تازه خبرونه
د کابل ښار د هوایي ډګر پر لوري یو شمېر توغندي توغول شوي

یوه امریکايي چارواکي رویټرز ته ویلي؛ نن سهار د کابل پر نړیوال هوایي ډګر شاوخوا ۵ توغندي توغول شوي؛ خو د توغندیو د دفاعي سیستم له خوا شنډ او خنثی شوي دي.
دغه چارواکي د نوم د نه ښودلو پر شرط څرګنده کړې، چې توغندي د دوشنبې پر سهار د کابل پروخت توغول شوي دي؛ دا روښانه نده، چې ټول توغندي د دفاعي سیستم له خوا شنډ شوي او کنه.
سرچینې ویلي، چې د لومړنيو راپورونو له مخې امریکایانو تر دې دمه ځاني او مالي زیانونه په ګوته کړي ندي؛ خو دا معلومات ممکن بدلون ومومي.
د رویټرز د څرګندونو له مخې؛ امریکایي هوایي ځواک د یکشنبې پر ورځ د کابل د ۱۵ حوزې په اړوند سیمه کې د خپلې څارګرې الوتکې پر مټ یو موټربم له داعشي ځانمرګي بریدګر سره وویشت، چې غوښتل یې پر هوایي ډګر برید وکړي.
دا اندېښنه مخ پر ډېرېدو ده، چې د داعش خراسان ډله به پر کابل هوایي ډګر نور بریدونه هم وکړي؛ ځکه، چې امریکایي سرتېري د اګست تر ۳۱ پورې د پاتې امریکایي وګړیو او تر خطر لاندې افغان همکارانو د ایستلو هڅې ګړندي کړې دي.
امریکایان له تېرو څو ورځو راپدیخوا خبرداری ورکوي، چې داعش جنګیالي غواړي پرهوایي ډګر توغندي وتوغوي؛ خو امریکا د دغو توغندیو د خنثی کولو تجربه په عراق کې تر لاسه کړې او د توغندیو دفاعي سیسټمونه یې لګولي دي.
رویټرز راپور ورکړی، چې د امریکا د مرکزي قومندانۍ قومندان مککنزي تېره اوونۍ ویلي: مونږ پوهیږو، چې د داعش خراسان ډله پر کابل هوایي ډګر د توغندیو د توغولو هڅه شوني کول غواړي.
هغه زیاته کړې؛ دمګړۍ یې مونږ پروړاندې خورا ښه او پیاوړی دفاعي سیسټم لرو.
ویل کیږي، چې دغه توغندي د ۱۵ امنیتي حوزې د خیرخانې د لب جر له اړوند سیمې د یوه موټر پر مټ د کابل هوايي ډګر پر لوري توغول شوي، چې د یو شمېر څرګندونو له مخې ځینې یې د استوګنې په کورونو او کوڅو کې لګېدلي؛ خو په کابل هوایي ډګر کې د رادارو سیستم یو توغندی خنثی کړی دی.
تر دې دمه د مرګ و ژوبلې په اړه څه ندي ویل شوي.
تازه خبرونه
له افغانستان څخه د امریکا پر مشرۍ د ځواکونو پر بې نظمه وتلو پښېمانه نه یم – لوید آستین

د امریکا دفاع وزیر لوید آستین د ولسي جرګې د وسلهوالو خدماتو کمیتې ته د څرګندونو پر مهال ویلي؛ له افغانستان څخه د امریکایي ځواکونو د بې نظمه وتلو پر څرنګوالي هیڅ پښیمانه نه دی.
د چارشنبې پر ورځ جمهوري غوښتونکیو د ولسي جرګې د وسلهوالو خدماتو کمیتې د ناستې پرمهال د پنټاګون د ۲۰۲۴ مالي کال د بودجې بیاکتنه هم وکړه.
د یادې ناستې پر مهال آستین ویلي؛ زه د [ولسمشر بایدن] د پرېکړې ملاتړ کوم او هیڅ پښېمانه نه یم.
جمهوري غوښتونکیو وکیلانو هم له افغانستان څخه د امریکا د ملکي یا نظامي مشرانو د بې مسوولیته وتلو پر څرنګوالی نیوکه وکړه.
د هغې پوښتنې په ځواب کې، چې آیا د پنتاګون په قومندانۍ کې داسې څوک شته، چې په افغانستان کې د ۲۰ کلنې جګړې د ناکامۍ مسؤلیت ومني؛ آستین وویل: تر هغې، چې زه پوهیږم، نه!
لوید آستین له لوی درستیزانو جنرال مارک میلي سره له راڅرګندېدو وروسته وویل، چې د جګړې په بهیر کې د امریکایي سرتېرو پر ستر کار او قربانیو ویاړي.
د چهارشنبې د ورځې دغه شاهدي په داسې حال کې تر سره شوه، چې د امریکا د ولسي جرګې د بهرنیو اړیکو کمیتې مشر مایکل مک کال د امریکایي ځواکونو د بې مسوولیته وتلو په اړه څېړنې ترسره کوي.
مک کاول په وار وار له بهرنیو چارو وزارت څخه د ۲۰۲۱ ز. کال په اګست کې د وتلو اړوند مسلو په اړه د اسنادو غوښتنه کړې وه؛ خو بهرنیو چارو وزارت د اسنادو په چمتو کولو کې پاتې راغی او مک کاول د دوشنبې پر ورځ د احضاریې حکم صادر کړ.
تازه خبرونه
د افغانستان په اووه ولایتونو کې ۶۴۵ کورنۍ سیلابونو ځپلي دي- اوچا

