د چین مشهور سیاحتي تاپو هاینان د دوشنبې پر ورځ ډېرې سیمې وتړلې؛ ځکه، چې په تېرو دوه کلونو کې د خورا لږ پېښو له ثبتولو وروسته اوس د تر ټولو بدې کرونایي ناروغۍ سره مبارزه کوي.

نشنل راپور ورکړی، چې د یکشنبې له ورځې د سیلانیانو د هاینان تاپو د سانیا په ښار  شاوخوا ۲۵۰۰۰ سیلانیان بند پاتې دي.

د سویلي چین د تاپو په دې ښار کې، چې تېر کال یې د کرونا ویروس یوازې دوه پېښې ثبت کړې وې؛ په روانه میاشت میاشت کې یې پر کرونا ویروس اخته له ۱۴۰۰ څخه ډېرې مثبتې پېښې راپور کړې دي.

که څه هم دا د نړیوالو معیارونو له مخې ډېرې ندي؛ خو دا شمېر په ۲۰۱۹ کې له ووهان ولایته د خپرې شوې کرونان له شمېره د هېواد پر کچه ترټولو سترشمېر دی.

د دولتي رسنیو د راپورونو له مخې، د هایکو ولایت مرکز له شاوخوا ۲.۹ میلیون اوسیدونکیو سره او دوه کوچنيو ښارګوټيو؛ لیدونګ او چینګمای د دوشنبې پر ورځ خپل اوسیدونکي په کورونو کې بند کړل.

د یکشنبې تر ورځې پورې د چین دې تاپو له نښو نښانو سره ۲۳۱۲۶۶  پېښې د ځایي ناروغانو او نړیوالو مسافرانو په ګډون ثبت کړې.

د سپینې ماڼۍ داکترانو د شنبې پر ورځ (د زمري پېنځلسمه) څرګنده کړې، چې د امریکا د ولسمشر جوبایدن د کرونا ویروس د کتنې پایله له څو ورځو راپدیخوا مثبته وه او اوس منفي شوې ده.

د رویترز په ډاګه کړې؛ داکتر کوین اوکانر په یوه لیک کې ویلي، چې بایدن به تر هغې قرنطین وي، چې د دوه یم کتنه یې هم منفي شوې نه وي.

د امریکا د ۷۹ کلن ولسمشر، چې د جولای پر ۲۱ یې د کووید – ۱۹ کتنه مثبته ښودل شوې وه؛ له دوه اوونیز قرنطین وروسته یې د بلې کتنې پایله د جولای پر ۳۰ بیا مثبته شوه.

داکتر کوین اوکانر وایي، چې دا “بیا راګرزېدل” د ناروغانو په خورا لږ سلنه کې یوه نادره پېښه ده، چې د کرونا ضد پکسلووید اخلي.

په بریتانیا کې د لندن کینګ کالج څانګوالو او متخصصینو په خپلو څېړنو کې درې بڼې لرونکې اوږدمهاله کرونا له بېلابېلو نښو سره وپېژندله.

بریتانوي کارپوهانو ویلي: داسې ښکاري، چې درې بڼې لرونکې اوږدمهاله کرونا هره یوه خپله نښه لري.

د لندن کینګ کالج د څانګوالو د څرګندونو له مخې، لومړۍ ډله ناروغان عصبي نښې لکه سړیا، د ذهني ستړیا احساس او د سر درد تجربه کړې. دا ناروغي په هغو خلکو کې لیدل شوې، چې د الفا او دلتا پر بڼو اخته شوي وه.

دوه یمه ډله له تنفسي ستونزو سره مخ وي، چې د سینې درد او ساه لنډۍ کولی شي سږي زیانمن کړي. دا نښې د ناروغۍ د لومړۍ څپې د بهیر په اخته شويو خلکو کې لیدل شوې دي.

درېیمه ډله له بېلابېلو نښو سره مخ دي. د زړه درزا، د عضلاتو درد او د پوستکي او ویښتو له بدلونو سره مخ کیږي.

څانګوالو زیاته کړې: په ټولو فشارونو او بڼو  کې د نښو درې ټولګې لیدل شوې دي.