Connect with us

تازه خبرونه

د کمال خان بند د دوه دروازو د خوشې کېدو له کبله ایران ته اوبه روانې دي

خپور شوی

 په

(Last Updated On: مرغومی ۳۰, ۱۴۰۰)

ایراني رسنیو خبر ورکړی، چې افغان چارواکو د چارشنبې پر ورځ په سیمه کې د ډېر اورښت وروسته د کمال خان بند له دوه دروازو اوبه خوشې کړې دي.

د ایرنا خبري سرچینې د خبر له مخې؛ له دغه بند څخه خوشې شوې اوبه به له راتلونکیو ۴۸ تر ۷۲ ګړیو وروسته د ایران د چاه نیمه جهیلونو ته ورسیږي.

د چاه نیمه څلور جهیلونه د ایران سیستان سیمې ته اوبه رسوي.

د ایران د سیستان او بلوچستان والي جنرل حسین مدثر خیباني ویلي؛ د روانې وچکالۍ له کبله په وروستیو میاشتو کې د سیمې د اوبو زیرمې په سلو کښې ۷۵ کمې شوې دي.

د افغانستان په چارو کښې د ایران د ولسمشر ځانګړي استازي حسن کاظمي قُمی په دې اړه تسنیم خبری آژانس ته ویلي: زه د اسلامي امارت د قدرمنو چارواکو د هغې ژمنې له پوره کولو مننه کوم، چې له کمال خان بند څخه یې د ایران د اسلامی جمهوریت د اوبو حق پریښود.

د کمال خان بند د اوبو خوشې کولو په اړه د افغانستان اسلامي امارت د اوبو او انرژۍ وزارت ویاند د چارشنبې پر ورځ د مرغومي پر ۲۹ / د جنورۍ ۱۹ څرګنده کړې؛ کوم خبرونه، چې له بېګاه راهیسي په ټولنیزو رسنیو کې خپریږي حقیقت نلري؛ وروستیو اورښتونو د کمال خان بند کاسه ډکه کړې وه … د کمال خان بند د سیمو خلکو او بزګرانو په بار بار غوښتنې او عریضې کړي وې؛ د نیمروز ولایت د مقام پر سپارښتنه د اوبو رسولو ریاست د کمال خان بند یوه اندازه اوبه کروند ګرو ته خوشې کړي دي.

د کمال خان بند د نيمروز ولايت له مرکز زرنج ښار څخه ٩٥ کيلومټر لرې د چار برجک په ولسوالۍ کې موقعيت لري.

تازه خبرونه

د سیمې هېوادونو د افغانستان په کورنیو چارو کې پر نه لاسوهنه ټینګار کړی

خپور شوی

په

توسط

(Last Updated On: غبرګولى ۷, ۱۴۰۱)

د سیمې د امنیتي سرمشریزې ۸ غړیو هېوادونو امنیتي سلاکارانو د افغانستان په کورنیو چارو کې د نه لاسوهنې او دوستانه اړیکو د ساتلو ژمنه کړې ده.
دغو سلاکارانو د افغانستان امنیت د سیمې د ټولو هېوادونو په ګټه بللی او څرګندوي، چې د افغانستان په کورنیو چارو کې باید هیڅ راز لاسوهنه ونشي
د تاجکستان د دوه ورځنۍ امنیتي سرمشریزې په وروستۍ اعلامیه کې دا هم ویل شوي، چې ټولې خواوې باید له افغانستان سره خپلې اړیکې روانې وساتي او د یوه ټولګډونه حکومت د جوړولو، روښانه کورني او بهرني سیاست او له ټولو هېوادونو سره د دوستانه اړیکو د پراختیا لپاره کار وکړي.
په تاجکستان کې د امنیتي غونډې د اعلامیې په یوه برخه کې راغلي؛ ټول اړخونه باید له افغانستان سره خپلو اړیکو ته دوام ورکړي او د یوه جامع حکومت د رامنځته کولو، د یوه روښانه کورني او بهرني سیاست او له ټولو هېوادونو په ځانګړې توګه د سیمې له هېوادونو سره د دوستانه اړیکو د پراختیا لپاره کار وکړي.
د اسلامي امارت د ویاند مرستیال بلال کریمي هم ډاډ ورکوي، چې افغانستان له نړۍ سره رغنده تعامل ته تر بل هر وخت ډېر چمتو دی.
سیاسي شنونکي محمد صابر صادقي هم ټینګار کوی، چې د سیمې د هېوادونو نه لاسوهنه به د افغان سولې او ثبات سره پوره مرسته وکړي.
کارپوهان پدې باور دي، چې د سیمې هېوادونه د خپلو ستراتیژیکو ګټو پر بنسټ له نورو هېوادونو سره تعامل کوي او اسلامي امارت ته په کار ده، چې له نړۍ سره په داسې طریقه تعامل وکړي، چې د افغانستان ملي ګټې په کې خوندي کړي.