د ملګرو ملتونو د بشري چارو د همغږۍ دفتر (OCHA) څرګنده کړې؛ د افغانستان په اووه ولایتونو کې سختو بارانونو او سېلابونو شاوخوا ۶۴۵ کورنۍ زیانمنې کړې دي.
د ملګرو ملتونو د بشري چارو د همغږۍ دفتر (اوچا ) ویلي؛ مرستندویه ادارې د اغیزمنو سیمو ارزونه کوي او له اړتیاوو سره سم مرستې چمتو کوي، خو محدوده بودجه د مرستو رسولو د کچې وړتیاوې محدودوي.
د مهاجرت نړیوالې ټولنې په بلخ ولایت کې د وروستیو سیلابونو له کبله له ۵۰۰ څخه زیاتو زیانمنو شویو کورنیو سره نغدي مرسته کړې ده.
د بلخ ولایت د شولګرې ولسوالۍ یو شمېر زیانمن شوي کسان د مرستو له کموالي اندېښمن دي او وايي، چې ډېرو مرستو ته اړتیا لري.
د بلخ ولايت د شولګرې ولسوالۍ استوګن سلطان علي وايي: که زارع ولسوالۍ پوره مرسته ونه رسیږي؛ نو په راتلونکي کې به د خلکو لپاره ناوړه پايلې رامنځته شي.
د دې ولسوالۍ يو بل اوسیدونکي قادر خان ويلي: سېلاب مو څاه ګانې له خټو ډکې کړې؛ مونږ پاکې اوبه نهلرو.
له طبیعي پېښو سره د مبارزې وزارت ټینګار کوي، چې دوی په بېلابېلو ولایتونو کې له سېلاب ځپلیو سره یو څه مرستې کړې؛ خو ډېرو نورو مرستو ته اړتیا لیدل کیږي.
د دغه وزارت د څرګندونو له مخې؛ د ١٤٠٢ لمریز لېږدیز کال له پيل راپدیخوا د هېواد په ٢٣ ولايتونو کې د سېلابونو او زلزلو له کبله ١٠ کسان مړه شوي، ٧٦ نور ټپيان دي، ١٧٧٩ د استوګنې کورونه ويجاړ شوي او ٢٢ زره جريبه کرنيزه ځمکه سېلابونو وړې ده.
تازه خبرونه
د ملګرو ملتونو امنیت شورا غړیو په افغانستان کې پر ملکي وګړیو د برید غندنه وکړه

د ملګرو ملتونو د امنیت شورا غړیو په ډاګه کړې؛ د کابل ښار د ملک اصغر په څلور لاري کې پرونی ځانمرګي برید وحشیانه نومولی او د هغه غندنه یې وکړه.
د دغې شورا په اعلاميه کې راغلي، چې ترهګري په هر نوم او بڼه، چې وي؛ په افغانستان او نړۍ کې د سولې او امنيت پر وړاندې تر ټولو جدي ګواښ دى.
د دې شورا غړیو څرګنده کړې؛ هر ډول ترهګریز عمل، له انګیزې پرته، په هر ځای، هر وخت او د هر چا له خوا، چې وي جنایت دی.
د دې شورا غړیو د دغه ډول بریدونو د عاملینو د محاکمې غوښتنه هم کړې ده.
د دې شورا په اعلاميه کې راغلي: د امنيت شورا د ملکي افغانانو پر وړاندې دغه تروريستي عمل په کلکه غندي.
د کابل ښار د ملک اصغر په څلور لاري کې پرون ځانمرګي برید شپږ ملکي وګړي ووژل او ګڼ نور یې ټپیان کړل.
د داعش خراسانۍ ډلې د دغه برید مسوولیت منلی دی.
-
روغتيا3 days ago
په افغانستان کې یو ناروغ له دایمي معلولیته وژغورل شو
-
تازه خبرونه5 days ago
بي بي سي پارسي رادیو له ۸۲ کلونو خپرونو وروسته بندیږي
-
تازه خبرونه5 days ago
د اسلامي امارت پلاوي د تاجکستان په خاروغ کې د افغانستان له قونسلګرۍ لیدنه وکړه
-
لوبی13 hours ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
تازه خبرونه2 days ago
افغان بیسیم د کونړ په چغان کې 3G خدمتونه فعال کړل
-
تازه خبرونه4 days ago
د داعش یو مهم غړی په کابل کې ووژل شو – د استخباراتو ریاست
-
تازه خبرونه3 days ago
جاپان له افغانستان سره څه باندې ۲۱ میلیون دالر مرسته وکړه
-
لوبی4 days ago
د ټولو سترګې د افغانستان د دوهیمې شل آووریزې لوبې بریا ته اوړي