو شبکو کې خپاره شوي انځورونه ښیي، چې له یوې لوړې ودانۍ څخه نیمه شپه لوګي لمبې پورته کیږي او امبلانسونه هم ودانۍ ته نږدې لیدل کیږي.

مسوولانو ویلي؛ په اور کې ۴۴ کسان ټپي دي، چې د درملنې لپاره روغتونونو ته رسول شوي.

په روغتون کې ډاکټرانو ویلي، چې یو ټپي شوي کس ډېر سوځیدلی دی.

د ۲۰۲۳ کال په لومړیو کې هم د بیجینګ په یوه روغتون کې د اورلګېدنې له کبله ۲۹ کسان مړه او لسګونه نور ټپیان شول، چې د دغه هېواد د چارواکو د پراخو نیوکو لامل شو.

ویل کیږي، چې د دې ودانۍ په تلخونه کې پټاکۍ ساتل کېدې او د اورلګېدنې لامل هم د هغو چاودنه ده.

Continue Reading

نړۍ

امريکا د اوکراين د جګړې او نوالني د وژنې له کبله پر روسيې سلګونه بنديزونه ولګول

Published

on

(Last Updated On: کب ۵, ۱۴۰۲)

امریکا جمعې پر ورځ پر روسیې پراخ بندیزونه ولګول، چې له ۵۰۰ حخه ډېر افراد او بنسټونه رانغاړي.

رویټرز راپور ورکړی، چې دا بندیزونه د اوکراین پر خاوره د روسیې د پوځي برید د دوه‌یم کال او د روسیې د حکومت ضد مخالف الکسي نوالني د وژنې له کبله لګول شوي دي.

د امریکا ولسمشر جو بایډن ویلي؛ له دې کړنې یې موخه داده، چې د روسیې د فډراسیون ولسمشر ولادیمیر پوتین به د بهرني یرغل او کورني مخالفت د ځپلیو له کبله ډېر نور څه هم له لاسه ورکړي.

ولسمشر بایډن وایي: دا بندیزونه به هغه کسان، چې د ناولني له زنداني کولو سره تړاو لري او دغه راز د روسیې مالي سکتور، دفاعي صنعتي اډې، د تدارکاتو شبکې او د نړۍ د څو وچو په یو شمېر هېوادونو کې سرغړونکي پر نښه کړي.

په واشنګټن کې د روسیې سفیر اناتولي انتونوف ویلي: ایا واشنګټن له پامه غورځولې، چې بندیزونه مونږ له منځه وړلی نه‌شي؟!

دغه راز د نړۍ اووه سترو اقتصادونو، اروپايي اتحادیې او استرالیا یو ائتلاف اعلان کړی، چې غواړي د روسیې د خامو تېلو د یو بیلر ۶۰ ډالره بیه نوره هم راکمه کړي.

بایډن ویلي، چې پوتین د ۴۷ کلن ناوالني د مړینې مسوول دی، خو د روسیې حکومت په دې پېښه کې لاس لرل رد کړل.

ولسمشر بایډن د پنجشنبې پر ورځ ویلي وه، چې په کالیفورنیا ایالت کې یې د ناولني له کونډې او لور سره په شخصي توګه لیدنه کړې ده.

په سان فرانسیسکو ښار کې د ناولني له میرمنې یولیا او لور داشا ناولني سره له لیدو وروسته بایډن خبریالانو ته وویل، چې د پوتین مخالف “یو باور نه کیدونکی زړور سړی” و.

د ناولني له مړینې وروسته یو شمېر اروپايي حکومتونو روسي ډیپلوماټان احضار کړل او د کریملین د دغه سخت مخالف د مړینې له کبله یې پر هغوی نیوکې وکړې.

 اروپایي ټولنې، بریټانیا او کاناډا هم پر روسیې لو لړ بندیزونه ولګول.

امریکا او متحدینو یې د جګړې له پیل راپدیخوا د روسیې پر وړاندې یو لړ اقدامات پلي کړي، چې په کې د مالي شتمنیو بندول، د پرمختللي تخنیکي صادراتو محدودول او د روسیې د تېلو صادراتو د پلور بیې ته د رسمي حد ټاکل شامل دي.

د بهرنیو چارو وزارت ۲۵۰ اشخاص، د سوداګرۍ وزارت ۹۰ شرکتونه او خزانې وزارت نږدې ۳۰۰ کسانو او بنسټونه د بندیزونو په نوملړ کې راوستي دي.

د ۲۰۲۲ ز.کال د فبرورۍ پر ۲۴  وسیې پر اوکراین برید وکړ او له همغې ورځې راپدیخوا د روسیې پر ضد د متحدینو کمپپاین روان دی. امریکا او متحدینو یې بېلابېل بنسټونه تر بندیز لاندې راوستي دي.

په دې جګړه کې زرګونه کسان وژل شوي، دوه اعشاریه دوه ټریلونه صادرات خنډیدلي دي.

Continue Reading

Trending

Copyright © 2022 Ariana News. All rights reserved!