Continue Reading

تازه خبرونه

په تېرو ۹ میاشتو کې څه باندې ۷۰۰ زره افغان کډوال له ایرانه ایستل شوي

خپور شوی

په

توسط

(Last Updated On: غبرګولى ۷, ۱۴۰۱)

د کډوالو او راستنیدونکیو چارو وزارت د کډوالو او راستنیدونکیو د ستونزو د څېړلو لپاره هرات ته رسېدلی دی.

د کډوالو او راستنیدونکیو چارو وزارت چارسمبالي محمد ارسلا خروټي نن یوې خبري غونډې ته وویل، چې په تېرو ۹ میاشتو کې څه باندې ۷۰۰ زره افغان کډوال له ایران څخه راستانه شوي، چې ډېري یې پر زوره ایستل شوي دي.

د دغه وزارت مرستیال ټینګار کړی، چې په ایران کې له افغان کډوالو سره د ناوړه چلند موضوع څو ځله د ایران له حکومت سره یاده شوې ده.

د مهاجرینو او راستنیدونکیو چارو مرستیال محمد ارسلا خروټی وایي: مونږ د ایران له حکومت سره هم اړیکه ونیوله او د بهرنیو چارو وزارت د ایران سفیر احضار کړ او خپله نارضايتي مو ورته څرګنده کړه. هغه کسان، چې له افغانانو سره پر ناوړه چلند تورن دي، باید محاکمه شي او مجرمین باید مجازات شي.

په دې خبري غونډه کې د امريکا يوې خيريه موسسې هم د کډوالو چارو رياست ته د جامو يوه ستره مرسته وسپارله، چې په پام کې ده د دغو جامو ډېره برخه په ډېرو ولايتونو کې پر اړمنو خلکو ووېشل شي.

د خيريه بنسټ د همغږۍ مسوول فرهاد ساپي ويلي: دوى زيانمن او اړين دي.

نوموړي زیاته کړې، چې دغه لېږد شاوخوا پېنځه میلیون ډالر ارزښت لري؛ نو اړتیا ده، چې د هېواد په ډېرو ولایتونو کې پر ټولو اړمنو کسانو ووېشل شي.

د کډوالو او راستنیدونکیو چارو مرستیال محمد ارسلا خروټي ویلي: مونږ تاسې ته ډاډ درکوو، چې مرسته شوې شتمنۍ به په پوره شفافیت سره مستحقو او اړمنو کسانو ته ورسوو.

دا مرستې په داسې حال کې تر سره کېږي، چې په دې وروستیو کې له ایران څخه د افغانانو د ویستلو لړۍ چټکه شوې او چارواکي وايي، هره ورځ د اسلام کلا له پولې له ۳۰۰۰ ډېر افغانان هرات ته رادننه کیږي.

Continue Reading

تازه خبرونه

اسلامي امارت د واک انحصار نه غواړي – ملا برادر

خپور شوی

په

توسط

(Last Updated On: غبرګولى ۷, ۱۴۰۱)

د لومړي وزیر مرستیال ملا عبدالغني برادر پرون له یو شمېر افغان شیعه عالمانو او مخورو سره په خبرو کې ویلي، چې افغانستان د ټولو افغانانو ګډ کور دی او اسلامي امارت د واک انحصار نغواړي.

ملا عبدالغني برادر زیاته کړې: د افغانستان پرمختګ د دې هېواد د ټولو خلکو ګډ مسوولیت دی او د اسلامي امارت غېږه د ټولو هېوادوالو پر مخ خلاصه ده.

نوموړي همداراز زیاته کړې، چې د خلکو هوساینه او اقتصادي ثبات د اسلامي امارت اړین لومړیتوبونه دي.

سیعه عالمانو او مخورو ویلي، چې تل یې د اسلامي نظام او اسلامي امارت ملاتړ کړی او هغه کړنې او هڅې غندي، چې روان اسلامي نظام کمزوري کوي.

دوی همدارنګه اسلامي امارت په افغانستان کې د میشتو قومونو د یووالي او پیوستون مرکز وباله او څرګندوي: عالمانو تل د شیعه ګانو په سیمو کې د هر ډول بغاوت او ناامنۍ مخه نیولې ده.

دوی دا ټینګار هم وړاندې کړی؛ د بن سند کنفرانس د اشغال، توکمیزو او سیمه ییزو تعصبونو زېږنده و او د دوحې تړون برعکس، د ملتونو ترمنځ د آزادۍ، یووالي او ورورولۍ سند دی.

د لومړي وزیر د مرستیال دفتر ویلي؛ دغه پلاوي له ملا برادر سره په لیکلې بڼه خپل وړاندیزونه شریک کړي دي.

ملا برادر دا هم ویلي، چې د اسلامي امارت دروازې د ټولو افغانانو پر مخ خلاصې دي. مونږ له هر هغه چا هرکلی کوو، چې افغانستان او د افغانستان خلکو ته خدمت کوي.

هغه د خلکو هوساینه او اقتصادي ثبات د حکومت له مهمو پروګرامونو بولي او وایي، چې موخه یې په لنډ مهال کې د اقتصادي وضعیت ښه کول، خلکو ته د کار زمینه برابرول او د هېواد د ملي عوایدو لوړول دي.

Continue Reading

Trending

Copyright © 2022 Ariana News. All rights reserved!