د‌ يادې سيالي پچه پاکستان لوبډلې وګټله او لومړی يې د توپ وهنې پرېکړه وکړه او وتوانېدله، چې د ۶ لوبغاړیو پر سوځېدو خپلې سيالې افغان لوبډلې ته ۱۳۱ منډې هدف جوړ کړي.

د افغانستان لپاره فضل الحق فاروقي ۲, راشد خان درې، نوين الحق او کريم جنت یوه ـ یوه ويکته ترلاسه کړه.

دغه راز افغان لوبډلې د رحمن الله ګربز پر ۴۴ منډو وکولی شول، چې په وروستي آوور کې ياد هدف ته ځان ورسوي او دغه ستره بريا ترلاسه او افغانستان د یادې لوبې ګټونکی شي.

د یادې لوبې غوره لوبغاړی فضل الحق فاروقي ونومول شو، چې په څلور آوورونو کې یې ۱۹ منډې جوړې او دوه لوبغاړي یې وسوځول.

د افغانستان د کرېکت په تاریخ کې دا لومړی ځل دی، چې پاکستان ته یې په یوه نړیواله لړۍ کې ماتې ورکړه.

بايد يادونه‌ وشي، چې دغه لوبې د‌ افغانستان پر کوربتوب، د اماراتو په شارجه لوبغالي کې ترسره کېږي، چې په پيل کې افغان لوبډلې د یادو سیالیو لومړۍ او دويمه لوبه وګټله او د دوشنبې پر ورځ به وروستۍ لوبه ترسره شي.

د افغانستان لپاره د پاکستان ځانګړي استازي محمد صادق د چارشنبې پر ورځ تویت کړی؛ له نږدې درې کلن خدمت وروسته له خپلې دندې ګوښه شو.

هغه زياته کړې؛ له دې وروسته غواړي د کورنۍ، کتابونو، کرنې او چاپېريال اړوند شخصي چارو راوڅرخي.

هغه په یوه لړ تویتونو کې په ډاګه کړې: له نږدې درې کاله خدمت کولو وروسته، ما له حکومت څخه غوښتنه وکړه، چې غواړم نور پر شخصي چارو، کورنۍ، کتابونو او کرنېز چاپېریال راوڅرخم.

صادق څرګنده کړې؛ هغه د لومړي وزیر او نورو ټولو همکارانو څخه د دوی د ځانګړي استازي په توګه له ملاتړ مننه کړې ده.

هغه لیکلي: زه د خپلو ډېرو همکارانو د سخت کار ستاینه کوم، چې د پاکستان او افغانستان د اړیکو د ښه کولو لپاره یې اوږد مهاله کار کړی دی.

محمد صادق د ۲۰۲۰ ز. کال د جون په میاشت کې د افغانستان د ځانګړی استازي مقام ته وګومارل شو او د ۲۰۲۰ ز. کال د فبرورۍ پر ۲۹ د دوحې د تړون له لاسلیک وروسته یې د امریکا او اسلامي امارت ترمنځ د سولې د خبرو په بهیر کې له نورو سفیرانو سره له نږدې کار کړی دی.

د روغتیا نړیوالې ټولنې خبرداری ورکړی، چې XBB.1.5  نومی د Omicron کروناویرس نوې خپرېدونکې بڼه کشف شوې ده.

اوسمهال د دې نوې بڼې په اړه ډېر څه پېژندل شوي ندي؛ خو لومړنۍ څېړنې ښیي؛ شونې ده، چې دا نوې بڼه د Omicron کروناویرس د پخوانیو بڼو پر پرتله ډېر ساري او خپرېدونکې وي.

د روغتیا نړیوالې ټولنې د کرونا ویروس تخنیکي مشر ماریا وان کرکوف یوې خبري غونډې ته ویلي؛ مونږ د XBB.1.5  بنې د ودې د غوره والي په اړه اندېښمن یوو.  

ساینس پوهان اوس هم نه پوهیږي، چې آیا دا نوې بڼه د ډېرې سختې ناروغۍ لامل کیږي یا به د اوږدمهاله کرونا جدي پایلې ولري.

څېړونکي د XBB.1.5 پر وړاندې د واکسینونو څخه د ژغورنې کچه هم څېړي. دوی وايي، چې د دوه اړخیز (mRNA) واکسین د دې نوې بڼې پروړاندې د ژغورنې غوره لار ده.